Post: #1
Title: نقلا عن (سونا) قناة (زول) السودانية تدشن بثها التجريبي
Author: ateif abdoon
Date: 04-02-2007, 01:41 PM
قناة (زول) السودانية تدشن بثها التجريبي بالفضاء العربي
الخرطوم فى 2 / 4 (سونا الثقافى ) انطلق البث التجريبي لقناة (زول) التلفزيونية بمدى بث يشمل السودان وأفريقيا وبقية أقطار العالم وتبث القناة على القمر (نايل سات3) على مدار اليوم ، فيما عدا السودان لضعف البث من خلال (نايل سات 3) بسبب تعامد القمر، وسيتم الانتقال خلال هذه الأيام إلى (نايل سات2) ليعم البث كل السودان وتنطلق القناة العامة من مدينة الفجيرة الإماراتية وذلك بسبب تعثر إجازة قانون البث التلفزيوني بالسودان، حيث شيدت الاستوديوهات الرئيسية هناك بينما تعمل استوديوهاتها بالخرطوم على دعم استوديوهات المركز بالفجيرة و تهدف (زول) علي عكس الثقافة السودانية والشخصية السودانية بكل سحناتها ومميزاتها المختلفة وابرازها بوجهها الحقيقي وليس الوجه الذي كرست له الآلة الإعلامية الغربية وجعلت من السودان قطر مشوه لا تسود فيه سوي الحروب الاهلية والكوارث الطبيعية يتقاتل ويتناحر اهله علي الحكم ، ولهذا اختارت اسم (زول) دلالة على سودانويتها ويتجلي ذلك في دلالات شعارها الذي يحتوي علي ثلاثة ألوان ذات دلالات واضحة هي الأزرق ويشير لسماء السودان الصافية، والأبيض لنقاء ضمير الإنسان السوداني، أما الأسود فيشير ألي سمرة أفريقيا والانتماء أليها و القناة ستطلق أربع قنوات متخصصة (أخبارية وقناة برامج الأطفال وقناة للموسيقى وقناة رياضية)، والقنوات الاربع تعمل ضمن شبكة قنوات (زول) التلفزيونية التابعة لشركة (زول) للخدمات الإعلامية، وهى المالك الفعلي والمشغل الرئيسي للقناة تجدر الإشارة إلى أن القناة لها فترتي بث صباحية ومسائية تقدم من خلالهما برامج تربوية وطبية وصيدلية شعبية ومطبخ وتجميل وجديد الأغنيات بالسوق واستطلاعات بين الجمهور العربي والسوداني، وتتخلل الفقرات أخبار اجتماعية وفنية بالإضافة لدراما سودانية وأفريقية وكرست ادارة البرامج بالقناة الفترة المسائية لعكس كل الفعاليات الثقافية فى السودان كما سيتم بث أفلام وثائقية وبرامج أطفال وأفلام آكشن وسهرات سودانية متنوعة ، وإحداث نقلة فى مجال البث الفضائي العربي وفى سبيل ذلك استقدمت القناة مخرجة مصرية مشهود لها بالخبرة في مجال الفديو كليب لإخراج الكليبات بشكل مختلف عن المطروح فى القنوات العربية الآن، كما توصلت القناة إلي مذكرات تفاهم مع كبار الفنانين السودانيين من اجل انتاج اعمالهم الغنائية عبر قناة زول.
|
Post: #2
Title: Re: نقلا عن (سونا) قناة (زول) السودانية تدشن بثها التجريبي
Author: نوسة
Date: 04-02-2007, 02:08 PM
Parent: #1
مشكور أخى عاطف عبدون
و نحن في إنتظارها،، أنا غايتو فتحتها قبل 4 ساعات كدة و ما كان فى جديد، بمشى أسى تانى و أشوف.
| Quote: ألوان ذات دلالات واضحة هي الأزرق |
الأزرق ياخى هو هلالنا العظيم زعيم الأمم
|
Post: #3
Title: Re: نقلا عن (سونا) قناة (زول) السودانية تدشن بثها التجريبي
Author: علوبه
Date: 04-02-2007, 05:11 PM
Parent: #1
تحياتى الكتار
لو امكن التردد يا احبابى
نتمنى ان تكون اضافة جديدة
|
Post: #4
Title: Re: نقلا عن (سونا) قناة (زول) السودانية تدشن بثها التجريبي
Author: jini
Date: 04-02-2007, 05:45 PM
Parent: #3
| Quote: تهدف (زول) علي عكس الثقافة السودانية والشخصية السودانية بكل سحناتها ومميزاتها المختلفة وابرازها بوجهها الحقيقي وليس الوجه الذي كرست له الآلة الإعلامية الغربية وجعلت من السودان قطر مشوه لا تسود فيه سوي الحروب الاهلية والكوارث الطبيعية يتقاتل ويتناحر اهله علي الحكم ، |
لا حاجة لنا بقناة كاذبة ثانية!
جنى
|
Post: #5
Title: Re: نقلا عن (سونا) قناة (زول) السودانية تدشن بثها التجريبي
Author: Tragie Mustafa
Date: 04-02-2007, 05:50 PM
Parent: #4
الفاضل عاطف عبدون
سلام
Quote: لا حاجة لنا بقناة كاذبة ثانية!
جنى |
عارف يا جني لما سمعت عن القائمين على امرها افتكرتها قناة للسودان الجديد
فقد ذكرها لي الاخ اسامه احمد المصطفى المذيع بقناة العربيه!!
اتمنى ان يآتي اوسامه ليشرح لنا حولها قليلا.
ربك يستر.
تراجي.
|
Post: #6
Title: Re: نقلا عن (سونا) قناة (زول) السودانية تدشن بثها التجريبي
Author: Soumeta
Date: 04-02-2007, 06:21 PM
Parent: #1
اتمني نجاح القناة بالشكل المطروح لها و اكثر،،
ياليتنا نقلل من محاولة نتف ريش الاجنحة المستمر،،
و حالة التشاؤوم الدائمة،،
و نمدد من جنحات الآمال لنصل في يوم،،
|
Post: #7
Title: Re: نقلا عن (سونا) قناة (زول) السودانية تدشن بثها التجريبي
Author: jini
Date: 04-02-2007, 06:36 PM
Parent: #6
Quote:
اتمني نجاح القناة بالشكل المطروح لها و اكثر،،
ياليتنا نقلل من محاولة نتف ريش الاجنحة المستمر،،
و حالة التشاؤوم الدائمة،،
و نمدد من جنحات الآمال لنصل في يوم،، |
العزيزة سوميته
من منا لا يحب التفاؤل ويحلم بالأمن والحياة الرغدة!
غير أن
الطريق الى الجحيم محفوف بالنوايا الطيبة!
ومن هسة بقول ليك
دى قناة مدفوع ليها لتجميل وجه الانقاذ حتى لا تظهر الانقاذ فى الصورة!
ولن يصلح العطار ما أفسده الدهر!
نحن نريد قناة تضع الملح على الجرح وليس مكياج لوجه دميم ملئ بالبثور !
جنى
|
Post: #8
Title: Re: نقلا عن (سونا) قناة (زول) السودانية تدشن بثها التجريبي
Author: نوسة
Date: 04-02-2007, 11:07 PM
Parent: #7
جني
كيفك؟؟
Quote: دى قناة مدفوع ليها لتجميل وجه الانقاذ حتى لا تظهر الانقاذ فى الصورة!
|
إنت ما شفت "الجكس" المذيعات في القناة؟؟؟
غايتو أنا شفت إثنين في حفل في أبوظبي صوره موجودة في موقع د/معز،،،
مااااااااااااا ظنيتن ليهن علاقة بالإنقاذ   
قول خييييييييييييييير يا راجل
|
Post: #9
Title: Re: نقلا عن (سونا) قناة (زول) السودانية تدشن بثها التجريبي
Author: waleed500
Date: 04-02-2007, 11:15 PM
Parent: #8
اظن خبر بداية البث خبر مغلوط
لغاية لحظتى دى لم يبدا البث
|
Post: #10
Title: Re: نقلا عن (سونا) قناة (زول) السودانية تدشن بثها التجريبي
Author: Soumeta
Date: 04-02-2007, 11:27 PM
Parent: #7
العزيز جني،،
لا صلة لي من قريب ولا بعيد بالسياسة و الإنقاذ،،
هنا حيث انا لا يصلني حتي البث للقناة السودانية الرسمية،،
اري مقتطفات منها علي النت ولا يعجبني في الغالب،،
و إنطلقت قناة النيل الازرق،، و هي الاخري ما عندي ليها اكسس،،
إلا بما يعرض علي النت و هو عبارة عن ستديو غناء مستحدث،،
لكن صلتي و كامل محبتي للسودان و صورته الحقيقية
امام المجتمعات الاخري،،
و فيما عُرض و قيل عن قناة زول الجديدة اعجبني و تمنيته حقيقة،،
حالي كما الغرقان البتعلق بي قشة،،
ففي هذا الوقت قشتي قناة زول،،
و إن اصبحت مثل مثيلاتها،، فامدد خيوط املي امسد عليها،،
بأنتظار قشة اخري ربما دفت بي إلي ساحل اري فيه السودان بحاله كامل،،
بحروبه و بمشاكله و بفقره و بمستويات المعيشة فيه و بفنه و بزرعه
و بأيادي و قُلوب شباب تمسك عصاً من حيث موضع يسمح بالصلح و السلام،،
و إنتشار الفن و الوصول إلي مكانة يستحقها السودان،،
محبة،،
|
Post: #11
Title: Re: نقلا عن (سونا) قناة (زول) السودانية تدشن بثها التجريبي
Author: ابراهيم محمد الحسن
Date: 04-04-2007, 11:17 AM
Parent: #10
هل القناة تحتاج إشترك ولا متاحة على النايل سات ؟
الرجاء مدنا بالتردد ؟
|
Post: #12
Title: Re: نقلا عن (سونا) قناة (زول) السودانية تدشن بثها التجريبي
Author: نهال كرار
Date: 04-04-2007, 12:02 PM
Parent: #1
الأخبار في السودان ما ممكن تصل بشكلها الحقيقي أبدا
أولاً قناة زول تي في قناة واحدة فقط ليست ضمن باقة
وهي قناة منوعات وبرامج ثقافية ليس لها أي توجه سياسي كأغلب قنوات العالم
ستكون ضمن قنوات مدينة الفجيرة الإعلامية , والتي يدعمها شيخ إمارة الفجيرة
من قاموا بتأسيس هذه القناة , هم رجال أعمال ( سودانيين وعرب ) رغبوا في استثمار أموالهم في قناة تلفزيونية سودانية
تقدم صورة مختلفة عن قناة ( السودان ) و( النيل الأزرق )
Quote: دى قناة مدفوع ليها لتجميل وجه الانقاذ حتى لا تظهر الانقاذ فى الصورة!
ولن يصلح العطار ما أفسده الدهر! |
الأخ جني
تحياتي
دا إتهام من دون أدلة
بس أفهم أنت عرفت كيف بأنها قناة مدفوع ليها لتجميل وجه الإنقاذ!!
الخبر كما ذكرت , غير صحيح تماما
ودا أيضا ما مبرر لإلقاء التهم جزافا
وتحطيم جهد أناس بهذه البساطة
القناة كما ذكرت , أسسها رجال أعمال ( سودانيين وعرب ) ولا علاقة لها بالإنقاذ لا من قريب ولا من بعيد
عندما تبث برامجها بشكل منتظم يمكنكم أن تحكموا فعلا
|
Post: #13
Title: Re: نقلا عن (سونا) قناة (زول) السودانية تدشن بثها التجريبي
Author: ابراهيم محمد الحسن
Date: 04-04-2007, 12:17 PM
Parent: #12
يا عالم أدونا التردد ..
|
Post: #14
Title: Re: نقلا عن (سونا) قناة (زول) السودانية تدشن بثها التجريبي
Author: motaz
Date: 04-04-2007, 01:18 PM
Parent: #13
البث التجريبي ده حدو لي وين ههههههههه
والله اشتقنا لي برامج القناة دي ،، وما عارف لو بدأ البث ولا لسا
اخونا ابراهيم محمد الحسن لطشت ليك التردد من هنا وان شاء الله يكون واضح
لانو مرات الكوبي بيست دي بتعمل لخبطة
عربسات
11623 V 27500
نايلسات
10911 V 20500
ان شاء الله تشتغل معاك بس
و
تحياتي
|
Post: #16
Title: Re: نقلا عن (سونا) قناة (زول) السودانية تدشن بثها التجريبي
Author: الطاهر عثمان
Date: 04-04-2007, 03:19 PM
Parent: #1
اتمنى ان تستفيد قناة السودان الاولى من تقنيات الصوت والاخراج والاضاءة علي الاقل من القنوات الجديدة لان القنوات الجديدة سوف تشكل منافسة في سوق الاعلان وبالتالي ستقل المشاهدة.
بالمناسبة في قناة اسمها هارموني شغالة برضو بث تجريبي علي النايل سات وماشايف زول جاب سيرتها ممكن ارجع ليكم بالتردد بتاعه بكره.
مع تحياتي
|
|
