Post: #1
Title: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صور)!!
Author: Tragie Mustafa
Date: 07-03-2010, 03:31 AM
جنس صور...و الله بالكوم....
الا محتاجه لتصغير....ولو قتها تابعونا...خلونا
نشكر سيد الحوش اولا...وناس اريزونا....و(سان) تحديدا.
|
Post: #2
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Tragie Mustafa
Date: 07-03-2010, 03:50 AM
Parent: #1
يا ناس اريزونا الجميلين
شكرا لكم جميعا
فرحنا بمعرفتكم وتمتعنا باخوتكم الحقه وبساطتكم وسودانيتكم المحببه.
شكرا لانكم كنتم هنالك بكل جمالكم تخففون عنا لهيب صحراء بلادكم بشمسها
السودانيه الحارقه....وسمومها الذكرنا بالسودان.
ما اجملكم...واجمل منازلكم وبراحها....ونفوسكم الطيبه....وتواصلكم وتوادكم
يا اخي ابهجوتنا بشكل خرافي.
ايا ترى السر في الحوش؟؟؟ولا في بكري(ههههههه)
فصاحب المنبر الرجل السوداني البسيط بكري ابوبكر متحكر هناك بحوشه الحقيقي
واسرته الرائعه....وبصرف في العضويه باين بكرم(حاتمي) هنالك...فتميزت اريزونا بارتفاع
عدد بوردابها....وتنوع خلفياتهم السياسيه والفكريه...وان كانت لم تتنوع عرقيا
فجنوبي اريزونا غائبين الا (بلوبك)....(الكسلان)صديقي وصديق بشاشا...والمقل بمدخلاته
اما درفاروي اريزونا....ففي خبر كان....خليك من ناس جبال النوبه ولا الانقسنا...ولا الشرق!!
اتمنى من بكري ابوبكر الاغرقنا بكرمه الحاتمي....ان يحرص على التنوع.....فقد تعرفت على كثر
متابعين للمنبر...ولكن لا عضوية لهم....المهم برضو كثير خيره....لانه آثر منبره واضح في ربط
الناس ببعضها البعض....والتأثير في الشارع السياسي السوداني.
فالتحيه لبكري ابوبكر اولا وآخير والتحيه لزوجته الهميمه د.هاله وهي تتحمل آثر هذا المنبر
في حياتهم!...كفايه العزائم الكل يومين في حياتهم بسس وصول او زيارة بعض البورداب!
كامل تضامني معك ايتها العزيزه....(د.هاله) فرغم فرحتك بالناس وحرصك على مشاركة العزيز
بكري باكرام ضيوفكم...الا انني كأمراه وعامله....اعرف فداحة هذه المهمة عليك.
لذا كامل تقديري لكما معا على دعوتكم الكريمه....والآكلات الشهيه السودانيه الرائعه
التي اكرمتمونا بها....مع انه بكري الله (يسامحه حرمنا من الكسره)....لكن كل الاطباق كانت مبالغه
في ورعتها ومذاقها الطيب.ربنا يديم خيركم وودكم ومحبتكم لبعضكم ويغطي عليكم ويهبكم الصحه و العافيه
ونلتقي دوما بهذه المشاعر....الطيبه....ويا سيد الحوش ده ما كسير ثلج....
هذه كلمات من القلب احتجت تستطيرها لكم جميعا.
تخريمه:
ولكن ما تتردد في تطبيق اللائحه
لما حالة طولة اللسان تقوم علي(ههههههههه)!!
واسطتي عاد مدام هاله خم وصر معاي ثاني(هههههه)
وصادقنا الحكومه(وجه غامز)!
النبي يا بكري ومكي نزلوا لينا صور الحوش هنا
لحد ما اصغر المحن العندي دي.
|
Post: #3
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Tragie Mustafa
Date: 07-03-2010, 03:54 AM
Parent: #2
اها يا الاحبه باريزونا سامحوني على شكركم المتاخر فمن رجعته التقول عين
انترنت مفصول بلا سبب واضح.....وجاء عليه (Canada Day)....وبعدها عطلة نهايو الاسبوع
ويبدو...مصر الشركه المهببه دي تحرمني منكم.
اها اليوم شلت كمبيوتوري وهاجرته لصحبتي....عشان القاكم واشكركم....كونوا بخير.
|
Post: #4
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: احمد محمد بشير
Date: 07-03-2010, 04:41 AM
Parent: #3
بخت يا تراجي .... لقيتي واسطة ومن السيدة الاولي للبورد (هههههه)
مشاء الله عليكم يا ناس اريزونا , شفنا صوركم يا تراجي وسيد الحوش
وبورداب البلد الجميل أريزونا في بوست مكي.
شكراً ليكم ,
شرفتونا و مثلتوا السودان بأفضل ما يكون ,
وفقرة التصويت للأنفصال أو الوحدة كانت و إنقسام الضيوف لي مجموعتين كانت معبره وشيقة جداً .
|
Post: #5
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Tragie Mustafa
Date: 07-03-2010, 04:47 AM
Parent: #4
احييييييي انا يا مغستي يا احمد يا اخي
تخيل دي بالذات فاتتني؟؟؟؟
Quote: شكراً ليكم ,
شرفتونا و مثلتوا السودان بأفضل ما يكون ,
وفقرة التصويت للأنفصال أو الوحدة كانت و إنقسام الضيوف لي مجموعتين كانت معبره وشيقة جداً . |
وانا من مشيت عامل لهم ارضي بالوحده...وكنت من اكبر انصارها
مما زهج المنظمين عديل مني(الامريكان) وهم انفصالين على فكره
اها تخيل كنت عيانه على فكره ومتحمله....علبني عديل في اللحظه دي قلت اطلع ارتاح وارجع
وفاتتني اللحظه دي تخيل!!
واتفسح الانفصالين في مجموعتنا المكسينه!!
البحيرك....الممتنعين عن الصتويت ديل!!
بالله ده وقت انلاس تعمل فيها محايده؟؟!! احي انا!!
ما ده النوع البجنن عديل!!
لكن ما تخاف
تحت ...تحت...شغلنا كان مكرب لانه نابع من القلب....وصدقني كسبنا كثيرين للوحده
استنا باقي الصور....بس يصغروها لي!!عشان تشوف رقصة الوحده الجذابه(ههههه)!!
|
Post: #6
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: محمد عبد الماجد الصايم
Date: 07-03-2010, 05:20 AM
Parent: #5
حمد لله على السلامة ياخ!
سريع سريع كــدا؟؟
إن شاء الله لقيتي الأولاد بخير
شايفكـ قاشرة بالأزرق في حوش بكري
|
Post: #7
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Tragie Mustafa
Date: 07-03-2010, 06:57 AM
Parent: #6
الشابه الفائزه بلقب ملكة جمال الجنوب لهذا العام من سكان اريزونا.
سيد الحوش شخصيا(بكري ابوبكر) وصديقي العزيز الذي التقيه وجها لوجه آخير عضو المنبر
(الكسلان).........(بلبك)...صديق بشاشا قبلي....وشخصي(الغير ضعيف طبعا)(ههههههه)!!
رقصة الوحده الجذابه.....وابدعنا فيها انا ورفيقي في الرقص الانفصالي(ههههههه)!
ومن اليمين لليسار....
د.عبد الجبار آدم من كبار الناشطين بقضية دارفور تحديدا و السودان عامة(بفلادلفيا)
والناشط المعروف من جبال النوبه سليمان بخيت....و الناشط النوبي الواشنطوني (خالد جريس)
وشخصي(الغير ضعيف طبعا)(ههههههه)
وعضو المنبر الزميل الجسور و الاديب عبد المنعم ابراهيم الحاج الكسلاوي.
|
Post: #8
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Tragie Mustafa
Date: 07-03-2010, 07:05 AM
Parent: #7
ود الصايم يا عسل
منور البوست يا اخي
وهارد لك للبرازيل شايفه في تحذيرات لك بعدم تشيجع الارجنتين غدا(ههههههه)
قالوا بقيت كج عالمي معقوله بس يا عمك؟؟!!(هههههههههه)!!
Quote: حمد لله على السلامة ياخ!
سريع سريع كــدا؟؟
إن شاء الله لقيتي الأولاد بخير |
الحمد لله يا غالي تشكر على سؤالك.
| Quote: شايفكـ قاشرة بالأزرق في حوش بكري |
الازرق هين..الرداء كيف ما شفته؟؟
ما علمت بوصيتك الا (الكط) غلبني ما قدر ده؟؟!!(ههههههه)
|
Post: #9
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: محمد عبد الماجد الصايم
Date: 07-03-2010, 07:27 AM
Parent: #8
منتظر صورة الردا من قبيل أنا
الحمد لله لقيتي المقاس .. شايفكـ مشترياهو استرتش!
_
إنتو أريزونا دي ما فيها معايير؟
|
Post: #11
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Tragie Mustafa
Date: 07-03-2010, 07:49 AM
Parent: #10
ود الصايم يا فرده
ما قلنا لك ما تحكها قدر ده....
Quote: منتظر صورة الردا من قبيل أنا
الحمد لله لقيتي المقاس .. شايفكـ مشترياهو استرتش!
_
إنتو أريزونا دي ما فيها معايير؟ |
منتظر شنو يا مستهبل انت ما معنها كاحل كل حاجه
قال استريتش قال!!
احنا بتوع استريتش برضو يا متسهبل؟؟!!(هههههههه)
قالين قدرك ولا لحم صدرك اقعد في علبك يا غزال انت(ههههههه)!!
بعدين معايير شنو؟؟؟
المقرر ده انا ما شايلاهو ما شايفني فتحت لكم في البوست المشهور اياهو
وقالوا قلبتوا الهبوبه بصديقتي آمنه مختار معاكم(ههههههه).
الا وحياتك بوست يفوت ال3 صفحات حرم كان بعاين له يلقوا لكم مروه وزمن
من وين؟؟
قال معايير قال!!
يا حبيب الحاله دينق قابضهم بالاكيده ومطلعهم جالية كيزان(ههههه)
الا طلعوا كيزان نورث امريكا ديل رهيبين خلاص!
|
Post: #12
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Zakaria Joseph
Date: 07-03-2010, 08:02 AM
Parent: #11
حمد الله على السلامة تراجى.
اريزونا دى سخنة جد.
But the deal is:
Esa gente tienen la corona mexicana y una bien fria resuelva el problema del calor.
LA CERVEZA SI, EL AGUA NO.
|
Post: #17
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Tragie Mustafa
Date: 07-03-2010, 03:48 PM
Parent: #12
ابو الزيك كيفينك؟؟؟
منور يا اخوي
Quote:
حمد الله على السلامة تراجى.
اريزونا دى سخنة جد.
|
انت ما كندي معانا عشان كده بنشوفها سخنه
غايتو الله يعين ناسها عليها.
بس شتائهم قالوا حلو.....افضل من صقيعنا هنا.
|
Post: #13
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Nasser Mousa
Date: 07-03-2010, 08:08 AM
Parent: #8
حمدلله على السلامة يا ام حازم
وشكلنا انحنا قصرنا معاكم
المهم .... اعزرينا ولكِ العتبى
وكنا على اتم الاستعداد لاستضافتكم بالمركز السوداني الامريكي باريزونا
وحال دون ذلك كثرة البرامج وورش العمل
وعلى العموم تشرفنا بمعرفتِك وحضورك لاريزونا
كما تشرفنا بمعرفة الاخ مكي ابراهيم
والاخ حاتم وكل الشباب ..... وتشكراتنا لسيد الحوش
ودي وتحباتي
ناصر موسى
|
Post: #14
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Tragie Mustafa
Date: 07-03-2010, 12:27 PM
Parent: #13
|
Post: #15
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: مزمل خيرى
Date: 07-03-2010, 12:51 PM
Parent: #14
ماشاء الله طيارة عدييييل بنتنا دى ..
ياتراجى ،، شنو الجماعة شابكنك خالتو تراجى .. خالتو تراجى .!!
اتاريك لسع شباب وحيوية ..
مزمل خيرى عضو المنبر وشلة الشربوت ..
__
ترجمة : طيارة : باللغة المحلية الشبابية تعنى جميلة جداً
|
Post: #16
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: خيرى بخيت خيرى
Date: 07-03-2010, 01:42 PM
Parent: #15
الف حمد الله على سلامة العوده ام حازم
بس النتيجه زيرو
|
Post: #18
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Tragie Mustafa
Date: 07-03-2010, 04:03 PM
Parent: #15
مزمل خيري
سلامات
وتشكر يا غالي.....يا حبيب دي حساده ساي
Quote:
ياتراجى ،، شنو الجماعة شابكنك خالتو تراجى .. خالتو تراجى .!!
اتاريك لسع شباب وحيوية ..
|
يا حبيب ديل ينطبق عليهم المثل البيقول:
(ما طالش العنب قال عليه حامض)!!(ههههههههههه)
|
Post: #19
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: شول اشوانق دينق
Date: 07-03-2010, 04:23 PM
Parent: #18
يا اهلاً وسهلاً بــ
غايتو صور
_______________
اريزونا مالك علي
|
Post: #20
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: خيرى بخيت خيرى
Date: 07-03-2010, 08:40 PM
Parent: #19
زكريا بيقول ليك تديها بيره مكسيكيه
لامن شاف لامن درا
|
Post: #21
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: AMNA MUKHTAR
Date: 07-03-2010, 09:19 PM
Parent: #20
حمد الله على السلامة يا ام الكل..
فاتك جنس بوح واندياح الله يستر ساكت بس .
|
Post: #22
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: Tragie Mustafa
Date: 07-06-2010, 06:28 AM
Parent: #21
اخي الفاضل ناصر موسى
سعدت بمعرفتكم و الله
وعين بس اصابت كمبيوتريوحجبتني عن شكركم بعمق.
البوست ده نزلته من منزل صديقتي وتخيل لليوم لم تحل مشكلة الانترنت عندي.
Quote: حمدلله على السلامة يا ام حازم
وشكلنا انحنا قصرنا معاكم
المهم .... اعذرينا ولكِ العتبى
وكنا على اتم الاستعداد لاستضافتكم بالمركز السوداني الامريكي باريزونا
وحال دون ذلك كثرة البرامج وورش العمل
وعلى العموم تشرفنا بمعرفتِك وحضورك لاريزونا
كما تشرفنا بمعرفة الاخ مكي ابراهيم
والاخ حاتم وكل الشباب ..... وتشكراتنا لسيد الحوش
ودي وتحباتي
ناصر موسى |
الكلام زو شجون....وهموم الوطن كثيره.....ويفترض فعلا نفرض لها حيز
وسعدت بمعرفتكم جميعا واجواء مدينتكم الخاصه ومميزه\ز
طن بخير يا اخي وتحتياتي للمداد و لصغار الذي لم احظى برؤيتهم\ز
عندي صوره لك حلوه الا محفوظه بكمبيوتر آخر تخيل!!
بنزلها لك لاحقا تابعنا بس!
|
Post: #23
Title: Re: ....لابد من اريزونا وان طال السفر...شمس السودان الجديد تشرق من (حوش بكري) الحقيقي(لاتوجد صو
Author: أيمن الطيب
Date: 07-06-2010, 07:35 AM
Parent: #22
سلام يا تراجى..
حمدالله على السلامة وأرجو أن تسفر المجهودات عن فائدة..
تبعات إنفصال شعب عن أصوله وجزء أصيل وعزيز من ترابه
ستكون كارثة بمعنى الكلمة مهما برر لها دعاة الإنفصال,,
_________________________________________
شول يا شول ,, أريزونا شلت عينى  ,,
بقيت تغنى كمان...
مشتاقين ياخ,,
|
|