يا أخوانا وين بوست الغسيل والمكوة بتاع تيسير عووضة؟!

الحقيقة كلنا كأعضاء هنا محتاجين لغسيل ومكوة مع أرشفة المنبر السابق وفتح المنبر الجديد هذا..نغسل نفوسنا ونكويها من جديد.. ونصحح كتاباتنا الكانت في الفترة الفاتت.. ونجدد نفوسنا.. ونمتضى العالم الاسفيري نحو قيم جيدة ومتطورة. وليست ونسة وتزجية فراغ.. ونشكر الكفار ديل الوفروا لينا هذه التكنولوجيا. التي تقدمت بنا أكثر من الأخلاق التي عند عامتنانحن وخاصتنا..هل لايزالون برضو عندنا كفار وعالم غربي ضال..
ثم نجدد علاقاتنا مع زملائنا هنا في المنبر وزميلاتنا ونعتذر عن اي تصرف بدر منا فسر تفسيراً خطأ. رأي في وقت سابق واحد ظناهو مهاترة.. استحسان لقلم أنثوي وتعليق واحدة ظنتو مشاغلة وريدة. وهو غير ذلك وإنما المحبة الكبيرة الفضفاضةالتي توظف العاطفة المزروعة في الأنثي وشقنا الأنثوي خير توظيف.. كذلك التعامل مع الشق الآخر حيث الخيال الفكري...إعتذار عن تسبب اذى لقارئ وهو غير مشترك في المنبر ولا يستطيع توصيل رأيه هنا...
المهم غسيل ومكوة يا تيسير عووضة..

برضو على قول تيسير عووضه( غسيل ومكوة)
عايزين غسيل ومكوة للبورداب أنفسهم مع هذه الأرشفة وهذه الصفحة الجديدة
خاصة بورداب الأسر دائماً أسرهم تشتكي منهم وتقول( أول ما يجي الواحد من الشغل قبل ما يقلع هدوم الشغل ويشوف احتياجات أسرتو طوالي يجري على الكمبيوتر وسودانيز أون لاين؟؟)
عايزين من البورداب يوازنوا بين المسائل.. وما يخلوا سودانيز أون لاين يكون الضرة التانية؟؟ يعني إذا كان الأسرة عندها برنامج وطلعة وتسوق يبقى الاسرة أولى وإذا كان في غسيل عدة يبقى لغسيل العدة أولوية قبل فتح سودانيز أون لاين؟
..........
بس في بورداب حرامية شديد. يفتحوا ويستمتعوا بسودانيز أون لاين في الشغل ويردوا ويكتبوا من هناك... أول ما يجوا البيت( لامن شاف ولامن دري) ياكلوا ويمشو خشمن، كانو مافي أي حاجة؟خوفاً من.....؟
( الحجة الكتيرة) أو( المعترك في غير معترك)أو...!