ضارب القنصل السوداني بالأردن (حسن عثمان) يطلب الإنضمام للمنبر.

هل تعرفونه ؟؟؟

هشام عبد الغفار محمود

شاب سوداني خرج من بلاده سنة 1996 إلى المملكة الأردنية الهاشمية

طللبا للعلم.

و بعد إكمال عامه الأول حرمته (ثورة التعليم العالي) من إكمال دراسته

و لم يجددوا جواز سفره بحجة أنو السودان فيها جامعات و الناس لازم ترجع

عندما حاول التفاهم مع القنصل السوداني (حسن عثمان) تعرض للإساءة

من القنصل .... و كأي شاب سوداني شريف يتعرض للإساءة هب واقفا

و اشتبك مع القنصل ثم مع حرس السفارة.

و أبعدوه إلى السودان حيث عاني أشد المعاناة من ملاحقة السلطات له.


هو الآن بين يدي بكري أبو بكر منذ شهر

يطلب العضوية ليسمع صوته لكم


صوتوا معي لهشام عبد الغفار للحصول على عضوية المنبر

أين أنتم؟ يا مناضلين

يا هاني

القصة ما واضحة وفيها ثغرات
لانه بعرف كميات درسو برة وما رجعو..
يعني السفارة ما كانت بتجبر الناس ترجع...
بل كان خيار...
ودا ما دفاع عن السفارة بس دي الحقيقة..بحب القصص تكون مضبوطة..


لكن ما عندي مانع اثني عليه..

ألف مرحبا بالمناضل هشام عبد الغفار


شكرا الباشمهنس هاني للتقديم

المحترمة بيان

شكرا على التثنية .....


أما القصة و ثغراتها فأنا أتركها للأخ هشام لكي يرد عليها حين ينال شرف العضوية

في المنبر إن شاء الله.

رغم اختلافي مع هشام في قاناعاته السياسية

إلا أنني أحترم جدا اصراره و كفاحه

فقط أقولها لك. أن نشاطه السياسي حينها كان سببا فيما حصل له.

[

Quote: U]ضارب القنصل السوداني بالأردن (حسن عثمان) يطلب الإنضمام للمنبر

.

هاني

لم توفق في التقديم


بس


مودتي

منعم

باشمهندس هاني تحياتي: اكثر ما جذبني للبوست هو عنوانو ضارب القنصل قهقهقهقهق يا اخي دا عنوان عجييييييب على كل حال ارحب بصديقك ليس بصفته ضارب للقنصل بل بصفته شاب سوداني لديه ما يريد ان يسمعنا به.

ألف مرحبا بالمناضل حسن عثمان

dear Hanni

i agree with monim suliman

the post is not well presented

it might be a good idea to give more positive information
about your friend

i do recommend any sudanese to join here
as i do not think
we can or should chose who is
given membership or not

i hope he will get his membership soon
and i add my voice to dr bayan
as seconding him

all the best to you and to your friend
i hope he will be here soon
dr mustafa

والله في دا كلوا انا ما بضحكني غير صورة محمود الدقم بس...
انت جبت الصورة دي من وين
شوف عاين ببرم شنبو كيف
غيااااااااااااااااظ والله
لكن ود حلال
هو الزول لو كانت عارف انك حتجيب صورتو كدا كان طلب تعويض

الزول ضارب القنصل دا كدي انشوفو حيقول شنو

الاخ هاني ،، السلام ...

احرجت صحبك هشام بالتقديم ...

اول مرة اعرف ان الضرب ميزة تؤهل دخول المنبر !

Quote: ضارب القنصل السوداني بالأردن (حسن عثمان) يطلب الإنضمام للمنبر.

الاخ العزيز هاني
انت بتقدم المسوغات لضمه
ام لفصله
لا اعتقد ان ضرب القنصل اوضرب
الترابي او ضرب البشير بيحل
المشكلة ديل عايزين ثورة شعبية
تكنسهم الي مزبلة التاريخ.
وتقديمهم الي محاكمات عادلة

واثني بقوة اقتراحك بضمه ونرجو
من الاخ بكري ان يستجيب لهذا الطلب
واعتقد ان لديه ما يقوله لنا.
مع خالص الود والتقدير

مرحبا بالمناضل حسن عثمان

الاخ هانيء

سلامات

الزول اسمو حسن عثمان ام هشام!!؟
عموما كلاهما اثني.

ضارب شنو؟
والقنصل السوداني دا شنو؟؟ آلة شعبية؟؟؟

على العموم..
مرحب بأي أقلام جديدة... لكن ضرب ما معانا...

ياخ نحن ناقصين إفلاس؟؟

.

Quote: مرحبا بالمناضل حسن عثمان

Quote: مرحبا بالمناضل حسن عثمان

Quote: مرحبا بالمناضل حسن عثمان

عيييك!!
حسن عثمان دا الخاين
البطل اسمه هشام!!

Quote: والقنصل السوداني دا شنو؟؟ آلة شعبية؟؟؟

إذا كان رب البيت للقنصل ضارب

عموما, مرحب بهشام

!!!!!!!



الله يجازي محنك يا هاني .. معقولة ياخ

وزولك دا جاي يضارب منو هنا بعد ما ضارب القنصل ..

نحن ناس هنا مساكين وما قناصل عليك الله لمن يجي براحة علينا

صنفرة :

توقعت أن اجد مداخلات التأييد تحت شاكلة (مرحبا بضارب القناصل ومهدد السفافر) أو (مرحبا به والخذى والعار لقناصل سفارات الجبهة) أو ( مرحبا ببطل القناصل مركع جباه السفارات)

هسي القنصل حسن عثمان زنبو شنو ينضرب مرتين !!

مرة في القنصلية سنة 96 والمرة التانية إسفيريا في المنبر بعد 11 سنة من الضربة الأولى !!

شنكل :

أقترح للأخ بكري أبو بكر أن يقدم عضوية للقنصل حسن عثمان (المضروب به) عشان يقدر يدافع عن نقسو في المنبر ..

يا هاني ..

Quote: هو الآن بين يدي بكري أبو بكر منذ شهر يطلب العضوية

أوعى يكون رسل لي بكري إيميل قال ليو (أنا فلان الفلاني أتقدم بصفتي ضارب القنصل حسن عثمان لنيل عضوية المنبر ) !!

غايتو مافي زول بيلوم بكري لو عمل كدة ..

عندي صاحبي ليهو زمن داير يبقي عضو هنا
كان كدا أقوم أكلموا يشوف ليهو قنصل يقشوا كف أو ان شاء الله حتي أم دلدوم وبعد داك يقدم للعضوية
غايتو يا هاني زولك دا بنرحب بيهو بس كلمو يخلي الملاقطه ويقصر ايدو شويهما يقوم كمان يسل لو عين زول هنا
الزول دا بقترح يدوه الباسورد ومعاها عكاز مضبب وماسوره قلفنايز بترس ويحرسوهو الخور ويعين الفنان ناذر الخليفة مستشارا فنيا له

معاوية

غايتو بوست هاني دا ريحني في حناني الليلة

ما عندك أغنية مناسبة تتماشى مع روح البوست دا تنزلا لينا هنا

هوووووي يـا هــاني أنــا بثــني لكــن انت علي مســئوليتك حكــاية الضـرب دي

مـا تجــينا بنيـة طــايرة !!!!! ( وش ضــاحـك خايـف )




تحيـاتي يا باشمهندس وتقديري ونتمنى نشوف هشـام معـانا قريب وانا من هسع صاحبه (كسير تلج)




صـــلاح واســبه




تصحيح حروف

عندكم المحن يا ناس المنبر .
القنصل ده هو سودانى وله شى تانى بعدين انتو أي زول شغال
فى الحكومه هو بطال يعنى ياناس اتكلمو بمنطق لنو الكلام
الفوق ده مابدخل الرأس .
انا باستمرار عندي مشاكل مع ناس الضرائب هنا ده معناه انو انا مناضل
الاخ هانى ارجو منك شرح كلمة مناضل بكل ما تعنى من معنا .

مرحب كبيره بصحبك المناضل الضرب القنصل الصومالى ( عفوا السودنى

Quote: عندي صاحبي ليهو زمن داير يبقي عضو هنا كان كدا أقوم أكلموا يشوف ليهو قنصل يقشوا كف أو ان شاء الله حتي أم دلدوم وبعد داك يقدم للعضوية غايتو يا هاني زولك دا بنرحب بيهو

Quote: أقترح للأخ بكري أبو بكر أن يقدم عضوية للقنصل حسن عثمان (المضروب به) عشان يقدر يدافع عن نقسو في المنبر ..

ناذر سجمنا انت اشتغلت في الامني وبقيت كوز؟
كيف تقول القنصل يجي هنا
انت موش عارف اي قنصل امنجي؟
لا لانضمام ناس الامني والكيزان في المنبر الحر...


معاوية ازيك

تعرف ما تنسى تطالب بحفر خندق كمان
يكون في خور والزول البخاف الدواس يتعمل ليه خندق
اول ما العكاز يجي يجري للخندقاونلاين بسرعة البرق..

Quote: يعني السفارة ما كانت بتجبر الناس ترجع... بل كان خيار...

د. بيان

سلامات

القرار لما صدر قصد به ارجاع كل طالب يردس بالسنة الاولى والثانية والثالثة فقط

السفارة كانت توقف الاعانة الشهرية التي تصرف للطلاب من الملحقية الثقافية اذا اصر الطالب الذي

يدرس في السنة (الاولى والثانية والثالثة) على مواصلة دراسته

يعني كان هناك اعفاء لطلبة السنة لرابعة فقط

معروف القرار كان يستهدف الطلاب الذين بمصر من حيث انهم في المقام الاول كانوا ورقة ضغط عند

الحكومة المصرية بالاضافة لاستفادة المعارضة من الحركة وسطهم بسهولة

........

الاخ هاني

اعيب عليك طريقة تقديم الاخ حسن

انت تسعى، وبحسن نية، لحشد التأييد اللازم له

وكان يقتضي عليك تقديمه بصورة احسن

صدقني ما قادر اتخذ موقف حتى الان

الاخ حيدر
سلامات
القرار الذي اتحدث عنه قرار ان يرجع الطالب الى السودان خياريا..

وفي جامعتنا هنا لم يرجع احد واستمروا دون مضايقات ودق ملاحق
واصلا لا يوجد طلاب على نفقة الحكومة بل كلهم يصرف عليهم اهلهم..

تخيـل إن كان القنصـل فى سـن واللـده

صديقي المهندس هاني
سلام.

Quote: ارحب بصديقك ليس بصفته ضارب للقنصل بل بصفته شاب سوداني لديه ما يريد ان يسمعنا به.

نرحب به من منطلق السماع للرأي والرأي الآخر ,,,

لا مرحبا به ولا بك
تقول لينا ضارب القنصل السوداني بالاردن
ونقول ليك مرحبا به
والله لا مرحبا بك ولا به
ويا باشمهندس ما تكون حريف ولعيب
تعملها واضحة كده من غير خجل
ده اذا ضرب القنصل
معناه زول ما مؤدب وغير محترم
مش لانو القنصل جهجى او كوز
بس لانو القنصل سودانى
ونحن بنحترم كل السودانيين
كان جبهة او حزب امة او شيوعي
المهم يكون مرخص سودانى
لان السودانى شهم وكريم وذو خلق قويم
حتى ولو كان كوز

Quote: ضارب القنصل السوداني بالأردن (حسن عثمان) يطلب الإنضمام للمنبر ..

مباااالغة ..

ياخي دا لو ضرب ليهو سيجارة و قدم طلب كان أحسن ليهو من كلامك دا !!

سلامات للجميع.

هشام لمن لا يعرفه

شاب مهذب خلوق

و ما حدث يومها كان نتيجة للانفعال الشديد

الناتج من الكلمات التي سمعها من سعادته.


هو الآن محتج على العنوان الذي كتبته


و لامني كثيرا على إيراد هذه القصة.


لا أريد أن أكثر الكلام عنه أو عن قصته

أتركها له لكي يأتي و يدافع عن نفسه.

نعم أنا اختلف معه في قناعاته السياسية


لكني فقط أحترم رأيه.

بانتظار موافقة بكري أبو بكر

هاني عربي
مع أحترامي ليك بس زولك ده أكيد ما زول منطق والعضوية هنا مش بالعكاز .. أحسن ليه يبعد.
وبعدين يلاقط ليه قنصل تعرف إنت معنى القنصلية أوالدبلوماسية شنو؟؟؟؟ ولو عرفت أكيد بتنصح زولك ده.. وأظن زولك ده قصتو تأليف بس ومش صاح لأن رجوع الطلبة من الجامعات خارج السودان مش كانت إجباري وكان على الذي يختار الإستمرار بالخارج أن يتكفل بكل رسوم دراسته على حسابه الخاص وهذا هو الصحيح أو مش كده يا هاني وإنت أستاذ وبدرس طلبه عشان كده خليك إنسان منطقي.

مع ودي

الأخ هشام كان يدرس على نفقته الخاصة.

القنصل رفض تجديد جواز سفره و أمره بالعودة إلى الوطن.


الأسباب كانت سياسية

أراد الطالب هشام أن يجددوا له جوازه

و هو يريد إكمال دراسته على نفقته الخاصة. كما بدأها على نفقته الخاصة.

حرمته السفارة من إكمال دراسته بعدم تجديد الجواز

لأن تجديد الإقامة في الأردن يتطلب جواز سفر ساري المفعول.

حتى لو كان بيقرأ على نفقته الخاصة
يقوم يضرب القنصل السودانى
ما الامريكى
ما حرام عليهو
لو كان ضرب القنصل الامريكانى لانهم ما ادبو
الحكومة السودانية كنا ح نقيف معاهو
لكن يضرب القنصل السودانى
زول قدر ابوه
مافي احترام
انا ارفض انو بكرى يعطى العضوية لى زول غير مؤدب
كفانا الجماعة اياهم
كمان يجونا الناس الما مؤدبين
لا والف لا

يا هاني زولك دا اذا مهذب و خلوق و ضرب القنصل طيب في الشارع بتصرف كيف؟

اذا جيت للأخلاق و التهذيب فليتك عرفت الدبلوماسي حسن عثمان و لا ازيد

المنبر حر و كل من تتاح له الفرصة للمشاركة فمرحبا به.

أشارك الاخوة انك لم توفق في تقديم صديقك و العنوان مناسب اذا عاوز تضموا لنادي ملاكمة

الحاج حمد

يا هاني ..

Quote: لا أريد أن أكثر الكلام عنه أو عن قصته أتركها له لكي يأتي و يدافع عن نفسه.

مرحب بيو في المنبر .. بس ما يكون جاي هنا عشان يحكي لينا قصة مضاربتو للقنصل حسن عثمان لأنو ناس المنبر ما فاضيين لي قصص زي دي وعندهم من القصص والمشاغل الاهم من كدة ما يغنيهم عن متابعة قصة واحد ضرب ليهو قنصل سنة 96 ..

ولا ما كدي ؟!!

Quote: هشام لمن لا يعرفه شاب مهذب خلوق و ما حدث يومها كان نتيجة للانفعال الشديد الناتج من الكلمات التي سمعها من سعادته.

ما كان من الأول !!!!! الكلام السمح في حق صاحبك دا .... بدل التقديم المبشتن داك

هشام ،، اصرف النظر ...

هاني ،، انسى بس ...

مرحبا بالاخ هشام عبد الغفار محمود

ويا جماعه بطلوا لفحي

الزول ما اسمه (حسن عثمان) اسمه هشام عبد الغفار محمود

و(حسن عثمان) ده القنصل السوداني بالاردن الانضرب:

Quote: ألف مرحبا بالمناضل حسن عثمان

تراجي.

أم رشيرش قوود أفترنوون ..

أصلك ما بتخيبي ظني والله ..
من أمبارح منتظر مداخلتك في بوست المضاربة دا ..

قولتي لي ضارب القنصل إسمو منو ؟!!

لا والله خترية بالجد إنتي ..

يعني الناس ما بتعرف اقرا ولا إنتي بتعرفي براك تفسري ..!

أم رشيرش ..

عايناني جاي وقولي لي ..
















ضارب القنصل ضرب القنصل في شان شنو !

إذا كان عضو المنبر للقنصل ضارب
فشيمة أم رشيرش قطعا هي الرقص

ناذر قال

إذا كان عضو المنبر للقنصل ضارب
فشيمة أم رشيرش قطعا هي الرقص


محنك كتيرة يا ناذر تحياتي

الحاج حمد

سلامات يا حاج أحمد ..

المنبر دا إتعلمنا منو كتير وخاصة نوعية المحن البتمحنك دي ..

اها الحصل شنو ؟؟؟

زولك ما يقوم يزهج من طول الانتظار

ويدور فيك انتا ذاتك

اتذكرت زمان اخونا ود الباوقة الواحد دة

كان بكتب وين ما عارف

بس كتابات نارية جدا

وقام عمل ليهو مقالة عن الممثلات السودانيات

ووصفهم بالكوامر

احمد حنين للتعترو وهو اصلا متعتر

قام جاء عمل بوست عشان ودالباوقة ينضم للمنبر

زي البوست دة بالتحديد

وقاموا الجماعة كردوا ليك احمد حنين لمن عرف حاجة

العجيبة انو ود الباوقة بقي عضو متين ما عارف

بس ما كان شامي زول الا احمد حنين

اخونا "زعيم الكيزان بالمنبر " وقائد تجريدة الموناليزا" احمد الريح

كانت ليهو صولات وجولات في الموضوع بتاع ود الباوقة

_________________

الواحد الظاهر عليهو خرف

بس والله خرف مبكر

!!!!!!!!!

Quote: احمد حنين للتعترو وهو اصلا متعتر قام جاء عمل بوست عشان ودالباوقة ينضم للمنبر

أوعى يكون البوست سماهو (ترلة الكوامر السودانية يطلب الإنضمام للمنبر)

Quote: اها الحصل شنو ؟؟؟ زولك ما يقوم يزهج من طول الانتظار ويدور فيك انتا ذاتك

شهادة لله .. انا كنت في الاردن في الفترة ديك وبعرف القنصل معرفة لصيقة.

حسن على القنصل سوداني اصيل وخدوم( وجعلي ) وافضاله على كتير مننا في ذلك الوقت .. منها باختصار :


له الفضل في اعادة وتسفير جميع السودانيين العائدين من العراق ( حرب تحرير الكويت ) وعلى نفقة السفارة
المساعدة في ارجاع اي سوداني معسر الى السودان على نفقة سودانير.
المساعدة المادية ومن جيبه الخاص لبعض الاسر والمغتربين ( ودي شهادة لله ) .

الحاجة المتأكد منها انو لو زولك ده اتجرأ ومدّ يده على القنصل حسن على : والله ما كان طلع سليم من مبنى السفارة .. أكيد هو غير صادق في المعلومة دي .

حسن على زول بسيط ومتواضع لي ابعد درجة وخدوم بس ما بيحب الحال المايل .. واكيد هو حاول يجدد جوازه وما ارفق ايصالات التجديد السابقة .. ( ودي حصلت معاي ومع غيري ) في وقتها .


على ما اذكر كان سكرتيرة السفارة ( فلسطينية) الجنسية هي المسؤولة عن التجديدات والضرائب ..كانت بتاخد عمولة على تجديد الجواز .. والمصيبة كانت بتجدد بعض الجوازات بدون علم السفارة وبدون ايصالات.


زولك مرحب بيه بس لازم انت وهو تعتذروا لحسن على قبل كل شي .

المنبر ما محتاج فتوات .


تحياتي

Quote: شهادة لله .. انا كنت في الاردن في الفترة ديك وبعرف القنصل معرفة لصيقة. حسن على القنصل سوداني اصيل وخدوم( وجعلي ) وافضاله على كتير مننا في ذلك الوقت .. منها باختصار : له الفضل في اعادة وتسفير جميع السودانيين العائدين من العراق ( حرب تحرير الكويت ) وعلى نفقة السفارة المساعدة في ارجاع اي سوداني معسر الى السودان على نفقة سودانير. المساعدة المادية ومن جيبه الخاص لبعض الاسر والمغتربين ( ودي شهادة لله ) . الحاجة المتأكد منها انو لو زولك ده اتجرأ ومدّ يده على القنصل حسن على : والله ما كان طلع سليم من مبنى السفارة .. أكيد هو غير صادق في المعلومة دي . حسن على زول بسيط ومتواضع لي ابعد درجة وخدوم بس ما بيحب الحال المايل .. واكيد هو حاول يجدد جوازه وما ارفق ايصالات التجديد السابقة .. ( ودي حصلت معاي ومع غيري ) في وقتها . على ما اذكر كان سكرتيرة السفارة ( فلسطينية) الجنسية هي المسؤولة عن التجديدات والضرائب ..كانت بتاخد عمولة على تجديد الجواز .. والمصيبة كانت بتجدد بعض الجوازات بدون علم السفارة وبدون ايصالات. زولك مرحب بيه بس لازم انت وهو تعتذروا لحسن على قبل كل شي . المنبر ما محتاج فتوات .

اللبلة والليلة بصات ابو رجيلة
الواثق امانة ما دقست
خلاص حتكتب كوز وكوز كبير كمان..
من اسع تقدم لكوم الكيزان المزعومين..عشان الكوم داك
حيخلي اسمك في راس قائمة الامنجية والكيزان..
كلب كالب دنقر راسك ارفع ضنبط
حوطة حوطة..
وسام & فريندز ما يجو بجاي..

Quote: أم رشيرش أصلك ما بتخيبي ظني والله .. من أمبارح منتظر مداخلتك في بوست المضاربة دا .. قولتي لي ضارب القنصل إسمو منو ؟!! لا والله خترية بالجد إنتي .. يعني الناس ما بتعرف اقرا ولا إنتي بتعرفي براك تفسري ..! أم رشيرش .. عايناني جاي وقولي لي .. Quote: إذا كان عضو المنبر للقنصل ضارب فشيمة أم رشيرش قطعا هي الرقص ضارب القنصل ضرب القنصل في شان شنو

Quote: حسن على زول بسيط ومتواضع لي ابعد درجة وخدوم بس ما بيحب الحال المايل .. واكيد هو حاول يجدد جوازه وما ارفق ايصالات التجديد السابقة .. ( ودي حصلت معاي ومع غيري ) في وقتها .

بغض النظر عن الصفات الحميدة التي اسبغتها علي
القنصل ..ورفضنا لاسلوب الضرب غير المجدي
فان جميع القناصل منذ عهد النميري يتم تعيينهم من
ضباط ادارة القسم الخارجي بجهاز الامن الوطني..
هذه مسألة معروفة ..

واكرر تثنيتي لترشيح الاخ هاني لهشام لينال عضوية
المنبر..فقد ضرب القنصل قبل 11 سنة وكان عمره ربما
19 او 20 سنة الان هو في اوائل الثلاثينات ولا اظن انه
يعتبر ان ذلك فخر كما فهمت من توضيح الاخ هاني.

وشكرآ للاخ هاني فان عنوانه اتاح جوآ من الفكاهة رغم
عنفوانية الحدث...ياله يا بكري ادي الراجل فرصة.

الأه / هاني
تحياتي
تقديمك لصديقك بهدا الأسلوب مدعاة للإحتفاء بالمتفلتين بالمنبر
أعرف شخص ( شتت الملفات ) قدام القنصل وتعرض للاستهجان من قبل زوجته بداية
أتمني أن تقدم صديقك بالوجه الجميل الذي أكيد قد يحبه هو
ونزار قباني قال سابقا
(( العنتريات التي ما قتلت ذبابة ))
وتحياتي ب

العجيبة انو ود الباوقة بقي عضو متين ما عارف

بس ما كان شامي زول الا احمد حنين

غايتو يا اسعد انا لا ضربت زول بونية ولا شلوت احمد الله . والحمد لله الما جيت المنبر عن طريق احمـــد حنين ..

غايتو انا ارشح الاخ ضارب القنصل لنيل العضوية عشان يعدمكم نفاخ النار ويريحنا منكم ...

عايتو يا هاني زولك دا انتهيت منو ... خليهو يقدم لموقع عكس الريح ...



ود الباوقة

مرحبا به على الرغم من ان عنوان البوست لا يليق ارجو ان يتم تغييره .

هذه رسالة لكم من السيد / هشام عبد الغفار محمود ---- كتبها بخط يده

http://www.nilelove.org/upload/uploads/hegafa.jpg

عليك الله ياباشمهندس في داعى
للفضائح دى
ماكان يصبر احتمال يعطوه العضوية
والله لو انا في مكان بكرى بعطيه العضوية طوالى
اصلو نحن ناقصين ناس ما بيعرفوا اسلوب
مودتى