متى يعود مولانا للخرطوم ..........؟؟

الاخبار التي وصلتنا برجوع مولانا قديمة
وفاتت عليها سنين ..
ونحن في انتظار عودة مولانا التي طالت ..قلنا يمكن التجمع
شاغلو ..رجع التجمع وتحكر في البرلمان والوزارات ولم يعود رئيسه ..
سمعنا انه يقوم بمساعي حثيثة لتحسين علاقات اسمرا والخرطوم
فاستغربنا منه ..اليس من الاجدى عودته اولا لذات الخرطوم التي يتوسط لها..
الا ان مولانا خيب رجائنا وواصل في اضرابه عن العودة للخرطوم ..
قلنا ان رحيل بعض القيادات الاتحادية عن الحياة - رحمهم الله -
قد يعجل بظهور مولانا في الخرطوم للملمة شعث الحزب العريق
الا ان مولانا ايضا لم يعود ...
رجعت للاقدار وقلت ان مولانا قد بلغ من الكبر عتيا ..
ولا محالة سيرجع ...للخرطوم لينضم للثنائي الاخر القابع هناك الصادق والترابي
الا ان الايام تمضي والسنون والسنين ومولانا لم يرجع ..
احبتي متى يرجع مولانا للخرطــوم ؟

مولاناالصادق المهدي يواصل في كسبه الفكري والسياسي
من الخرطوم ..فقد اختير من افضل مائة مفكر في العالم الاسلامي

ومولانا الترابي يسبب كعادته دويا وضجيجا فكريا في الفترة
الاخيرة ويواصل كسبه السياسي العادي ..

اما مولانا الذي استعصم بالبعد عن السودان ..
فلا نسمع عنه الا التنقل بين المدن الكبار
وبعض التصريحات التي لا تسمن ولا تغني ..

لماذا احس ان مولانا الثالث لا زال بعيدا في كسبه لاهل السودان
بينما يحقق انداده الاخرون ضربات موفقة في ميدانهم ..السياسي والفكري؟

مولانا المقصود حكاية الكسب الفكري دي صعبه عليهو شديد..

لكن ممكن يكسب بالحق الإلهي باعتباره من آل البيت و حفيد النبي عليه الصلاة و السلام..

و الله لو رجع فهو وجع و إن لم يرجع فلا جديد..

الزمن ماشي و هؤلاء لا يتحركون..

يمكن يكون لسه ما اتفق مع الكيزان بخصوص الجناين و البيوت و الملك...

أقول ليك حاجه : رجعة الزول دا ما في مصلحة (الجماعه)..

كسرة : حكاية استعصم بالبعد عنا دي لذيذة يا لؤي

سلام يا الواثق ..

والله ياالواثق اخوك محتار ..في مولانا وعدم رجوعه ..
حتى الشيوعيين رجعوا وطلعوا من تحت وشغالين على عينك ياتاجر ..
الحركة الشعبية حليف مولانا السابق ..حاكم فعلي للجنوب وجزء من الشمال
والتجمع اتفرتق فرتيقه الذين تفرتقوا ..
حتى جبهة الشرق ووقعت وسالمت ..وخلاص جايه وبتلم في اغراضه ..
مولانا دا مع منو اسه ..ما عارفين والله
وشايت وين ما عارفين ..
مات زين العابدين مارجع ..مات ابن الزعيم ما رجع
مات جون قرنق ما رجع ..خرج الترابي من الحكم ما رجع ..
وقع فصيل رئيسي في دارفور ما رجع ..
بالجد احترنا في مولانا ..وعايزين نعرف ..
كان على الجناين والبيوت ...من زمان قالوه ليك ما عندك مشكلة
حقوقك محفوظة ..واظن فضوه ليك الكتير من البيوت ..
الحكاية شنو محتارين ..
غايتو البركة في ناس جلال يوسف الدقير ..
وعاش ابوهاشم ..

يا لؤي ما تدخل روحك في حته ضيقه..


الزول دا حساباتو مختلفة لأنو شغال بحاجه اسمها (الكشف)..


إنه يرى ما لا ترون..

Quote: لأنو شغال بحاجه اسمها (الكشف)..

ضحكتني بالكشف ..يالواثق ..
هي مولانا مفروض يكشف لينا نحن اول حاجة -نحن المقصود بها الشعب
ثانيا مولانا دا بحسبه كيف اكبر فرصة امامه الان هي الانتخابات
الانتخابات قربت ..وباقي ليه شهور ما كتيرة ..

ومولانا - حفظه الله - له 17 سنة بره معارضة للحكومة
الان الحكومة وقعت لمولانا في الشرك الاسمو الانتخابات
مفروض يجي يستعد ويجهز عشان يكنس لينا الحكومة دي ..

لكن مولانا حالف ما يرجع ..
ياربي يرجع لينا سالم وغانم ..
وحفظ الله كل مولاناتنا وخصوصا مولانا البعيد ..

البشتغل بالكشف ما بقع في أي شرك...


انتخابات شنو البتخوف مولانا؟؟؟


دا لحاق بعييييد...


مولانا قاعد فوق رأي بس ما تستعجل و تجيب لروحك مشاكل..


كسرة : يا زول شيل الصبر

مرحبا يالواثق

غايتو انا زيك بقول احتمال مولانا

قاعد ليهو في راي ..وراي ماكن

شوقنا بحر ياالواثق لمولانا ..

Quote: شوقنا بحر ياالواثق لمولانا ..