Post: #2 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-23-2010, 12:46 PM Parent: #1
سوري يا ناذر ...حرف الميم سقط سهواً
Post: #3 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-23-2010, 12:48 PM Parent: #2
العزف دا قبل خمسة أو ستة أشهر.. الآن اكيد بكون أتطورتا
Post: #4 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-23-2010, 01:06 PM Parent: #3
عندي كم فيديو تاني مسجلات كان لقيت تشجيع برفعهم وألا بنسى الفكرة
Post: #5 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-23-2010, 01:13 PM Parent: #4
Post: #6 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-23-2010, 01:39 PM Parent: #5
غايتو يا زياد .. لحدت ما يجو المكهربجية ديل ما بخليك بي عودك دا .. أول حاجة العود دا جبتو من وووين ..؟ ياخ دا صوتو عامل زي أبو الزنان .. بيعمل زنننن .. كدا دا .. بعدين الريشة البتعزف بيها دي .. ذكرتني (التبخه) الكنت قاعد اطلعة من اللياقة بتاعت القميص .. لياقة القميص فيها (تبخه) صغيرة كدا بي الجمبات بي جوه .. إنت قاعد تعزف بالتبخة دي واللا شنــو ..؟
Post: #7 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: amir jabir Date: 05-23-2010, 01:43 PM Parent: #6
فتل البوست الفيديو دة نشيلوا احسن
Post: #9 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-23-2010, 02:07 PM Parent: #7
أمير جابر ماف طريقة تصغر الفيديو دا شوية يا حبيب فتلتا لينا البوست وكدا .. النجيضة: مداخلتك ما فهمت منها حاجة والله...شوية توضيح بس
Post: #8 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-23-2010, 02:03 PM Parent: #6
أووو تمبسكو يااا... والله الريشة قاطعا من جركانة عصير فاضية!! العود جاني هدية.. كان حق الفنان خوجلي عثمان كما أخبرت...بس رقبتو كانت مكسورة و ملحومة للأسف..يمكن دا مؤثر في أداءه!! عندي..التبخات بتاعة الياقة لكين قوية و ما تنفع للعزف... بعدين يا تمبس خليهو العود و الريشة! أخوك لقيتو كيف؟؟ ما فنان كبييير
Post: #10 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-23-2010, 02:13 PM Parent: #8
بعدين يا شباب براحة علينا أخوكم والله أول مرة أمسك لي عود و أنقر في حياتي كان قبل حوالي 8 شهور !! و خلال ال8 شهور كان تمريني متقطع جداً للمشغوليات الكثييييرة
فبالله : راعي أحساسي و أ خشى عامل السن (أو كما يقول ترباس)
Post: #11 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: Magdi Ahmed Elsheikh Date: 05-23-2010, 02:18 PM Parent: #8
Quote: العود جاني هدية.. كان حق الفنان خوجلي عثمان
الاخ زياد تحياتي
رحم الله اخي خوجلي عثمان رحمة واسعه ...
عليك الله ابقي عشرة علي العود ده..(لايقدر بثمن)..
الي ان نلتقي ..
ولك احترامي..!!
Post: #13 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-23-2010, 02:23 PM Parent: #11
شكرا عزيزنا مجدي مع أنو تمبس شايفوا عامل زي أبو الدنان..لاكين أطمئن..ما بفرط فيهو لك أحترامي
Post: #12 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: السيد المسلمي Date: 05-23-2010, 02:19 PM Parent: #8
والله ياتمبس ماعندك خوة كلو كلو ؟ عملتها ظاهرة ياعمك .!
Post: #15 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-23-2010, 02:29 PM Parent: #12
السيد ما مشكلة يا عمك أنا أصلي جاي هنا مارق للربا و التلاف و تمبس من الناس البهمني رأيو لأنو عارفو صريح و ما بجامل ... نقدو بناي شديد
Post: #19 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: Azhari Nurelhuda Date: 05-23-2010, 02:46 PM Parent: #12
الأخ العزيز زياد تحية طيبة بالله رجاءا كان العود جد كان عود خوجلي عثمان عليه الرحمة بالله حافظ عليه شديد و خوجلي كان مسمي (العود النقراشي باشا) من النقرشة و كان عازف ماهر و مجيد على العود و كان داير الرأي في عزفك و من ناس محترفين و ممكن يوروك أسرار العود وطريقة أحسن للتمرين.. أثبت صحة ما ذهبت إليه من أن ملكية العود هي فعلا للمرحوم خوجلي عثمان و الكيفية الإنت إتحصلت بيها علي العود..... كيف؟؟؟ بعد داك...... ليك علي كان إنت جاد تبقى زي خوجلي عثمان ذاته في عزف العود....إنشاء الله
Post: #32 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 09:43 AM Parent: #19
أستاذنا أزهري حبابك 10 أنا ما قلتا جبتو من الراحل خوجلي عثمان.. قلتا أخبرت أنو كان حقو...العود جاني هدية من شخص عزيز علي جدا جداً.. على العموم بتصل ليك بي هذا الشخص (مقيم في قطر) و بسألو عن تثبيت أو نفي ما قلته....المتأكد أنو حق فنان سوداني..أعتقد أنو خوجلي عثمان...بتأكد و بجيك. بعدين يا أستاذ أزهري...يعني لو العود ما حق الشهيد الراحل خوجلي عثمان..بتبخلوا علينا بالشورة؟؟ أنا العود بحافظ عليهو حتى لو جبت واحد تاني...كان حق الراحل خوجلي أم لا
Post: #73 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: Azhari Nurelhuda Date: 05-24-2010, 08:52 PM Parent: #32
الأخ زياد تحياتي قول واحد يا سيدي هنا أنا دايرك تلاحظ فقط لوضعية الإمساك برقبة العود و شكل اليد اليسرى (الذراع و الكف خاصة ) في الفيديو أعلاه... ثم من الأهمية بمكان محاولة تحقيق الشكل( الكروي*) البيبدأ في التشكيل من منطقة الرسخ ثم الكف و الأصابع و يرتكز عند منطقة عفق الأوتار بطرف الأصابع قريبا جدا من الظفر(و هي المنطقة الصحيحة من الأصبع للعفق و التي تصدر صوتا جميلا جدا) * (كروية شكل اليد اليسري أي كانك ممسكا بكرة تنس أو تفاحة) يجب أن تتأكد دائما أن(وش العود) في وضع عمودي و إليك أول تمرين و هو هام جدا إستعمال أصابع اليد اليسرى الأربعة في نقر الوتر و عفقه في نفس الوقت في أربعة مواقع من الوتر الواحد مع المحافظة على الشكل الكروي للكف و الأصابع طول الوقت محاولة تكرار التمرين في جميع أوتار العود دون إستعمال الريشة في نبر الاوتار التأكد من نزول الأصبع الواحد تلو الآخر زي الشاكوش في عملية تبادلية و عفق الوتر بقوة حاول تحقيق أكبر قدر من الإسترخاء العضلي و العصبي أثناء التمرين و يبدأ ذلك من إسترخاء الكتف الأيسر و الكوع و من ثم الرسخ و نقل قوة العفق كلها لطرف الأصبع عند عفق الوتر أبدأ التمرين ببطء شديد و تدرج في السرعة و توقف فورا عند شعورك بأي شد عصبي أو عضلي أبدأ التمرين بالعفق المتقطع (Staccato) ثم بنفس العدد و بالتساوي في العفق المربوط (Legato) بمعنى عشرة لكل طريقة هذا التمرين يدرب أصابع اليد اليسرى و هناك مؤلفات كاملة للعود من الموسيقى الشرقية بهذا النوع من العزف (راجع نصير شمة) المدوامة و التكرار......
مع أمنياتي لك بحظ سعيد و العود آلة جميلة بس شيل الصبر.....
Post: #75 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-25-2010, 07:41 AM Parent: #73
أستاذنا أزهري لعلك بخير بحاول في طريقتك العلمية في التدريب.. المشكلة في الاسرخاء القلتو دا تعرف يا استاذ انا مرة بتمرن شمطت لي عصبة يومين مؤلماني
Post: #14 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-23-2010, 02:25 PM Parent: #8
Quote: والله الريشة قاطعا من جركانة عصير فاضية!!
... والله يا زياد دي شجاعة ادبية منك ساااي .. يا حراق روح .. زمان في زول صاحبنا نزل لي ملف زي دا قاعد اعزف واغني قبال اليوتيوب دا يظهر ملف بتاع صوت .. ياخ .. خدر اللي هو طارق أبوعبيدة (بلعني ) ليهو .. كبرت ليك اللفه منو وعملت ما بعرف الزول دا منو والغريبة كنت قاعد اتداخل عااادي من اليوم داك العود القاعد عندي في البيت كلما اشوفو اتذكر ليك خدر .. حسع عودك دا ذكرني خدر والملف اياهو .. وذكرني بابا فزاري .. حمد الريح مرة جابوهو في التلفزيون قاعد يغني والعود فارق في الوزنة .. الزول دا ساهر بي يومين بي فرقتو دي .. حسع العود بتاعك دا فارق .. والجركانة بتاعتك دي نجضت بيها العود نجاض والله البوست دا اصلو ما بخليك بيهو .. يا حليل الناقد الفني عمر الفاروق .. والله لو كان في يا زياد كان عرفت حاجة ..
Post: #16 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-23-2010, 02:35 PM Parent: #14
دا ما المطلع عيني يا تمبس العود ما موزون جبتا لي جهاز بتاع وزن ديجيتال...برضو ما نافع!!! البلع هيييين...ديييك الكولا العائلي في التلاجة بتناولا و بجي بس نفهم حاجة ... وين البوست دا خلينا نضحك شوية
Post: #17 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-23-2010, 02:37 PM Parent: #16
أقول ليك حاجة أنا حنزل ليكم عزف الحقيبة عشان تفهموا حاجة ... هسي ماشي أنوم ...ما تساهروا بينا ساكت عندنا شغل من دغش الرحمن
Post: #20 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-23-2010, 02:52 PM Parent: #17
Quote: جبتا لي جهاز بتاع وزن ديجيتال...برضو ما نافع!!!
والله يا زياد انا دا هين كان ختيت ناس المسلمي الحبه ما بتجيك .. (التيونر) الديجيتال دا زاتو مخستك .. عندي واحد في البيت كرهني البلي زاتو .. لو لقيت ليك صوت ثابت بتاع بيانهو أو اكورديون بيكون كويس .. لكن عازة في هواك دي .. والله قعدة ما تعملة ليك أنا وأخوي الأصغر مني كان عندنا عود عجيب جدا .. أخوي دا كان شال مني قروش لي شنو ما عارف كدا قام مشى الدلالة جاب ليهو عود .. عود بمعني الكلمة زي المقطوع من شجرة بس عبارة عن (ضقل) اوتارو جربانة جدا .. المهم كنا بنجازف بيهو المغربيات كدا واحيانا بالليل خالص .. والمسالة دي تاعبه ليك ابوي شديد صوت العود العجيب دا قوم يا العود انقطع فيك (وترين) الفوق (لا+مي) .. يللا كان عندنا شغل في البيت بتاع بنيان معانا الشباب من الحلة .. بعدما انتهينا من الشغل المغربية جبت العود أبو تلاتة أوتار دا .. والجماعة جابو الباقات الكانو شغالين بيها (المونة) .. ياخ عملنا قعدة عجيبة جدا بي التلاتة اوتار الباقية دي .. أبوي كان بره البيت لما جا داخل .. سمع الحفلة دي بي التلاتة أوتار دي .. ياخي (ساكينا) الحلة كلها بدعوى إنو العود دا لازم ما يبيت الليلة في البيت دا
Post: #34 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 09:50 AM Parent: #20
والله يا تمبس التيونر الدجتال بتاعي ماأظنو مخستك شكلي أنا المخستك لأنو ظبّتا التيونر الدجتال مع عود جيد موزون...و كتبتا الحروف حسب ترتيب الاوتار...دا كلو ما جايب مريسة تامزينو!!! الوزنة تخرب,,,أقعد اعافر اعافر...في النهاية يبقى لي أبو الدنان زي ما قلتا والله شكلو عودك أبو تلاتة أوتار داك مظبوط اكتر من دا!د
Quote: ياخي (ساكينا) الحلة كلها بدعوى إنو العود دا لازم ما يبيت الليلة في البيت دا
كان كدى الوالد كان سمع عزفي دا بجي مارق لي بي طبنجة عدييل
Post: #18 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: Magdi Ahmed Elsheikh Date: 05-23-2010, 02:44 PM Parent: #16
Quote: العود ما موزون
زياد العود ده خليهو
شوف ليك واحد تاني .. ماتعافر فيهو..
شوف واحد جدييييد لنج وموزون عشرة وزنات ..
تمبس ماتقول حاجة ياخ ..!!
Post: #35 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 09:53 AM Parent: #18
مجدي عشرة وزنات دي ما بعر معناها شنو لكين والله داير أعمل لي أوردر لي واحد كويس قالوا العود العراقي أحسن عود
Post: #21 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: عبدالله الشقليني Date: 05-23-2010, 04:10 PM Parent: #6
Quote: غايتو يا زياد .. لحدت ما يجو المكهربجية ديل ما بخليك بي عودك دا .. أول حاجة العود دا جبتو من وووين ..؟ ياخ دا صوتو عامل زي أبو الزنان .. بيعمل زنننن .. كدا دا .. بعدين الريشة البتعزف بيها دي .. ذكرتني (التبخه) الكنت قاعد اطلعة من اللياقة بتاعت القميص .. لياقة القميص فيها (تبخه) صغيرة كدا بي الجمبات بي جوه .. إنت قاعد تعزف بالتبخة دي واللا شنــو ..؟
Quote: ليه يالحبيب تمبس ليه بس كدة ؟ يا خي على الأقل أبقى زي إبراهيم عوض لى وردي :
( الفن طريقو صعب ) وكدة
لكن أبو الدنان !!
ليه الراجل دة عندو مستقبل ، حتى لو بلدو ما عندها مستقبل .. هو عندو مستقبل .
نحنا عندنا " صُباع " في الموسيقى وكلامنا أريتو يكون بارد عليهو :
(1)
الجزء الأول ... الزمن مزبوط الجزء الثاني الزمن مش مزبوط
(2) غير الريشة ..لأخرى ناعمة ، وحسن طريقة ضربها . (3)
قلت شنو يا تمبس ... أبو منو ...؟
أخي الأكرم : واظب على التمارين ، و استخدم ريشة ناعمة ..
وقلّد الأخ الرهيب دة
وهو يغني قصيدة من شعر خليل فرح :
*
Post: #22 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: Deng Date: 05-23-2010, 04:16 PM Parent: #21
ناذر حمد خليفة و بقية الموسيقيين في المنبر..رأيكم لو سمحتم في عزفي هذا
نازر.
بقيت شيخ من قطر متين؟
Post: #23 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: Akram Omara Date: 05-23-2010, 05:31 PM Parent: #22
والله يازياد شكلك تعبت مع الناس ديل انا غايتو خشمي ماسكو علي انشاءالله بقدرعليه واليوتيوب دا زتو ولا حا اعمل ليه برودكاستينق للشباب
مشتاقين والله ياوجيه
Post: #24 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: طارق ميرغني Date: 05-23-2010, 06:19 PM Parent: #23
اخي زياد
بالاول انا كنت قايل كلامك جد وجهزت نفسي لاسمع اخر سيمفونيات القرن
فاذا بكلام صديقي تمبس كلو صاح
اول شي تنظف الريشه وخليك من بتاعة التبخ دي
او حفاظا علي العود وهذه الثروة القومية اتمني ان يعاد العود الي ال خوجلي عثمان كذكري تاريخية
وينيبك كل ثواب
اوع تكون زعلت بس....!!!!
Post: #25 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: MOHAMMED ELSHEIKH Date: 05-23-2010, 07:35 PM Parent: #24
يا زياد ياخي ما بطال خاسة واني ازعم انو عندك اذن موسيقية ما بطالة. يا خي ما وريتنا موضع الاصابع في "الرقبة"لأنو دا مهم جداعشان نعرفك خاتيها صاح ولا لا. في وتر مذدوج فارق بسيط من زميلو الختة بتاعت الحنك على العود و النظرة لحركة اصابع اليد اليمين دي مهمة طبعا في بداية التعلم لكن ممكن تخليها شوية شوية عشان بعدين عندما تغني تقدر توفق مابين صوتك و الأيقاع و العزف و الموضوع اصلو اقتحام وكدى. و أخوك عندو قصة ظريفة مع الأقتحام دا: في المدرسة الثانوية وصلتنا لجمعية الموسيقى مجموعة آلات موسيقية من أعواد وكمانات و جيتارات و اكورديون و ساس و طرمبة( شوف الزمن داك) و المدرسة ما فيها غير زول واحد بيعزف كمان ( هو صديقنا المخرج التلفزيوني يحيا الهجا)و الأخ صديق عازف عود و شخصي برضو كنت بعزف شوية عود.حاولنا استكشاف تلك الآلات بالله العظيم الساكسفون و الطرمبة مافي اي واحد في المدرسة قدر يطلع منها صوت. أخوك (كلت) في الأكورديون وادعى انو عندو فكرة وممكن نتمرن عليهو للمشاركة في الدورة المدرسية بعد تلات شهور, في عطبرة ,مع ناس منو؟مع ناس ساطور و عبد اللطيف وردي الصغير!!!!!!!. المهم استلمت الجهاز وعلى طول على بيت الخال عبد الرحيم الشيخ عازف الكمان و تدريب لمدة 14 ساعة في اليوم. البروفات بدت وحفظنا المطلوب وهو : معزوفة ونشيد و اغنيتين . يازول أخوك حفظ ليك بمساعدة الألوان بوضع الوان علي المفاتيح المكملة لأنصاف و ارباع التون لأانو دي لو غلطت ودست واحد فيها بتطلعك من الموضوع نوهائي. بدأ الحفل بمدرسة عطبرة الثانوية للبنات وأخدنا توجيهات من ساطور و عوض الكعيك و أخوك قافلعلى موضوع الالوان و خاتي ليك الحنك على الجهاز و العيون مبحلطة تحت في المفاتيح وبدأ الحفل وكان عندنا عود -كمان- ايقاع طبل و بنقذ و الأكورديون. بس اولما بدينا قووووووومي يا الكهرباء اقطعي و اخوك اتجهجه لانو اللجنة قالت مافي مشكلة! استمروا! يا جماعة نستمر كيفن ونحن ما شايفين حاجة و اصروواعلينا. صاحبي الهجا عرفني وقال لي انت بس حرك المنفاخ دا وخلي الباقي علينا... و دقائق الحمد لله فرجت وعادت الكهرباء!!
Post: #43 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 10:32 AM Parent: #25
الأستاذ محمد الشيخ شكراً كتير على النصائح الغالية تدريب 14 ساعة يوميا دي لا بقدر عليها ولا حتى ربعها...ياخ دا والله كان مجهود كبير منك ضحكتني حرك المنفاخ ولا يهمك دي...أها لو عود كيف؟؟...الا تكون ماسكو و هم يعزفوا في الباك قراوند
Post: #26 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: Hassan Makkawi Date: 05-23-2010, 07:56 PM Parent: #24
يا زياد أراك واسمعك ( مكنكشًا ) فى رقبة العود وظهرة حتى إستغاث طالباً الفكاك من براثنك وعضلاتك ( التبش )!!! تخلص من باغة العصير وتعامل مع العود بأحاسيس الأصابع أصابع اليمنى ترسل وأصابع اليسرى تستقبل ثم لا تنظر لمواضع أصابعك وترنم بكلمات ما تعزف من ألحان وحافظ على الزمن (خليك مع الزمن يا..)_ رمضان زايد_ بمشاركة مقدمة رجلك اليمنى
______________________________
ولومنى كان ما نجحت!!!!
Post: #27 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: خالد العبيد Date: 05-24-2010, 03:08 AM Parent: #26
سلام يا زياد وتحياتي ابقي عشرة علي العود ده..(لايقدر بثمن).. واتمنى ليك كل التوفيق
Post: #28 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: محمد عبد الماجد الصايم Date: 05-24-2010, 07:16 AM Parent: #27
لا حولااااا!!
Post: #29 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: محمد النيل Date: 05-24-2010, 08:17 AM Parent: #28
طالما ابتدات العزف قبل 8 شهور فهذا يعتبر عمل جبار
ولاباس للنظر للاوتار وانت بتعزف سوف تكتسب المهارة بالممارسة
واسرع حاجة تتعلم بها ان تحاول تعزف مع حد بيغنى ولو مالاقى زول اعزف مع التسجيلات وخاصة الفيديوهات لانو نقماتها بتكون غالبا موزنة مع الحروف الموسيقية بشكل استاندر وحاول تعزف اللحن اللى بتجيدوا فى اكتر من سلم حاول تظبط الاوتار استاندر بواسطة اى اورغ او اشترى تيونر فمثلا اذا عودك كما هو واضح خمسة اوتار اضبط الوتر التحت على (دو) (بالضم الخفيف للدال) والذى يليه على (صول) واللى فى النص على ري (بترقيق الراء) واللى قبل الفوق على لا (بتفخيم اللام) واللى فوق خالص على (مى) بالكسر الحادة للميم
وبى كدا ح تقدر تضبط اللحن مع الاغانى الصادرة من الفيديو واذا ماضبط معاك بيكون فى خلل فى سرعة الفيديو لكن غالبا بتضبط معاك
اكرر عزفك كويس ويرجى منك الكثير
وكمعلومة اضافية وطالما ان العزف على العود عادة يتم بواسطة استعمال الاربعة اصابع (المفترض طبعا) فالاصبع اللى ماسك الرقبة داك ما تحسبو لاحظ ايضا لو عودك مخطط مثلا اذا ضغطت على الوتر التحت بالاصبع الاول على الخط الثانى من بداية الرقبة حتلقى النقمة بتساوى نقمة الوتر الاوسط (رى) وهو مفتوح بس بسوط اغلظ وهذا يسمى جواب ذلك وهكذا اذا عملت نفس الشيى مع الوتر الثانى حيساوى ليك الوتر الرابع مفتوح والثلث ح يساوى الخامس مفتوح
يلا كمان اذا ضغطت بالابع الثالث بتاع الخاتم على الوتر الفوق (مى) فى خطه الثاث حيديك نفس نغمة الوتر الثانى (صول) وتفعل نفس الشيئ مع الوتر اللى تحت الفوق (لا) بيعطيك نغمة الوتر التحت (دو)
استعمال هذه التشابهات بين غليظ وحاد بقدر الامكان ستعطى عزفك اكثر جمالا واستمتاعا بالعزف
الممارسة تكسبك السرعة
والطناش يتقل الاصابع وتعيدك القهقرى لا تلقى بالا للمحبطين بل اجعل تريقتهم لك نوع من التحدى وستصل لمرادك باذن الله
فى وقت لاحق ح ارسم ليك رسم توضيحى لعلاقة الاصابع بالاوتار والخطوط الموضحة او الوهمية واسم صوت كل حرف والسلالم تعنى ايه بالتوفيق
Post: #30 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: amir jabir Date: 05-24-2010, 08:25 AM Parent: #29
ياعمك خلى الفيديو كبير حتى يكون مولد نجم كبير ,, والمرة الجاية لازم مقطوعة وانته بتغنى اى اغنية
انشاء الله حلم الاماسى اى حاجة
يازول نجوم الغد شنوا انته الغد زاتوا وما تخجل من اى زول غنى بس لمن الناس تتعود عليك وتبقى الفنان الاسطورة الذى انطلق من هنا
-------- والله شكلك احسن من الفنان البغنى (( وبقول اع اع ياع ياع داك اللابس لية طاقية بتاعت صقط وسويتر اسود ))
Post: #31 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-24-2010, 08:42 AM Parent: #30
Quote: لا تلقى بالا للمحبطين بل اجعل تريقتهم لك نوع من التحدىوستصل لمرادك باذن الله
عن إذنك يا زياد .. والله ما كنت عايز ارد ليك علشان ما البوست يتحول لي حتة تانية .. البورد دا مليان خبراء بتاعين مزيقا .. في ناس قعدو ليها وقروها واتخرجوا من معاهد موسيقية عديل كدا .. ودي شغلتم واكل عيشم .. وحسع البوست دا جاب الخبير .. أزهري نور الهدى .. اكاديميا وخبرة فهو من علماء الاكورديون .. والاستاذ طارق ميرغني برضو من الاساتذة العارفين .. الزينا ديل جرباندية ساااي .. لكن دا ما بينفي علاقتنا بالموسيقى اكاديميا دراسة .. وعمليا ممارسة .. التريقة الهنا دي عادي جدا بتحصل لي اي زميل وما الغرض منها الاحباط .. وإذا تأملت التريقة حقتي بديت اوصل ليهو فيها المعلومة .. وكان عايز اكتب ليهو توصيل معلومة بي طريقتك دي .. والله ما كان غالبني ..
طمام بطن عجيب ياخ ..
Post: #33 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: محمد النيل Date: 05-24-2010, 09:47 AM Parent: #31
Quote: طمام بطن عجيب ياخ ..
يازول انت فى زول سالك اكيد الشخص الجديد بيلاقى ناس تتريق عليه بدلا من النصح والتوجيه وكان لابد من تذكيره بذلك ول انت بس عايز مشاكل والسلام
دى موسيقى وفن راقى الفوضة وعشوائية الانقاذ وبطنى طمت وعايز لى ليمونة هنا ما بتخارج عايزين الفاظ جميلة على قدر الحدث
Post: #36 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-24-2010, 09:55 AM Parent: #33
Quote: دى موسيقى وفن راقى الفوضة وعشوائية الانقاذ
عشان الاقتباس الصغير دا انا رديت تتخيل ...؟
Quote: ول انت بس عايز مشاكل والسلام
. صدقني نوعيتك دي ما بحتاج لي إني اجي بي جمبها نهائي .. لكن كلامك الكتبتو صلاخية فوق داك .. هو زاتو البياكد حقيقة ما كتبت .. عوس عواستك في الفن الراقي دا والموسيقى .. وفي الانقاذ برضو .. المشاكل اريت لو مكانه هنا .. كان ويتك ليها كويس بتكون عاملة كيفن ..
Quote: عايزين الفاظ جميلة على قدر الحدث
.. حدث شنو ..؟ إنت عايز تدينا حصة كمان ..؟ دي مزيكا .. ما نضال .. حسع الدخل الانقاذ هنا شنو ..؟ عوس عواستك ياخ وتعال خلي الزول دا يستفيد منك يا استاذ .. وما ليك دخل بي البتريق .. أو الانقاذي البيطرش هنا .. فكنا ياخ ..
Post: #39 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: محمد النيل Date: 05-24-2010, 10:03 AM Parent: #36
Quote: حسع الدخل الانقاذ هنا شنو ..؟
والدخل طمام البطن هنا شنو فى ردى لصاحب البوست واصلا انت الدخلك شنو من الاول؟ تداخلك الهمجى العشوائى ذو الالفاظ السيئة ربطتو بمداخلاتك السياسية الانقاذية الهوجاء المعهودة.
Post: #41 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-24-2010, 10:12 AM Parent: #39
Quote: والدخل طمام البطن هنا شنو فى ردى لصاحب البوست واصلا انت الدخلك شنو من الاول؟ تداخلك الهمجى العشوائى ذو الالفاظ السيئة ربطتو بمداخلاتك السياسية الانقاذية الهوجاء المعهودة.
Quote: لا تلقى بالا للمحبطين بل اجعل تريقتهم لك نوع من التحدى وستصل لمرادك باذن الله
.. إنت البتكتبو ما بتقراهو ..؟ دا مش كلامك الفوق دا انا جبتو من عندي ..؟ بعدين انا البحدد إنو بطني تطم كيف .. وأنا البعرف انو نوعيتك دي ممكن تكتب شنو زي ما كتبت الهوجاء المعهودة دي .. لانو كتييير زيك كدا عادي جدا بيدخل ويكتب ليهو مداخلة صلاخية .. ويعمل ليك فيها ما شايف .. بالمناسبة: الطمام زاد اكتر من قبيل .. مع كل حرف بتكتب فوقو .. خارج نفسك ياخ أنا يادوبك فطرته .. يا ما انقاذي
Post: #51 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 11:06 AM Parent: #29
ألاخ محمد النيل شكرا يا سيدي على النصائح المفيدة والغالية التشابهات الذكرتها مهمة و مفيدة برغم بساطتها...طبعا التطبيق صعب في الأول...لاكين بحاول... بس في الاول نجيب عود كويس و ريشة كويسة حسب نصائح الاخوة.. الممارسة هذه هي الكلمة السحرية البعتقد ممكن تعمل المستحيل و زي ما بقولوا الخواجات: Repeatition makes perfection
Post: #48 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 10:56 AM Parent: #28
محمد عبد الماجد الصايم دا الربنا قدَرك عليهو؟؟ وييييين معاييرك
Post: #46 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 10:39 AM Parent: #27
حبيبنا خالد العبيد كان لقيت طريقة بجيكم في كانبرا بي عودي دا أكرهكم البلي زاتو وللا كان جيت سيدني أديني خبر وتعال لينا في البيت شاي مغرب وكدا... عشان تشوف على الطبيعة
Post: #44 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 10:35 AM Parent: #26
حسن مكَاوي
Quote: أصابع اليمنى ترسل وأصابع اليسرى تستقبل
بما أني مهندس...الفوق دي عجبتني Transmitter and Receiver لاكين أطبقا كيف؟؟؟؟...دي حأقعد العشرة سنين الجايات ديل عشان أفهما
Post: #42 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 10:24 AM Parent: #24
أستاذنا طارق ميرغني والله أنا من ناحية عايز النصيحة من الناس الخبرة دي جادي فيها جداً جداً أما حكاية أني فنان دي..ولاااااااااابحلم بيها ولا دايرا كل الدايرو أني أعزف كويس عشان أطرب نفسي و الناس المعاي ...كان قعدة وللا خلافو...وللا حتى ناس سودانيزاون لاين....كاااك ... بعدين ياخوانا أشرحوا لينا نظف الريشة دي كيف يعني؟؟؟....أغسلا بي صابون قلنا ليكم تعلمجي..تعلمجييييييييييييييييييييييييي
Post: #40 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 10:07 AM Parent: #23
أوووو بروف أكرم شخصياً وينك يا حبيب والله شوقنا بحر
Quote: انا غايتو خشمي ماسكو علي انشاءالله بقدرعليه
قلتا لي ما بتعمل يهو أيه...برودكاستينق...هه ها...والله الشافك طلّعت صاج الطعمية من المخزن و نفضّتو من الغبار و كوركتا لي معتصم SNAKE يناولك الزيت مااااااااااكضب أبقى قريب يا حبة شان تشوف بقية الأبداعات...........دلللللل
Post: #37 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 10:00 AM Parent: #22
دينق يا حبيب مالك داير تحرش ناذر علينا..أعتذرنا ليهو من قولة تيت ... خليها الغلطات المطبعية أدينا رأيك في الشغل الفوق دا...فنان وللا ما فنان
Post: #38 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 10:00 AM Parent: #21
عبدالله الشلقيني التمارين غايتو حسب المزاج و الزمن لكين يا خوانا فهمونا: ريشة ناعمة كيف؟؟؟ لينة يعني؟ كان ما فهمتونا الحاصل شنو...يا ني ببقى علي جركانة العصير عشرة
Post: #45 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: nazar hussien Date: 05-24-2010, 10:38 AM Parent: #38
اولا حدد لي انت وين عشان ارسل ليك مجموعة ريش بالبريد عشان الناس ديل ما يشبكوك ريشتك خفيفة...ومقطوعة من باغة او ياقة قميص...
ثانيا: تمرن لوحدك...ومرراصابعك علي الاوتار باستعمال الريشة الباغية لحين وصول ريشي الاحترافية... من فوق لي تحت ومن تحت لي فوق...بعد شوية حا تلقي حركة اصابعيك خفيفة...
نجي للضرب بالريشة: ما تتعامل معاها كأنما بتعزف ربابة...فاضرب بقوة علي الوتر..وما تنخاف منو
شويتين تلاتة حا تلقي الصوت الابودناني راح...
سوي ديل لامن ارجع ليك
Post: #52 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: غباشي Date: 05-24-2010, 11:09 AM Parent: #45
سلام يا ذياد امسك في كلام نزار دا قوي .... فهو سليل اسرة فنية تخصص عود بالاضافة لباقي الاخوة المختصين من البورد .. و عن رأي الشخصي (مع اني ما عندي علاقه بالموسيقى و العزف .... اكعب من تمبس ) , مذيد من الممارسة ابو الزنان دا بيروح (من واقع تجربة صديق عزيز) ..... و يا ذياد انا بقيت جاركم , لكن البلد ما واقعة لي عشان دايما بقارن بمحلي القديم لكن عموماً ما بطالة (لكن في التكنولجيا صفر كبييييير) .
ـــــــــــــــــــــــــــــــــ يا نزار اخوك دا وين لا تلفون لا فيسبوك الحاصل عليهو شنو? عرس وللا لسة?
Post: #57 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 11:32 AM
غباشي انتا موقعك وين يا مان؟ ورينا...الماواقع ليم بنوقعوا ليك
Post: #58 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: غباشي Date: 05-24-2010, 11:41 AM Parent: #57
Quote: انتا موقعك وين يا مان
انا في نيوزلندا يا ذياد في Dunedin و الله الواحد بقى ما عارف وا قعة ليهو وللا السويد خربت طبعنا .... لكن للضمان كدا , البلد هنا على قدر حالها
Post: #56 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 11:30 AM Parent: #45
نزار حسين تشكر جداً يا سيدي دا عنواني بتاع الشغل: Bomedical Engineering Department St George Public Hospital Gray St Kogarah NSW 2217, Australia التمرين بنواصل فيهو لمن نشوف آخرتا
Post: #47 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: محمد النيل Date: 05-24-2010, 10:51 AM Parent: #38
Quote: يا ما انقاذي
احمد الله الذى لم يبتلينى بذلك وهى شهادة اعتز بها ودى صدقت فيها شكرا
Quote: نوعيتك دي
لفظ سوقى ينم عن الإناء الذى ينضح منه
Quote: خارج نفسك ياخ
لا بالله! بصفتك شنو ياخوى؟ السودانيز دى كمان صادرتوها وبقت من ممتلكاتكم واحنا ماعارفين؟
انه ليؤسفنى حقا ان اجاريك فى هذا الجدال السخيف
ويا صاحب البوست ارجو المعذرة لانه قلبنا ليك المحل شكلة
سأواصل معك فيما يتعلق بامر العزف لك العتبى حتى ترضى
Post: #49 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-24-2010, 10:56 AM Parent: #38
طمة البطن فكت شوية .. لكن عندي نفاخ .. معليش يا زياد ح اكتب ليك بي النفاخ الماسكني دا .. عارف البورد دا مليان زي ما قلت ليك هواة .. واساتذة .. اصلو البني آدم فينا والسوداني بالذات بيتولد جواهو آلة موسيقية .. أول آلة ممكن يتعامل معاها .. هي آلة العود .. أو البيانو .. أو الاورغ. يا اما بيعزف عود أو عايز يتعلم عود .. آلة العود لانها سهلة في إنك تتحصل عليها .. في البيت .. يا تشدها من جاركم .. لكن الأورغن شوية سعب .. زمان كان في الأورغن ابوحجار داك .. أول حاجة بتتعلمه فوقو عازة في هواك يعني حسع دي إنت .. (ارغنت) لينا (العود) .. ياخ في ول بيتعلم عود بي عازة في هواك ..؟ الواحد ممكن يتعلم الاورغن بسهولة لانو الاصوات ثابتة .. وموجودة بتقدر تطلعة لو كان عندك شوية وزنة جواك .. العود المشكلة البتواجه الواحد في تعليمو .. كيف إنك تتأكد إنو موزون (تيونن) ودي أهم حاجة علشان تقدر تطلع الصوت .. بشكل سليم وسمعك يعتاد عليهو .. وتقدر تقارن الاصوات الفيهو بي باقي سماعك لي اي ميلودية .. ودي أول خطوات التعليم الجربندي ساااي كدا .. لو إنت قاعد تعزف بالعود بتاعك المنشز دا كدا دا .. أوعك تمشي تعمل ليك قعدة لي ناس واعيين .. كان ما ضربو ليهم حاجة كويسة أوعك تغني ليهم .. والله تتدق دق العيش كخطوة أولى يا زياد .. في مواقع على النت فيها (التيونر) ممكن توزن بيهوالعود .. (خلي) النفاخ دا يروح شوية .. بشوف ليك التيونر دا وين واجيبو ليك هنا دا .. http://www.justdosoft.com/InTune_MultiInstrument_Tuner-x19101.html حاليا دا واحد ممكن تتصرف معاهو يحل ليك المشكلة الحالية دي
Post: #50 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-24-2010, 11:03 AM Parent: #49
Quote: السودانيز دى كمان صادرتوها وبقت من ممتلكاتكم واحنا ماعارفين؟
والله بي صراحة انا متأسف .. متأسف شديد جدا .. ما كنت قايلك من الفرقة كم كدا ما عارف نضال اسفيري .. يعني بعد شوية الواحد لو دخل معاك لي قدام احتمال تجيب ليهو نمرتو العسكرية بتاعت الطبنجة حقتو .. إنت مش من النوعية بتاعت .. يا ايها الأمنجي ال######## .. وتعالو نلعب لعبة القبعة ..؟
قد ياخ .. قد تراك (غثيتنا)
Post: #53 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: غباشي Date: 05-24-2010, 11:18 AM Parent: #50
Quote: زمان كان في الأورغن ابوحجار داك .. أول حاجة بتتعلمه فوقو عازة في هواك
و اهواك و اتمنى لو انساك .... بتاعت عبد الحليم حافظ ديك .... بس اوع دي تكون الفيديو الجاي بتاع ذياد ....
Post: #54 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-24-2010, 11:28 AM Parent: #50
Quote: اكعب من تمبس
.. الله يسامحك يا غباشي .. البرنامج الفوق بتاع الوزنة دا يا زياد يمكن يجهجهك شوية بس اقعد ليهو وللضمان كدا أوتار العود هي من الآسفل للاعلى: دو صول ري لا مي أو بالانقليزي : C G D A E لو بحثت في اي موقع ليهو علاقة بالعود .. بتلقاهم الوتر الأول من فوق (مي) بيوزنوهو على النغمة (صول) ما تشتغل بيهم كتير .. أوزنو على إنو (مي) لانو ناس الشرقي ديل بلاويهم كتيرة .. لو وزنت العود بي طريقتم دي وعايز تعزف عازه في هواك .. احتمال كبير تجيك (قطيعة)..
Post: #55 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-24-2010, 11:30 AM Parent: #54
Quote: و اهواك و اتمنى لو انساك .... بتاعت عبد الحليم حافظ ديك .... بس اوع دي تكون الفيديو الجاي بتاع ذياد ....
.. .. والله فعلا يا غباشي .. غايتو دي بالغته فيها عديل كدا ..
Post: #59 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-24-2010, 11:42 AM Parent: #55
Post: #61 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 11:55 AM Parent: #59
والله يا تمبس لاكين أديتني فهم بي طريقة ماتتخيلا بي لنكات التيونن دي... سؤال: الوتر الاول طبعا من تحت...وللا أنا غلطان بعدين الدو مثلاً ممكن تكون غليظة وممكن تكون رقيقة..صاح؟؟...طيب أنا أظبط الاوتار كيف بحيث أنو السلم ما يكون عالي شديد أو واطي شديد؟؟ ... شباب تشكراتنا ليكم جميعاً الشغل الشغل....بجيكم باكر إنشاالله
Post: #63 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-24-2010, 12:29 PM Parent: #61
Quote: سؤال: الوتر الاول طبعا من تحت ... وللا أنا غلطان
بالضبط الوتر الأول من تحت .. وإذا لاحظت ليهو بتلقاهو .. اقل غلظة من بقية الأوتار .. والبعديهو .. أغلظ .. والوتر الوسطاني اكثر غلظة .. وديل كلهم غالبا بتلقاهم من (العصب) ولونم غالبا بيكون واحد أما شفاف .. أو اسود حسب الشركة المصنعة .. لما تطلع فوق بتلقى الوترين الفوق .. لونم واحد وغالبنا بيكونو حرير مغلف بي سلك ناعم .. والوتر الرابع اقل غلظه من الوتر الخامس وهو اكبر أوتار العود .. في حالات بستخدمو فيها ستة أوتار للعود .. ودي حسع ما بتحتاج ليها .. خرمج في خرمجتك دي وإدق دقانك ساااي ..
Quote: بعدين الدو مثلاً ممكن تكون غليظة وممكن تكون رقيقة..صاح؟؟...طيب أنا أظبط الاوتار كيف بحيث أنو السلم ما يكون عالي شديد أو واطي شديد؟؟
دا سؤال سمح .. لكن مرحلتو لسة بدري عليها شوية .. الاضان لما تكون متمرسة على النغمة الموسيقية الاصلية واللي هي التيونن البتتلقي في الاصوات الثابتة زي الاكورديون .. أو البيانو أو الأورغ .. بتقدر بعداك تتحكم في طريقة الدوزنة دي .. لكن حاليا حاول بقدر الامكان إنك تتعود على الوزنة التيونن العادية .. بي اي آلة صوته ثابت علشان تديك الصوت الحقيقي .. الطريقة البتتكلم عنها دي برضو ممكن تتحكم فيها بي وزنة الوتر الوسطاني (صول) أو الوتر الأول (دو) بي طريقة تتوافق مع صوتك حال إنك بتغني .. لكن بالشايفو دا .. ما اظنك بتغني قريبات دي العود طبعا .. في طريقة الدوزنة حقتو اصعب شوية من الجيتار .. لانو الجيتار المسافات فيهو موزعة بشكل جيد يعني ممكن تضرب الوتر الفلاني مقفول يديك البعديهو مثلا فاتح .. ودي بتكون ليك ساهلة جدا .. العود برضو ممكن تتعامل معاهو بالطريقة دي .. زي ما شرح ليك بتاع الانقاذ الفوق داك .. خليني افتش ليك رقبة بتاعت عود .. مناسبة علشان اقدر اشرح ليك بيها .. لانو الكلام دا سماعي .. بيكون ممل شوية ..
Post: #62 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: داليا الكباشى Date: 05-24-2010, 11:56 AM Parent: #59
Quote: أوتار العود هي من الآسفل للاعلى: دو صول ري لا مي أو بالانقليزي : C G D A E
Quote: دا تيونر اونلاين احسن من الاولاني داك .. خاص بالجيتار ما ح تلقى الوتر دو .. (C) أوزن الاربعة أوتار البعديهو وبعداك ساهل جدا إنك توزن أول وتر ..
أنت بتـزاكـر من ورايا يا مـرسي ..؟؟
Post: #65 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: دينا خالد Date: 05-24-2010, 12:57 PM Parent: #55
غايتو انا فتحت البوست دا وما سامعة اى حاجة عشان ما اكذب ,, لكن جيت على اثر النداء بتاع صاحب البوست ،، بدا الموسيقين من نازر ولى تحت .. لووووووب تستاهل يا زياد اى زول يجيك هنا مش دى الفئة ال حددتها ؟؟
اما عن راينا ،، والله يا زياد تستمر تعزف عود فى المنبر دا انا امشى اشترى لى درمز ,,, اصلو اللمة دى ما دايرة تتفرتق !
Post: #77 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-25-2010, 08:01 AM Parent: #65
دينا ازيك يا عزيزتي..مشتاقين بالاكتر تعرفي...أختي اسمها دينا...بعدين تكون بتعمل في الشاي..أقول ليها(دينا اسمعي دي ووريني رأيك)..بعد ما اخلص تقول لي (والله ما عارفاك بتعزف في ياتو غنية) أنتي قايلة العنوان الكاتبو دا لي شنو ما عشان ما يجوا عينتك و عينة دينا اختي ديل و يسألوني: دي غنية شنو؟؟؟؟ ...
Quote: حقو الزول يشيلو يسمعوا ناس بربر ..
ما تقولي أنا ماشي السودان نهاية السنة دي..و ناوي امشي بربر و الباوقة... وشايل عودي معاي كمان...أها تاني في شنو
Post: #76 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-25-2010, 08:00 AM Parent: #54
تمبس قطيعة؟؟؟ يا خوي انا من هسي عندي قطيعة ما كلمَك انا بالعصبة الاتشمطت لي يومين...كنت بوزن في العود و الصابعين كانت عاصية ... غايتو كلام الجيتار دا كان حاولتو بتجيني حسكنة في الضمير عديييل كدا
Post: #60 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-24-2010, 11:44 AM Parent: #49
تمبس و محمد النيل واصلوا...عاااادي...زول بحجزكم ماف اصلوا عزف مخستكين ...ف..كان غلبك سدها وسع قدها ... تمبس قلتا ليك يا مان...التيونن دا هو الجايب تايمي زاتو أتدقا ساكت!!!...أولاد خالتنا و أولاد خالنا هنا عامليني مضحكة... بالنسبة لي عازة في هواك..بديت بيها لأنو شعرتا بيها ساهلة أمال لو سمعتني بتعلَم في (أنتا يا نيل) بتاعة عثمان حسين كان تقول شنو..والله دي كمان فلما براهو ... تشكر كتير يا حبة على جلب اللنك... أشرب ليك فوار...كااااك
Post: #64 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: محمد عبد الماجد الصايم Date: 05-24-2010, 12:52 PM Parent: #60
يا تمبس .. أنا ح أجيب معاي الجيتار العضم!
Post: #66 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: tmbis Date: 05-24-2010, 01:06 PM Parent: #64
Quote: أنت بتـزاكـر من ورايا يا مـرسي ..؟؟
.. عليكم الله عاينو زي دي .. ..
Quote: يا تمبس .. أنا ح أجيب معاي الجيتار العضم!
جيبو معاك .. وتعال اعزف لينا بيهو .. وانا اصور ليك ونفتح بوست (بلوغ) .. تعملو ليكم فرقة جاز إنت وزياد .. وداليا.. شان الواحد زاتو يشوف ليهو مكان غير البورد دا ..
Post: #67 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: دينا خالد Date: 05-24-2010, 01:13 PM Parent: #64
طبعا ما سامعه الاولى ديك كانت بالجد لكن وانا بكتب اكتشفت انو الحاجة الشغالة فى اليو تيوب دى ياها ذاااتها عازه فى هواك الما بتغبانى ..
ـــــــــــــــ وش
Post: #68 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: ناذر محمد الخليفة Date: 05-24-2010, 05:02 PM Parent: #60
سلام زياد ..
أسف للحضور المتأخر .. لكن لقيت الشباب ما قصروا ..
ملاحظاتي كالتالي ..
العزف حقيقة لا بأس به مقارنة بالمدة التي قضيتها في تعلم العود (8 شهور) .. لكن في حاجة مهمة جدا دايرك تنتبه ليها :
لاحظت إنك بتضرب الريشة زي الإيقاع .. يعني بتمسك زمن الأغنية بضربات الريشة وديا طريقة ما سليمة أبدا .. طبعا ما محتاج أقول ليك إنو اي عازف عود عندو طريقتو الخاصة في إستخدام الريشة وحتى في نوع الريشة نفسها .. لكن الطريقة الإنت بتستعمل بيها الريشة ما هي الطريقة السليمة وحا تجهجهك بعدين في الإيقاعات المختلفة وأكاد أجزم إنك ما عزفت حتى الان أغنية على إيقاع الريقي .. لأنو لو حاولت حا تكتشف إنو طريقتك الحالية في العزف فيها خلل ..
شايف في شباب إتكلموا معاك في موضوع الريشة نفسها .. وفي الحتة دي داير أقول إنو ما في حاجة إسمها ريشة أصلية او ريشة ما أصلية .. أي عازف بيرتاح مع ريشة معينة بيختار الحتة البيجيبا منها او الحاجة المصنوعة منها ..
انا لمن أشتري عود جديد ويدوني معاهو ريشة أول حاجة بعملا بجدع الريشة لأني شايف إنها ما مريحاني في العزف ولا بتديني الإحساس الدايرو في العزف .. سيف الجامعة مثلا بيختار ريشة (تخينة) يعزف بيها .. أنا شخصيا ما بقدر أعزف بي زيها لإني حاسي بيها بتكتم صوت الاوتار .. ود الامين بيختار ريشة ثابتة ووسط وما تخينة .. بالمناسبة في نوع من الريش بتخليك تحس إنو بترفع السلم ربع درجة لكن بتطلع صوت العود بي طريقة جميلة ودي الريش الرفيعة الماعريضة ..
عن نفسي شخصيا .. كنت زمان يستخدم ريش بقطعا من بيت شريط فيديو ماركة jvc .. بيت الشريط دا كان بيصنع من مادة زي البلاستيك .. كنت بفتش للبيت دا وبقطعو كلو ريش رفيعة ومدببة من الجهتين ودي كانت مريحة جدا معاي لحدي ما شركة الجي في سي إنتبهت لي إستخدامي السيء لي منتجاتا فقررت تصنع الأبيات دي من الورق المقوى ..
موضوع الريشة القالا ليك تمبس بتاعت لياقة القميصة برضو فكرة جيدة لكن ما كل الريش بتنفع .. في واحد صحبي ما بيعزف عود إلا من ريشة مصنوعة من الإسكراتشات بتاعت موبيتيل ..!!
الحاجة الأنا بعزف بيها حاليا وبفتكر إنها مناسبة هي ريش عود بجيبا من البنك !!
أي والله من البنك .. بنك السودان المركزي لمن يوزع أموال على بقية المصارف بتكون مربوطة بي احزمة بلاستيكية أو مادة شبه بلاستيكية .. هذه الرباطات تنفع ريش عود ممتازة وصوتا جميل جدا وأنا يستخدم الريش دي لي اكتر من أريع سنوات وما شكيت منها أبدا..
طريقتك يا زياد في مسك العود برضو فيها نظر .. مرفقك اليمين ما مرتاح مع العود وبالتالي محل بتعزف بالريشة ظهر قدام شوية ..ريح مرفقك مع العود زي كأنك حاضنو وما تعزف الاوتار في مكان الفتحة الكبيرة .. رجع يدك ورا شوية وحا تلقى الصوت بقى جميل ...
التسجيل الجاي حاول ركز الكاميرا على الاصابع(خلاص عرفنا طاقيتك شديدة وسماعاتك أصلية ههه) عشان لو في ملاحظة تانية نقدر نوريك ليها ..
بس الشي المؤكد إنك بتعزف حاليا بإستخدام الخنصر والسبابة .. وأنا ما داير اقول الطريقة دي خطأ لكن بقول انها قد تحجمك لي قدام عند التعامل مع سلالم معينة أو لو داير تبقى مؤلف موسيقي أو ملحن لانو الطريقة دي محدودة جدا أو قد تكون صعبة شوية ودايرة منك مجهود ممكن تتفاداه بتغيير طريقة العزف .. وبالتالي أنا أحبذ إنك تعزف بإستخدام الوسطى والخنصر و البنصر (الخنصر في النغمة فا والنغمة سي في حالة عزفك على سكيل فا بي مول أو سي بي مول وأيضا للنغمة دو في حالة عزفك على سلم دو ميجر أو دو الكبير ) .. السبابة خليها حاليا وما تعزف بيها .. عشان لي قدام لقدر تشتغل بيها على سلالم البيمول .. دا لي قدام إنشاء الله ..
كدي جرب عازة في هواك بالطريقة القلتها ليك دي وحا تكتشف الفرق ..!
العود الوزنة فارقة شوية ودي ما مشكلة لي قدام شوية شوية بتعرف توزن وللعلم أنا لحدي ما كملت عشرة أو حداشر شهر في العزف ما كنت بعرف أوزن العود وكنت بعتمد في كدة على جاري محمود الكردفاني عضو فرقة الهيلاهوبا .. بعد داك هو سافر وأنا إنجبرت إتعلمت الوزنة براي ..
أرجو إنك تزور الرابط دا يا زياد وتطلع على مداخلات الناس الفيهو :
Post: #69 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: طارق ميرغني Date: 05-24-2010, 06:14 PM Parent: #68
Quote: كل الدايرو أني أعزف كويس عشان أطرب نفسي و الناس المعاي ...كان قعدة وللا خلافو...وللا حتى ناس سودانيزاون لاين....كاااك ... بعدين ياخوانا أشرحوا لينا نظف الريشة دي كيف يعني؟؟؟....أغسلا بي صابون
اخي زياد
علك بالف خير
والله في ناس خبره قدموا نصائح غاليه وجميل مشاركتك
اولا لتعلم العزف الجيد المداومه علي التمارين
لا يوجد اي عازف ماهر لا يداوم علي التمارين اليوميه
اما قصدي بتنظيف الريشه لا اقصد تنظيف مادي بمعني تجيب موس ولا سكين وتنجر...لا
قصدي ان يكون استعمالك للريشه ان تضرب في الاوتار فقط دون ان تضرب في جسم العود نفسه
اما نوع الريشة كما قال اخي ناذر كل انسان وريشته
بمعني انا افضل مثلا ريشه من بلاستيك ربط الصناديق
يعني احب الريشه الخفيفه لان حركتها في الاوتار تكون اسرع وانعم
مع قدرتك علي التحكم فيها وعمل الرعشه والنقرشه بصوره جميله
بعض الفنانين يستعملون ريشه قويه انا لا استطيع بالمره العزف بها.
حكايه...
كان في جامعة الخرطوم عندنا جمعيه اسمها جمعية الاداب والفنون
وكان لدينا فرقه موسيقيه مكتمله وكان عندنا حفله بالاستاذ محمد الامين
وبينما نحن في غرفة الموسيقي دخل عليناابو اللمين وطلب مننا العود ليعزف عليه
ربما لوجود مشكله في عوده
استلم مني العود وقام بنقر كرش العود بطرف اصبعه
فارجعه الي دون تواني ودون ان يضرب وتر واحد.....!!!
شفت الناس الخبره كيف؟؟؟؟؟
Post: #70 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: nazar hussien Date: 05-24-2010, 07:09 PM Parent: #69
Quote: استلم مني العود وقام بنقر كرش العود بطرف اصبعه
دي اسرع طريقة لمعرفة صوت العود...
Post: #71 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: طارق ميرغني Date: 05-24-2010, 07:19 PM Parent: #70
Quote: دي اسرع طريقة لمعرفة صوت العود...
تعتمد اخي نزار علي مين الناقر....
يعني فنان ولا wood pecker
Post: #72 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: ناذر محمد الخليفة Date: 05-24-2010, 07:21 PM Parent: #70
وجودته برضو يا نزار ..
الرنين البيحصل من صوت القرعة بعد النقرشة بتوري أي عيب في العود إن وجد ..
في ناس بيضربو العود ورنيش ودا بيكتم الخشب وبالتالي بيكتل الصوت ..
وناس ترخرف وش العود بي زخارف وحليات تبقي الخشب تقيل وما بيعمل صدى ..
ودا كلو بيظه ربس من النقرشة القالا أخوناطارق ميرغني ..
Post: #74 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-25-2010, 07:34 AM Parent: #72
و دي محاولة كانت لعزف فلق الصباح: فلق الصباح..محاولة ... أها المرة دي دا عود خالنا...ما مية المية لاكين أحسن من بتاعي
Post: #78 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: ناذر محمد الخليفة Date: 05-25-2010, 08:08 AM Parent: #74
مشكور يا تمبس ..
Quote: أوتار العود هي من الآسفل للاعلى: دو صول ري لا مي أو بالانقليزي : C G D A E
معلومة كنت بفتش ليها من زمان وأول مرة ألاقيها ..
تسلم ..
Post: #80 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-25-2010, 08:23 AM Parent: #78
ناذر اللنك بتاعك الختيتو باب التسجيل إتقفل
Post: #79 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-25-2010, 08:19 AM Parent: #68
ناذر مرحب بيك يا حبيب الحتة بتاعة (تمسك زمن الغنية) دي ما فهمتها! المسكة بتخيل لي ممكن تكون غلط و بحاول أصلحا...شوف الفيديو التاني بتاع فلق الصباح الكامير فيهو بعيدة شوية
Quote: الحاجة الأنا بعزف بيها حاليا وبفتكر إنها مناسبة هي ريش عود بجيبا من البنك !!
المشكلة لو مشيت هنا البنك و قلتا ليهم داير ريشة من رباطات القروش للعود..بودوني مصحة عقلية....خليني لمن أجي السودان بجيك توريني ليها صاح..أنا بستخدم السبابة و الخنصر (القبل الاصبع الصغير)...بحاول الوسطى مع انها صعبة شوية شوف فلق الصباح ووريني ملاحظاتك
Post: #81 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: nazar hussien Date: 05-25-2010, 08:38 AM Parent: #79
Quote: تعتمد اخي نزار علي مين الناقر....
يعني فنان ولا wood pecker
تصدق البيعرف يشتري بطيخ واستعمل نفس تكنيك البطيخ مع العود ممكن يكون اشد من محمد الامين في اختيار الاعواد...باعتبار انو بكون نقر ليه مليون بطيخة بينما محمد الامين بيكون عملها مرتين تلاته.. لكن بس توريه ...عايز قرعة صوتا شنو؟؟؟
Post: #82 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: ناذر محمد الخليفة Date: 05-25-2010, 08:38 AM Parent: #79
يا زياد ..
ما سامع الصوت لكن بوريك في شنو :
ما تحرك يدك كلها وإنت بتعزف بالريشة ثبت يدك وحرك أصابعينك بس ..
وأنا فوق قلت ليك رجع يدك لي ورا شوية أضرب الاوتار في نهاية الزخرفة البنية بين الدورانيتين .. زح من الدورانية الكبيرة .. العود ما تختو في نص كرعينك ..
باعد بين ساقيك وخلي العود يكون في كراعك اليمين وما تميل العود .. خليهو يكون قاعد ستريت ..
صوابعك البتضغط بيها الاوتار متباعدة شديد أمسك الرقبة بي إرتياح وما تتشنج مع الضغط على الاوتار ..
بجبك بعدين لمن أسمع ..
Post: #83 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: ناذر محمد الخليفة Date: 05-25-2010, 08:49 AM Parent: #82
يا زياد ...
نزل ليك كم فيديو تاني وأنا إنشاء الله في نهاية الفيديوهات حا أعمل لي فيديو مخصوص ليك إنت بوضح ليك فيهو الحاجات المفروض تعملا وأصلح ليك اخطاءك ..
تدفع كم ؟!!
التسجيل عند عمك قفل لكن أهو فتح عندي أنا ودي فرصة نطلع شوية مصاريف ههههههه
ملاحظة أخيرة ..
أقفل ضرفة الدولاب الوراك دي ..
يا كمان أفتح الضلفة التانية ههههههههه
Post: #84 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-26-2010, 07:40 AM Parent: #83
والله يا ناذر الملاحظات كلللها أخذتها بعين الاعتبار-حلوة عين الاعتبار دي.. و تراني بحاول بنزل المزيد في الويكيند...مشغول وكمان عندي نزلة شديدة مفقدَاني تركيزي!!! لاكين بنزل المزيد..أصبر...والله غايتو حامرضكم مرض ... ضلفة الدولاب بقفلها...الضلفة التاني كان فتحتها بفتحا..أنتا قايل فيهو دهب؟..فنايل و بناطلين و دلاقين ساكت
Post: #85 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: nazar hussien Date: 05-26-2010, 07:50 AM Parent: #84
يا زياد
حاول
انت كلك زينا و عايمة كالوزينا و يحفظك مولاك... دي اتعلمنا بيها زمبارة القصب...
Post: #86 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-26-2010, 01:27 PM Parent: #85
نزار شكلها خفيفة لاكين اللحن با عمك ألحقنا باللحن و ليك علي تكون الفيدية الجاي ... أنتو الفيديو أبى يتنقل لي في المنبر من يوتيوب...أفيدونا بالترك عشان نضيفه
Post: #87 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: nazar hussien Date: 05-26-2010, 02:27 PM Parent: #86
اللحن ميلودي...يا زياد زي ما بتقراها اعزفا حا تديك
انت كلك زينه باوتار العود
Post: #88 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: nazar hussien Date: 05-26-2010, 02:32 PM Parent: #87
Post: #89 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: MOHAMMED ELSHEIKH Date: 05-26-2010, 06:51 PM Parent: #88
Quote: وبالتالي أنا أحبذ إنك تعزف بإستخدام الوسطى والخنصر و البنصر (الخنصر في النغمة فا والنغمة سي في حالة عزفك على سكيل فا بي مول أو سي بي مول وأيضا للنغمة دو في حالة عزفك على سلم دو ميجر أو دو الكبير ) .. السبابة خليها حاليا وما تعزف بيها .. عشان لي قدام لقدر تشتغل بيها على سلالم البيمول .. دا لي قدام إنشاء الله ..
ازيك يا ناذر الراجل بالراحة عليهو ... الزول عاوز ليهو طريقة يوزن العود. انا لي تجربة جربندية جدا ومازلت متمسك بها. في حالة التمارين وعدم التداخل مع آلات أخرى بعمل كالآتي: افرض احد الأوتار من تحت =1 و ابعدو 2 حتى 5. امسك رقبة العود في المكان المناسب اللي قالو ليك ناذر(حمد بن خليفة) شد الوتر واحد (وهو مذدوج) على اي نغمة ممكنة بس معقولة ركز على واحد في الوترين رقم 1. قم بالضغط عل الوتر رقم واحدبالسبابة يعطيك نفس الصوت المفترض صدوره من الوتر تلاتة حر. اضغط على تلاتة بالسبابة برضو يديك صوت الوتر 5. الآن خلصنا من 1-3-5 طيب: أضغط على الوتر خمسة بالبنصر يديك الوتر رقم 2 حر(غير مضغوط). الآن بقي الوتر رقم 4 و بالضغط على الوتر رقم 2 بالسبابة يعطيك الصوت المفترض للوتر 4 مفتوح.
بس تأكدانو التيوننق دا ما حايكون ماشي مع اي آلةمن ذوات الصوت الثابت.
Post: #90 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: زياد جعفر عبدالله Date: 05-28-2010, 02:16 AM Parent: #88
Quote: بتلقاها هنا بي عودا
نزار تشكر يا حبيب... العود ما عندو لاكين حمد الريح
Post: #91 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: ناذر محمد الخليفة Date: 05-28-2010, 07:49 AM Parent: #90
سلام مهندس محمد الشيخ ..
Quote: ازيك يا ناذر الراجل بالراحة عليهو ... الزول عاوز ليهو طريقة يوزن العود. انا لي تجربة جربندية جدا ومازلت متمسك بها. في حالة التمارين وعدم التداخل مع آلات أخرى بعمل كالآتي: افرض احد الأوتار من تحت =1 و ابعدو 2 حتى 5. امسك رقبة العود في المكان المناسب اللي قالو ليك ناذر(حمد بن خليفة) شد الوتر واحد (وهو مذدوج) على اي نغمة ممكنة بس معقولة ركز على واحد في الوترين رقم 1. قم بالضغط عل الوتر رقم واحدبالسبابة يعطيك نفس الصوت المفترض صدوره من الوتر تلاتة حر. اضغط على تلاتة بالسبابة برضو يديك صوت الوتر 5. الآن خلصنا من 1-3-5 طيب: أضغط على الوتر خمسة بالبنصر يديك الوتر رقم 2 حر(غير مضغوط). الآن بقي الوتر رقم 4 و بالضغط على الوتر رقم 2 بالسبابة يعطيك الصوت المفترض للوتر 4 مفتوح.
بس تأكدانو التيوننق دا ما حايكون ماشي مع اي آلةمن ذوات الصوت الثابت.
تعرف يا محمد طريقتك دي ما جربندية .. العكس هي طريقة قد تكون صحيحة .. لكن أعتقد بتاخد معاك زمن طويل في وزن العود .. بعدين ما أظنها بتنفع لي زول زي زياد لسع في أول الطريق .. الدوزنة الإنت شرحتها هنا دي دايرة أذن موسيقية حساسة عشان تخلي الوتر رقم واحد مضغوط يكون صوتو زي نمرة تلاتة مفتوح .. والحال برضو في بقية الاوتار .. طريقتك قد تنفع مع زياد إنو يتأكد بيها من دوزنة الاوتار وإنها مضبوطة بعد ما يوزن العود مش يعتمد عليها في حد زاتا لي وزن العود ..
لكن برجع وبقول أي زول عندو مدرستو الخاصة وطريقتو البيعرفا في التعامل مع العود ..
كدي يا زياد جرب الطريقة الشرحا ليك محمد الشيخ إحتمال تنفع معاك ..
تسلم ..
Post: #92 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: ناذر محمد الخليفة Date: 06-04-2010, 03:49 PM Parent: #91
أها ..
وصلت وين ؟؟!!
Post: #93 Title: Re: ناذر محمد خليفة و بقية الموسيقيين في المنبر..رأيكم لو سمحتم في عزفي هذا Author: Osman Musa Date: 06-04-2010, 05:30 PM Parent: #92
العود ده نفسو قام يا زياد يا أخوى . وسامعو بيطرطر طرطرات كدى عجيبه . بس السبب كلو من تمبس السحر التبخه .
