أيهما أحسن وأشرف وأنظف..الكوز أم الجردل؟؟؟؟؟؟؟؟

س: أمشي إتلم يا راجل يا كوز.
ص: الكوز أحسن وأشرف من الجردل.
و..كاد الإشتباك أن يكون يدويا
يا جماعة باركوها الله يبارك فيكم (تدخلت محاولا تهدئتهم) ما توصلوا الحكايه للمستوي دا
س: ياخي إنت ما سامعوا؟؟ ما قدر يناقش بالمنطق..وبرضو ما مريحنا من إفلاسه وإسفافه.
ص: مفلس أنا يا متخلف.
ياجماعه الكلام دا مافي ليهو داعي ..خلاص مادام نقاشكم يالطريقه دي..كل واحد يحتفظ برأيه ويسكت...وبعدين الكوز والجردل الإتنين فيهم البركه.
س: بصراحة ياخي إنت مازول نصيحه ومتحيز البلم الكوز مع الجردل شنو؟؟
ص: كيف يعني..قصدك شنو؟؟
س: قصدي كان ما الجردل الكوز ماليهوأي قيمه..بسوي شنو أكتر من مشواره من الزير للخشم..والجردل البتقول الكور أحسن منه دا البيملا الزير غيرو منو..الجردل ياخي المويه الفي شايلا..العصير الفي شايلو..الدقيق الفي شايلو..الجردل منافعه أكتر من الكوز..الغير الجردل هو ماليهو أي قيمه.
ص: نسيت تقول كمان أنه من منافع الجردل إنه ممكن يشيلو بيهو ال............الله يكرم السامعين ويشيلو بيهو موية البلاعه ..ويختو فيهو تراب عشان ناس التمباك وآخ تف ما يلوثوا الواطه..أزيدك وللا كفاك..و(موجها حديثه لى) بالله عليك تقول الحق..كلامي دا ماصاح؟؟..وللا عندك رأي تاني؟؟
أجبته: ممكن أسأل الجمهور؟؟؟؟؟؟