Post: #1
Title: ليل الدوحة سيعانق الاحمر الوهاج المريخ عابرا الي الجزائر..!!
Author: عبدالكريم الامين احمد
Date: 04-02-2007, 09:25 PM
[]عندما تحط الطائرة القطرية القادمة من الخرطوم ليلة غدا الثلاثاء 3-4-2007 سيكون علي متنها
فريق سوداني صعب المراس وشرس وصاحب امجاد وبطولات خالدات في تاريخ الكورة السودانية وسكن في
وجدان الشعب السوداني طويلا وصار ماركة مميزة لدهشة وصرعة يصعب مقاومتها ...
فريق المريخ وهو في طريقه الي دولة الجزائر ستكون الدوحة احدي محطاته حيث يقضي الفريق ليلة
كاملة بفندق (موفنبيك) بالدوحة علي ضفاف كورنيشها العليل
كل الجموع السودانية مدعوة لاستقبال فريقنا الكبير وهو في طريقه لمباراة صعبة المراس مع
فريق اولمبيك الجزائري..
الشكر للاخ كمال سالم عضو رابطة المريخ بالدوحةعلي هذه المعلومة التي تجعلنا جميعا علي اهبة الاستعداد من اجل الوقوف مع مريخنا وهو في مساره الافريقي وكل الامنيات للمريخ بنصر مريح في مباراته المقبلة..
ستصل طائرة البعثة المريخية الساعة الثامنة مساء الي مطار الدوحة ..
|
Post: #2
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: عامر تيتاوى
Date: 04-02-2007, 09:55 PM
Parent: #1
امنياتنا للمريخ بالتوفيق
وهو يمثل الكرة السودانية بالجزائر
وعشت يامريخ موفور القيم
شكرا كرومة
|
Post: #3
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: عبدالكريم الامين احمد
Date: 04-02-2007, 09:59 PM
Parent: #2
شكرا يا تيتاوي وكل التحايا
ونعم فلنهب جميعا من اجل المريخ ..مريخ السودان
...
..........
يستاهل الوقوف معه علي كل المستويات (رغم ان الجماعة بتاعنو هنا فصيحين (ناس راكوبة ديل*))
لكن واجب القومية واجب..
|
Post: #4
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: بهاء بكري
Date: 04-02-2007, 10:22 PM
Parent: #1
ده شنو ياهندسة طلعت من الجماعة
|
Post: #5
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: عبدالكريم الامين احمد
Date: 04-02-2007, 10:51 PM
Parent: #4
لا يابهاء ده كلام
احنا الاهلة
لكن حضور المريخ او اي فريق سوداني شرف كبير
وحدث يجب ان نتنادي اليه بقلب واحد...
....
...
|
Post: #6
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: ودرملية
Date: 04-03-2007, 00:34 AM
Parent: #5
سلامات
وعوافي
مرحبا بفرسان المريخ ونتمني لهم التوفيق في رحلة الجزائر ..
وانشاء الله ظافرين بالنصر ..
وليكن هذا البوست نقطة انطلاقة لازالت التنافس الاعمي بين مشجعي الفريقين ..
ولنكن كلنا في موقعة الجزائر مريخاب ..
معزتي
ودرملية الهلالابي
|
Post: #7
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: Faisal Al Zubeir
Date: 04-03-2007, 06:44 AM
Parent: #6
الزميل : المهندس : كيكي
الزميل : ود رملية :
سلامات وعوافي
برقية : الهلالاب يرحبون بالمريخ
ده الشغل .
ود الهلال .
|
Post: #8
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: محمد ميرغني حسين
Date: 04-03-2007, 07:10 AM
Parent: #1
مرحبا بمريخ السودان في الدوحة
سنكون في استقبال الأحمر الوهاج في مطار الدوحة في سبيل رفع معنويات اللاعبين
ليتجاوز المريخ عقبة أولمبيك شيلف الجزائري .
كل أمنياتنا للشقيق المريخ بالنصر المؤزر إن شاء الله .
وهذه سانحة طيبة لأزف التهاني حارة لكل عشاق المارد الأزرق ، زعيم عموم أندية
السودان بمناسبة اختياره الهلال كأحدأفضل ( 200 ) نادي على مستوى العالم حسبما أوردت
صحيفة قون في عددها الصادر أمس نقلاً عن الدكتور طارق بابكر علي التوم من لندن ،وهذا
لعمري إنجاز ما طاوله إنجاز وفخر لجميع الرياضيين بالوطن العزيز وبإفريقيا السمراء، فألف ألف ألف مبروك .
|
Post: #9
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: حمزاوي
Date: 04-03-2007, 07:30 AM
Parent: #1
مريخ الملايين
زعيم الكرة السودانية
حفظكم الله في حلكم وترحالكم
ويوفقكم
ان شاء الله فائزين وعائدين منتصرين
كما عودتمونا يا اصحاب الكاسات المحمولة جواً
يا بورداب الدوحة بينكم من يمثل السودان خير تمثيل
فاكرموه واحسنوا وفادته
كما عودتمونا
|
Post: #10
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: عبدالكريم الامين احمد
Date: 04-03-2007, 01:46 PM
Parent: #9
سلام بهلالاب الدوحة
ودرملية
وفيصل الزبير
والهلالي الكبير محمد ميرغني...
ويدا واحدة في استقبال النجمة ونجومها
..............................
وتحية خاصة للخال الراقي (حمزاوي) علي حضوره الانيق في حضرة حضور المريخ الطاغي المرتقب الي
ارض الدوحة ومنها الي الجزائر ونتمني يا ياخال للمريخ كل التوفيق والانتصار...
وياخال حمزاوي احنا كنا معدين توقعيات وعاوزين نطالب بيك خال لبورداب الدوحة (لكن مريخيك دي
بنخوفنا شوية)..والمشكلة انو الخال المرشح التاني برضو (مريخي)..(غايتو في اشاعة انو ح نطمبجها
وبجيب صلاح غريبة ويعوضنا الله)..
|
Post: #11
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: عبدالكريم الامين احمد
Date: 04-03-2007, 02:34 PM
Parent: #10
نسبة لظروف طارئة في الطيران سوف تتاخر بعثة المريخ عن الوصول اليوم الثلاثاء لتصل غدا
الاربعاء عند الثامنة مساء بالطائرة القطرية..
|
Post: #12
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: تماضر الخنساء حمزه
Date: 04-03-2007, 02:36 PM
Parent: #11
كيكي ..طلعتا مع الخيانة ؟؟
|
Post: #14
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: عبدالكريم الامين احمد
Date: 04-03-2007, 04:22 PM
Parent: #12
| Quote: كيكي ..طلعتا مع الخيانة ؟؟ |
سلام ياطمطم
اخوك هلالابي كبير ولكن بصراحة تحت تحت كده بحب المريخاب
قلبهم حار وجابوا كاسات من بره(مع انو واحد بتاع صفيح) لكن برضو من بره
|
Post: #13
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: عبد المنعم سليمان
Date: 04-03-2007, 03:25 PM
Parent: #1
| Quote: كيكي ..طلعتا مع الخيانة |
الحمد لله لقيت لي تيم بشجعوا من الليلة
بمووووت في الهلال يا كيكي
___
( وما كنا نهتدي لولا ان هدانا الله)
|
Post: #15
Title: Re: ليل الدوحة سيعانق الاحمر الوهاج المريخ عابرا الي الجزائر..!!
Author: عبدالكريم الامين احمد
Date: 04-03-2007, 04:56 PM
Parent: #13
| Quote: ( بمووووت في الهلال يا كيكي) |
وكيكي كذلك يا منعم....
لكن المريخ ضيف كبير وتيم ذو تاريخ ناصع ومنذ زمن ماجد مرورا بسانتو وحموري وعادل امين
ومعاهم طوالي سليمان عبدالقادر وكمال عبدالغني وجمال (كيغن) والاسطورة حامد بريمة وقبله الهادي
سليم والطيب سند ومازدا وعمار الذي اشعل النار والمرحوم (صلاح بمبان) وابراهومة الفنان
ودحدحة والكثيرين من الذين مرور علي العارضة ذات اللمبة الواحدة وتحولت الان الي استاد يسر الناظرين,,,
وتعرف يا منعم انا في الاصلي كنت اشجع بري ومنذ ايام ابو حشيش وكافينول وكانت لدينا ونحن صغار
مباريات فردية حامية الوطيس ما بين صلاح الامين الهلالابي واحمد اللمين المريخابي المتعصب
وكنت انا (بري) عند بداية السبيعات عندما كان(كافينول) قادرا لوحده هزيمة الهلال والمريخ..
ولكن حدث شي ما عله مشاجرة مع ممثل المريخ حولتني الي تشجيع الهلال وصرت هلاليا صعب المراس
لا انوم لهزيمته وارتجف كما صحن الكاستر عند مبارياته المصيرية وبالذات مع المريخ العنيد..
واذكر وللتاريخ اني حضرت كورة (هلال مريخ) الشهيرة بجوبا عندما احرز سامي عزالدين هدفا اسطوريالايقاوم قلب الكفة بوجدان اهل جوبا في ذلك الزمان ليحولهم الي مريخاب
|
|