جمعية مشكيلة ونورى تُكـرم النابغة هناء بالنادى النوبى .. صور

كرمت جمعية مشكيلة ونورى الخيرية بالخرطوم بالتعاون مع رابطة طلاب مشكيلة ونورى بالجامعات والمعاهد ابنة المنطقة النابغة هناء محمد احمد اولى الشهادة السودانية امس بالنادى النوبى بالخرطوم فى ليلة استثنائية جميلة وسط حضور مهيب من كل الكيانات النوبية فى الخرطوم ..
ولابد لى فى البدء وباسم جمعية مشكيلة ونورى الخيرية بان اتقدم بالشكر والعرفان لكل الجهات التى ساهمت بصورة كبيرة فى انجاح هذا الحفل وهم :

بنك السودان المركزى متمثلة فى الاستاذة اسماء خيرى
قناة قوون الرياضية
قناة النيل الازرق
البنك السودانى المصرى
بنك الاستثمار المالى
بنك ااشمال الاسلامى
جريدة الحقيقة
جريدة الصحافة
شركة سابنتود
رئاسة قوات الشرطة
M.T.N للاتصالات
شركة الابراهيمى


نواصل ..

الزفة التى تحركت من منطقة الكلاكلة بواسطة بصات شركة ا م تى أن وتوحيد مكة الى مقر الاحتفال بالنادى النوبى

اريتو يوم شكرك ما يجى يا اخوى ..

واصل يا حبيب ..

وسنتابع معك بالصور ..

Quote: اريتو يوم شكرك ما يجى يا اخوى .. واصل يا حبيب .. وسنتابع معك بالصور ..

شنو ..!! يا الشاذلى
ما ظهرت تانى خالص
ولا ياك زول نضمى ساكت ..!!

ـــــــــــــــــــــــــــــ

الحبيب مزمل ..
تشكر .. وبجيك راجع

الاستاذ فوزى اسماعيل رئيس الجمعية يلقى خطاب الجمعية مرحباً بالضيوف وشاكراً
لكل الجهات التى كرمت هناء وساهمت فى نجاح الاحتفال..

الاستاذ فتحى خليل والى الولاية الشمالية شرف حفل التكريم بدعوة من اللجنة المنظمة واعلن عن تبرع شخصى
للنابغة هناء مبلغ 1000 جنية .

الاستاذ معتصم عبدالرحيم وكيل وزارة التربية شرف الحفل ..

الاستاذ عبدالملك البرير معتمد الخرطوم .

الدكتور الفريق شرطة / عادل العاجب نائب مدير عام قوات الشرطة شرف احتفال الجمعية رغم مشغولياتة
فلة الشُكر اجزلة..

الاستاذ فتحى خليل والى الولاية الشمالية شرف حفل التكريم بدعوة من اللجنة المنظمة واعلن عن تبرع شخصى
للنابغة هناء مبلغ 1000 جنية .


ــــــــــــــــــــــــــــ
ورايك وراي لجنتك المنطم في شهداء نوري شنه؟
مش في اتنين من نوري ماتو
والوالي هو المسءول عمل شنه؟
يا مزمل لا تخلط الامر
وجاينك برواقة

ونشوف اللجنة المنظمة وراي الجنة المنظمة

Re: سوف تشرق شمس النوبة

Quote: ورايك وراي لجنتك المنطم في شهداء نوري شنه؟ مش في اتنين من نوري ماتو والوالي هو المسءول عمل شنه؟ يا مزمل لا تخلط الامر وجاينك برواقة ونشوف اللجنة المنظمة وراي الجنة المنظمة Re: سوف تشرق شمس النوبة

الاخ عبدالخالق
هذا البوست لا علاقة لة بالسياسة اطلاقاً .. ارجو ان لا تكون سبباً فى انحراف البوست عن مسارة
علية ارجو منك شاكراً حذف المداخلة ..
وشكراً

الاخ مزمل خيرى

الف مليار مبروك لبنت الكلاكلات هناء
لشد ما جعلتنا نشعر بالفخر و الاعزاز لاحرازها المركز الاول فى امتحان الشهادة
و انا هنا اخرج بنتنا هناء من دائرة الفبلية الضيقة الى آفاق المنطقة الام و الوطن : الكلاكلة
هناء بنت الكلاكلة بغض النظر عن قبيلتها من اهلنا و احبابناالمحس او حتى لو كانت من اى قبيلة اخرى
يكفى انها و اهلها يتخذون الكلاكلة وطناً لهم بحكم النشأة و التعليم بها

هنيئاً للكلاكلة بنابغتها هناء و بقية ابنائها
و هنيئاً لهناء بامها الرؤوم الكلاكلة.

هناء ويييييييييييييييييي !!!!!
كلاكلة وييييييييييييييييي !!!!!

الاستاذ عصام ميرغنى معتمد حلفا السابق كان ضمن الحضور ..

الاستاذ الطاهر ساتى عضو البورد جاء ممثلاً لصحيفة الحقيقة هى من الصحف التى اهتمت بتناول
امر الاحتفال .. فلهم منا الشًكر والتقدير وشكر خاص للاستاذ قذافى عبدالمنطلب مدير التحرير على
المجهود الذى بذلة ..

منو الاتكلم في السياسة؟؟؟؟
هل قتل ابناء مشكيلة لانهم ساسيون؟
ياخي امرك غريب
مش الوالي البيكرم المتفوقة هو الوالي المسؤؤل من المنطقة
والشهداء ديل مش برضو من المنطقو زي ما المتفوقة من المنطقة؟؟
شنه اليخلي القتل سياسة والتفوق غير سياسة؟؟؟
وانت موقفك شنو من اهلك الماتو في كدنتكار؟؟
مجزرة كجبـار " الأربعاء الأسود في تاريخ النوبة " (فيديوالمجزره )

Quote: منو الاتكلم في السياسة؟؟؟؟ هل قتل ابناء مشكيلة لانهم ساسيون؟ ياخي امرك غريب مش الوالي البيكرم المتفوقة هو الوالي المسؤؤل من المنطقة والشهداء ديل مش برضو من المنطقو زي ما المتفوقة من المنطقة؟؟ شنه اليخلي القتل سياسة والتفوق غير سياسة؟؟؟ وانت موقفك شنو من اهلك الماتو في كدنتكار؟؟

عبدالخالق
كلامى دا ماواضح البوست دى خاص فقط بتكريم هناء والناس الاستشهدوا فى احداث
كجبار اخوانى عديييل بس دا مابيعنى انو ما نحتفل بتفوق بنتنا بعيد عن مواضيع السد ومجزرة كجبار
ارجو انك تحترم رائى فى الحتة دى ..

السيد عبدالمجيد رئيس اتحاد ابناء حلفا السكوت المحس

الف الف مبروك اخي محمد احمد لهذه النابغة التي جسدت معاني المثابرة من ابويها اللذان عملا ليل نهار ليوفرا الراحة والطمأنينة لابنتهما فهي اصلا زهرة اينعت في روضة فالنجاح موجود في هذه الاسرة ولكن نجاح هذه النابعة اصبحت على كل لسان وكم نفتخر عندما يقولون ان اول السودان من منطقتنا فيا لها من عظمة.

ورغم اني لم ار هذه النابغة الا انها تشبه اهل بلادي وبناتهن الحريرات...

مرة اخرى دعوني اربت على كتف اخونا المهندس محمد احمد سلمت سلمت يا صديقنا وللنابعة تمنياتنا لها لمواصلة مشوار الدكتوراه........



ولاهلي في مشكيلة كل الحب والتقدير،،،


كدا نعمل شخيييييييييييييييييت

لكين يا خوي مزمل

اما كان من الاجدر ان تأتوا بصور اهل البلد بدل ناس التلفزيون ديل؟؟؟
وين صور اهلنا في مشكيلا
وين صورة والد النابغة المغترب
لم لم يتم دعوته لحضور هذا الحفل ... ام حضر ولم يصور .....
اين والدة النابغة التي كانت لها الفضل بعد الله في نجاحها..........
اين هم مدرسوا المدرسة التي تتلمذت على ايدهم هذه النابغة...


حقيقة انا زعلت بعد الفرحة بالنجاح

علي يمين مشكيلة هنالك شهيدين وعلى شمالها شهيدين
والصور...............

اشرف مسكاقمى ..

Quote: شنو ..!! يا الشاذلى ما ظهرت تانى خالص ولا ياك زول نضمى ساكت ..!!

عليك الله يا مزمل صاحبى ده رد عليهو بى صورة بالله

الف مبروك يامزمل .. والله حاجة تشرح النفس
وفقكم الله .





ـــ
المبلغ الذي تبرع به الوالي ضعيف جداً ..
ولا يستحق الذكر !

العزيز عمنا زمراوى ..

Quote: اما كان من الاجدر ان تأتوا بصور اهل البلد بدل ناس التلفزيون ديل؟؟؟ وين صور اهلنا في مشكيلا

كلهم موجودين ..

صور كميات خيالية بس صبرك علينا شوية يا حبيب ..

Quote: وين صورة والد النابغة المغترب لم لم يتم دعوته لحضور هذا الحفل ... ام حضر ولم يصور .....

الباشمهندس للاسف لم يستطيع الحضور ..
لمشاغل فى السعودية .. حيث ان هناك مشاريع تحت التسليم ..
مجرسنا بالبكاء
حضر مباشرة الى الحفل ..
ود خالتنا عماد الدين محجوب ..
ده القدرنا نمرقو من السعودية

Quote: اين والدة النابغة التي كانت لها الفضل بعد الله في نجاحها.......... اين هم مدرسوا المدرسة التي تتلمذت على ايدهم هذه النابغة...

كلهم حضور ..

بس اصبر شوية وسترى مايسرك بالك يا مولاى ..

اشكرك يا عزيز لمشاعرك الرقيقة ..

حقيقى اشكرك ..

الاحباب المارين بجيكم واحد واحد والصور لسع كتيييرة اصبروا بس ..

المحتفى بها فى المنصة الرئيسة برفقة اسرتها ..

ابناء جمعية فريق المحس بالخرطوم كرموا النابغة هناء بدرع التفوق ..

جمعية ابناء كجبار بالخرطوم كرموا هناء بشهادة تقديرية ..

شركة سابنتود أهدت هناء جهاز حاسوب محمول ..

شركة ام تى ان للاتصالات ايضا اهدت هناء جهاز حاسوب محمول بالاضافة الى شريحة خط باسمها وعدد 5 خطوط لاسرتها
لهم منا جزيـل الشكر ..

لابد لنا ان نشد على يد هذا المربى والذى كان لة الفضل بعد الله سبحانة وتعالى على تفوق هناء
وهو الاستاذ نادر عطا صاحب ومؤسس مدارس نادر عطا بالكلاكلة..
والذى كرم الابنة هناء بعربة جديدة فى الاحتفال الذى اقامتة المدرسة منذ ايام ..
وكان والله اكثر الناس فرحاُ بتفوق ابنتة هناء ..

ننحى لك تقديرا يااستاذ نادر

فرقة بوهين كرمت هناء بوشاح التفوق .. فلهم الشكر

الاستاذ فوزى اسماعيل رئيس الجمعية يكرم والدة هناء الاستاذة رحمة التى سهرت الليالى لتوفير المناخ
المناسب لابنتها بدرع بالاضافة الى مبلغ 8000 جنية تحفيزاً لهناء ..

الاستاذ معتصم عبدالرحيم وكيل وزارة التربية يكرم هناء

جمعية مشكيلة كرمت اسرة مدرسة نادر عطا بشهادة تقديرية

الفرقة النوبية شاركتنا الافراح دون اى مقابل مادى .. لهم الشكر

ايضاً الفنان الجميل جعفر السقيد ابت نفسة الا ان يشاركنا الفرحة ورفض ان ياخذ اى مقابل ..
لك الشكر ياجعفر ..

الفنانة الشابة اسرار بابكر عطرت سماء النادى النوبى باجمل الاغانى وهى
ايضاً شاركت بدون مقابل ...

الشاعران الرقيقان حاتم الدابى والفاتح حسن بشير شاركوا اخوانهم المحس الفرحة
بتفوق هناء بابيات من الشعر ..

فرقة همبريب الكوميديا شاركت ايضا فى الاحتفال ..

العزيز مزمل

شكرا للتغطية الممتازة والرائعة ... ومبروك للمتفوقة النابغة هناء محمد أحمد
وهي تستحق التكريم وأكثر .... وياريت الجماعة القاعدين يحشروا السياسة في هذه
الفرحة أن يتوقفوا ولا يخلطوا الاوراق .


تخريمة :

قمت بنقل بعض الصور لمنتدي مشكاة نور كرد لللذين يحشرون السياسة بالفرحة ..
فعذرا كان الصحيح الاستئذان قبل النقل .... بس طبعا حفظنا حقوقك الادبية وذكرنا
المصدر وصاحب الصور .


ابوشهد

الف الف مبروك للنابغة هناء ونتمنى ليها المزيد من التفوق


الاخ مزمل

كلام اخينا الفوق دا ما تهملو الزول دا صاحب وجعة حقيقية وانت والجمعية جبتو كل الجزارين وعصابات المؤتمر اللاوطني في الحفل وعاوز تقنع الناس البوست ما ليهو بالسياسة ولا الحفل !!!!


حضور الجلاد في حفل زي دا بيعني انو في استخدام سياسي بيتم سوا من اللجنة المنظمة او من الجلاد نفسو

دا اسلوب ما سليم ولو مافي استخدام كان جابو بقية اطياف اللون السياسي

الكلام دا ذكرني برنامج في النيل الازرق بيتحدث عن دعم عبد الرحيم محمد حسين لابناء المنطقة

ارواح الشهداء في كجبار لا تباع بثمن بخس لاطماع دنيوية باستغلال سي لمشاعر الاخرين

مذيعة قناة قوون الرياضية تجرى بعض الحوارت مع اسرة هناء
وباسم الجمعية اتقدم بالشكر الجزيل
للاستاذ الصحفى رمضان احمد السيد الذى وجه طاقم القناة لتسجيل الاحتفال مع وعد منة ببث الحفل
كسهرة فى قناة قوون قريباً .. شكرا رمضان احمد السيد .. شكراً لكل العاملين بقناة قوون ..

الفنان النوبى محمد خيرى شنان شاركنا الاحتفال ..

جانب من الحضور ..

عضو المنبر الزميل اشرف عبدالودود اجتهد كثيرامع زملائة لانجاح هذا التكريم فلة التحية والتقدير ..

عضو المنبر ادهم منتشياً فى اغنية بالرطانة ..

. ألف مبروك للإبنة هناء ولأهلها وأهالي مشكيلة ونوري .. ونسأل الله لها دوام التفوق والنجاح ..

Quote: . ألف مبروك للإبنة هناء ولأهلها وأهالي مشكيلة ونوري .. ونسأل الله لها دوام التفوق والنجاح ..

منير
الله يكرمك يا سيدى وشكرا على الكلمات الجميلة دى .. كتر الله خيرك ..

شكرا
مزمل....
والتحية لابناء مشكيلة ونوري للتكريمهم ابنتهم النابغة هناء.

Quote: وياريت الجماعة القاعدين يحشروا السياسة في هذه الفرحة أن يتوقفوا ولا يخلطوا الاوراق .

مافي زول حشر سياسة يا محمد خليل...
حضور المحشورين والفايزين في الانتخابات المخجوجة دي السياسة وكالعادة يحاولون استغلال
افراح النوبيين.
حضور فتحي خليل وعصام ميرغني واعتلائهم المنصة في مناسبة ذي دي استفزاز للنوبيين وخاصة انهم
صامتون في قضية تخص كل النوبيين فمن نفس القرية استشهد ابناء كرام غدرا من قبل حزب فتحي خليل وعصام ميرغني.
وكان هتاف الناس ضدهم في الاحتفال.
وده مصيرهم في اي تجمع نوبي يحشرون انفسهم فيه.
ياخي فتحي خليل ده حلمه الوحيد ان يخرج الناس في دنقلا وباقي المناطق النوبية في مسيرات من اجل غزة المحاصرة.
ده ما بهموا اي شي يخص النوبيين.

ألف مبروك لهناء وتستحق أكثر من هذا..
فطعم النجاح بعد سهر الليالي والاجتهاد لا توازيه أي فرحة..
احتفالية رائعة جداً وشكراً يامزمل على نقل الحدث والتوثيق..

Quote: ألف مبروك لهناء وتستحق أكثر من هذا.. فطعم النجاح بعد سهر الليالي والاجتهاد لا توازيه أي فرحة.. احتفالية رائعة جداً وشكراً يامزمل على نقل الحدث والتوثيق..

الحبوب ايمن دياب
الف شكر ليك انشاء الله عقبال اولادك ..

الشكر موصول للاخوان عدلى ابوبكر ومحمد عبدالمنطلب وطيفور وكل افراد لجان الخدمات والاعلام الذين عملوا قى صمت ونكران ذات لانجاح هذا اليوم ..
فلهم كل التقدير ..

برغم قناعتي ان القضايا لا تُجزأ

وان الوال وابن المنطقة والنظام

مسؤول مسؤولية مباشرة من مقتل

ابناء شعبنا وإخوتك الشهدــداء

إلا اني اقدر لك البوست ووجهة نظرك

تحياتي للنابغة هناء ومزيد من التفوق.







........................................حجر.

Quote: إلا اني اقدر لك البوست ووجهة نظرك

شكرا ليك على احترامك وجهة نظرى .. واوكد ان الغرض الاساسى
من رفع البوست هو تكريم لهناء ..

وتسلم ..

تهانينا والــ1000ــف مبروك للابنة هناء
والله ابنتنا هناء دي شرفتنا ورفعت رأسنا فوق
ان شاء الله كل سنة نطلع الاول

Quote: تهانينا والــ1000ــف مبروك للابنة هناء والله ابنتنا هناء دي شرفتنا ورفعت رأسنا فوق ان شاء الله كل سنة نطلع الاول

عمنا حمزاوى .. شكرا للكلمات الطيبة دى
وشكراً ليك كتيييييير .. عقبال انجال انجالك ..

Quote: المبلغ الذي تبرع به الوالي ضعيف جداً .. ولا يستحق الذكر !

ياسيدنا.. التبرع دا تبرع شخصى يعنى من جيبو الخاص .. كتر خيرو ياخ ..!









____
بالله ماتحاول تشتت لينا الكورة ..

Quote: عليك الله يا مزمل صاحبى ده رد عليهو بى صورة بالله

أها هاك يا اشرف الزول دا كان قااااعد ياخ .!

Quote: أها هاك يا اشرف الزول دا كان قااااعد ياخ .!

يا مزمل حبيبنا الشاذلى دا
جانا فى الاجتماع الاول وصرف نضمى كتير
وتم إختياروا فى لجنة البرنامج
ومن ديك وعيك .. تانى ماظهر كلو كلو
إلا فى يوم البرنامج ..!!

ــــــــــــــــــــــــــــــــــــــــــ
وشكراً للمرة الثانية يا مزمل على مجهودك الكبير

اننقا مسكاقمى ..

Quote: يا مزمل حبيبنا الشاذلى دا جانا فى الاجتماع الاول وصرف نضمى كتير وتم إختياروا فى لجنة البرنامج ومن ديك وعيك .. تانى ماظهر كلو كلو إلا فى يوم البرنامج ..!!

صدقنى وجودك والاخرين اغرانى - وظروفى - بالغياب ..
وانت تعلم ظروفى يا لميض

اشكركم يا اشرف نيابة عن الاسرة والاهل اجمعين ..

الشغل الاتعمل ده بيشبهكم تماما" ..

حقيقى شرفتونا ..

وشرفتو الوالى زاتو

مودتى يا صاحب ..

Quote: السيد عبدالمجيد رئيس اتحاد ابناء حلفا السكوت المحس

بسم الله
كدي قول تاني
قلت رئيس شنو
حلفا سكوت المحس
ما شاء الله عيني باردة
كدي قول بسم الله تاني يا حاج

وإزداد اصحاب الايكة كيل بعير

والله يا اهلنا جمعية مشكيلة ونوري شغلكم نضيف وتمام التمام
بس جنس الحضور والمسميات المنحتوهم دي
بيزغلل العين

يعني حسع مجدو دا رئيسنا

اشقائي مزمل واشرف والشاذلي
مسكاقجلو
شغلكم والله يسر العين ويفرح القلب
وأنا عارف ومتأكد من تعبكم ومجهودكم

كدي كلام اخونا زمراوي الولي دا ما ترموه الواطة
وين الغبش وين صورهم
وين زغاريد عواطف وفاطمة صديق
وين كامل وعمه محمد
وين اشاري وين شاوي
وين سليمة وفتحية

إذا قلنا نقدم المهمين اولاً
وين البروف علي
وين شيخ الدين مختار

ليه ما كرمتم الشخصيات التي قدمت لمشكيلة
الوفاء لاهل العطاء من ابناء مشكيلة

تحية وتقدير لاسرة جمعية مشكيلة ونوري
على هذا المجهود الكبير ..
وعقبال الدكتوراة لهناء


بالمناسبة والدها معانا في العمل
واخر انبساط



شكرا مزمل

Quote: تحية وتقدير لاسرة جمعية مشكيلة ونوري على هذا المجهود الكبير .. وعقبال الدكتوراة لهناء بالمناسبة والدها معانا في العمل واخر انبساط شكرا مزمل

ارصد ..
مسكاقمى ..
التحية ليك برضو ... والتحية لوالد هناء المهندس محمد احمد وقد علمنا بانة
سيكون فى الخرطوم صباح الجمعة .. الف مرحب بيك يامحمد بس كنا متمنيين لو ظروفك كان سمحت ليك تحصًل التكريم
بس علمنا بان الامر لم يكن يسمح حينها..

ياعم حمزاوى ..
الاستاذ شيخ الدين كان ضمن الحضور ..

طيب لو ما جضرت الا اجتماع واحد
مالك بتاكد انه اللجنة دعت الوالي؟؟؟

يا عبد الخالق ..
زى ما قال ليك مزمل ..

ارجوك لا تحرف مسار البوست ..

فقط نحن بصدد الاحتفاء بهناء ..

اوكى يا حبيب !!!!

ادناه تغطية صحيفة الصحافة ..

Quote: الخرطوم : وليد كمال: ازدهى النادى النوبى بالخرطوم مساء امس الاول بالاحتفالية الرائعة التى اقامتها جمعية مشكيلة ونورى بولاية الخرطوم على شرف تكريم اول الشهادة السودانية ابنة المنطقة النابغة هناء محمد أحمد بحضور والي الولاية الشمالية الاستاذ فتحى خليل وابن الدائرة عصام ميرغنى وشيخ الدين مختار مستشار حكومة الولاية الشمالية ووكيل وزارة التربية والتعليم معتصم عبد الرحيم ومعتمد محلية الخرطوم د. عبد الملك البرير والفريق شرطة د. العادل عاجب نائب مدير عام الشرطة، وانطلقت الامسية بزفة تاريخية للمحتفى بها من مدينة الكلاكلة الى مقرالنادى، واشتمل الحفل على كلمات من رئيس الجمعية فوزى اسماعيل والبروفيسور علي عثمان و الاستاذ فتحى خليل، وتخللت الامسية فواصل غنائية من المطربة اسرار بابكر وجعفر السقيد والفنان النوبى شنان الى جانب قصائد من الشاعر حاتم الدابى والفاتح حسن بشير، وقدمت فرقة همبريب الكوميدية اسكتشات فكاهية ،وتم خلال الامسية تكريم النابغة هناء بشهادات تقدير ووشاحات وهدايا عينية ونقدية تبارت فى تقديمها العديد من المؤسسات والجهات، وعبرت هناء عن فرحتها بالتكريم والذى يعتبر حافزا لمزيد من التفوق والنجاح قبل ان يسدل الستار علي ليلة رائعة للوفاء والاحتفاء.

المصدر ..

http://www.alsahafa.sd/details.php?articleid=9185

وتمت دعوة حكومة الولاية بصفة رسمييييييييييييييييية من اللجنة المنظمة ..



,,,,,,,,,,,,,,,,,
ياخي ده مش كلامك ؟؟؟
زول حضر اجتماع واحد
مالك بتكضب الناس
الزول المسءول من الدعوات قال ما دعو الوالي
حضرت اجتماع واحد وبتقعد تكضب الناس مالك؟؟؟؟؟
!!!!!!!!!!!!!!!!!!!!!!!!!!!!!!!!!!!!!

جانب من الحضور ويظهر فى المقدمة .. البروف على عثمان .. والاستاذ شيخ الدين مختار ..

Quote: ياخي ده مش كلامك ؟؟؟ زول حضر اجتماع واحد مالك بتكضب الناس الزول المسءول من الدعوات قال ما دعو الوالي حضرت اجتماع واحد وبتقعد تكضب الناس مالك؟؟؟؟؟

عبدالخالق ..
يبدو انك مصر تحرف مسار البوست .. انت عارف انو اسهل حاجة الواحد يبوظ لزميلو بوستاتو
مابتكلف الواحد اى حاجة ..!
الواحد يعمل رد ويطرش كلام فارغ ويمشى والشغلة تبوظ .!!
فبالله للمرة الثانية بقول ليك البوست دا خاص بتكريم هناء ، يعنى ماعندو علاقة باى حاجة تانية
وارجو انو ما اجى تانى واتكلم معاك فى الحتة دى .. واحسن نخلى البينا عامرة ..
واظنك فهمت قصدى كويس ..

وشكراُ ليك

مزمل: مسكاقجلو
تحياتي

هذا إحتفاء يليق بالإبنة هناء
الإحتفاء نوبي مغموس بنكهة أريحية كل أهل السودان

تستاهل هذه النوبية فالتهنئة لأهلها أولا فهم من هيأوا لها سبل النجاح

و نقول للإبنة هناء : واصلي الجد و الإجتهاد و نريد أن نراك متفوقة أيضا في الجامعة و ما بعد الجامعة

الف الف مبروك
جهد مقدر










تليشة:
انت الشوايقة بتاعين نوري ديل اللماهم مع المحس شنو

مبروك للنابغة هناء وربنا يزيد من تفوقها وييسر لها السبل لترجمة نجاحها لواقع افضل لها ولاسرتها ولبلدها..

مجهود مقدر وتكريم لائق..

شكرا مزمل..

التهانى للاخ الباشمهندس محمد احمد ...وهو بالمناسبة زاملنى فى السكن فى الرياض فى الثمانينات
الف مبروك للنابغة ابنة النابغة

طارق جبرين كيفنك ابوى ..
ماك طيب وعفيان ..

Quote: انت الشوايقة بتاعين نوري ديل اللماهم مع المحس شنو

الناس ديل لمتنا معاهم المحبة كدا لوجه الله تعالى ..
بنحبهم ويحبونا ..

ناس خيرهم برا .. ولسانهم بالخير عفيان وطيّب ..

عليك الله شوف ود الدابى قال فى بتنا شنو !!!


بشارة الخير وكت طلت علينا عمّ صداها فى الريف والمدينة
كتر صخب المُدن بعد السكينة ومنتظرين بشارة الخير تجينا
زغرودة الشمال مرقت حنينة بعد (هناء) بتو قادت للسفينة
ضحكنا من الفرح حد ما بكينا وشعرنا حرارة العز تسرى فينا
بشّرت الشمال عربه وهجينه وكــت عم الفرح نوبه ورطينه
تقوقى قمارى ما فضلت جنينه وفى (مشكيلة) قلب الرملة طينه
تقاطيع (رحمة) تحكى صبر سنينه ونزلت دمعته الكانت سجينه
ابـــوك يا ملكة الامو الدفينه نجــاحك طيّب الامو وانينـه
انتى من رحم المحس طليتى زينة متل سد مروى زال ضو الرتينه
اهلك الخبزوكى من دابك عجينة عرفو ربّو وقرّو يالدرة الثمينة
يا اميرة الحسن قومى وكلمينه انتى يا دخرى البلد دهبه ولجينه
الولاد ديل قالو جيتى تغلبينا وما قدرنا نحصلك حد ما قرينه
تانى بعد الجبتى وين بنخت وشينا يا (هناء ) والله سويتيها شينه
اتارى ماها براها مهرة وفاتحة عينها تانى عشرة معاها واقفات فى يمينه
خلاص رفعنا الراية للاولاد نسينا ولى (هناء) وامثاله اتمدت ايدينه
يا كريم يا الله احفظا ثم عينه تبقى شلال معرفة ومليان مُعينه
انته تحفظا لينا زى ما حافظه دينه لا حسد يغشاها لا عين لا غبينه
الشكر للاسرة وكل معلمينه والكلاكلات جملة تلبسه توب وزينه
البلد محتاجة مين يحرس عرينه والامان صمامه بنوته وبنينه

برضو تقول لى كانى مانى

كل التهانى و التبريكات للابنة هناء و مزيدا من التفوق و النجاح ..
شكرا مزمل خيرى و كل القائمين بامر التكريم ( من الناطقين بغيرها )

مزمل مسكاقمى

الف مبروك للمتفوقة هناء

مبروك لكل من ساهم فى ابراز هذا الاحتفال

شغل تمام...!!

Quote: مزمل مسكاقمى الف مبروك للمتفوقة هناء مبروك لكل من ساهم فى ابراز هذا الاحتفال شغل تمام...!!

مرحب بيك ياحامد وشكرا على المرور ..
تسلم ..

Quote: التهانى للاخ الباشمهندس محمد احمد ...وهو بالمناسبة زاملنى فى السكن فى الرياض فى الثمانينات الف مبروك للنابغة ابنة النابغة

الاخ على بدرى ...
الف الف شكر على المرور والتحية من البعد للمهندس محمد احمد ..

Quote: مبروك للنابغة هناء وربنا يزيد من تفوقها وييسر لها السبل لترجمة نجاحها لواقع افضل لها ولاسرتها ولبلدها.. مجهود مقدر وتكريم لائق.. شكرا مزمل..

العزيز حسن .. ياخى الف شكر ليك على الشعور النبيل دا
وشكرا على المرور ..

Quote: الف الف مبروك جهد مقدر

تسلم يا الحبيب انشاء الله عقبال بناتك ..

Quote: تليشة: انت الشوايقة بتاعين نوري ديل اللماهم مع المحس شنو

عليك امان حاتم الدابى ابوشنب دا قطع فى بنتنا قصيدة وقتى .. حيرنا زاتوو

Quote: مزمل: مسكاقجلو تحياتي هذا إحتفاء يليق بالإبنة هناء الإحتفاء نوبي مغموس بنكهة أريحية كل أهل السودان تستاهل هذه النوبية فالتهنئة لأهلها أولا فهم من هيأوا لها سبل النجاح و نقول للإبنة هناء : واصلي الجد و الإجتهاد و نريد أن نراك متفوقة أيضا في الجامعة و ما بعد الجامعة

الريس ابوجهينة
شكرا على مروركـ الانيق وانشاء الله نفرح فى تفوق احفادك ..

Quote: الاخ مزمل خيرى الف مليار مبروك لبنت الكلاكلات هناء لشد ما جعلتنا نشعر بالفخر و الاعزاز لاحرازها المركز الاول فى امتحان الشهادة و انا هنا اخرج بنتنا هناء من دائرة الفبلية الضيقة الى آفاق المنطقة الام و الوطن : الكلاكلة هناء بنت الكلاكلة بغض النظر عن قبيلتها من اهلنا و احبابناالمحس او حتى لو كانت من اى قبيلة اخرى يكفى انها و اهلها يتخذون الكلاكلة وطناً لهم بحكم النشأة و التعليم بها هنيئاً للكلاكلة بنابغتها هناء و بقية ابنائها و هنيئاً لهناء بامها الرؤوم الكلاكلة. هناء ويييييييييييييييييي !!!!! كلاكلة وييييييييييييييييي

الحبيب كوستا
مبروك لينا كلنا .. وشكراُ ليك يا الحبيب .

Quote: عليك امان حاتم الدابى ابوشنب دا قطع فى بنتنا قصيدة وقتى .. حيرنا زاتوو

انا غايتو البت حقتكم المعاي دي قاطع فيها ريدة كدة لمن آمنت ومَهَر من غير مؤخر

Quote: انا غايتو البت حقتكم المعاي دي قاطع فيها ريدة كدة لمن آمنت ومَهَر من غير مؤخر

مزمل خيرى فاتح لى مالك ؟؟؟؟
الا اكون رطانى عشان تشكرنى زى الناطقين بغيرها ؟؟؟

والله اجمل احتفال لدرة النوبة وكنداكتها الصغيرة هناء
ارتفعت قاماتنا كالجبال طولا وصرنا نفاخر بك الناس يا هناء
كونى فى المقدمة شامخة مثل ملكات النوبة... مثل امانى شخيتو التى أرهبت الأسكندر الأكبر قاهر الشعوب..
اشعر ان النوبة تنتفض لتأتى من جديد ولتملأ الساحات ابداعا وجمالا...
فرحت لك الدنيا كلها والنوبيون فى اصقاع المعمورة سيحتفلون بنجاحك لأنه نجاح للنوبة مهد الحضارات...
سنفرح حتى ولو حاول الآخرون سرقة الآمال والأمانى النوبية فى البقاء فوق أرض الأجداد والتاريخ...
سنفرح بنجاحك ونحن نحمل جراحاتنا ودماء شهدائنا فوق ظهورنا حتى نقتص من القتلة..
سنفرح معك لأنك فتحت باب الأمل للنوبيين بالتفوق...
ولن نحزن بعد اليوم ... بل سنحتفظ بغضبنا ولن نغفر لمن يسيئ للنوبة وأهلها ويقتل القتيل ويمشى فى جنازتو...
الفرح فرحنا وآن لنا ان نقول ان النوبى يستطيع ان يحول الحزن الى فرح والغضب الى عمل خلاق يؤدى الى التغيير...
عاشت هناء متفوقة لتقر أعين والديها ولتسر اسرتها الصغيرة ولتكون ملهمة للنوبة ومستقبل النوبة...
والشكر اولا وأخيرا لاسرتها الرائعة التى انشأت هذه الملكة النوبية.....
والشكر لصاحب البوست الجميل..

نورالدين منان
واشنطن

سلامات يا مزمل و شكرا على المجهود
شنو ياخي تكتب اسم كل من هب و دب و لما تجي على البروف علي عثمان محمد صالح تشبكنا جمعية
بوهين و جمعية مشكيلة و شنو ما عارف!

Quote: سلامات يا مزمل و شكرا على المجهود شنو ياخي تكتب اسم كل من هب و دب و لما تجي على البروف علي عثمان محمد صالح تشبكنا جمعية بوهين و جمعية مشكيلة و شنو ما عارف!

..
اووووة قريبى دكتور سيف .. معليش اكون رفعت صورة بالغلط لكمية الصور الملتقطة فى ذلك اليوم ...
وبالله ماتحاول تحرف لينا مسار البوست..

سعادة السفير منان ...
الف شكر على المرور الجميل .. وشكراً على كلماتك الطيبة ..

Quote: مزمل خيرى فاتح لى مالك ؟؟؟؟ الا اكون رطانى عشان تشكرنى زى الناطقين بغيرها ؟؟؟

آسف والله يا انور .. لم اقصد تجاهلك ولك العتبى حتى ترضى ..
تعيش ياغالى ...

شــنو يا عمك - كتلتها براااك !!
ما بتدينا خبر ؟
لو عارف الحكاية كده كان جيت من الفاشر !

Quote: الاخ الفاضل مزمل شكرا على هذا البوست الرائع الذى يعكس روعة اهل مشكيلة الصامدين والف مبروك للنابغة هناء بت الاصول انا فتشت ايميلك لحدى ما لميت فيهو فى الملف بتاعك .. ياريت تضعو فى البوست عشان الناس المساكين البرا المنبر الزينا يقدرو يباركو لهناء ولناس مشكيلة الف مبروك لناس مشكيلة ولعموم اهل الشمال والسودان بهذا النجاح المشرف .. اخوك معتصم عثمان من ابناء المحس فى بلاد المهجر

..
شكرا للاخ معتصم على الايميل .. والف مبروك لعموم اهل مشكيلة ..
وهذا هو الايميل [email protected]

ننوة الزملاء والزميلات مرة اخرى ان هذا البوست معنى - فقط - بتكريم ابنة مشكيلة النابعة هناء
وسأقوم ان شاء الله بتغطية التكريم الثانى لهناء والذى سيقيمة اتحاد ابناء المحس بالخرطوم يوم الجمعة
القادم باذن الله والذى سيقام ايضاً فى النادى النوبى بالخرطوم برعاية وزير الدفاع الفريق عبدالرحيم محمد حسين ..
واشكركم على تفهمكم مقصدى ..

والله من وراء القصد ...

الف مبروك ياهناء ، ربنا يغطيك انشاء الله .
الف مبروك لناس مشكيلة .


شكرا مزمل على البوست الجميل .

أقام اتحاد ابناء المحس بالخرطوم تكريماً للمتفوقين فى امتحانات مرحلة الاساس والشهادة السودانية
وللاسف الشديد جاء التنظيم والأعداد فى غاية السوء ، حيث فشلت اللجان المكلفة بالاعداد فى تنظيم الحفل بصورة مرضية ولم يجد كثير من الضيوف اماكن للجلوس مما اضطرهم لحضور الحفل وهم وقوف .. فشلت كان اللجان بلا استثناء الضيافة ، والاستقبال ، والبرامج فشلاً زريعاً فى هذا اليوم .. وذلك لعدة اسباب واهمها ضيق مكان الاحتفال وكان الاجدى للسيد عبدالمجيد محمد عبدالمجيد رئيس الاتحاد اقامة التكريم فى مكان اخر غير النادى النوبى .. وقد شرف حفل التكريم وزير الدفاع بصفتة راعى الاتحاد النوبى .. والمؤسف فى الامر استغلال بعض ضعاف النفوس ومنهم صاحب الكافتيريا الصغيرة الملحقة فى النادى النوبى فى رفع سعر قارورة الماء من 1 جنية الى 2 جنية نسبة لعدم تمكن لجان الخدمات من توفير مياة الشرب للضيوف .. وحرص افراد لجان الخدمات على توفير المياة لكبار الضيوف والدستوريين فقط وحرموا النساء والاطفال..

اليكم بعض الصور من التكريم ....

سيارة جياد i10 من الاتحاد للنابغة هناء ..

كل الروابط النوبية ساهمت فى تكريم هناء

القنصل المصرى كان من ضمن الضيوف ..

قناة الشروق تجرى مقابلة مع والد النابغة هناء المهندس محمد احمد الذى حضر من
مقر عملة بالمملكة ..
وكعهدها كانت قناة النيل الازرق ايضاً حاضرة فى التكريم ..

رئيس الاتحاد يعلن ان صاحب مجموعة دال السيد اسامة داؤد تكفل بابتعاث هناء الى بريطانيا لدراسة الطب ..

التهنئة للنابغة هناء على هذا النجاح الباهر وكذلك التهنئة موصولة لأسرتها الكريمة وكل النوبيين والشكر أجزله لكل من ساهم في تكريم هذه النابغة.

وشكراً يا حبيب على التغطية الجميلة.

Quote: وشكراً يا حبيب على التغطية الجميلة.

وشكرا على مرورك الجميل يابدرى ..

Quote: رئيس الاتحاد يعلن ان صاحب مجموعة دال السيد اسامة داؤد تكفل بابتعاث هناء الى بريطانيا لدراسة الطب

العام الماضي أعلن السيد/ محمد عبد المجيد عن تكفل السيد أسامة داؤد بإبتعاث بعض النابغين من أبناء النوبة للدراسة في الخارج وللأسف الشديد لم يتم الإيفاء بهذا الإعلان الى هذا التاريخ.
لذا نأمل من السيد/ أسامة داؤد ومجموعته والسيد محمد عبد المجيد الكف عن استغلال نجاح أبناء النوبة في الترويج لمجموعة دال ولأسامة داؤد أن يسلك قنواته الإعلانية بعيداً عن نجاح الطلاب من أبناء النوبة والذي حققوه بمجهوداتهم الذاتية.

تحياتي مرة أخرى

هي اصلا ليست في حوجة للابتعاث لبريطانيا هي بس تأشر على الكلية العايزاها في جامعة الخرطوم و تفتح لها الابواب على مصراعيها. و لو في زول عايز يدفع اليوديها "حميدة" القريبة دي و بريطانيا ملحوقة بتمشيها بعد ما تتخرج.

Quote: هي اصلا ليست في حوجة للابتعاث لبريطانيا هي بس تأشر على الكلية العايزاها في جامعة الخرطوم و تفتح لها الابواب على مصراعيها. و لو في زول عايز يدفع اليوديها "حميدة" القريبة دي و بريطانيا ملحوقة بتمشيها بعد ما تتخرج.

برضو رأى ...
لكن يادكتور احسن ليها شنو .؟
تدرس هنا ولً فى بريطانيا .!


بأمانة كدا ...!!

Quote: العام الماضي أعلن السيد/ محمد عبد المجيد عن تكفل السيد أسامة داؤد بإبتعاث بعض النابغين من أبناء النوبة للدراسة في الخارج وللأسف الشديد لم يتم الإيفاء بهذا الإعلان الى هذا التاريخ.

بدرى ..
أهلاً بيك تانى ... وكلامك الفوق دا ياريت اخونا عمر عشارى يجى
يفتى لينا فيهو ...!!



وشكراً تانى للمرور ...

بغض النظر عن قبيلتها من اهلنا و احبابناالمحس

كوستا سالامات
بالمناسبه الكلاكلات ذاتو نحن سميناها
NEW MAHAS ايه رأيك بقى
ماقلنا ليك اخد كورس
لكن حيجى يوم تكون لغة اهل افريقيا

التهانى الخالصه لاهلى الكرام
بنيو محس ومشكيله والمملكه

شكرا استاذ مزمل

قبل عدة سنوات تفتقت العبقرية النوبية الفذة بشندي حيث تربع الطالب محمد سمير سعد الدين من جزيرة صاي (صيصاب) على عرش الشهادة السودانية وجاء دور الكلاكلة لتكون مسرحًاً للابداع والتميز والتفرد النوبي عبر النابغة النوبية الابنة هناء محمد احمد. انه يوم تاريخي للفرح النوبي..التهنئة ومليون مبروك اولاًً لأسرة النابغة هناء وللأهل في مشكيلة ونورى والتهنئة لإسرة وإدراة المدرسة ومديرها الاستاذ الاخ نادر عطا..
والتهنئة لكل شارع وكل بيت في الكلاكلة من اللفة الى الكلاكلة الوحدة ... والشكر والتقدير لك اخي مزمل.....



________________________________
ازيدك من الشعر بيت يا كوستا:- الأستاذ نادر عطا مدير المدرسة زاااتو من عندينا