Post: #1
Title: رصد الحراك الثوري (الاحد 17 فبراير): تقرير ميداني : مهادن الزعيم
Author: تقارير سودانيزاونلاين
Date: 02-18-2019, 01:59 PM
12:59 PM February, 18 2019 سودانيز اون لاين
تقارير سودانيزاونلاين-USA
مكتبتى
رابط مختصر
✵ الليلة طبعا موكب الوفا۽ للشهداء في بحري الساعة 1 ظهرا ذي ما هو معلوم ....
✵ وجود شرطي كثيف علي طول شارع المعونة وبكثافة اكبر في المحطة الوسطي بحري ....
✵ دفارات الشرطة ارتكزت في موقف العربي وموقف الحاج يوسف وكل التقاطعات والاستوبات من بحري الي محطة الكيلو .....
✵ كروزرات هىئة عمليات الجهاز ارتكزت في ميدان عقرب لحدي قريب الساعة واحدة وانتشرت فجأة في محيط المحطة الوسطي ...
✵ بكاسي #الملثمين بالذي المدني تواجدو بكثافة بالاضافة الي تاتشرات تحمل لوحات استثمار .....
✵ عربات البمبان اتواجدت في موقف العربي وموقف الحاج يوسف .....
✵ في الزمن المحدد انطلق الهتاف وانطلق البمبان والقنابل الصوتية وانطلقت الزغاريد من كل مكان .....
✵ بداء الهجوم علي المتظاهرين وانسحب المتظاهرون الي داخل سوق بحري واستمر الهتاف ......
✵ قوات النظام عملت علي تفريغ الموقف من المواطنين وارتكزت به تاتشرات هيئة عمليات الجهاز بدلا حافلات المواصلات ....
✵ طبيعة بحري لاتسمح بموكب ولكن ايضا بامكان الموكب ان يتحول الي مظاهرات احياء ترهق قوات النظام وهذا ماحدث .
✵ اشتعلت احياء بحري بالهتاف علي طول شارع المعونة فكانت ملحمة #شمبات الحضراب والحلة جسدت صمود الثوار انتشرت المتاريس في كل مكان .....
✵ #الشعبية بحري انتفضت بمظاهرة كبيرة وقام الشباب باغلاق كافة الشوارع في وجه عربات النظام .....
✵ انتفضت احياء #الدناقلة و #المزاد و #الديوم وغطت سحب البمبان سماء كل احياء بحري .......
✵ استشهد المواطن ابوبكر عثمان يوسف 62 عاما بعد اختناق من البمبان واصيب احد المواطنين في عينه بعبوة بمبان وتمت محاصرة مستشفي بحري بالكامل من قبل قوات النظام
✵ الحاج يوسف #شارع1 عملو كتمة سمحة شديد وهتفوا باسقاط النظام عشان يقولو للنظام بحري كبيرة شديد ومابتقدر عليها. ....
✵ احياء #بري و #العباسية و #ودنوباوي مابعرفوا حاجة اسمها جدول ولا حاجة اي مظاهرة طلعت هم بطلعوا طوالي ودا الحصل اليوم بالضبط .....
✵ ناس #ودنوباوي متعودين من تكون في كتمة طوالي بمشو يترسو شارع الدومة وشارع ود البصير ..
✵ ناس #بري ترسوا كل الشوارع في الحلة. وقفلوا شارع المعرض بالكامل وناس #اللاماب انطلقوا من مربع 4 بمظاهرة كبيرة وهتاف عالي .......
✵ ناس #الشجرة كالعادة عملو موكب ضخم فيهو كل ناس الحلة وهتفوا باسقاط النظام ......
✵ ناس #الحتانة و #الدوحة شاركوا الليلة في الموكب بمظاهرات كبيرة وهتفوا باسقاط النظام .....
✵ #الجريف غرب مربع 79 قامو بالليل وعملوا شغل ثوري كبير في مظاهرة ليلية ضخمة ...........
✵ اصابة شاب بعد محاولة دهسه عن طريق احد تاتشرات رباطة النظام .......
✵ مازالت المظاهرات مستمرة في اغلب احياء ولاية الخرطوم وبعض الولايات الاخري حتي لحظة كتابة هذا المنشور في التاسعة من مساء الاحد 17 فبراير ......
✵ ولاية الجزيرة انطلق منها موكب كبير بمدينة #مدني حي المدنيين وهتفوا باسقاط النظام وواجهو قمع خيالي .....
✵ ولاية البحر الاحمر انطلق منها موكب كبير في مدينة #بورتسودان من حي ديم النور ورددو هتافات حرية سلام وعدالة والثورة خيار الشعب .....
✵ ولاية نهر النيل خرجت منها مظاهرات كبيرة بمدينة #عطبرة حي السيال وهتفوا باسقاط النظام ......
#تسقط_بس
#الثورة_مستمرة
#موكب17فبراير
|
|