Post: #1
Title: اعترافات والقاب خاصة
Author: عبدالمنعم الرزوقي
Date: 04-03-2007, 08:54 AM
في طفولتي وصباى ومراهقتي ومرحلة النضج إلتصقت بي عدة ألقاب
تخلصت منها إما بالتزمر أو حدث جديد للقب جديد أو تغير المكان والزمان
فأنا من مواليد حي بانت شرق العتيق ففي طفولتي المبكرة
كنت انا وابنة عمي جارنا في نفس الحي نتجول في الشوارع نجمع العلب
الفارغة والادوات المحلية لنبتكر منها العاب الاطفال
طفقنا نجوب الشوارع وحتي القمامات وعلي حين غرة تهنا وفقدنابوصلة
الرجوع للمنزل فوجودنا اهل حي بانت حيث كان هنالك ترابط اسري اجتماعي
بين الاحياء ومعرفة وثيقة بينهم
فعرفوا اننا تهنا وضلينا الطريق واعادونا للمنزل وسط زغاريد الاهل
والجيران بعودة المفقودين
وبي سؤالنا عن سبب ضياعنا اجبت
- كنا بنلعب عريس وعروس
فصار أول لقب اتلقاه هو ( العريس )
ونواصل
|
Post: #2
Title: Re: اعترافات والقاب خاصة
Author: عبدالمنعم الرزوقي
Date: 04-03-2007, 03:41 PM
Parent: #1
وفي طفولتي الاولي انتقلنا الي حي الثورة
بينما كنا نلعب استغماية( دس.. دس ) وكان من نصيبي البحث عني
ذهبت الي المخزن حيث كان يوجد برميل فارغ اختبأت داخله وظلوا يبحثوا
عني وانا جاثم داخل البرميل حتي هدتني نفسي الي النوم وعندما لم
يعثروا علي تركوني وملو من البحث
وعند هبوط الظلام افتقدتني الاسرة واعلنت حالة الطوارى في الحارة وسآلوا
كل الجيران حيث جرت العادة في ذلك الزمن الجميل ان تنام في اى بيت
من بيوت الجيران بعد الفراغ من اللعب
بعد بحث شديد وجدوني داخل البرميل نائما فكان لقبي ( ود البرميل )
انتقلنا بعد ذلك الي حي الملازمين جنوب
وبحكم جيرتنا لمبني الاذاعة والتلفزيون عملت في برنامج الاطفال مع
الاستاذين محمود سراج ( ود ابقبورة ) وسليمان حسين ( جحا )دى لزوم فشخرة
وبما انني امتلك خفة الدم ظهرت مسلسل او مسرحية لا اذكر علي وجه الدقة
كان فيها ممثل كوميدى اسمه ( لـمعي )كانت تسريحة شعره نفس تسريحتي ( ما
تعاينو للصورة وتضحكوا دة كان زمان) المهم صار لقبي لـمـعـي
بعد ذلك انتقلنا الي الثورة مجددا
وفي المرحلة الثانوية حيث كنت اصدر صحيفة حائطية ولغرابة الكتابة فيها
إتهموني بالشيوعية فصار لقبي ( الشيوعي ) حتي ان معظمهم لم يكن يعرف
اسمي الحقيقي
بعد ذلك انتقلت انا الي مـصـر
ونسبة لاجادتي اللهجة المصرية كان لقبي الجديد( المصرى )
بعد ذلك توالت الالقاب
( منعم مشكلة )
( صعب صالح ) وبالمناسبة هذا شارع مشهور في حي عين شمس له قصة اخرى
(منعم جوردون ) وذلك لاجادتي لعبة كرة السلة
واخر لقب تخلصت منه في مصر ( اللمبي ) نسبة للممثل الكوميدى محمد سعد
ثم بعد ذلك نورث امريكا
ونواصل
|
Post: #3
Title: Re: اعترافات والقاب خاصة
Author: Muna Khugali
Date: 04-03-2007, 04:23 PM
Parent: #2
إنت يا منعم..
كنتو بترحلوا كتير كده ليه?
|
Post: #4
Title: Re: اعترافات والقاب خاصة
Author: عبدالمنعم الرزوقي
Date: 04-03-2007, 06:29 PM
Parent: #3
الاديبة الاستاذة مني خوجليQuote: إنت يا منعم..
كنتو بترحلوا كتير كده ليه? |
ما عارف ليه يا مني
لكن غايتو ابن بطوطة ياقريبنا يا تشابه اسماء ساكت
|
Post: #5
Title: Re: اعترافات والقاب خاصة
Author: عبدالمنعم الرزوقي
Date: 04-04-2007, 01:41 AM
Parent: #4
نسيت ان اقول اخر لقب في مصر كان راستا( Rasta ) وليس اللمبي
|
Post: #6
Title: Re: اعترافات والقاب خاصة
Author: محمود الدقم
Date: 04-04-2007, 02:04 AM
Parent: #1
منعم راستا تحياتي:
سرد جميل لكن قليل زي كباية الشاي الاخيرة، عايزنك ياخي تسرد لينا كدا واسرح سااااااكت في الحكي، اذكر لينا مثلا الحِلة في داك الزمانات كانت كيف؟ العمارات الاُبهات-مفردة ابُه- كانت كيف؟؟ اهم شيء تسرح لينا في الحكي وتشكر.
قلبة في شكل وهمة:
شايفك اسمك طوالي على قائمة الحضور وكدا، زهجان زينا وكدا؟
|
Post: #7
Title: Re: اعترافات والقاب خاصة
Author: عبدالمنعم الرزوقي
Date: 04-04-2007, 03:36 AM
Parent: #6
عزيزى محمود الدقم
لك من الود علي قدر مساحات وطني
تعرف يا محمود الحكي عن الحي او الحلة او الحارة زمان حاجة عجيبة
جدا ويحتاج الي مجلدات والله الجيران كانوا اكتر واقرب من الاهل وتوليفة
من كل السودان لا عرقية ولا عنصرية وبعدين بنلعب لساعات متاخرة وبنوم
في اى بيت من بيوت الجيران اولاد وبنات
وما تقول الزول ده عجوز انا كبير نعم مواليد سبعين
Quote: منعم راستا تحياتي:
سرد جميل لكن قليل زي كباية الشاي الاخيرة، عايزنك ياخي تسرد لينا كدا واسرح سااااااكت في الحكي، اذكر لينا مثلا الحِلة في داك الزمانات كانت كيف؟ العمارات الاُبهات-مفردة ابُه- كانت كيف؟؟ اهم شيء تسرح لينا في الحكي وتشكر.
|
Quote: قلبة في شكل وهمة:
شايفك اسمك طوالي على قائمة الحضور وكدا، زهجان زينا وكدا؟ |
طبعا وجودى طوالي في المتواجدين حاليا بالمنبر ده بيرجع للسهو غير
المقصود والمشغوليات الكتيرة والنسيان بتاع الخرف
اخي مـحـمـود شكرا لمرورك
|
Post: #8
Title: Re: اعترافات والقاب خاصة
Author: عبدالمنعم الرزوقي
Date: 04-04-2007, 05:03 AM
Parent: #7
منعم راستا
يدعوكم للاعترافات دون خجل او حساسية
القاب ايام زمان والان
|
Post: #9
Title: Re: اعترافات والقاب خاصة
Author: عبدالمنعم الرزوقي
Date: 04-04-2007, 04:04 PM
Parent: #8
...................................................
|
|