Post: #1
Title: بروف ود البلد..... تفزعنا وتنجدنا
Author: bayan
Date: 03-24-2007, 06:27 PM
العزيز بروف ود البلد
اختفيت وظل مكانك شاغرا... مازلنا نذكر كتاباتك المحرضة على التفكير,
اتمنى ان تعود وتكتب لنا صباح الخير السودان باللغة العربية...
لان ما قدمته في تلك الاطروحات كفيلة بمعاجلة ما يحدث في السودان..
هلا عدت يا حبيب الكل...
تمت مشاهدته في هذا البوست وطفر الدمع مع ابتسامة واسعة من الاضان للاضان..
قطر دولة النفاق والمنافقين
اوعدك كان جيب تاني ما بشاكل مع زول..
يلا تعال..
ويا ناس
دومة الكرمبة جني وكل الحرس القديم قبيلة سودان نت
تنادوا لتنادوا
سيد الاسم
دا اونلي
ود البلد..
المعزة تلك التي تعرفها..
|
Post: #2
Title: Re: بروف ود البلد..... تفزعنا وتنجدنا
Author: saif massad ali
Date: 03-24-2007, 07:56 PM
Parent: #1
مشاقوووووووووووووووووووون
ياخالة
|
Post: #3
Title: Re: بروف ود البلد..... تفزعنا وتنجدنا
Author: WadalBalad
Date: 03-25-2007, 10:31 AM
Parent: #1
العزيزة دكتورة بيان...
أهلين وسهلين على طريقة إخوانا الشاميين...
والله أنا قاعد أتلصص على البورد بإستمرار، وكلما أجد ليها وقت، لكين ما قاعد
أشوف فيها إلا الكتاحة والهيروكين، الكواريك والزعيق، والعكاكيز تتجادع وهاك يا
ضرب على الراس والوجه وفوق الحزام وتحت الحزام وبعدين عروبة وأفريقانية،
وهامش ومركز، وإنقاذ وحركات مسلحة، وفحولة ونساء، وجنجويد ودارفور، وإسرائيل
وجمعيات صداقة، وإغتصابات وحقوق إنسان، ومريخ وهلال، وكل حاجة إلى الدرجة التى
لم يبق شيئ عشان نكتب فيها، البركة.
أصلو إنحنا جيل سودان نت نعرف أن كل ما يحدث فى البورد هنا يظل معارك فى
غير معترك لكن المهم ان تبقى الذكريات الجميلة، وعشان كدة تركناالبورد للأجيال
الجديدة، فيوم كنا نجوط فى سودان نت كانت الغالبية من منتسبى البورد اليوم
لا يعرفون الفرق بين المونيتر والكمبويتر لكن ياهو العيال كبرت.
وجودك هنا مع الإخوان بشاشا ودينق والعزيزة دوما وكوستاوى (خردة) وسلطان، الذى سجل
غياب منذ نهاية العام الماضى، يثير فينى ذكريات سودان نت الجميلة وتذكرنى بأصدقاء
السايبر أمثال: أسامة، عمرو، يونايتد أص، فرى مان، سودانية، سودانياه، بك سستر،
لتل سس، الصاوى، مام، نافيقيتر، مافريك، فارس، عسل، ميرفى، خالد الحاج، ألخ.
أيام
كما قال بشاشا فى أحدى مشاكساته على هذا البورد.
الأخ سلطان قابلته حيث أقيم هنا ولأول مرة، حيث حضر للمشاركة فى مؤتمر، ولكى ان
تتخيلى مقدار الحميمية التى سادت بيننا، ذكرتنى تلك المقابلة بأخرى عندما قابلت
الأخت سودانية ولأول مرة قبل سنوات فى مناسبة للجالية السودانية بواشنطن ولم تجد
إلا أن تردد بخجل "الدنياضيقة والله".
سأظل أتاوق فى البورد بين الفينة والأخرى لأن المشغوليات كتيرة والسفر أكتر،
مؤتمرات، ورش عمل، محاضرات وخلافه، وبعدين أنا راجل قدر حالى لا أملك من السكاكين
والعكاكيز والألسنة الحداد لزوم إستخدامه إذا لزم الأمر، لأنو زى ما إنتى شايفة
كدة كدة الواحد بيلقى نفسو غاطس فى الدرفسة إذا قرر العودة.
أما إذا عايزة تجرينى من أضانى جر للبورد فانتى تعرفين كيف يكون ذلك.
تحياتى للبروف وللأبناء، وأظنهم كبروا الآن، وإستمتعوا بأيامكم فى ماليزيا أصلو
السودان باقى ليهو زيادة عمل لكى نقول ليهو "صباح الخير".
اخيراً، نسأل الله أن يكون فى عون الاخ عبدالعظيم وأسرته الكريمة.
ودمتى....
|
Post: #4
Title: Re: بروف ود البلد..... تفزعنا وتنجدنا
Author: doma
Date: 03-26-2007, 09:39 AM
Parent: #3
يااااااها ودا البلد ليت ايام الصفاء تعود
خوازيق البلد كترت يا ود البلد
هل تري بارقه امل تخرجنا من هذا النفق المظلم
وليل الاسي الطوويييييييييييييييييييييييييل
قلبي عليك يا وطن
قلبي عليكم يا اهل
ليتك تعود يا برف ود البلد
|
Post: #5
Title: Re: بروف ود البلد..... تفزعنا وتنجدنا
Author: bayan
Date: 03-26-2007, 01:59 PM
Parent: #4
يا سلام يا بروف
ليتك اتيت لتكنس القبح بموضعيتك وفهمك الراقي...
لقد حزنا لما حدث لعبد العظيم ربنا يكون في عونه...
والجميع هنا بيسلمو عليك
واتمنى ان تعود رغم المشاغل..
|
Post: #6
Title: Re: بروف ود البلد..... تفزعنا وتنجدنا
Author: نوسة
Date: 03-26-2007, 02:25 PM
Parent: #5
الحبيبة بيان
سلامات
Quote: اوعدك كان جيت تاني ما بشاكل مع زول..
|
خلاص أسى الغالي ود البلد جاء، و إنتى و عدتى و وعد الحر شنو؟؟؟؟؟
أتمنى لك التوفيق و السموق دوماً.
و هلا دووومة و سلامات
و ربنا يمرق "بلدنا" من عنق الزجاجة المسخنة دى
|
Post: #7
Title: Re: بروف ود البلد..... تفزعنا وتنجدنا
Author: WadalBalad
Date: 03-26-2007, 04:14 PM
Parent: #1
العزيزة دوما...
ويا ليت أيام الصفاء تعود، كانت أيام وكنا أسرة واحدة، لكنى على يقين
بأن الخير لقدام. إذ ليس بعد الخراب إلا العمار والتاريخ خير شاهد على
ذلك.. والسودان حا يكون بخير، بس شوية إعادة ترتيب الأولويات وإلغاء
الجبايات.
بعدين بشاشا ودينق وبيان دول لقو النضمى دى من وين؟
العزيزات بيان ونوسة:
اها يا نوسة أبقى شاهدة، قالو (الراجل) بمسكوه من لسانو وبيان عايزة
تكون (راجل) البركس، آسف (راجل) البورد، الكدى نشوف وعدها لينا.
بيان...
لو نصبتى شركك القديم لى اكون عفيت عنك دنيا وأخرى: الطيب صالح، كلمة السر.
ودمتم....
|
Post: #8
Title: Re: بروف ود البلد..... تفزعنا وتنجدنا
Author: خالد علي محجوب المنسي
Date: 03-26-2007, 07:02 PM
Parent: #7
Quote: مشاقوووووووووووووووووووون
ياخالة |
الفاضل العزيز / سيف مساعد
سلام
يا خوانا الدكتورة دي انتو قايلنها كبيرة في شان بتقول ليكم يا ولدي .. والله لو بكري طلب الشهادات مع رفض شهادة التسنين ... دكتور بيان تطلع أصغر من زولات كتار وزيلان كتار
كبعا انا بصغر في نفسي في شان هي دفعتي وأنا اصغر شوية من ولدي الفي الصورة دا
لك تحياتي سيف حبيت أمر وعجبني مطلع مداخلتك
لكن جد دكتورة بيان صغيرة مو بي الكبر العملتو لنفسها في البودر .. وربنا يكبر العقول قول آمين يا سيف
مرة اخرى لك تحياتي
خالد محجوب
|
|