عمر البشير والحكحكة

يا أخوانا الموضوع ده أنا جايبه من منتدى النيلين، وكان قبل سنة كده بعد اتفاقية نيفاشا، كاتبه واحد اسمه (سيد الكارو):

عمر البشير والحكحكة
مع التقارب السوداني الأمريكي يبدو أن الرئيس عمر البشير قد أحس بأن عليه أن يتجاوز هذا التقارب إلى مرحلة الصحوبية أو الفردنة الشخصية فما ترك فرصة إلا وانتهزها في إجراء مكالمة هاتفية مع الإدارة الأمريكية تارة يهنئهم بعيد البقرات الثلاث وتارة يذكرهم بعيد استقلال السودان، وفي كل مرة كان يقوم برفع الكلفة درجة حتى كانت هذه المكالمة الهاتفية والتي أجراها مع وزير الدفاع الأمريكي كولن باول :
تررررم .... ترررررم ... تررررررم
" ألو .. كولن باول يتحدث "
" وييييييييين يا عب ... شنو يعني لا بتسأل لا بتظهر .. إنت شغل اللساتك دا ما داير تبطلو ولا شنو هيهيهيهي "
كولن باول طبعا يمشيها ويرد مجاملا :
" أهلا سيد أمر بشير كيف هالك وكيف هي أكبار سلام إندكم "
" أخبار سلام تمام يا معلم ... كدي انت أسة أرخيني من السلام دا ... قول لي أسة الموبايلات عندكم بقت بي كم "
وكان هذا بمثابة مشروع حكحكة واضح
"ما هذا يا سيد أمر بشير دانا نتناقش في أمور تهم دولة .. نهن رجال سياسة "
"هيهيهيهيهيهي ..والله يا عب لقيت لي الترطيبة دي هناك عامل في أمريكي مهم كمان بلاهي لونك لمن فتح هيهيهيهيهي ... ترطيبة يا مان "
وهنا يبدو أن الكلام قد أصبح ثقيلا على كولن باول وبدا ذلك واضحا من نبرة صوته في الرد
" أنا أمركي اوريجينال سيد أمر بشير "
"هيهيهيهيهي .. كلنا أمريكان اصليين يا فردة .. إنت بس ما تتضايق هيهيهيهي ... وبعدين ماف داعي لي سيد دي ناديني عمر حاف هيهيهيهيهي "
"!!!!!!!!!!!!!!"
" أها أخبار كونداليزا رايس شنو ؟... قول ليها انت بالتوب شرط عدييييل كدا "
" كونداليزا تمام ..تمام ... بس اكسكيوزمي سيد أمر بشير أنا وكتي من دهب إذا إنت عندك مشكلة مهمة تحدث ... إذا مافي فإكسكيوزمي أنا لازم إرجا شغل "
" لا لا يا فردة تمشي وين ... في موضوع حيوي داير أكلمك فيهو .... كلام فرد يعني "
" فرد ؟!!!!!! سيد أمر بشير تحدث لو سمهت "
"انت كونداليزا رايس راجلا دا ما بستشهد عشان نجي نعرسا "
توووووووت ..
"ألو ... ألو ... ألو "
بعد أسبوع تصدر هذا الخبر أولى الصفحات في الجرائد العالمية ..
مستشارة الرئيس الأميريكي كونداليزا رايس تقترح على الرئيس بوش تمديد العقوبات الإقتصادية على السودان ومعاملة الرئيس السوداني عمر البشير كمجرم حرب ..