نانسي عجاج:لن يزال اي ترس ولن يفتح اي طريق مالم تتحقق مطالبنا كاملة....

09:25 PM April, 29 2019

سودانيز اون لاين
اخبار سودانيزاونلاين-اريزونا-امريكا
مكتبتى
رابط مختصر

المتاريس دي ما مجرد حجار اترصت في الشارع والسلام ، المتاريس دي بالنسبة لينا شهداء كتار ضحوا بي أرواحهم عشان نحن نواصل في طريقهم , والثوار بس هم البحددوا حتتشال متين.
- الثورة بدتها الجماهير من البيوت والشوارع , وهي الفرضت شروطا علي كل الاطراف الموجودة في المشهد. وعليه, مافي زول مضطر يقبل بأي انصاف حلول .لانو فعليا الشعب هو الفعل , وغيرو رد فعل.
- الفترة الجاية هي اصعب مراحل الثورة, لانها فترة تشتيت إنتباه , تضارب معلومات, شق صف, لعب علي عامل الزمن, علي امل انو الناس تيأس, تتعب, تحبط وترجع , ونرجع كلنا للدوامة التعيسة ديك
عشان كدا محتاجين نكون اكتر يقظة وتماسك وثقة في عدالة قضيتنا. يقظة واصرار اكتر من آي وكت مضي .
امرق براك من غربتك .. واستني في الشارع مجيك

نانسي عجاج