Post: #1
Title: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 08:30 AM
Parent: #0
طبعا البوست دا حدو مداخلتين فقط
عليه اللي برجع وإلقاهو مافي
ويذهب مباشرة للخور وأهلا بيكم
والبيت بيتكم
في الحقيقة أنا سمعت بالخور مرة كدا
قمت اتشالقت ومشيت هناك
جيبت راجع مصدع من الريحة طبعا
أها لمن مشيت هناك لقيت البوستات كلها
مختومة بتوقيع العزيز ناذر
بعد السؤال عرفت إنو ناذر دا خازن الخيران
يعني اي بوست في الخور لازم يكون آخره ناذر
جيت فتحت بوست حذرت ناذر من الدخول في بوستاتي
وقلت ليه يا ناذر ريحتك بقت عفنة
أها ناذر واصل في خزانة الخور
جيت فتحت بوست طالبت فيه بفصل العضو ناذر لأسباب كتيرة
من ضمنها كثرة مشاويره للخور مما يتسبب في نقل الأمراض
المعدية من هناك لي هنا . دي فيها حاجة
لسة ما كملت كلامي لناذر بكري ما كضب جدع البوست في الخور
جيت فتحت بوست تاني (تحنيس لبكري) عشان يرجع لي البوست
وعشان ما يشمّت فيني خازن الخيران (ناذر)
خصوصا انو ناذر كان بغني في عرس صاحبو
يعني الدنيا خلا
وغنيت ليهو (بكرينا زينة وحالف ما يشمت فينا)
وجبت صورتو زي الزعماء العرب
شوية كدا وبكري يجدع البوست في الخور
أنا في الحقيقة شكيت انو ناذر دا عندو الباسوورد بتاع بكري
ولا عندو سفلي من كثرة دخولو للخور
لأنه بمجرد ذكر اسم ناذر في عنوان البوست
على طول بمشي الخور
استغفرت ربي ورجعت لبوستي الأول داك ـ بتاع التحذير
وكان ماشي كويس وصل ليهو زي 1850 زائر
فتحته وشفته واطمأنيت انو قاعد
رجعت الخور أشوف ناذر أسالوا عن القصة شنو
لقيت ليكي ناذر ميّت من الضحك والقرقراب
التقول في حدائق الكورنيش ما في الخور
ومبسوط من البوستات بتاعتي المجدعة هناك
وطبعا الضحك بشماتة مبالغة.
في الحقيقة أنا زعلت بلحيل وقلت ليه
ما مشكلة لسة عندي بوست قاعد بي هناك
وأثناء ما أنا بتكلم مع ناذر في الخور
أحس ليك بي شئ تقييييييل وقع في راسي
ُتـج ـ لمن راسي سخّن .
بس ارفعو كان ألقاهو دا بوستي حق تحذير ناذر ذاتو
بس دي كل الحكاية ـ لا في اسهم ولا غيره
والله والله لو ما ناذر كان معاي في الخور
كان صدقت قصة انو عندو باسوورد بكري دي
لكن مازلت اشك في موضوع سفلي الخور .
|
Post: #2
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 08:42 AM
Parent: #1
ومن اليوم داك كراعي أخدت على الخور
وريحته بقت عادية عندي
وبطلـت أستحمّ بعد العودة
وجسمي أخد على الكاروشة
واقترن اسمي بالخور وناذر الخليفة
|
Post: #3
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 08:52 AM
Parent: #2
ما دعاني لهذا البوست هو
السمعة الخورية التي لحقت بي
تصلني يوميا رسائل من بعض الأعضاء
يسألون عن مكان الخور
وطبعا دا من عشمهم وما يصلهم من معلومات
وأنا لا أبخل عليهم
لذلك قررت فتح محل لتقديم الخدمات الخورية
|
Post: #12
Title: Re: هذه قصتي مع الخور ... الله يجازي اللي كان السبب
Author: nadus2000
Date: 04-01-2007, 12:57 PM
Parent: #3
كيفك يا معتز
الخور دا لوم لي، فيهو بهاء، وصديق عمر
وبنمشي ليهو فاميلي دي....بنستمتع ونشم هوا عليل، ونشوي ونجي راجعين.
دا الخور البنعرفو لومو لي يا اخوي.
|
Post: #4
Title: Re: هذه قصتي مع الخور ... الله يجازي اللي كان السبب
Author: عبد المنعم سليمان
Date: 04-01-2007, 09:11 AM
Parent: #1
مكانك ومطرحك يا مرسي
|
Post: #5
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 09:58 AM
Parent: #4
| Quote: مكانك ومطرحك يا مرسي |
فضلة خيرك
|
Post: #7
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 10:37 AM
Parent: #5
هذه بعض تعليقات الأخوة الزملاء في بوست واحد بس
Quote: سمعت إنك مشتري أسهم خورية.. صحي الكلام ده؟
بعتها كلها بالخسارة لي معتز القريش |
Quote: لو بوستاتكم في منبر الله والرسول ده ما في مشكلة..
نزور ونكتب ... لكن بوست حايمين فيهو ناس ناذر ومعتز، ما أفتكر.. |
Quote: ناذر..
أتاريك إنت ومعتز أكبر سماسرة الخور..
بعتها بالخسارة؟؟؟ لا ياخ |
Quote: الواحد حقو يقترح(مع انو يقترح دي ممكن توديني انا ذاتي الخور)
يقترح يكون في خورين
خور ناذر وقريش ونجوان
|
Quote: ثانيا.. العوامل المشتركة شنو البتخلّيني مع ناذر وقريش في خور واحد؟
يا هو ده الخايفة منو... لخبطة الكيمان
|
Quote: قريباعبر هذه الشاشة فلم العمر بطولة نجوان قصة ناذر خليفة
سيناريو وحوار معتز القريش اخراج كيكى انتاج بكرى ابوبكر
( جعلونى خورنجية) أغنية الفلم من كلمات والحان ود رملية |
Quote: بدر الدين الأمير
دي إجاباتها عندك يا خوي.. بتعرفهم انت الشيوخ والأمراء ديل..
أكبر شيوخ الخور شغّال معاك... |
Quote: جيتينا في محلنا
ما سبقك عليها زول يا معتز..
محلّكم عديل كده؟؟ إنت ومنو؟
|
Quote: انت وناذر عندكم بيزنس هناك...
أي زول تاني حايم في الخور مسكين الله ساكت...
|
Quote: أقدر تماما مدى الضرر النفسى الذى
وقع عليك من جراء تواجد فى الخور
جبنا لجنب مع المارقين والمجرمين |
Quote: سلام يا عماد..
شفت الحالة دي؟
الله يسامحك يا بكري...
أنا خفت خلاص... خليه يقدر على مساخر ناذر ومعتز.. |
| Quote: معتز القريش دا فتح ليهو محلات بارد في الخور وناذر الخليفة بقي سمسار قطع هناك |
| Quote: كيكي ما اشوفك بي جاي امش شوف خيرانك بي وين هسي الخور دا بعد ما نجوان بقت الاستار الجديدة عاوزين نعملو نيو لوك يعني انت وود القريش وناذر ح نعمل ليكم خور براكم ... |
Quote: أنا كنت فاكرة كده برضو...
لكن بعد ما شفت قوة عينهم... أكيد نفوذهم أكبر..
يعني معتز وناذر ديل عاملين زي أثرياء الحرب كده..
يعني بدل war lords
هم khor lords ...
|
Quote: وعليه اقترح تنظيم رحلة نجوانية خاطفة الي الخور مرة اخري وياريت لو بقت رحلة شهرية
وقد يعد (معتز) قريش واخريين بتوفير التذاكر في درجة (الفرست كلاس).... |
مظلوم يا ناس والله مظلوم
لعنة الله عليك يا ناذر
بالله عليكم الفضايح دي ما أحسن منها كلام ابو السيوف
|
Post: #6
Title: Re: هذه قصتي مع الخور ... الله يجازي اللي كان السبب
Author: عبد المنعم سليمان
Date: 04-01-2007, 10:04 AM
Parent: #1
الخيران للصعاليق فقط
|
Post: #8
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 10:39 AM
Parent: #6
| Quote: الخيران للصعاليق فقط |
صحيح والله
اللهم أبعدني عن عبد المنعم سليمان
وناذر الخليفة ومن شابههم
التوبة يا حبوبة
|
Post: #9
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 11:15 AM
Parent: #8
سبحان من يحي العظام وهي رميم
لغاية الآن البوست دا ما مشى الخور
الظاهر بكري لسة ما دخل
|
Post: #10
Title: Re: هذه قصتي مع الخور ... الله يجازي اللي كان السبب
Author: عبدالكريم الامين احمد
Date: 04-01-2007, 11:30 AM
Parent: #9
يا قريش ياخي انت زول عجيب وغريب
ياخي شوف شغلة تاني غير الخيران دي وده ما حجر لرايك لكان اقتراح عشان انت تمشي
تشوف ليك حتة تاني
ركب صور
لمع نفيسة
اعمل شكلة مع اي تنظيم مطرف كده
ياخ اتصرف عليك دينك وفكنا من نقتك الكثيرة دي...
|
Post: #11
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 12:16 PM
Parent: #10
والله يا كي كي
يا أنا يا الخيران
ونشوف بكري ح يعمل شنو
وكان رفدني بمشي معاكم
عند سارة منصور
أو المناضلة تروجة
واشكي وابكي
وأزيدك من الشعر بيت
أنا أطالب بسحب هذا البوست الى الخور
هل المك نمر مثل يحتذي به؟ د. بركات محمد نورالدين
لأنه يدعو الى العنصرية ضد الجعليين
ملحوظة : كاتب البوست هو بكري ابوبكر
أها لقيتني كيف راجل ولا لا ؟
هرشة : يا بكري هوي ما تسمع الكلام دا انا بهظر ساي
|
Post: #13
Title: Re: هذه قصتي مع الخور ... الله يجازي اللي كان السبب
Author: نجوان
Date: 04-01-2007, 01:00 PM
Parent: #11
الشينة منكورة يا معتز...
هنا تشتكي .. والله يجازي مين ما بعرف..
وهناك (في الخور) .. شفتك بعيني قاعد خالف رجلك..
وتزايد في قطع الأراضي...
تشرب في الشاي بالنعناع... وتعزم على الغاشي والماشي
وآخر ضحك وقرقراب...
|
Post: #14
Title: Re: هذه قصتي مع الخور ... الله يجازي اللي كان السبب
Author: عبدالكريم الامين احمد
Date: 04-01-2007, 01:17 PM
Parent: #13
اخر المداخلين في بوست مرشح بقوة للذهاب اليوم الي الخور (بس بكري الله يصحيهو ساكت)
اها يا نجوان شفتي الفور كاست والحس الامني الاستشعاري بتاعي صادق كيف..
انا قلت ليك من (زار الخور مرة حتما سيزوره الف مرة) مثله ومثل (بلال) الذي ورد في الاغنية الشهيرة واظنها الاغنية المفضلة للمدعو الخور..
يا بلال تزوني مرة..
|
Post: #16
Title: Re: هذه قصتي مع الخور ... الله يجازي اللي كان السبب
Author: محمد البشرى الخضر
Date: 04-01-2007, 03:36 PM
Parent: #14
يا معتز
أغفلت البداية الحقيقية للقصة
فاكر البوست دا
خدمة ـ عفنة ـ يومية ـ مجانية ـ شمارية ـ مستمدة من الخور
أها دا البداية الحقيقية لقصتك مع الخور
أول مداخلة ليك كانت الساعة 8:02 بتوقيت المنبر
و البوست شرف الخور حوالي الساعة 8:40
(طبعا دا وقت طويل مقارنة مع السرعات القياسية البتتخور بيها بوستاتك الأيام دي)
عليك الله يا معتز لو ما شتارة منك , بكري تعبان و عامل خور و معين ليه خازن و بدس في الكلام الما ياهو
تجي حضرتك تصور و تجيب كدا بكل بساطة و دايرو يخليهو ليك
أها بكري حرد ليك الخور ذاتو
بقى يشيل و يحرق طوالي
|
Post: #18
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 04:12 PM
Parent: #16
Quote: يا معتز
أغفلت البداية الحقيقية للقصة
فاكر البوست دا
خدمة ـ عفنة ـ يومية ـ مجانية ـ شمارية ـ مستمدة من الخور |
والله صاح بس أنا مانسيتو أنا في الحقيقة اتناسيتو
لأنه فيهو شتارة واضحة
أخيرا عرفت من مرتادي الخور وعلى راسهم المدعو ناذر الخليفة
انو ممنوع نقل مواد من الخور
عشان كدا صميت خشمي وسكت
وجيت إنت هسه نكتها
|
Post: #15
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 03:33 PM
Parent: #13
Quote: الشينة منكورة يا معتز...
هنا تشتكي .. والله يجازي مين ما بعرف..
وهناك (في الخور) .. شفتك بعيني قاعد خالف رجلك..
وتزايد في قطع الأراضي...
تشرب في الشاي بالنعناع... وتعزم على الغاشي والماشي
وآخر ضحك وقرقراب... |
نجوان الخورنجية المتألقة
انتي تاني مشيتي الخور
والله صدق كي كي
البزور الخور مرة لابد يجيهو تاني
وبعدين يا أختي أكيد دا ناذر متنكر في صورتي
لأنه أنا لي تلاتة يوم ما مشيت بي هناك
اعيدي النظر
|
Post: #17
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 03:37 PM
Quote: اخر المداخلين في بوست مرشح بقوة للذهاب اليوم الي الخور (بس بكري الله يصحيهو ساكت)
|
كي كي
بكري هرش مني
شايفني برفد في الناس
قال
الزول دا بتاع شبك أخير أختاهو
ما شايف بوستي لسة منور البورد
|
Post: #19
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-01-2007, 04:36 PM
Parent: #17
Quote: كيفك يا معتز
الخور دا لوم لي، فيهو بهاء، وصديق عمر
وبنمشي ليهو فاميلي دي....بنستمتع ونشم هوا عليل، ونشوي ونجي راجعين.
دا الخور البنعرفو لومو لي يا اخوي. |
نادوس يا عزيزي
خور ناس صديق وبهاء ما فيهو عيب
وبركة الوقفت على شم النسيم والشوي
العيب في خور بكري البي هنا دا
ما فيه غير العكاكيز والمنابيز
|
Post: #20
Title: Re: هذه قصتي مع الخور ... الله يجازي اللي كان السبب
Author: ناذر محمد الخليفة
Date: 04-02-2007, 06:03 AM
Parent: #1
القريش ..
| Quote: واقترن اسمي بالخور وناذر الخليفة |
أبدا وإنت الصادق ..
الأيامات دي الخور مقرون بي إسم محمد البشرى .. لي كم يوم شايف الخور مختوم بي إسمو ..
أنا الخيران دي ختيتا بي الله واحد ..
|
Post: #21
Title: Re: هذه قصتي مع الخور ... الله يجازي اللي كان السبب
Author: محمد البشرى الخضر
Date: 04-02-2007, 06:22 AM
Parent: #20
Quote: أنا الخيران دي ختيتا بي الله واحد ..
|
يا راااااااااااجل
نقل فؤادك حيث شئت من الهوى ****ما الحب إلا للحبيب الأول
لام
|
Post: #23
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-02-2007, 05:14 PM
Parent: #21
Quote: يا راااااااااااجل
نقل فؤادك حيث شئت من الهوى ****ما الحب إلا للحبيب الأول
لام |
لله درك يا ناذر شرفت الخور يا اصيل ... والأصيل أصيل لو كان شكلو ما جميل
لام
|
Post: #25
Title: Re: هذه قصتي مع الخور ... الله يجازي اللي كان السبب
Author: محمد البشرى الخضر
Date: 04-02-2007, 07:35 PM
Parent: #23
Quote:
لله درك يا ناذر شرفت الخور يا اصيل ... والأصيل أصيل لو كان شكلو ما جميل
لام |
ليه يا قريش تعمل كده****تشتكي لي بكري بالشكل ده
ها
|
Post: #22
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-02-2007, 05:09 PM
Parent: #20
Quote: أبدا وإنت الصادق ..
الأيامات دي الخور مقرون بي إسم محمد البشرى .. لي كم يوم شايف الخور مختوم بي إسمو ..
أنا الخيران دي ختيتا بي الله واحد .. |
محمد البشري مشى هناك بفتش لي ولدو السرقتو انت
بعدين يا نذورة انت كان غبت من الخور بتجيك جلطة
وانت برية من الجلطة
|
Post: #24
Title: Re: هذه قصتي مع الخور ... الله يجازي اللي كان السبب
Author: ناذر محمد الخليفة
Date: 04-02-2007, 05:38 PM
Parent: #1
!!!!!
Quote: محمد البشري مشى هناك بفتش لي ولدو السرقتو انت
|
نعرف يا قريش قبل كم يوم كنت مشتبك لي مع واحد طيرة كدة ، زعلان جدا عشان ختيت صورنو في البروفايل بتاعي قام دق جرس وعمل بوست شكوى لي بكري (طبعا الجرس والشكوى الإتنين مشو الخور ومن هناك مشو حتة تانية) ..
المهم والله انا خفت محمد البشرى يقوم يتشجع ويرفع فيني شكوى برضو لي بكري لاني صراحة فعلا لطشت منو الصورة وما أخدت إذنو ..!!
بس الحمد لله ما عملا ..
|
Post: #26
Title: Re: هذه قصتي مع الخور ... الله يجازي اللي كان السبب
Author: محمد البشرى الخضر
Date: 04-02-2007, 07:50 PM
Parent: #24
| Quote: انا خفت محمد البشرى يقوم يتشجع ويرفع فيني شكوى |
ليه قالوا ليك علي طيرة
|
Post: #27
Title: Re: هذه قصتي مع الخور ... الله يجازي اللي كان السبب
Author: ناذر محمد الخليفة
Date: 04-02-2007, 10:40 PM
Parent: #1
!!!!!!!
| Quote: ليه قالوا ليك علي طيرة |
الأخ رباطابي !!
 :
صدقني والله أول مرة اضحك في المنبر دا .. لي تلاتة يوم قافلة معاي قفلة ما يعلم بيها إلا ربنا
|
Post: #28
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-03-2007, 07:42 AM
Parent: #27
آخر الجرسة والمحاولات لإستعادة بوست
التوقيع لفصل العضو ناذر محمد الخليفة
Quote: يا بكري أبوبكر
أعمل ليك إيه عشان ترجعوا تاني
أفرش ليك ورود وأنظم لك أغاني
ماكنت الولوف حنيّن وافي
ايه خلاك تجور وتخوّر بوستاتي |
|
Post: #29
Title: Re: هذه قصتي مع الخور ... الله يجازي اللي كان السبب
Author: معتز القريش
Date: 04-04-2007, 10:06 PM
Parent: #28
| Quote: صدقني والله أول مرة اضحك في المنبر دا .. لي تلاتة يوم قافلة معاي قفلة ما يعلم بيها إلا ربنا |
ما قلنا ليك ما تطلع من الخور
هناك بتلقى راحتك
مثل سوداني شهير : (تطلع من بيتك حزين تلقى الفرح عند مين ؟؟)
|
|