فريق الجالية السودانية باليابان يحرز بطولة دورة اليونسيف

تمكن فريق الأسود ممثل كرة القدم السودانية باليابان من احراز بطولة دورة اليونسيف والتي شاركت فيها فرق الجاليات الأجنبية والشركات الكبرى وبعض الأندية اليابانية ، وقد تسلم الفريق كأس البطولة من ممثل منظمة اليونسيف باليابان ، تفاصيل أوفى من الأخ جعفر اسماعيل رئيس الفريق والأخ جعفر سومي كابتن الفريق

ديامي الحنين

شنو الخيانات دي

لعبتوها بالريموت ولاَ شنو

مبروك لجاليتنا العظيمة وان شاء الله كده نغلب الفريق الامبراطوري زاتو

العــزيز حــيدر

وين إنت يا الحبيب ، تعال التمارين وجيب معاك الفاتح .. السنة الفاتت الفاتح حضر معانا تمريين وطفش .. فنياته ممتازة لكن اللياقة تعبانة

الف مبروك ليكم يا ديامي
و لي قدام.

الله يبارك فيكما وعقبال الهلال والمريخ

يا حيدر ما زلنا في انتظار تشريفك التمارين

تهاني وتحياتي للصديق جعفر وفرقته المنتصرة دوما باذن الله

ديامي

خلَي الشتاء ده يخلص

حاتشوف العجب

مارادونا عديل كده

يا حيدر

نحنا بنتمرن في صالة مغلقة ( الشتاء ممنوع من دخولها )

تحياتي

أخي الحبيب الباشمهندس أبوبكر
ســلام

شكرا جزيلا على الطلة البهية والتهنئة الرقيقة.

تحياتي وأشواقي وفائق احترامي.

الحبيب ديامي

سـلام

شكرا على نقل خبر فوز فريق الجالية وهذا دون شك لفتة طيبة ستشجع الفريق على المزيد من الانتصارات:

إشترك في هذه المنافسة عشرون فريق وتم تصفية الفرق إلى مجموعتين ووصلنا إلى المباراة النهائية ضد فريق Azules الذي فاز ببطولة العام السابق. انتهى الزمن الأصلي والإضافي بالتعادل هدف لكل فريق وفاز فريق الجالية بضربات الجزاء حيث سجل له كل من عمر بركية وجعفر سومي وأحمد جعفر .تسلم كأس البطولة المهندس عبد الفتاح الحبيب ، كابتن الفريق لهذا الموسم.أدّى اللاعبون جهود جبارة لتحقيق هذا الفوز الكبير المستحق ويرجع الفضل إلى جهود كل من: عمر بركية ، سموأل حنفي ، محمد بركية، أحمد جعفر ،الباقر يحي والحارس الباسل تيري.
ألـــف مبروك وإلى الأمـــام.

التحية لكم بالفوز

والتحية لاخونا الباقر يحيى عبدالعزيز والله عامل فيها العجب ذاتو

ابومصطفى

لكن ما بالغتو ياشباب,انتو وصلتو لغاية هناك ؟.
مع امنياتى لكم بدوام التقدم والنجاح .

ديامي كيف والاسرة

فريقكم تمام ماتذكر حق كلانا جايا
داك..

الاباء والابناء في فريق واحد..
طبعا ترحيل الجامعة
فرتق الناس...

وما وريتنا الشبل بقى قدر شنو؟

بيان

بقيتي تجي لحدي اليابان

والله دي خطوة عزيزة

على كده حانحرز كاس اسيا زاتو







ديامي زول عزيز مثل بقية اخوانو

الأخ ديامي..و بقية الجالية في اليابان..

و الله يا شباب تشرفوا..ربنا يحفظكم و ألف مبروك..

الحبيب ديامى
الحبيب جعفر
وكل الرائعين الذين التقيناهم هناك فى طوكيو
والله مليون مبروك
وماتنسوا اقتراحى بتاع تعملوا مباراه مع فريق الجاليه فى جنوب افريقيا ممكن نعملها فى دبى عشان نقرب المسافه
وايضا فريق الجاليه السودانيه السودانيه فى جنوب افريقياهزم فريق الكنغو الديمقراطيه 5/ صفر
يبدوا فى صحوه كرويه سودانيه
بعدين ماشايف فى الصوره اللاعب الخطير ابو الزهور ولا عمك احمد ولا سيف

اوعى يكون جعفر وداك المطعم داك تانى

والله ايامكم لاتتنسى

تحيه لكل الاحباب هناك و للعيال وامهم

جلال ناصر

الأخ الحبيب جلال
ســلام
شكرا على التهنئة والطلة البهية.
فريقكم الغلب الكنغو الديمقراطية 5- صفر دا باين عليهو خطير.. ألف مبروك.
أبو الزهور وسيف ضمن فريق الكوامر (جمع كومر)..يعني فريق العواجيز.

تحياتي للعائلة والأخ خالد دهب وعائلته والأخ علي الشاهر وعائلته.

الأخ ديامي
لك سلامي وشكري الجزيل على نقل هذا الخبر السار
فعلا كان انتصارا مشرفا لاسم السودان ولكل السودانيين المقيمين في اليابان.
حقيقة وجود اسم السودان ضمن منظومةالفرق العشرين المشاركة في البطولة كان
بمثابة شرف كبير لنا خاصة وأن الهدف من المنافسة كان انسانيا في المقام الأول.
كذلك أرجو أن أنقل لعلم القارئ الكريم بأن فريق الأسود السوداني هو فريق يضم
أعضاء الجالية السودانية باليابان ويعتبر الفريق الوحيد باليابان الذي يمثل
دولة أفريقية أو عربية أو من دول الشرق الأوسط والذي ينافس في دوري TML وهي اختصارا
ل Tokyo Metropolitan League وقد بدأ الفريق ضمن أندية الصف الثاني ونتطلع
للصعود إلى الصف الأول.
الفريق به عناصر شابة تتمتع بمهارات عالية بجانب العواجيز - أمثالنا - الذين مازالوا
يزاحمون الشباب وأحيانا نتمها بالنقة.
متعة الفريق في التمارين والتحديات مما يخلق جوا اجتماعيا له نكهة خاصة حيث تذوب فوارق السن
والدرجات والمسميات.
أتمني أن يكون للجميع بالدول المختلفة مثل هذا الفريق.

نرجع ليك يا ديامي
خلاص البرد انتهي وبعد ده بنرجع للميدان الكبير ان شاء الله نشوفك ولو خمسة دقايق مع الكوامر.
شايف الجماعة الحاقدين مصرين يضموني لفريق الكوامر رغم اللمسات السحرية والطاقة الجبارة
المبذولة داخل الميدان.
تحياتي وشكرا مرة أخرى على الخبر

عزيزي سومي

والله لو الشغلانة بالاهمية دي حانفكر في مشاركتكم بالجد كده

غايتو انا عندي فكرة استجلاب لاعبين حريفين عشان نصعد للصف الاول

ان شاء الله تشوفونا في التمارين انا والفاتح وديفيد ووضاح قريباً

الأخ ديامي
عاوز أصحح معلومة هي أن كابتن الفريق الحالي هو الأخ عبد الفتاح الحبيب وليس شخصي الضعيف.
انت الظاهر عليك ما سمعت بالانقلاب الأبيض الحصل في الفريق. الجماعة أول حاجة مصرين يحولوني مع
الكوامر وبعدين قالو أنا وشي وش فقر على الفريق ولازم يشيلو مني الكابتنية. أها ساومتهم ليك
وقلت ليهم لو شلتو مني الكابتنية تخلوني مع فريق الشباب , قالوا كويس أها قلت ليهم الكابتنية التطير .قالو لي تطير وين كب مسك فيها عبدالفتاح.
فقط أردت تصحيح المعلومة وأتمنى كل توفيق للأخ عبدالفتاح ويبدو على وجهه السعد حيث نلنا أول بطولة في أول أيامه ومزيد من الانتصارات.
بحاول انزال بعض الصور للحظات التتويج

كابتن عبد الفتاح الحبيب يستلم كأس البطولة والفرحة بادية على وجهه

جعـفر سـومي والكأس

التحية لكل المتداخلين هنا

الأخ أبو مصطفى : الباقر بيقول ليك والله العجب شنو ؟ أكيش واحد فينا احرف منو

الأخت العزيزة بيان : شكرا للطلة وأيام ماليزيا وفريق كلانا جايا ما زالت في الخاطر

المرتجى الآن في المستوى الثالث وهو أيضا مصاب بداء كرة القدم وعامل فيها كابتن ، تحياتي

لدكتور إبراهيم والعيال

الأخ قلقو : ألف تحية ، وشكرا للمداخلة

الأخ جلال : مرحب بيك واليوم كنت وأبو الزهور قي سيرتكم ، الأخ أبو الزهور كومر رابط مكنة بوكس

وهو قال اعتزل من اللعب التنفاسي وبقى زي دهب بتاع رياضة مشي ، مبروك ليكم الانتصار على الكنغو

( لقيتوهم حمام ميت ولا شنو ؟ )

الأخ سومي : زمان قلنا ليك تعال لي فريق الكوامر بنخصك بالضربات الثابتة وانت رفضت الطلب ، ولا يهمك يا حبيب بكرة نعمل ليكم مفاوضات ونجيبك انت وأبو الزهور مستشارين ،

الأخت سناء خالد : مرحب بأخوات مهيرة وشكرا على مداخلتك، عندنا مشجعة واحدة هنا في طوكيو، ونعاني شح المشجعات