Post: #1
Title: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: زهير عثمان حمد
Date: 07-02-2010, 09:53 AM
Parent: #0
حسب الدستور و قانون الاجهزة الحكومية والمؤسسات ذات الطابع الخدمي القومي يمنع الدستور أنشاء أو بناء أجسام لنفس الغرض في الولايات أو في المركزبالرغم من أن السيد الوالي كان نقيب للمحامين وقانوني يعلم هذه الحقيقة
لدينا مجموعة من التساؤلات هي
أ- هل هذه بداية تفكيك الجهاز
ب- هذا الجسم الولائي الجديد هل تمت الموافقه عليه من الحزب
ت - ماهي الاعمال المناط بهاأن تقوم علي أساسها هذه المعتمدية
نريد توضيح من جهاز السودانيين العاملين بالخارج
أو من الولاية
هل هذا زمن الفوضي الادارية ؟
|
Post: #3
Title: Re: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: الرفاعي عبدالعاطي حجر
Date: 07-02-2010, 05:11 PM
Parent: #2
هو زمن الفوضى السودانية !!!!
زهير ازيك ؟؟؟
..........................حجر.
|
Post: #4
Title: Re: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: عثمان جلال الدين
Date: 07-02-2010, 05:26 PM
Parent: #1
| Quote: هل هذه بداية تفكيك الجهاز] |
نتمنى ذلك ليكون السفر من المطار مباشرة مثلنا مثل جميع خلق الله..
سبق أن تم افتراع عدد كبير من البوستات لدكتور تهامي وهو عضو في هذا المنبر من عدد من الزملاء الأكارم وتم طرح عدد من المقترحات كلها تهدف لأن يسافر المغترب أو العامل بالخارج من المطار مباشرة.
احتراماتي
|
Post: #5
Title: Re: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: عثمان جلال الدين
Date: 07-02-2010, 05:31 PM
Parent: #4
اقتراح السفر من المطار مباشرة ويكون المرور على الجهاز اختياري بتفعيل الجهاز ومراجعة مهامه لتصب لجذب المغتربين لمراجعتة باريحية بطرح مشاريع استثمارية جماعية وفردية ومشاريع اسكان وتعليم أبناء المغتربين وهكذا للاسهام في استقرار العاملين بالخارج بدل الذلة والمهانة واضاعة الوقت والملا لتستفيد قلة من موظفي الدولة وبعض الذين يمارسون السمسرة في ذلك المكان..
في الخرطوم دي غذا فهمتها تسقط الهدف الاساسي فهي يجب إن قامت أن تكون بنفس الاقليم لتطرح مشاريع لمغتربي الولاية وتستقطبهم للعودة لولاياتهم ..
شديد التقدير..
|
Post: #6
Title: Re: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: عصام دقداق
Date: 07-02-2010, 06:09 PM
Parent: #5
كم جميل ان يكون هنالك اهتمام من حكومة الولاية بكل قضايا المغتربين من ابناء الولاية للتنسيق وتسهيل عودة الطيور المهاجرة و كنت اول المهنئين للسيد الوالي بالثقة الكبيرة من ابناء الولاية وتحدثت عن ضرورة الاهتمام بمغتربي الولاية ووجود جسم يختص ويهتم بقضايا المغتربيين وبكل تاكيد الولاية موعود بتنمية هائلة في عهد السيد فتحي خليل صاحب المواقف المتميزة
|
Post: #7
Title: Re: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: الرفاعي عبدالعاطي حجر
Date: 07-02-2010, 06:15 PM
Parent: #6
دقداق
بالله خليك مع الموضوع ما في زول جاب اجماع ووالي الشمالية جابو التزوير .. وانت سيد العارفين ؟؟؟
يعني هو نفسو كا كان داير الموقع دا تحديداً وقال بعضمة لسانوا ما تقول مصدرك عشان ما ح اقول قال
ما بيعرف شئ عن الولاية ؟؟؟؟؟؟؟؟؟؟؟؟
ناس ما تعرف غير التطبيل يعني رشوك بكم قطعة ارض وساعدوك في السمسمرة بقوا خلاص اجماعيين ؟؟
...............................................................حجر.
|
Post: #8
Title: Re: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: عبد الملك يوسف الملك
Date: 07-03-2010, 03:05 AM
فتحي خليل زميل واستاذ نقابي
عاصرته قليلا في انتخابات النقابة في الدورة الاولى
وكنت من المصوتين ضده
وقمنا بتعبئة نشطة في ذلك الخصوص
لكن مع الزمن ورغم ابتعادي عن السودان في احيان كثيرة وعن عالم النقابات
عرفت افضاله واخلاقه وترفعه عن الدناياواحترامه لزملائه
استطاع ان يتوج على قيادة النقابة لثلاث دورات لتقدير الناس له ولاحترامه للمهنة
الغريب ان ياتي شخص لايدري ولايدري انه لايدري ويلقي الكلام على عواهنه
زمن غريب
اصبح الاكثر خواء الاعلى صوتا
|
Post: #9
Title: Re: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: زهير عثمان حمد
Date: 07-03-2010, 05:06 AM
Parent: #8
الاخ عبد الملك
تحياتي
بالمناسبة ناقل الكفرليس بكافر وبعدين قصة نقابي معروفة لكين بيحترم المهنة دي جديدة لانو في مئات من المحامين الشباب في حالة محزنة جدا والسبب وهي النقابة التي أهملت حقوقهم بل البعض ترك المهنة لاسباب كتيرةلو عايز سد وحقائق قول نحن مع بعض هنا السيد له سجل فنان جدا ممكن تتطلع علي جزء منه
|
Post: #10
Title: Re: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: محمد الكامل عبد الحليم
Date: 07-06-2010, 07:38 AM
Parent: #1
تحية...ايجاد اجهزة موازية ظاهرة افترعها الانقاذيون....دونك الهئيات الاستشارية للوزارات..مقصود بها تسيير امر الوزارات من المنتفذين .التفافا علي دور الوزارات ان كان دورها لا يتسق مع فقه التمكين...اما انشاء جهاز للمغتربين في الولاية الشمالية فلعل المقصود الاستعداد لدولة (الولاية الشمالية المستقلة) او دعنا نكون اكثر تفاؤلا فقد يكون المقصود تعميم الدور الفعال الذي (قام) و(يقوم) به الجهاز لينداح الخير الي ابناء الولاية الشمالية وفي هذه الحالة لن يبخل ابناء الشماليةفي تقديم ما يمكن تقديمه لمشروع الاستاذ فتحي ( القاصد)
|
Post: #11
Title: Re: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: على بدرى حاج
Date: 07-06-2010, 08:35 AM
Parent: #10
نكون شاكرين اذا تم "تفكيك " جهاز المغتربين "المركزى" فى الخرطوم ...وصرف النظر عن انشاْءاى جهاز اخر للمغتربين...لا نريد تمييزا ولا معاملة خاصة اتركونا فى حالنا..مواطنين "وبس"
|
Post: #12
Title: Re: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: الفاتح شلبي
Date: 07-06-2010, 10:24 AM
Parent: #11
يا جماعة أوردوا لينا نص القرار عشان نعرف التفاصيل
غايتو العنوان مغري
|
Post: #13
Title: Re: من قرارت والي الشمالية أنشاء معتمدية للمغتربيين خاصة بالولاية كمان في الخرطوم!
Author: عصام دقداق
Date: 07-09-2010, 00:17 AM
Parent: #12
| Quote: ناس ما تعرف غير التطبيل يعني رشوك بكم قطعة ارض وساعدوك في السمسمرة بقوا خلاص اجماعيين ؟؟ |
امرك غريب وصدقني مناسب ليك مسيلم الكضاب
|
|