كيف يجبر هؤلاء الناس لبيع بيوتهم بالارهاب والتخويف

05:23 AM February, 18 2022

سودانيز اون لاين
زهير ابو الزهراء-السودان
مكتبتى
رابط مختصر

الخطر القادم هل هذه القصه حقيقيه ولا نجر امني ل اخافه الناس

انا / ع م ع
اخوي من كبار تجار قطع غيار السيارات في منطقه الصناعيه
في الخرطوم
يسكن الخرطوم 3 ج في عمارة شكل فلة مكونه من 3 طوابق منذ 30 سنة وقبلها كان يسكن في بري بيت ملك
ورثة جدي من 60 عام ونحن اصلاً من دنقلا نشتغل في التجارة من قديم الزمان
الحصل فجاءة وبدون سايق انزار اتصل علي اخي وانا كنت موجود في الشماليه في زيارة الي جدتي لانها رجعت البلد سنة 2019 ورفضت تسكن الخرطوم بعد سقوط البشير
وحاولنا معها كل الطرق ترجع تسكن معنا الخرطوم ولكن رفضت بقوه
الحصل انا كنت في زيارة لها في الشمالية اتصل علي اخي
تاجر اسبيرات السيارات وقال لي ارجع وبسرعه انا محتاجك في موضوع مهم للغاية وبسرعة بدون اي اساءلة
وبعدها انا استعجلت ورجعت في اليوم التاني وصلت المغرب وفي طريقي قبل الوصول اتصلت علي اخوي تاجر الاسبيرات وقلت له انت في البيت او الدكان بتاع الاسبيرات قال لي انا في البيت
تعال بسرعة
وصلت بيت اخي بعد المغرب
وقلت لاخي الحاصل شنو اشفقتني عليك قال لي بالحرف الواحد وصلني تهديد من رقم
مجهول قال لي بصريح العبارة تبيع بيتك او تخرج منه ببلاش
لانو عندنا رتبة كبيرة في الدعم السريع يريد البيت باي شكل من الاشكال. وقال لي بنمهلك شهر فكر في البديل و البيع قبل ان تندم ونحزرك من عمل اي بلاغ في الشرطه او اي جهة لانو مافي اي فايده من ان تعمل بلاغ الموضوع مرتب ولا تحاول تعمل اي شيء ده كلام اخوي معاي انتهي لحد هنا

فقلت له سفر اولادك الشمالية واترك البيت فاضي قبل ان تفكر في بيعه او اي شيء فقال لي فكرت اشتري شقة في مصر وارحل اولادي
قبل ان الحق بيهم فقلت له بهذه السهوله تترك بلدك وشغلك واهلك قالي لي احتمال التهديد يكون صحيح
والبلد مافيها حكومة ولا قانون عشان كده انا قررت اسفر اولادي مصر
قلت له انتظر شوية وشوف الحاصل قبل ان تترك البلد
المهم وصلنا الي حل وسط
تركنا العمارة فاضية ورحلنا في بيت موقت لحد مانعرف الحاصل شنو.
اتصلت عل معارف ايوي في الجيش والشرطة لعلهم يفعلوا شيء ويعرفوا مكان وصاحب التهديد وفلاً. اتصلوا
بنفس الرقم في اليوم السابع فكان الرد من ضابط تابع لاستخبارات الدعم السريع لغتة غريبة وعربي مكسر
فقال لنا انا مامور مافي يدي شيء اعمله ليكم نفذ البيع بدون اي تردد هنا تاءكدنا انو التهديد صحيح وبدون اي لعب او هزار

بعد 3 اسابيع اتصل مرة تانية
وهنا بداء المساومة في السعر
بدون ما يعرف راينا شنو في البيع دفع سعر خيالي ومغري
وبالدولار وكاش وفي حالة عدم البيع نحن غير مسوولين عن سلامتك علي حسب قولة
انتهت مكالمة التهديد للمرة التانية
علي العموم انا صاحب العمارة حسمت امري وقررت ابيع واشتري في مكان اخر لانو هذا المكان مستهدفه من قبل ضباط الدعم السريع لقربها من المطار ومكان محورية ومحبوبة لداء كل اهل الاموال والضباط ورجال الاعمال السودانين وغيرهم
من بقية الجنسيات الاجنبية
من هنا انبه جميع الشعب السوداني يشوفوا لينا حل للاستيطان الجديد والتغير الدمغرافي الذي بداء يجتاح العاصمة القومية في مناطق متفرقة بداء البيع والشراء والتهجير القسري لاصحاب الارض الاصليين بوافدين جدد لانعرف عنهم شيء ولا في العادات ولا التقاليد ولا صلة رحم ولا لغة ولا تجمعنا معهم
ارض ولا جغرافياء
فماذا انتم فاعلون ايها السودانين ؟؟؟...منقول

كلام عجييييب

ما يسمى بالدعم السريع نبت شيطاني يجب استئصاله باي ثمن وباي شكل
والا فعلى السودان السلام ....
لعنة الله على من قام بتاسيس هذا النبت الشيطاني
ولعنة الله على هذا الحميدتي الذي يشتري ذمم الناس
بالمال الذي ينهبه كل يوم من ثروات الشعب المغلوب
على امره..
ولعنة الله على هذا البرهان الذي يقود الوطن نحو هاوية سحيقة
وتبا لهم جميعا بكل اللغات...

هذا الموضوع يحتاج الي تقصي وان كان حقيقي لابد من الاتي:
1-فتح بلاغ قانوني والبحث عن الشريحه وصاحبها.
2- الموضوع يبقي قضية راي عام وامن مجتمع تسير له مظاهره الي الشرطه والنيابه والقضاء.
3- اين المحامين والشرطه والقضاء والنيابه لابد من القبض علي ناشر الموضوع والتحقيق معه لمعرفة الحقيقه.
4- أذا ثبت ان الامر حقيقي السودان في خطر.
5- لابد من وضع حد لكل هذا العبث.
6- المسؤليه علينا جميعا في التهاون الحاصل ده عاوزين دوله واحده وجيش واحد

اذا الواحد بسبب مكالمة تلفونية عايز يبيع بيتو و يهاجر, فهل حقا تستحق التعاطف؟
ممكن يقول العرض مغرى و عمل حساباتو انو حيشترى شقة في مصر و بيت في منطقة اخرى داخل العاصمة و بقية مصاريف لكن ما يعمل فيها انو ضحية تهديد.
هو ضحية اغراء.