Post: #1
Title: ما عدت اقوى على الفراق
Author: Rasha Hatim
Date: 05-04-2006, 05:08 AM
Parent: #0
قبل ما يجيني زول ناطي بحقوق الملكية الفردية
النص دة انا الكتبتو ونشرتو في منتديات نادوس باسم مستعار
ما عدت أقوى علي فراقك لحظة...
إن الثواني في بعادك لا تمر...
فاليوم عندي فيه ألف سويعة...
أما الدقائق فهي في طول الدهر...
والقلب ضاق من البعاد وشقه
جرح عميق لا أظنه يندمل...
عمري أهبه فدي عناقك لحظة
يا ليت عمري بين حضنك يحتضر...
ويا ليت حبك يستبيح جوانحي
فلا يبقي فيها غير نبضك أو يذر.
قد كنت لي دوما حبيبا عاشقا
تهب الحياة بريقها وتزيح عن قلبي الكدر...
وتضم روحي في حنان غامر
فتهيم عشقا للقاء ونار شوقي تستعر...
وتري العيون توقدت
وتري الشفاه تبسمت
واهتز ذا الجسد المحب برعشة
عند العناق فخلت روحي غادرت...
يا ذا الذي أهواه حتى الموت رفقا
حيث قلبي واهن, والروح من خوف الفراق, لدي رباك توسلت...
**************************************
|
Post: #2
Title: Re: ما عدت اقوى على الفراق
Author: اساسي
Date: 05-04-2006, 05:34 AM
Parent: #1
بدري صحيت من نومي
انا بدري صحيت من نومي
مشيت لامي امي وابوي صبحت
مشيت المدرسة ما اتاخرت
واخر العام انا كنت سقطت
هيهيهيهيهيهيهي
والله البسالك من حقوق ملكية للكلام دا الا يكون احوص
|
Post: #3
Title: Re: ما عدت اقوى على الفراق
Author: Rasha Hatim
Date: 05-04-2006, 06:08 AM
Parent: #2
"والله البسالك من حقوق ملكية للكلام دا الا يكون احوص"
اكتر منك؟؟؟؟؟؟
اسمع البوست دة للناس البتفهم, امشي بوست الكيزان داك خرمج فيهو زي ما داير.
اصلا هم ما بميزو وبنطوا للزول في اي مكان زي القدر.
فهمت!!! اكرر البوست دة للناس الربنا اداهم عقل وبفهموا وبقدروا, اما انت فيكفيك كلام "الشماسة" البتكتبوا دة والاكيد عاجبك.
" وتكبر في عين الصغير صغارها وتصغر في عين العظيم العظائم"
|
Post: #4
Title: Re: ما عدت اقوى على الفراق
Author: عادل فقاد
Date: 05-04-2006, 06:41 AM
Parent: #1
اهلين بت حاتم
اول حاجه تحية للاموره الحلوه دي واتخيل لي انها شهد
ربنا يخليها
لكن بالغتي فيها يا رشا قطعه منك غايتو المابعرف يقول بتك خخخخخخخ  ;(
نجي لى حكاية الشعر والكلمات الحلوه والنثر والادب
تعرفي بعدك انتي وهشام انا اتخيل لي يا ناس آداب كلكم ناجحين الا انا
كلامكم حلو والفاظكم رنانه وحاجه تعجب بالجد شئ رائع
ولى قدام
|
Post: #5
Title: Re: ما عدت اقوى على الفراق
Author: Rasha Hatim
Date: 05-04-2006, 06:58 AM
Parent: #4
تسلم يا عادل,, اهو كدة يا دوب البوست بتاعي نور,, بعد الظلام الكان مسيطر عليهو دة.
اها يا عادل كدة شفت البتين داير ياتي؟؟؟ اسرع عشان وعدت لي زول تاني,, ما تقوم تتمقلب
|
Post: #6
Title: Re: ما عدت اقوى على الفراق
Author: اساسي
Date: 05-04-2006, 07:19 AM
Parent: #5
ما عدت أقوى علي فراقك لحظة...
إن الثواني في بعادك لا تمر...
فاليوم عندي فيه ألف سويعة...
أما الدقائق فهي في طول الدهر...
والقلب ضاق من البعاد وشقه
جرح عميق لا أظنه يندمل...
عمري أهبه فدي عناقك لحظة
يا ليت عمري بين حضنك يحتضر...
ويا ليت حبك يستبيح جوانحي
فلا يبقي فيها غير نبضك أو يذر.
قد كنت لي دوما حبيبا عاشقا
تهب الحياة بريقها وتزيح عن قلبي الكدر...
وتضم روحي في حنان غامر
فتهيم عشقا للقاء ونار شوقي تستعر...
وتري العيون توقدت
وتري الشفاه تبسمت
واهتز ذا الجسد المحب برعشة
عند العناق فخلت روحي غادرت...
يا ذا الذي أهواه حتى الموت رفقا
حيث قلبي واهن, والروح من خوف الفراق, لدي رباك توسلت..
ــــــــــــــــــــــ
لا والله انا كنت بتكلم بالجد الكلام المكتوب فوق دا من الظلم نقول عليهو ادب وشعر دا كلام مرصوص رص
اولا مافي اي جرس موسيقي مصاحب للكلمات يعني مافي اي اتساق اثناء قراءة النص يلاحظ
في تواتر عالي يعني النص زي الامواج المضطربة يطلع وينزل ويغرق ويطفح بدون اي ترابط او تناسق
مافي اي بحر شعري ارتكزت عليهو القصيدة ان جاز ان نطلق عليها قصيدة حتي
دا بالنسبة للشكل العام
بالنسبة للالفاظ المستخدمة ..
النص مليئ بالالفاظ الغريبة عنه مثل الف سويعة
هنا اردتي الكثرة وركنتي للتصغير تناقض واضح ومخل
بعدين القلب شقه جرح عميق .. دا كلام الطير في الباقير
الشق دا بيقسم نصفين اما الجرح اما غائر وعميق او سطحي
وهنا انت لتقتي ليك وجع كدا من راسك وفكيتيهو بدون اي حساب
شوفي هنا عليك الله
فلا يبقي فيها غير نبضك أو يذر.
دا كلام بيكتبو شاعر واعي للبيعمل فيهو ولانه ممكن كلامه دا يتنشر
اسع عليك الله الشطر الشعري دا جملة ما يصلح خليك من يكون شطر لبيت شعر
الجملة اصلا ما راكبة منطقيا بالعقل كدا خليك من بحور شعر وتفعيلة وكلام كتير
هنا انت استخدمتي غير وهي للخيار بين شيئين علي درجة من المساواة وفي نفس الاتساق
او النوع
لكن جبتي كلمة للمقارنة لا في السماء لا في الارض
يعني عشان تفهمي علي الاقل الانت بتعملي فيهو دا
كان ممكن تقولي غير نبضك ( وتجيبي حاجة مووازية وماشة مع الموضوع)
او قبل يذر دا تختي حاجة صفتها يذر يا ام صفة انت
القصيدة ان جاز لنا ان نطلق علي هذا النص قصيدة كلها علي نفس النسق وماشة بالمستوي دا
يعني اي بيت فيهو حفرة ممكن تبلع لوري من الاخطاء
لذا نكتفي بالامثلة دي وانت قيسي بعد داك واحسن حاجة تنسي قصة انك بتكتبي شعر
بعدين الموضوع الانت بانية عليهو القصيدة وجرستك الكبيتها دي عشان حضن ما وضحتي
او حتي اشرتي اشارات خفية لانك دايرة منه شنو او خايفة يمشي ولا هو مشي وشخت ليك
ياخي اقول ليك حاجة
الشاعرية دي هبة من ربنا والحاجة الفوق دي صناعة رخيصة ليس لك فيها نبوغ او موهبة
فانت ارحمي نفسك من التعب دا وارحمي القراء من الغثاء
|
Post: #7
Title: Re: ما عدت اقوى على الفراق
Author: Rasha Hatim
Date: 05-04-2006, 07:34 AM
Parent: #6
هسي عليك الله منو فينا البكتب كلام الطير في الباقير... غايتو بس اقول شنو يا اساسي ....
جهل مستفحل وسطحية غريبة,,
وعاوز تعمل فيها ناقد وكدة,,,
عليك الله زي ما قلت ليك خليك في خرمجتك وشتارتك دي.
بعدين انا دايرة زول بكتب كلام عندو وزن عشان لما ينتقدني انا احس بالفخر,,, لكن الزيك دة نخت كلامو في ياتو خانة,, "واذا اتتني مزمتي من ناقص,, فهي الشهادة لي باني كامل"
المشكلة اني وعدت فيصل اني ما ارد عليك,, لكن اسوي شنو, انت السكوت عليك وعدم الرد يجعلني كشيطان اخرس....
* قلت لي انت خريج شنو؟؟؟؟؟؟؟"
|
Post: #8
Title: Re: ما عدت اقوى على الفراق
Author: هشام آدم
Date: 05-04-2006, 07:34 AM
Parent: #6
___________
رشا يا بت حاتم
Quote:
اها يا عادل كدة شفت البتين داير ياتي؟؟؟
|
الشغلة فيها بيعة وله شنو؟ عادل ده متزوج .. الدور والباقي علي أنا دا .. شنو يعني تبيعيني بالرخيص كده. على العموم يا ستي أنا ممكن أشيل الاتنين وتديني واحدة تالتة مجاني؟
|
Post: #9
Title: Re: ما عدت اقوى على الفراق
Author: اساسي
Date: 05-04-2006, 07:37 AM
|
Post: #10
Title: Re: ما عدت اقوى على الفراق
Author: هشام آدم
Date: 05-04-2006, 07:42 AM
Parent: #9
__________
راجع بوست (للكيزان فقط!!!!)
|
Post: #11
Title: Re: ما عدت اقوى على الفراق
Author: اساسي
Date: 05-04-2006, 07:49 AM
Parent: #10
|
Post: #12
Title: Re: ما عدت اقوى على الفراق
Author: هشام آدم
Date: 05-04-2006, 07:54 AM
Parent: #11
الاعتذار جبّ ما هذا الكلام
|
Post: #13
Title: Re: ما عدت اقوى على الفراق
Author: اساسي
Date: 05-04-2006, 07:59 AM
Parent: #12
|
Post: #14
Title: Re: ما عدت اقوى على الفراق
Author: هشام آدم
Date: 05-04-2006, 08:01 AM
Parent: #13
___________
أساسي
الاعتذار يجب ما قبله أليس كذلك؟
أرجو مسح مداخلاتك فسوف أقوم أنا بالمثل.
(رجاء)
|
Post: #15
Title: Re: ما عدت اقوى على الفراق
Author: اساسي
Date: 05-04-2006, 08:04 AM
Parent: #14
نعم نعم
يجب ما قبله
|
Post: #16
Title: Re: ما عدت اقوى على الفراق
Author: اساسي
Date: 05-04-2006, 08:14 AM
Parent: #15
سبحان الله
الاتنين الدخلوا غيري عاجباهم صور الاطفال وكان تعليقهم عليها
تفهمي شنو من قصيدتك كدا
|
Post: #18
Title: Re: ما عدت اقوى على الفراق
Author: Rasha Hatim
Date: 05-04-2006, 08:18 AM
Parent: #16
افهم ما كتبته يداك
"خصوصا وانت تكتب بإسم مستعار وتشتم الناس بكل وقاحة وتبصق على مبادئهم دون ان تشعر بتأنيب الضمير "
مش انت القلت كدة ولا انا غلطانة؟؟؟؟؟؟؟؟
|
Post: #17
Title: Re: ما عدت اقوى على الفراق
Author: Tragie Mustafa
Date: 05-04-2006, 08:15 AM
Parent: #15
العزيزه رشا
اولا مرحب بك قويه وواضحه ومعليش ترحيبي يمكن متأخر,لاني كنت غائبه.
النص جميل ومعبر جدا,ويا بختك بكل هذه الاشواق المعتمله في جوانحك.
جميل ان نشتاق وجميل ان نعلن عدم مقدرتنا على احتمال المزيد من الاشواق.
اساسي
رجاء,اتركها كما قلت هو منبر حر, هي لم تسمها قصيده حتى تشبوا ليها في حلقها
وبعدين نحن في زمن الحريات,مافي واحده فينا مستعده تسجن نفسها في الاشكال التقليديه
من قصيده عموديه ,للقوافي ,للميزان,...الخ الناس من حقها تكتب العايزاه,بلا قيود
زمن ناس فراج الطيب ولى.
تراجي.
|
Post: #19
Title: Re: ما عدت اقوى على الفراق
Author: اساسي
Date: 05-04-2006, 08:19 AM
Parent: #17
والله يا رشا عشان خاطر تراجي دي اكرمناك وتجاهلناك
لكن يا تراجي حتي شعر التفعيلة الحر القصيدة دا قاعدة كنب
عموما انا مشتت خلاص
|
Post: #20
Title: Re: ما عدت اقوى على الفراق
Author: Hussein Mallasi
Date: 05-04-2006, 10:24 AM
Parent: #19
نص في منتهي الابداع.
|
Post: #21
Title: Re: ما عدت اقوى على الفراق
Author: Muna Khugali
Date: 05-04-2006, 11:00 AM
Parent: #20
Quote: ما عدت أقوى علي فراقك لحظة...
إن الثواني في بعادك لا تمر...
فاليوم عندي فيه ألف سويعة...
أما الدقائق فهي في طول الدهر...
والقلب ضاق من البعاد وشقه
جرح عميق لا أظنه يندمل...
عمري أهبه فدي عناقك لحظة
يا ليت عمري بين حضنك يحتضر...
ويا ليت حبك يستبيح جوانحي
فلا يبقي فيها غير نبضك أو يذر.
قد كنت لي دوما حبيبا عاشقا
تهب الحياة بريقها وتزيح عن قلبي الكدر...
وتضم روحي في حنان غامر
فتهيم عشقا للقاء ونار شوقي تستعر...
وتري العيون توقدت
وتري الشفاه تبسمت
واهتز ذا الجسد المحب برعشة
عند العناق فخلت روحي غادرت...
يا ذا الذي أهواه حتى الموت رفقا
حيث قلبي واهن, والروح من خوف الفراق, لدي رباك توسلت...
************************************** |
أكـتبي مشـاعرك يا رشـا...جميلة هي دون شـك...
مـني
|
|