Post: #1
Title: نكتة جامدة لــ (عبد الكريم الأمين ) + (الشعب السوداني) عامة
Author: خالد الطيب أحمد
Date: 03-22-2007, 05:58 PM
Parent: #0
قالوا مرة عمر البشير عاوز يزيد الشعبيه بتاعتو
فقال لعبد الرحيم محمد حسين زيدوا الأسعار
ولما الناس تتضايق شديد أقوم أنا أنزلها
في إحتفال, قام فعلا عبد الرحيم محمد حسين
زاد الأسعار، بس الناس ما قالت أي حاجة!!
عمر البشير وعبد الرحيم حسين إستغربوا جدا.
قام عمر البشير قال لي لعبد الرحيم حسين : زيد
الضرايب على المرتبات 30% ,عبد الرحيم زاد
الضرايب 30% ,الناس هزت راسها بس, وسكتت.!!
عمر اتجنن جدا وقال لعبد الرحيم حسين : شوف يا عبد الرحيم،
طلع أي قرار غشيم من رأسك المدردم ده يخلي البلد تولع نااار عدييل،كويس؟؟!
قام عبد الرحيم محمد حسين عمل رسوم علي اي زول يقطع أي كوبري
في البلد يدفع 1000 جنيه.
، الناس ضربت كف بي كف ودفعوا الألف جنيه!! ،
قام عبد الرحيم محمد حسين خلى البيقطع الكوبري يدفع 1000 جنيه وهو طالع،
و1000جنيه تاني لما يجي راجع ، الناس قالت الله يطولك يا روح و دفعوا.!!
عبد الرحيم محمدحسين كبرت فى رأسو،قام طلع قرار تاني إنو كل زول بيقطع,
بعد ما يدفع ال1000 جنيه، و هو داخل علي الكوبري, لازم ينزل و ياخد ليهو سوطين
ولما يطلع من الجنبة التانية من الكبري وبعد ما يدفع ال1000 جنيه برضو كمان
ينزل وياخد ليهو تاني سوطين .
قام نزل عمر البشير متنكر بي نفسه علشان يتابع الموقف, شاف
الناس تدفع وهي داخلة الكوبري 1000 جنيه وتاخد السوطين، و
1000 جنيه و هي طالعة منو و تاخد تاني السوطين وتمشي عاااادي!!
" لكن فجأة شاف زول متضايق جدا , وبيكورك, مشي عليهو وسألوا :- مالك يا أخونا؟؟
الزول قال ليهو:- " والله حاجة تسل الروح متعطلين لينا هنا في الكوبري
خمسة ساعات ..ما ممكن كده ابدا ..لازم الحكومة دي تزيد لينا عدد ناس البيجلدوا!!"
|
Post: #2
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: عاصم ابوبكر حامد
Date: 03-22-2007, 06:08 PM
Parent: #1
خالد
كيفك
Quote: " لكن فجأة شاف زول متضايق جدا , وبيكورك, مشي عليهو وسألوا :- مالك يا أخونا؟؟
الزول قال ليهو:- " والله حاجة تسل الروح متعطلين لينا هنا في الكوبري
خمسة ساعات ..ما ممكن كده ابدا ..لازم الحكومة دي تزيد لينا عدد ناس البيجلدوا!!" |
لووووووووووووووووووووووول
جد مبالغة ...
تسلم
|
Post: #3
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: خالد الطيب أحمد
Date: 03-22-2007, 06:21 PM
Parent: #2
عاصم ..
سلامات..
حالتنا بقت صعبة جدا جدا..
الناس ماكلاها في اللباد ساي وماشه..
شكرا علي المرور ..وتسلم
|
Post: #4
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: خالد الطيب أحمد
Date: 03-22-2007, 06:42 PM
Parent: #3
عاصم ..
سلامات..
حالتنا بقت صعبة جدا جدا..
الناس ماكلاها في اللباد ساي وماشه..
شكرا علي المرور ..وتسلم
|
Post: #5
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: هجو الأقرع
Date: 03-22-2007, 07:15 PM
Parent: #4
بيد ان أروع نكتة سمعتها مؤخرا دارت حول الحوار الذي جرى بين جورج بوش وحلاقه. ما ان جلس الرئيس الامريكي على كرسي الحلاقة حتى انطلق حلاقه الخاص في الحديث عن آخر ما ورد من أخبار العراق. يقال ان هناك عصابة تخطط لاختطاف رئيس الحكومة العراقية. هز جورج بوش رأسه نافيا. واستمر الحلاق فقال، سمعت من جندي عائد من العراق انه أوشك على الانتحار إذا بقي في العراق حتى الصيف. ولكن جنديا آخر قال إنه وجد الشتاء لطيفا جدا في العراق. ويقال ان بعض العساكر أخذوا يبيعون أسلحتهم للعراقيين.
استمر الحلاق في ترديد حكاياته عن العراق والعراقيين حتى تضايق الرئيس الامريكي من هذه الثرثرة الحلاقية. فالتفت الى الرجل وهو ماسك بالمقص يقطع ويهندس تسريحة شعره فقال له: ما هذا؟ لماذا تكرر كل هذا الكلام عن العراق والعراقيين؟ فأجابه قائلا: «آسف يا سيدي الرئيس. ولكنني وجدت انه كلما جاء ذكر العراق والعراقيين وقف شعرك على رأسك فيسهل علي قصه وتوضيبه!».
نقلا عن الشرق الاوسط للكاتب خالد القشطينى
|
Post: #6
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: هجو الأقرع
Date: 03-22-2007, 07:23 PM
Parent: #5
احسن ما سمعته من الجزائر، كان قبل سنوات عندما ذهب زعيم من السودان لزيارتها فشق عليه ما رأى من احوال البلد. فقال لزميل جزائري له، «يا أخي ايه ده؟ اهو ده بلد المليون شهيد؟» فأجابه الجزائري، «بلد المليون شهيد تقول؟ هذا بلد العشرين مليون شهيد!».
مواصلة لخالد القشطينى
|
Post: #7
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: خالد الطيب أحمد
Date: 03-22-2007, 07:41 PM
Parent: #5
Quote: فأجابه قائلا: «آسف يا سيدي الرئيس. ولكنني وجدت انه كلما جاء ذكر العراق والعراقيين وقف شعرك على رأسك فيسهل علي قصه وتوضيبه!».
|
ههههههههههههههههههههه
تسلم هجو
لكن دي الأحلي
| Quote: «بلد المليون شهيد تقول؟ هذا بلد العشرين مليون شهيد!». |
ههههههههههههههههههههههههههه
لك الشكر
|
Post: #8
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: عبدالكريم الامين احمد
Date: 03-23-2007, 08:53 AM
مرحب ابو الخلد وشكرا علي النكتة البضحك جبل دي..!!!
انت عارف يا خالد احتمال الجلد في الكوبري (يدوهو لناس شركة الهدف)
ويكون انواع جلد (فايف ستار) او (اربعة استار) وجلد (كييييييييري)
وجلد تجاري 
وبنجيك يا ابو الخلد لمزيد من القصص والنكات الجلدي جلدية
ودمت
|
Post: #9
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: عمار يس النور
Date: 03-23-2007, 09:48 AM
Parent: #8
نكته حلوة جدا
بس أعتقد إنها فريشن (نسخة) محسن جدا من نكتة يتداولها الأردنيين عن ملكهم و الموضوع فيها أخطر من مجرد جلد.
أجمل نكته سمعتها عن الكيزان في أوائل أيام الإنقاذ في التسعينيات في دار أساتذة جامعة الخرطوم من أحد الدكاترة الكبار، قال :
في واحد واقف في ابو جنزير بيوزع ليهو في منشورات و يصيح : منشورات منشورات.
طوالي جو ناس الامن كلبشوهوا ليك.
لمن مسكوا المنشورات وجدوها أوراق بيضاء فاضية مافيها اي حاجة
سألوهو: إنت مجنون و إلا شنو ، وين المنشورات إنت ما كاتب أي حاجة؟
قال ليهم أكتب شنو ! ما الناس عارفه كل حاجة !!
تحياتي
عمار يس النور
|
Post: #12
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: خالد الطيب أحمد
Date: 03-23-2007, 10:52 AM
Parent: #9
الأخ / عمار
Quote: في واحد واقف في ابو جنزير بيوزع ليهو في منشورات و يصيح : منشورات منشورات.
طوالي جو ناس الامن كلبشوهوا ليك.
لمن مسكوا المنشورات وجدوها أوراق بيضاء فاضية مافيها اي حاجة
سألوهو: إنت مجنون و إلا شنو ، وين المنشورات إنت ما كاتب أي حاجة؟
قال ليهم أكتب شنو ! ما الناس عارفه كل حاجة !! |
ههههههههههههههههههههههههه
والله الناس عارفة كل حاجة ..لكن الحاصل عيها شنو ما معروف!
تسلم يا عمار ..وفي إنتظارك بنكتة أخري
|
Post: #10
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: خالد الطيب أحمد
Date: 03-23-2007, 09:57 AM
Parent: #8
Quote: مرحب ابو الخلد وشكرا علي النكتة البضحك جبل دي..!!!
انت عارف يا خالد احتمال الجلد في الكوبري (يدوهو لناس شركة الهدف)
ويكون انواع جلد (فايف ستار) او (اربعة استار) وجلد (كييييييييري)
وجلد تجاري
وبنجيك يا ابو الخلد لمزيد من القصص والنكات الجلدي جلدية
ودمت |
والله أخوك يا عبد الكريم محتار في الأمة السودانية دي ..الباقي شنو ما عملوهو
الجماعة ديل ..ياخي ما باقي ليهم إلا عدييييل كده.
وفي الإنتظار..
|
Post: #11
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: خالد الطيب أحمد
Date: 03-23-2007, 09:57 AM
Parent: #8
Quote: مرحب ابو الخلد وشكرا علي النكتة البضحك جبل دي..!!!
انت عارف يا خالد احتمال الجلد في الكوبري (يدوهو لناس شركة الهدف)
ويكون انواع جلد (فايف ستار) او (اربعة استار) وجلد (كييييييييري)
وجلد تجاري
وبنجيك يا ابو الخلد لمزيد من القصص والنكات الجلدي جلدية
ودمت |
والله أخوك يا عبد الكريم محتار في الأمة السودانية دي ..الباقي شنو ما عملوهو
الجماعة ديل ..ياخي ما باقي ليهم إلا عدييييل كده.
وفي الإنتظار..
|
Post: #13
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: عبدالكريم الامين احمد
Date: 03-23-2007, 11:43 AM
Parent: #11
سلام ياخالد وحباب عمار
وطبعا النكتة السودانية في زمن الجماعة الطيبين شهد تطور وفنيات عالية
لانو فعلا العصر والمصر مدور سنين عديدة والشعب ذاتتو زهج ودبرس وبقت ما فارقة
معاهو شديد..
..قالوا في ادروب شاحن شحنة بتاعة (جداد) من بورتسودان موديها الخرطوم باللواري عن طريق الخرطوم
بورتسودان.وبعدين الملاحظ انو الجداد كان (سمان) خلاص.وفي كل نقاط التفتيش في الطريق يتم ايقافة
بواسطة رجال البوليس والقبانة..
وبسالوه
انت يا ادروب (الجداد) ده سمين كده لييييييه يباكل شنو..؟؟
ادروب بحاول بحاول يقششر عليهو وقال ليييييهو الجداد بياكل قمح..
تح تراح كف وضر شديد لادروب..وبيقولوا ليهو الشعب ما لاقي ياكل انت تاكل الجداد قمح..!!
..وفي المحطة التانية برضو سالوه انت يا ادروب الجداد ده بياكل ششششششنو..!!
والله جداد ياكل فتريتة..!!
برضو كف تاح تراح وضرب شديد(شعب ما لاقي ياكل انت تاكل الجداد فتريتة)..
المهم ادروب زهج ودبرس شديد وفكر وقدر
وفي محطة سوبا تم توقيفه مرة اخري وترديد السوال التقليدي
انتي يا زول هووي جدادك ده سمين كده بياكل ششششششنو..
ادروب عاين لييييييهو كدهههه
وقال
انا غايتو ما عارف لكن من
الصباح انا بدي كل جدادة الف جنيه وجداد يتصرف بررراهو
|
Post: #14
Title: Re: نكتة جامدة لــ (عبد الكريم الأمين ) + (الشعب السوداني) عامة
Author: خالد الطيب أحمد
Date: 03-23-2007, 12:13 PM
Parent: #13
Quote: انا غايتو ما عارف لكن من
الصباح انا بدي كل جدادة الف جنيه وجداد يتصرف بررراهو |
لا حولاااااااااااا!!!!!!
الشعب ما لاقي يأكل و أدروب يدي كل جدادة ألف جنيه مرة واحدة!!!!
ههههههههههههههههههههههههههههههه
هاكم دي قديمة بمناسبة أدروب:
أدروب زهجان من الجماعة ديل , وفي كل مكان يمشي يتكلم : والله الحالة بقي صعبة,
دقيق مافي , زيت ملاح مافي, الرز معدوووووم, الملح الرخيص ده بقت مافي!!! عليكم الله دي حالة!!
وتاني بكرة لما يمشي مكان تاني ,برضو يكرر نفس الكلام:والله الحالة بقي صعبة,
دقيق مافي , زيت ملاح بقي مافي, الرز معدوووووم, الملح الرخيص ده بقي مافي!!! عليكم الله دي حالة!
أها , صاحبنا أدروب لمو فيهو الجماعة, سخنوا بيهو كويس, ودخلوهو مكتب فيهو (شوالات) وباقات فيها الاصناف الكان بيقول مافي
قامو دخلوا ليهو راسو وغمسوهو ليهو (جووووه) الشوال الاول وسألوهو: ده شنو ده ؟؟ أدروب يقول ليهم : ده دقيق.
يسألوهو : تاني يا أدروب بتقول مافي؟؟ أدروب يقول ليهم خايف : والله تاني ما بقول, يودوهو لباقة الزيت المفتوحة
ويدخلو ليهو راسو جوووه الزيت: ده شنو ده؟ يرد عليهم : ده زيت سمسم , يسألوهو : تاني بتقول زيت مافي؟؟!!
أدروب يقول ليهم : والله تاني ما بقول. أها لحدي ما رأسو دخل كل الشوالات والباقات , وفي النهاية فكوهو وقالوا ليهو: تاني والله نسمعك تقول مافي مافي مافي, إلا اكان تطير السما..
صاحبنا أدروب بعد ما طلع بره قعد يضحك وقال: الحمدووو لله ....ما قلت( شطة) مافي!!!
|
|