Post: #1
Title: بورداب الرياض و بورداب الدوحة من الفائز؟؟
Author: ASAAD IBRAHIM
Date: 04-02-2007, 01:05 AM
Parent: #0
في سالف العصر والاوان كان بورداب الرياض مثلا يحتذي
وكان مجرد اجتماعهم حدث بارز في البورد
كانوا نجوما وكان تجمعهم ذاك "بورداب الرياض" علما يشار له
ولكن خبأ النجم وانهار العلم
ربما تسللت اليهم افة ساس يسوس
فما عادو كما كانو
ونافستهم كيانات اخري كان ابرزها بورداب الدوحة
عاوزين نعمل مقارنة مبسطة مرحة بين الكيانيين
احتاج لمساعدة الطرفين
|
Post: #2
Title: Re: بورداب الرياض و بورداب الدوحة من الفائز؟؟
Author: ASAAD IBRAHIM
Date: 04-02-2007, 05:04 AM
Parent: #1
اول نقطة تسجل لصالح بورداب الدوحة
ليس لديهم عضو يسمي صلاح غريبة الرياض
|
Post: #3
Title: Re: بورداب الرياض و بورداب الدوحة من الفائز؟؟
Author: Yassir Tayfour
Date: 04-02-2007, 05:10 AM
Parent: #2
لوووووووووووووووووووول
والله يا أسعد إنت بقيت بتاع محن
____
|
Post: #4
Title: Re: بورداب الرياض و بورداب الدوحة من الفائز؟؟
Author: رقم صفر
Date: 04-02-2007, 05:33 AM
Parent: #3
Quote: اول نقطة تسجل لصالح بورداب الدوحة
ليس لديهم عضو يسمي صلاح غريبة الرياض |
اسعد اخوي ، النقطة الفوق دي خلتنا نتقدم 15 صفر لصالح بورداب الدوحة . بس نحنا في الدوحة عندنا ..........
تمها برااااك
|
Post: #11
Title: Re: بورداب الرياض و بورداب الدوحة من الفائز؟؟
Author: ASAAD IBRAHIM
Date: 04-02-2007, 05:08 PM
Parent: #4
رقم صفر
انا متأكد انك قاصد الزول الكان بيكتب في البورد امس ! مش
|
Post: #10
Title: Re: بورداب الرياض و بورداب الدوحة من الفائز؟؟
Author: ASAAD IBRAHIM
Date: 04-02-2007, 05:01 PM
Parent: #3
تعرف يا ياسر بيني وبينك انا زمان كنت معجب ببورداب الرياض جدا
وكنت بتمني اكون معاهم
والوقت داك ما كان في بورداب الدوحة
بس لمن ظهروا اتمنيت اكون في الدوحة
وبيني وبينك ما عارف اختار كويس
كدي النشوف
|
Post: #5
Title: Re: بورداب الرياض و بورداب الدوحة من الفائز؟؟
Author: صديق الموج
Date: 04-02-2007, 05:52 AM
Parent: #1
Quote: اول نقطة تسجل لصالح بورداب الدوحة
ليس لديهم عضو يسمي صلاح غريبة الرياض |
اسعد يا حبيب كيف حالك
بالبلوة ده نحن مغلوبين 15 صفر
اقر واعترف ممثلا لبورداب الرياض انو مرسى ابن
المعلم بورداب الرياض انهزم يا منز..
هاردلك بورداب الرياض،،،،،
|
Post: #6
Title: Re: بورداب الرياض و بورداب الدوحة من الفائز؟؟
Author: محمد البشرى الخضر
Date: 04-02-2007, 06:15 AM
Parent: #5
بورداب الدوحة عندهم
رندا حاتم
دينامو الأعمال الخيرية و النشاط الإجتماعي دي براها عشرة نقاط
و في نفس الوقت عندهم معتز القريش
أحسب ليه خمسة نقاط ضكرنة
و أخصم خمسة نقاط شتارة
ياعمك
ياريت لو تدخل بورداب الخرطوم المنافسة
خليها تحمى
|
Post: #7
Title: Re: بورداب الرياض و بورداب الدوحة من الفائز؟؟
Author: abuguta
Date: 04-02-2007, 06:32 AM
Parent: #6
بورداب الدوحة..
لهم ناس اخطر من صلاح غريبة
هو ظاتو صلاح غريبة مالو كمان
وخطورتو ..وين زول محترم وماسك قلم
موضوع انا بره منو..
بس تعال لى ماسنجر..
اسعد لو ما بخاف من الكضب امس شفت اسمك متوشح سوادا
لكن قلت بكون اول ابريل..
عموما لقدام..
انا ذاتى من القيوعية احدى قرى الرياض..
|
Post: #8
Title: Re: بورداب الرياض و بورداب الدوحة من الفائز؟؟
Author: Randa Hatim
Date: 04-02-2007, 06:36 AM
Parent: #6
تسلم يا ابو حتوت ...
من ذوقك يا ملك....
|
Post: #12
Title: Re: بورداب الرياض و بورداب الدوحة من الفائز؟؟
Author: ASAAD IBRAHIM
Date: 04-02-2007, 05:11 PM
Parent: #9
برجع برد ليكم بس عندي اقتراح
نضيف تراجي مصطفي لبورداب الدوحة
وبشاشا لبورداب الرياض
او العكس
اها رأيكم شنو
|
Post: #13
Title: Re: بورداب الرياض و بورداب الدوحة من الفائز؟؟
Author: Khalid Saeed
Date: 04-02-2007, 08:14 PM
Parent: #12
الأرباب / جـــــــــــــــــــــــــــــــــــــــــــــــــــاكم
نحنا بورداب الرياض ... المال ما بهمنـــــا كان كتر أو راح ...
بصفتي أمين مال بورداب الرياض ...
أشهد بأن بورداب الرياض ضكرانييييييييييييييييييييييييييييييييييين
1- ندوة عن القرار ( 1706)
2- فطور رمضان
3- الإحتفال بأمندا والأبنوس .
4- ليلة التسامح .
أه قولكم شنــــــــــــنو .. مافي واحد منهم قصدناه في مساهمة ردانا فاضيين .
كل الفعاليات دي في أقل من (8 أشهر ) .
كما عندنا في بورداب الرياض تشكيل وزاري ، ودي ماعندكم :
عندنا وزير الري ( أدريس خليفة علم الهدى ) .. متكفل بالمياه من كل أنواعها .
عندنا وزير المواصلات ( معتصم دفع الله ) ده براهو حكاية .
عندنا وزير الثروة الحيوانية ( طارق نقد ) ده خبير في كل الحيوانات المطلوبة للمناسبات بمختلف عيناتها .
عندنا أبو جهينة الريس ( ده خطييير .. كتاب .. عنده كتب ..أماندة والأبنوس )
عندنا ود الباوقة .. نائب الرئيس
عندنا يوسف السماني .. ده زول خطير خلاص ..( وزير الديمقراطية )
عندنا تمبس ... وزير الإعلام ( أخطر من يوثق بالصورة والصوط .. ماسوط العنج .. الصوت العالي ) .
عندنا عمر الفاروق ( وده عنده كبير الجمل ... أي زول ممكن يدخل معاه توش يقع بيه الواطه )
عندنا حميدة ( ده خطييييييير ... بس دور الشكلة والباقي خليهو عليهو )
عندنا صديق الموج .. حبيبنا .. حقيبة متحركة .. بها السحر المبين .. الفن الطرفة .. ومرات نفسه بحر شوية ويكوس المشاكل ..
عندنا خالدة البدوي .. المزيعة العطبراوية الأنيقة
عندنا الخواجات ( عزاز شامي )
عندنا حليمة ( والله دي جعليه تب ) وبي عشرة بورداب
عندنا بوردابيات كتتتتتتتتتتتار والحمد لله .. أسع بجيوكم ناطين ...
عندنا إسماعيل وراق .. البوردابي الأصيل ( صحيفة السوداني )
عندنا الخال حمزاوي .. دناقله يارسول الله ( تركين ساككككت ) .
عندنا ذلك المبدع المسكون / صلاح شتـــــــــات ... لله دره ..
عندنا حكيم البورداب محمد عبد الجليل .
عندنا الأرباب خالد المحرب .
عندنا معاز الوهم .. وما ادارك ما ماعاز الوهم .
عندنا عمران .. الرجل الضكران .. حبيب الكل ..
عندنا نصار الصادق الحاج ( ذلك الشاعر المرهف )
عندنا مولانا الشايقي أحمد محمود الشايقي ( أهل الدويم أهل العلم ، لكن الناس معجبة بالجبنة السمحة بتاعتهم ) .
عندنا عشا البايتات عبد العزيز شلال ( دكين )
عندنا المكاتل أحمد حنين ( ده زول صعب خلاص ) ده براهو بنهي المبارة .
عندنا عبد الرازق عيسى الطالب ( ده كان جاكم المبارة بتتلغي .. بشطبوكم كلكم ) .
عندنا وليد طـــه ( الزول الرزين الطبعه دايماً حالم )
عندنا جمال محمد هباني ( ود الناظر .. ده خايتو لو قامت شكله .. هو الوحيد البحله .. لأنه زول راقي ) .
عندنا محمد الشيخ سليمان ( الهيئة الدبلوماسية بتاعت البورداب )
عندنا عبد المنعم عمر عثمان ( التلب اللزم .. ود حبوبة .. مقنع الكاشفات ) ده بتكفل بي التقيل كله .
عندنا عبد السلام أبوشنب ( البوردابي الأصيل )
عندنا وليد عبد الرحمن (حبيب بلدو) ( الأخوان طمنوني .. حبيب الكل .. حبيب بلدو )
عندنا خضر الطيب ( المخرج الخطير .. ده عليه التصوير والنقل الحي المباشر )
عندنا عبد الله حمد عقيد ( الغائب الحاضر .. ود عمي .. دخر الحوبة .. وصاحب القلم الرصين)
عندنا المكاشفي خضر بشير ( المبدع ولد الأستاذ المبدع .. الفن كله يتجسد في هذا الشاب )
عندنا أنور عبد الرحمن الشيخ البعيو ( الطرفة الحاضرة .. الرجل الكلس )
عندنا د. ياسر زين العابدين عبد القادر ( ماتخافو .. بعالج أي واحد لو إنكسر في المبارة )
عندنا مصدق مصطفى حسين ( الرجل الفنان .. ده بيعمل كراكتير للواقعه كلها )
عندنا عصام عيسى رجب ( الشاعر المرهف .. سوف يقود الملحمة ويكتب معلقة البورداب ..
ألا هبوا بوردابنا .. وأصحبونا ..
ولاتنسو .. بوستات الأولينا ..
عندنا ناس الصحافة سد لاحدهم ..
عندنا الصالحية ..
عندنا عزة السودان ...
عندنا جمعية التراث النوبي ..
عندنا التشكيليين ..
عندنا جمعية المسرح
عندنا الفنانيين
عندنا الشعراء
أقوليكم حاجة عندنا بورداب الرياض لاحدهم ..
ألحقونا ياناس تمبس ومعتصم .. نادوا البورداب لاحدهم ..
فترته بجيكم صادي بالتفصيل ..
الأرباب :
أمين المال
ناس الكشتينة قالوا .. مالك يمينك ...
ونحنا بنقول مالك .. بوردابــك ....
|
|