شلاليف السواد والرماد....وتلاليش اليابا والتابا..يا بكري المنبر دا قاعدين يتصفحوهو اطفال.... عليك الله من اجل ابنائنا اي شلاليف وتلاليش غتس لها حجرا.... قدر مافي زول ماخد مقلب في روحو مشى اتصور وجا علق صورتو هنا... اريت ربي يجننكم كان دايرين تجننونا...نحن ناقصين؟ كفاية الشلاليف القاعدين نزاوق منها نهارنا كلو في السوق العربي...وبعدين اضاني طرشا قدر مافي تلاليش جات من اهلا وقعدت في السوق العربي... وناسك ديل هنا كان بتصورو والواحد فيهم قافل خشمو مالو؟... نلقى الواحد مقابل الكميرا وفاتح خشمو...ما عارفا دي كميرا واللا قزازة بستي كولا؟ زمان في بكا الحسن ود وداعة... انا راقد جنب البلاعة ونايم وفاتح خشمي.... تقومي يا القعوية وتنطي لي في خشمي وكنت حلمان قاعد اكل بتيخ...والوك القعونجة زي العجب... لكن الله يسعلني طعمها زي البتيخ بالظبطي والربظي... الغريبة قعدت ابزق في العضام قايلها حب االبتيخ... افقتراح.. يا بكري اخوي جيب لك مراح قعونجات واطلقو في المنبر دا... وخلي الراجل فيهم يتصور وهو فاتح خشمو..... اريت ربي يزولكم يا الشنين... والله شدة ما مكجن الناس الشنين كان القى مرادي ارصصهم نفر نفر.....القبحة
انا جوازى ما فيهو صورة عشان جنس نضمك دا! وعرسى كان خبر فيشان نضمك البعمل النفسيات دا! غايتو كان بكرى كان مصر على الصورة الشخصية فى البروفايل كان تشربوا ما تروا كان فى المتواجدون تلقى نفر واحد: جنى اطفش حنانكم بى نضاراتى الماخمج والعجب كان فتحت خشمى! ما قدر الله عديل! جنى
يبدو ان احساس الكثير من بالدنيوية من اصلهم ولونهم وحتي شكلهم قد اخذ يطفح نحن سودانيون افارقة ....................... ملامحنا معروفه وجد سعداء وفخورين بها هذه خلقتنا و شكلنا فخورين بها شاء القلة من ان ينفروا منها ام يرضوا لا نريد ان نري انفسنا كما يرانا الاخرين
03-20-2007, 06:27 PM
نوسة
نوسة
تاريخ التسجيل: 09-30-2002
مجموع المشاركات: 825
ما تخلى اللخبطة و الشيتن البتسوى فيهو دة ؟؟ مالك داير تفتح عليك النيران
و "البراطيش" حقت المولد؟؟؟؟
"قليبى "خفيف" و ما بيقدر على الهبباى فى عز الصيف" موش ؟؟؟؟
الله يعينك بنقعد تحت الحيطة و نسمع الزيطة؟؟ الله قال بى قولك..
الغريبة فجاْءة إتزكرت حبوبتى ام أبوى "رحمة الله عليهما" .. ولدها "اللى هو عمى" رحمة الله عليهو برضو .. كانت زعلانة منو زمان لمن كان صغير و كان جنو "إندايات" بعيد عنك،،
عملت ليهو قصيدة هجاء ما بتزكر منها إلا مقطع واحد :
يا ربيب الخدم و يا ولادة الندم....
شفت كيفن ؟؟
و الكلام دة ما عندو علاقة بيك عشان الناس ما تفهم الكلام غلط بس إتزكرتو " خرف الأربعين بعيد عنك"
والله شدة ما مكجن الناس الشنين كان القى مرادي ارصصهم نفر نفر.....القبحة سي جي التحيه ليك وللمر الشين وكمان للناس البنادوق في التلفزيون وليه الشدة علينا يعني انت هسع فرقق من حبوبتي الله يرحمه شنو زمان قبال مايلدوني حبوبتي قالوا كانت بتكرة الشين وما بدورن ضمه لكن ماحصل قالوا قالت بترصيصم لكن قالوا لمن تشوف واحد شين بتقولو ها ولد تاكل اهلك وتقبل علي جيرانك وبعد ماولدوني كانت بتقولي ها جني تاكل جيرانك وتقبل علي ناس الصعيد
03-26-2007, 01:39 PM
سجيمان
سجيمان
تاريخ التسجيل: 10-03-2002
مجموع المشاركات: 14875
شكرا يا سجيمان بنجى من كل فج عميق عشان الناس تعرف إنو رب الناس هو سوانا وسوالنا عقول نميز بها الفعل الجبرى المطلق الذى من المطلق وإطلاق الحريه فى حدود مدى الإنسانيه بنور السبيل الذى منح فيكون بالرضى شاكرا وبالجحود كافرا
والسلام لك والشكر وأنت تدفعنا للحديث عن نعم الله علينا
يا سى جى انت قايل لمن مصطفى احمد الخليفة عمل حزب العناية الالهية عملو ليه ما عشان مايظلم الناس الانت بتتكلم عنهن ديل ، تانى حاجة اى حاجة عندها (اتنين)ولا شنو ليك ، هسى يا سى جى كان الناس كلهن سمحين الدنيا مابتبقى شيييييييييينه
03-27-2007, 08:03 AM
doma
doma
تاريخ التسجيل: 02-04-2002
مجموع المشاركات: 15970
مالافي اي زول شين في المنبر دا الا الزول الطبعو شين بعدين ما بسموهن تلاليش دي شفايف ممتلئه او مكتنزه وسمع اضاني الخواجيات واللبنايات بقن يحقننهن سيلكون اها نحن خلقه الباري لا سليكون لا يحزنون ها جني ها ما تنجهنا في شلاليفنا . اريتن شفاه البريد زينها
03-29-2007, 10:07 AM
سجيمان
سجيمان
تاريخ التسجيل: 10-03-2002
مجموع المشاركات: 14875
Quote: ما سامح الإنجليز بقولو شنو ؟؟ She has great legs"
لكين القريت لقز بتاعتهم ما الشحمانه بل الطويله متل كرعين كلاوديا شيفر وبتنا عارضه الازياء الجنوبيه اسمها راح لي ديل القريت لقز اما النوع المتل عنقريب المخرته دا الخواجيات بخجلوا يكشفوه
03-27-2007, 04:06 PM
نوسة
نوسة
تاريخ التسجيل: 09-30-2002
مجموع المشاركات: 825
دكتورنا الظريف ما كنته قايلك ضغيف في الامور دي وكنته قايلك شديد ولضيض... بس طلعت ضغيف وما ناقش قال شنه قال وانت طفيان النور ده من شنو ......... اها النحدثك... قالو اي زول عنده تلاليش راجل او مره... اها دي علامه من علامات....... ..... اها انت تم الباقي والنسهل ليك شويه ما محتاج ياكل جمبري ....... اها قصرته معاك في البخره \
سي جي فصلت يعني بالعربي السوداني قطعت كهرباء يعني إتسمرت في مكانك يعني السنون الحلوه جهرتك و صدمت العمود بتاع الكهرباء نحنا غيرنا الصورة عشان ...............
04-01-2007, 12:38 PM
7abib_alkul
7abib_alkul
تاريخ التسجيل: 02-05-2002
مجموع المشاركات: 3757
والله دا الشردنا من البورد دا الواحد انشاء الله يكون كلامه دراب لكن اكون وجيه حبة واذا ما كان وجيه اصلا يمكن استعين بصورة صديق تخش البورد ما تعرف انت في سودانيز اون لاين ولا في فرن اون لاين
04-01-2007, 02:08 PM
ghariba
ghariba
تاريخ التسجيل: 03-09-2002
مجموع المشاركات: 13231
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة