بدعة تحويل الجنسية السودانية المريخ نموذجآ

دخل المريخ فى نفق تسجيل الاجانب طمعآ فى مسح الصورة التى ظهر بها فى السنوات الأخيرة و التى جعلته وصيفآ للهلال لست مرات فى خلال السبع سنوات الأخيرة

و حتى يتمكن من ضم أكبر عدد من الأجانب قام بتجنيس بعض اللاعبين و منحهم الجنسية السودانية ليتم تسجيلهم كمواطنين

و قد تحدثنا هنا عن منح الجنسية لكلتشى و هو خارج السودان و تمّ تسجيله كلاعب وطنى و هو لم يستلم حتى جنسيته السودانية

و جاء الآن مهدى من تونس و رغم وصوله فى الصباح الباكر إلا أنه وجد جنسيته فى انتظاره و تمّ تسجيله كمواطن سودانى

و لكنّا سمعنا و تردد فى السر و العلانية بأن جنسية بن مهدى جاءت بعد تحويل جنسية الدافى له يعنى كما قال صلاح ادريس فى عموده اليومى اليوم تحويل رصيد و زاد على ذلك بأنه يخشى أن يأتى يوم تسأل فيه كم رصيدك من الجنسية

و سمعنا و تردد بأن رمزى يحمل الجواز الإسرائيلى فسجلناه لمناصرة القضية الفلسطينية

صحتك يا قريبي، هو في كورة سودانية يزعلوا ليها
حكاية التجنيس ما كان شددا واقف ضدها الف احمر
مالا اتبهلت مرة واحدة، صناع القرار في السودان
مما يظهر البترول بدو يسابقوا الخليجيين على
علي اسوء اشياءهم البعضها ما بتماشى مع ظروفهم
لكن ما بلفق معانا

تصار يا قريبى

أريت حالك زين

كورة الفرق السودانية دى لو جبنا فريق من بلدنا بيهزمهم و المشكلة انه لا اللاعبيين و لا الاداريين ما عاوزين ينضبطوا عشان نأمل فى المستقبل

لكن المشكلة الكبيرة أصبحت فى التجنيس بدون دراسات و كمان جنسية بدل يعنى تجيب محمد احمد و تطلب ليه جنسية و بعد الموافقة تقول ليهم حولوها لى محمد صالح و تصلك الموافقة مستعجلة

كيف نتقدم