جرد حساب لـ 11 قناة فضائية سودانية .... عبر عن رأيك

1- تلفزيون السودان (سياسية) ناطق رسمي باسم المؤتمر الوطني، السياسة العامة .. التضليل

2- الشروق (سياسية) محاولة لتجميل وجه المؤتمر الوطني القبيح... محاولة فاشلة لتأكيد وجهنا العربي

3- النيل الازرق (ترفيهية، ثقافية)اتمنى لو اعرف سبب واحد ليكون لنا قناة مثلها.. لكن قيافه

4- زول (ترفيهية) تحاول لكنها سقطت في المواد الاستهلاكية

5- هارموني (ترفيهية) .......................

6- ساهور (دينية) تابعه للمؤتمر الوطني ... السياسة العامة التضليل

7 - SSTV (منوعة) محتاجة لدعم مالي وتحديث للاجهزة ... استمتع بمشاهدتها، ناطقة باللغتين

8- طيبة (دينية) تابعة للمؤتمر الوطني ... عينهم في الفساد وبدونا دروس في كيفية الوضوء

9- ايبوني ننتظر

10- قون (رياضية) للاسف لم اتابعها

11- الأمل ننتظر


___________________

(2) قناة سياسية، (3) ترفيهية، (1) رياضية، (2) دينية، (2) غير واضح

مفقودات:

1- قناة اقتصادية
2- قناة للتواصل الاجتماعي الكبير (اختفت من معظم القنوات برامج في الماضي كان لوجود الجمهور الكبير
داخل الاستديو يشكل اضافه جميلة) ؟؟؟؟؟؟؟؟
3- قنوات تعليمية مدرسية، تدريبية

ملاحيظ:

1- كلها ناطقة باللغة العربية، حتى الجنوبية (السودان به اكثر من 20 لغة و 300 لهجة)؟؟؟
2- كلها تتحدث بلغة وثقافة الوسط
3- المساحة المتاحة للمسيحيين واصحاب كريم المعتقدات ضيقة وقد تكون معدومة (مخالف للدستور)
4- معظمها one way ، يعني ما بتلقى شخص يعبر عن الراي المعارض ويسكت الزول البدجل قدامك، الا فيما ندر
5- الدراما المصرية والسورية ما زالت تشكل حضور في اهم اوقات البث

ومنكم نستفيد يا زملاء وزميلات، رايكم في بضع كلمات يمكن ان يحدث فرقا


تحياتي

اي دولة في محيطنا العربي او الافريقي لديهم 11 قناة فضائية؟؟

سوى العراق .. حيث كل طائفة عملت لها 3 قنوات وكلها متشابهة، ومصر ومعظمها سينمائية؟؟

أبوحميد أزي الحال
تعليق صغير قد وقد لا يكون برّة الموضوع
الملاحيظة رقم واحد وردت فيها الجزئية التالية

Quote: Quote: (السودان به اكثر من 20 لغة و 300 لهجة)؟؟؟

اللهجات خلّيها أسي , لو عملت جدول من عمودين واحد للغات العشرين و التاني لنسبة عدد السكان المتحدثين بكل لغة
ح تلقى أكتر لغة ما تفوت 5-6 % * من عدد السكان
و بما ان القنوات غير محليةو غير مخصصة لقبيلة أو ولاية أو مدينة معينة شي طبيعي إنها تستهدف اكبر عدد من المشاهدين
و اللغة العربية أغلب السودانيين بفهموها ** فشي طبيعي تكون هي اللغة السائدة في قنوات عايزة تنتشر







__________________________________

* تقدير سليقة ساي لا يعتمد على إحصاءات أو دراسات - ما يجيني واحد يطالبني بالروابط
** يفهموها غير يتحدّثوها - عشان خاطر حُمى الهوية الحايمة في البورد اليومين ديل

فة قناة ثقافية قادمة اسمها امدرمان تابعة لحسين خوجلى فى مرحلة التاسيس

الاخ محمد الخضر بشرى

تحياتي

اولا يا حبيب، دا بوست مفتوح، ما عندي فكرة او ايدلوجية اريد ان امررها من هنا

تمنيت انك ترص القنوات دي وتدينا كلمة كلمتين في حقها، يعنى حاجة كده زي استبيان

ومرحب بتعليقك:

Quote: و اللغة العربية أغلب السودانيين بفهموها ** فشي طبيعي تكون هي اللغة السائدة في قنوات عايزة تنتشر

كلام سليم، وفي مصطلح علمي بصف الحالة دي، ساحاول ان اتي به هنا

Quote: و بما ان القنوات غير محليةو غير مخصصة لقبيلة أو ولاية أو مدينة معينة شي طبيعي إنها تستهدف اكبر عدد من المشاهدين

هل نحن مستعدين لقنوات تتحدث اللغة الزغاوية والبجاوية والنوبية؟؟ اخبار، برامج، دراما ... الخ؟؟؟

وان كانت على نطاق محلي فقط؟؟

اي بمعنى ان تكون هناك قناة في دارفور تتحدث اللغة الفوراوية، وبالمرة تكون فضائية عشان
لو في فوراوي في بورتسودان او دنقلا او مصر او ليبيا يريد ان يتفرج عليها يجد ما يحن اليه

في امريكا هناك قنوات ناطقة بالاسبانية ولا غضاضة، والجالية المتحدثة بالاسبانية نفسها نسبتها قليلة
لا املك احصائيات، لكن هم في حدود التاشر في المية

تحياتي

شكرا لاضافتك يا استاذ مصطفى توفيق

Quote: فة قناة ثقافية قادمة اسمها امدرمان تابعة لحسين خوجلى فى مرحلة التاسيس

الما قادر استوعبها، يعني شنو ثقافية؟؟

تحياتي

Quote: تمنيت انك ترص القنوات دي وتدينا كلمة كلمتين في حقها، يعنى حاجة كده زي استبيان

للأسف يا ابوحميد التلفزيون بصفة عامة ما بتابعو للدرجة الأقدر اشارك في استبيان
تلفزيون السودان الوحيد البتابعو و عشان الدوري الممتاز بس

Quote: هل نحن مستعدين لقنوات تتحدث اللغة الزغاوية والبجاوية والنوبية؟؟ اخبار، برامج، دراما ... الخ؟؟؟ وان كانت على نطاق محلي فقط؟؟ اي بمعنى ان تكون هناك قناة في دارفور تتحدث اللغة الفوراوية، وبالمرة تكون فضائية عشان لو في فوراوي في بورتسودان او دنقلا او مصر او ليبيا يريد ان يتفرج عليها يجد ما يحن اليه

فكرة كويسة يمكن ما تنجح لو كان هدفهاتجاري بحت
لكن لو دُعمت من المجتمع او من الحكومة المحلية الوضع حيختلف

Quote: في امريكا هناك قنوات ناطقة بالاسبانية ولا غضاضة، والجالية المتحدثة بالاسبانية نفسها نسبتها قليلة لا املك احصائيات، لكن هم في حدود التاشر في المية

الهسبانك كنسبة قليلة لكن ديل بالملايين أفتكر
دا غير إنّو الفضائية الناطقة بالأسباني حتخاطب قارة كاملة تقريبا خارج امريكا
قارنهابإحدى اللغات العشرين الأشرت ليها ح تلقى الفرق كبير

Quote: تلفزيون السودان الوحيد البتابعو

الله يعينك ياخي... قلوبنا معكم يا محمد البشرى

Quote: فكرة كويسة يمكن ما تنجح لو كان هدفهاتجاري بحت

المهم هدفها ما يكون بث العنصرية، قومية التوجه محلية اللسان دا الشعار المطلوب

Quote: الهسبانك كنسبة قليلة لكن ديل بالملايين

صحيح، لكن في عرف عالم السياسة، الاقلية هي اقلية، 10% في امريكا تعني 30 مليون
و10% في السودان تعني 4 مليون فقط

لكن هذه حجة غير مقبولة لهضم حقوق الاقليات

نفس التوضيح بتاع اخونا محمد البشرى.

باقليات نقصد ان اللغة المعنية لا يتحدث بها الا الفئة المعينة، امام سيادة اللغة العربية

اول امس كنت اتفرج على sstv وكان هناك تسجيل قديم يبثونه لسلفاكير ايام الحرب، سلفاكير
يتحدث للعساكر باللغة العربية وبجانبة مترجم يترجم لهم بلغتهم المحلية.

take it easy

الاستغربتا ليهو، لييه سلفاكير بتكلم مع عساكره بالعربي وبتكلم معانا بالانجليزي؟؟؟!!!