أسماء في حياتنا بين الأجل المحتوم والفرار من الموت ..

الشعار الذي يتبناه استاذنا الجزلي لمستضيفي هذا البرنامج هو .

كل ابن انثى وان طالت سلامته يوما على الة حدباء محمول . وبهذا الشعار ذهب الكثيرون لبارئهم بـدءا من دكتور عمر بليل مرورا بالبروف عبد الله الطيب والمطربين احمد المصطفى سيد خليفة واخيـرا كروان الغناء بادي محمد الطيب لهم الرحمة والمغفرة وللبقية العمر المديد.
تتعدد الاسباب والموت واحد .
نعرف ان الكثيرين من مفكرينا ومبدعينا يحبون توثيق حياتهم في هذا البرنامج الهام ولكن الخـــــوف جعلهم يفرون منه رغم مطاردة الجزلي لهم نقول لهم توكلوا على الحي الذي لا يموت واذهبوا للتوثيـــق واعلموا ان الموت يدرككم ولو كنتم في بروج مشيدة وما هذا البرنامج الا سببا مــــن الاسباب مثله في الخطورة مثل ان تقطع الاشارة وهي حمراء ....



ود الباوقة

الأستاذ الفاضل ودالباوقة
السلام عليكم ورحمة الله وبركاته،

نحييك وأنت تطرق هذا الموضوع مرة أخرى، فقد أجمع الكثيرون من قبل أن فكرة البرنامج رائدة وجيدة ولكن المشكلة فى مقدمه الأستاذ/عمر الجزلى.
على أيام الثانوى كنت شغوفاً بسماع سهرات الإذاعة السودانية ( أوتار الليل وأغنياتى وذكرياتى) للإستاذ الجزلى إضافة لأمسيتى معكم للأستاذ عبدالرحمن أحمد. وهى برامج متشابهة لأبعد حد وتناسب تلك الفترة العمرية (الثانوى) من حيث الشجن واللوعة والحنين الطاغى والخلفية الموسيقية الحالمة والأغنيات المنتقاة لأساطين الطرب والغناء فى بلادنا. فلم نملك إلا أن نحب الجزلى على ما أجزل لنا من عطاء فى تلك الفترة. ولكن كبرنا وكبرت أحزاننا، بينما ظل الأستاذ الجزلى هو ذلك الفتى الحالم المنعم ولم يغادر تلك المحطة أبداً. وأستمر يقدم برنامجه الجميل الفكرة والسيئى التقديم والإخراج (أسماء فى حياتنا).
ولتتضح صورة ما أرمى إليه وأرجو أن تسمح لى باجراء مقارنة بسيطة بين الأستاذ الجزلى والأستاذ بابكر صديق، صاحب فكرة ومقدم برنامج نجوم الغد، بقناة النيل الأزرق.
الأستاذ بابكر صديق، كما يعرف الجميع هو تشكيلى فى المقام الأول ولج دنيا الإعلام عبر( تلفزيون الجزيرة الريفى) من خلال البرنامج الناجح جداً (محراب الآداب والفنون) الذى كان يقدمه مشاركة مع كل من الأستاذ/عبدالحليم سرالختم والأستاذ المرحوم/محمد خير – لم تسعفنا الذاكرة باسمه كاملا – حيث كانت علامة نجاح البرنامج هو نقله ليبث عبر التلفزيون القومى من أمدرمان، ثم توقف البرنامج ليعود بعدها الأستاذ/بابكر صديق، من خلال برنامج أصوات وأنامل حاملاً ذات الفكرة مع كثير من الإضافات الجميلة، ويبلغ رقى الأستاذ بابكر صديق الفكرى والفنى مداه من خلال برنامج نجوم الغد وإعلانه تكوين مؤسسة نجوم الغد لرعاية المبدعين. ولو توقفنا عند برنامج نجوم الغد لوجدنا أن الأستاذ بابكر خرج بالفكرة من إطار الأناء الضيق وأبتدع نظام المؤسسة فى البرامج ولعلنا نلحظ أن البرنامج يمكن أن يستمر بدون وجود الأستاذ بابكر صديق مع إحساسنا التام بروحه اللطيفة التى تظلل البرنامج، وذلك قمة النجاح الذى يسجل للأستاذ بابكر.
أما الأستاذ الجزلى فقد قبع فى محطة أسماء فى حياتنا، يحمل فكرة رائعة عجز عن إخراجها بطريقة جاذبه، ففر منه الضيوف وجمهرة المشاهدين. وكنت أمنى نفسى أن تكون الحلقة التى قُدمت معه فى عيد الأضحى -باعتباره إسماً فى حياتنا شئنا أم أبينا- خاتمة المطاف لتلك الحقبة من هذا البرنامج المهم – وتكون بمثابة تكريم له وفرصة لتشكيل هيئة للإعداد والتقديم لهذه الفكرة الرائعة (أسماء فى حياتنا) على نسق (نجوم الغد) ويخرج هو من لعنة هذا البرنامج – حتى لا يلحق زمرة الضحايا الكثر وأولهم نحن الذين نشاهد هذا البرنامج ولكن.....
خارج النص:
سؤال: من تتوقع أن يكون أول ضحايا الحلقات الأخيرة؟

نحييك وأنت تطرق هذا الموضوع مرة أخرى، فقد أجمع الكثيرون من قبل أن فكرة البرنامج رائدة وجيدة ولكن المشكلة فى مقدمه الأستاذ/عمر الجزلى.

اخي الكريم ابو عبيدة ..

بلا شك الفكرة رائعة والذين يستضيفهم استاذنا الجزلي هي الأروع . اما طريقة محاورتـــه للضيوف فهي اشبه بمحاورة مناوا في خط 18 ..


على أيام الثانوى كنت شغوفاً بسماع سهرات الإذاعة السودانية ( أوتار الليل وأغنياتى وذكرياتى) للإستاذ الجزلى إضافة لأمسيتى معكم للأستاذ عبدالرحمن أحمد. وهى برامج متشابهة لأبعد حد وتناسب تلك الفترة العمرية (الثانوى) من حيث الشجن واللوعة والحنين الطاغى والخلفية الموسيقية الحالمة والأغنيات المنتقاة

دا نضم سمح بلحيل لكن لكن للاسف ما ذكرته قد نتهى بوقته ...

سؤال: من تتوقع أن يكون أول ضحايا الحلقات الأخيرة؟

الاعمـــار بيد الله سبحانه وتعالى ولكن الزول العاملين معـــاه اللقاء الفات جاهــــــو ( مقنطر ) جاهز ....ربك يكضب الشينة ...

لك الود ..

ود الباوقة

السيد الرئيس ود الباوقة
مسكاقمي

Quote: وما هذا البرنامج الا سببا مــــن الاسباب مثله في الخطورة مثل ان تقطع الاشارة وهي حمراء ....

ضحكتني لغاية ما دمعت
ان شاء الله اول ما تصل الخرطوم يلاقيك ود الجزلي ويعمل معاك لقاء
أنا حاحكي قصة حصلت عندنا في المحس كان رجل مشهور لمن يمشوا المقابر واثناء الدفن يقوم يقول لاي واحد اها يا فلان جهز الدور عليك طوالي يجيب خبره وفعلاً يكون هو لحق امات طه فيوم ولد الراجل دا قال ليه يا ابوي امشي اخطب لي بت فلان فلان دا هو امام المسجد وصادف انه يوم ما كلمه ولده بطلبه كان في جنازة في البلد ولاقى الامام في الدفن واها صاحبنا مشى على الامام عشان يكلمه طلب ولده والامام مما لمحه يمشي منه بعيد وهو يمشي عليه وهو يبعد منه قام صاحبنا ناداه يا امام البلد رد عليه انا لا امام ولا داير اكون والرسول فوق خشمك ما تقول لي يا اخوي انا عايزك في موضوع قال ليه لا حول ولا قوة انا لله وانا اليه راجعون قال ليه يا اخي عقلك ما يروح بعيد الولد قام قال ليه لا لا لا ولدي لا خليني انا اليموت يا عزارئيل البلد ..............
ويا سيد الرئيس انت كمان ما عندك حل
يعمل اللقاء معاك ولا مع الدكتورة

نا حاحكي قصة حصلت عندنا في المحس كان رجل مشهور لمن يمشوا المقابر واثناء الدفن يقوم يقول لاي واحد اها يا فلان جهز الدور عليك طوالي يجيب خبره وفعلاً يكون هو لحق امات طه

الخال حمزاوي .

دا ذاتو كان راجل خليهو يجي برنامج اسماء في حياتنا شوف كان ما لحق امات طه .. زولنا ختري يا خال



غايتو يا حمزاوي خليني اقابلك في الخرطوم كان ما وديتك ليهو ..


ود الباوقة

والله يا ود الباوقة حيرتينى فى مصاقرتك للراجل دا المرة الفاتت عملت بوست قدر الكتلة والمرة دى كمان جاى عليه -والله الا تخش البلد خائفا متربصا بالليل وتطلع الفجر والا يستضيفك يستضيفك

ولا اخير حركة مرور




فلتدم بصحة وعافية ويخليك لوليداتك-

المره الفاتت عملوا مفاجـأه في برنامج أسماء في حياتنا..
استضافوا عمر الجزلي نفسه..
اتذكرتك طوالي وقلت ياربي..الدور علي الجزلي ولا شنو?

تحياتي

المره الفاتت عملوا مفاجـأه في برنامج أسماء في حياتنا..
استضافوا عمر الجزلي نفسه..

العزيزة منى الحمد لله جات سليمة وربنا ان شاء الله يطول في عمره ويخليهو لينا ....

شكرا على مرورك البهي ...



ود الباوقة

والله يا ود الباوقة حيرتينى فى مصاقرتك للراجل دا المرة الفاتت عملت بوست قدر الكتلة والمرة دى كمان جاى عليه -والله الا تخش البلد خائفا متربصا بالليل وتطلع الفجر والا يستضيفك يستضيفك

اخي الكريم ابو القاسم .. احتمال كبير يكون ختا عيونو على ويقوم الله يلمني في ود الباوقة دا لكــن انا يا ابو القاسم زولا موحد لومك بي ما بخاف منو ..

فلتدم بصحة وعافية ويخليك لوليداتك-


وانت كذلك .. لك الود ..


ود الباوقة

ود الباوقة.

عمر الجزلي ما قدم لك دعوة

الله يديك طولة العمر.

دينق.

ود الباوقة

احسنت قولا

تعرف لما الجزلي استضاف الراحل صلاح احمد ابراهيم اشار في نهاية الحلقة الاولى من لقائه به

انه سيلتقي بصلاح في حلقة اخرى بعد عودته من باريس ...

والحصل ان توفى الله صلاح في باريس

والحصل ان توفى الله صلاح في باريس

ربنا يرحمو ويغفر له يا حيدر ..


وربنا يستر على الباقيين ..



ود الباوقة

عمر الجزلي ما قدم لك دعوة

الله يديك طولة العمر.

دينق.

والله يا دينق فيك سماحة لقاء مع الجزلي كدي جرب امشي ليهو قبلنا نشوف شيل التمساح فيك ...



ود الباوقة

في حال ازدياد ضحايا البرنامج نقترح تخصيص مقابر تحمل اسم مقابر الجزلي اسوة بمقابر البكري ...



ود الباوقة

ود الباوقة.

أنا ما عندي موضوع مع الجزلي ده.
رأيك شنو نقترح ليكم صلاح غريبة؟
أهم شخصية بالرياض, وعندو مليون موضوع وعضو في عدة لجان.


دينق؟

الريس / ود الباوقه
لك التحيات الطيبات .. ونسأل الله أن يجنبك كل تلك الأسماء في حياتنا التي أصابها هذا البرنامج في مقتل وعجل بمنيتها .. كما أؤمن على إقتراحك الجيد بأن تخصص مقابر تسمى بمقابر الجــــــزلي .. وأن تجزل فيها الحكومة العطاء للمراحيم بأن يكون الدفن مجان وأن تتبرع الهيئة القومية للإذاعة والتلفزيون بكفن لكل ضيف من ضيوف هذا البرنامج القاتل .. كما نقترح بأن يبداء هذا البرنامج بالشهادة وأن تتخله خمسة دقائق يقوم فيها الضيف بنشر وصيته .. كما نوصى بشدة بأن يختم بالشهادة .. وفي حالة إن ميزانية البرنامج تسمح نوصي بأن يبعث الضيف قبل اللقاء إلى مكة المكرمة لأداء العمرة .. وبذلك يكون الضيف جاهز تماماً .. أما بخصوص موعد البرنامج فنعتقد في رأينا أنه مناسب حيث الضيف يمكنه أن يؤدي العشاء في جماعة قبل أن يأتي إلى البرنامج وطبعاً بيكون محتفظ بوضوءه .. كما يستحسن أن يكون الضيف مغتسل غسل الجمعة .. وبذلك يكون مهيئأ نفسياً وبدنياً لملاقات ربه ..
ويجب أن تكتب خلفية للبرنامج ( بنـــر ) البرنامج غير مسئول عن حيات الضيف .
آيييييييه كل من علينا فان .. وأحذروا برنامج أسماء في حياتنا والشـطــــة ..
وبعد ،
تعرف قالو في ناظر مدرسة .. دقه جرس الطابور ونده طالب معين بإسمه وقدام الطلبة والأساتذة قال للطالب ( البركه فيك أبوك مات ) .
الطالب إتجرس وبقى يبكي وحزن حزن شديد المهم مشوا معاهو الطلبة والأساتذة للبيت عشان العزاء .
لكين لمن وصلوا البيت لقوا أبو الطالب حي يرزق .. وحكوا ليه القصة .. المهم أبو الطالب زعل وقال مابخلي الناظر وقعد يجوط .. وفجأة وقع في الواطه ومات ...
الناس كلها إندهشت .. ومشوا دفنوه ..
في المقابر .. سأل الطالب الناظر .. قال ليهو لمن إنته كلمتني قلته لي أبوك مات ..ماكن مات .. مات بعدكلامك ده بي نصف ساعة ..إنته عرفته كيف إنو حيموت ؟.
الناظر قال ليهوا يا إبني نحنا الخبر بجينا من الكنترول مباشرة .
لك التحايا ،
الأرباب
الجزلي : الكنتــــــــرول ماعنـــــــدك
ونحن بدورنا نحزر الضيف الحالي على برنامج أسماء في حياتنا المهندس/ محمود بشير جماع
نقول ليهــو :
كما فاطــــــر ماتخاطـــــــــــــــــر

الارباب خالد سعيد ..


وفي حالة إن ميزانية البرنامج تسمح نوصي بأن يبعث الضيف قبل اللقاء إلى مكة المكرمة لأداء العمرة

انا اقترح حجة بدل عمرة ليرجع المستضاف كيوم ولدته امه ...

ويجب أن تكتب خلفية للبرنامج ( بنـــر ) البرنامج غير مسئول عن حيات الضيف .


يضاف اليها بعد الانتهاء من الحلقة الاخيرة نبريء ذمتنا عن حياة الضيف وما سيجرى له ..


ود الباوقة

رأيك شنو نقترح ليكم صلاح غريبة؟
أهم شخصية بالرياض, وعندو مليون موضوع وعضو في عدة لجان.


دينق؟

شوف يا دينق ..

صلاح غريبة دا نحنا محتاجين ليهو هنا في الرياض وما بنفرط فيهو للجزلي مهما يكون ..

لكن والله يا دينق فيك سماحة لقاء مع الجزلي كدا اعملها وروح ليهو . والاعمار بيد الله ما تخاف .


ود الباوقة

Quote: ونحن بدورنا نحزر الضيف الحالي على برنامج أسماء في حياتنا المهندس/ محمود بشير جماع

الاخ خالد.

الله يستر على الباشمهندس. ويديه طولة العمر.
لقد كان من أعز أصدقاء الوالد وعمل معه في مناطق مختلفة من السودان.

دينق.

بالله يا ناس السعودية موضوع صلاح غريبة ده ما تتجاهلوهو.

أنت أسم في حياتنا يا غريبة.

دينق.

Quote: لقد كان من أعز أصدقاء الوالد وعمل معه في مناطق مختلفة من السودان.

الله يرحمه ويغفر ليه ويسكنه فسيح جناته ..

الأخ / دينق
ماحزرتو الباشمهندس مالكوم .. والله إتلومتوا في صديق الوالد .


لك التحية والإحترام ،
خالد

فاصل إعلاني :
الأخ / صلاح غريبة ( أبو وليدات ) .. نحن غايتوا حنحاول نقعد معاهوا قعده أخوية ونشوف رايه شنو .. عشان كدي أدونا فرصة قبل ماتكلموا الحانـــــــوتي / عمر الجلزلي .

Quote: الله يرحمه ويغفر ليه ويسكنه فسيح جناته ..

دينق.

صلاح غريبة.

لابد وين؟

مش قلتوا لجنة دفاع؟

أمرق لي بره جاي لود الجزلي ده راجييك.

دينق.

ود الباوقة سلام

يا أبو النسب

عندنا واحدة جارتنا .. قريبة الشبه من برنامج عمر الجزلي ..
كلما تتزوج .. الزوج ما بياخد بين إيدينها غير سنة .. و يتوكل على الحي القيوم للآخرة عِدل.
و بما أنها جميلة جدا و لها من الأطيان و العقار ما يغري .. فإن الأزواج ما إنفكوا يتقدمون و يتزوجون ثم يموتون بين أحضانها مثل ( حشرات الخريف المنتحرة على أعتاب لمبات النيون ) ..

يوماً قالت لواحد خفيف ظل و بعقله لوثة طفيفة جراء السيجارة الخضراء: إنت يا هناي ما تتزوجني ..
فقال لها : أنا أعرسك يا أم .... زى اللغم المدفون في الـــــــــواطــــــــــــــــــة



ما تحته خط سأقوله لك في إجتماع الجمعة أو هاتفيا مساءا

دمتم

أنا أعرسك يا أم .... زى اللغم المدفون في الـــــــــواطــــــــــــــــــة


الريس ابو جهينة .. الظاهر الكلام دخل الحوش وفي انتظار اللقاء عشان تعريف النقط ..



ود الباوقة

صلاح غريبة.

لابد وين؟

مش قلتوا لجنة دفاع؟

أمرق لي بره جاي لود الجزلي ده راجييك.

دينق.

والله يا دينق فيك سماحة ( جلطة ) بس امشي سرعة الحق البرنامج يا دينق سرعة بالله ..


ود الباوقة

أحسن اسم للبرنامج دا ..
( مقابر عمر الجزلي ) ..

الشي المحيرني الناس ديل طوالي قدامهم (ترامس) بس والله ما عارف فيها شنو ؟
والحاجة التانية ما شفنا يوم واحد فيهم شرب ليهو حاجة ..
كدي ما تشوف لينا حكاية (الترامس) دي شنو

Quote: دينق. والله يا دينق فيك سماحة ( جلطة ) بس امشي سرعة الحق البرنامج يا دينق سرعة بالله ..

ود الباوقة.

البرنامج ده أو أقصد نكير ده مخصص للشماليين فقط.
قبل كده أستضاف عمر الجزلي جوزيف لاقو, وهو مازال على قيد الحياة والله يديه طولة العمر.
ولا يمكن مخصص للمسلمين فقط. علشان كده لازم تكونوا جاهزين لمن تمشوا البرنامج بتاع حسن الخاتمة أقصد أسماء في حياتنا.

دينق.

كدي ما تشوف لينا حكاية (الترامس) دي شنو

تفتكر يا دينق يا اخوي الترامس دي فيها شنو ...



ود الباوقة

Quote: كدي ما تشوف لينا حكاية (الترامس) دي شنو

موية زمزم, لزوم الوداع وحسن الخاتمة.

دينق.

دينق ما زلنا مصرين على ذهابك للجزلي .. وبعدين ما تخاف ما حنخليهو يدخل ليك في الغريق ..

اتوكل واجازتك متين عشان نقابلك بيهو هناك ...



ود الباوقة