Post: #1
Title: النــهــــاية ( يوم في يوم غريب ) ... الراحل سيد خليفة ( أبوالسيد )
Author: Moawia Mohammed
Date: 03-20-2007, 02:29 AM
|
Post: #2
Title: Re: النــهــــاية ( يوم في يوم غريب ) ... الراحل سيد خليفة ( أبوالسيد )
Author: غباشي
Date: 03-20-2007, 02:48 AM
Parent: #1
الله عليك يا معلم
والله دي بالغت فيهاعديل كدة ...... تسلم ياحبيبنا
|
Post: #3
Title: Re: النــهــــاية ( يوم في يوم غريب ) ... الراحل سيد خليفة ( أبوالسيد )
Author: Moawia Mohammed
Date: 03-20-2007, 12:05 PM
Parent: #2
غباشي
الله عليك انت يا الذوقك عالي
وأبوالسيد في قلوبنا جميعا
يديك العافية يا فرده
|
Post: #4
Title: Re: النــهــــاية ( يوم في يوم غريب ) ... الراحل سيد خليفة ( أبوالسيد )
Author: Elmosley
Date: 03-20-2007, 12:50 PM
Parent: #1
تعرف يامعاويه
اعتدت ان اشرب فن سيد الخليفة حتي الثمالة
|
Post: #5
Title: Re: النــهــــاية ( يوم في يوم غريب ) ... الراحل سيد خليفة ( أبوالسيد )
Author: Moawia Mohammed
Date: 03-20-2007, 12:57 PM
Parent: #4
| Quote: اعتدت ان اشرب فن سيد الخليفة حتي الثمالة |
يا أستاذنا انتو أهل الفن زاتهم وبتعرفوا كيف تنتقوا ما تشربون
تسلم يا أستاذ
|
Post: #6
Title: Re: النــهــــاية ( يوم في يوم غريب ) ... الراحل سيد خليفة ( أبوالسيد )
Author: احمد الامين احمد
Date: 03-20-2007, 04:50 PM
Parent: #5
معاويه ياخ انت عاوز منى شنو عليك الله؟ فى بوستك عن عبدالعزيز محمد داؤد نزلت لينا اغنيه " لوموه اللاهى" فرددت عليك ان هذه الاغنيه بحبهاالصوت الراقى وردى كثيرا ويصدح بها فى جلساته الخاصه على العود عندما يصفو ويحتشدمن كدر السياسه!!!
اغنيه سيد خليفه" النهايه" الى رفعتها بوست لوحدها كذلك من الاغنيات المحببه لوردى عندما يصفوويخلد لمزاج رايق ولقد سعدت بسماعى له يؤديهاعلى مزهره المرن فى حفل خاص بمصاحبه ايقاع خفيف والاغنيه تقريبا من كلمات هاشم صديق ...بعدين سيد خليفه من قله يعترف لهم وردى بروعه الاداء وجمال الموسيقى والاخر الذى يعترف له هو صلاح مصطفى وهذا باب اخر..
قيمه سيد خليفه تكمن فى مقدره عاليه على اصطياد خرائد الشعر المصفى فصيحا ام دارجى ام تراث لاحظوا تطويعه لخرائد جماع" انت السماء كماعنوانها فى الديوان وقد اسماها سيد خليفه غيره واغنيه ربيع الحب وهى غير مثبته بديوان لحظات باقيه والاغنيتين لحن اسماعيل عبدالمعين وليس سيد خليفه والتجانى يوسف بشير وحسين منصور " خمر وكاس وشفاه ...زهره الليلاك...اسراب الحسان...والاستفاده من علمه الموسيقى الحديث دون اهمال موهبته الفطريه والاتكاءة على ايقاعات شعبه " دلوكه..تم تم..سيره...دقلاشى وهلمجرا" كما ان صوته الفريد الاجش ذو البحه المحببه المكسو بمسحه حزن يكسو ادائه بشجى وتغريد يذوب قلب الحجر..تحيه لك ولوردى الراقى وذوقه الرفيع ولسيد خليفه وتراثه الخالد علما ان سيد تدرب كثيرا على اغنيات حسن عطيه والتاج مصطفى واحمد المصطفى قبل ولوجه محراب الفن بمصر
|
Post: #7
Title: Re: النــهــــاية ( يوم في يوم غريب ) ... الراحل سيد خليفة ( أبوالسيد )
Author: khaleel
Date: 03-20-2007, 05:23 PM
Parent: #6
معاوية
مدهش انت حقا
اليوم في بيتنا الزعيم سيد خليفة صاحب اكبر مجموعة غنائية بالاذاعة بلغت مائتين وخمسون
اغنية وهو سفيرنا وناشر الفن السوداني في افريقيا والوطن العربي
معاوية هناك اغنية من اعظم اغنيات سيد خليفة واعتقد انها لجماع
اسمها
شاء الهوي ام شئت
نلقاها وين دي
|
Post: #8
Title: Re: النــهــــاية ( يوم في يوم غريب ) ... الراحل سيد خليفة ( أبوالسيد )
Author: Moawia Mohammed
Date: 03-26-2007, 00:19 AM
Parent: #7
Quote: اليوم في بيتنا الزعيم سيد خليفة صاحب اكبر مجموعة غنائية بالاذاعة بلغت مائتين وخمسون
|
خليل أنت براك قلت 250
عشان كدا قول لي شويه كلام من الأغنيه لأنو مرات ما بكون دا اسم الأغنيه
عشان نقدر نفتشها وأكيد لو مسجله في الاذاعة بنلقاها
لك ودي
|
Post: #9
Title: Re: النــهــــاية ( يوم في يوم غريب ) ... الراحل سيد خليفة ( أبوالسيد )
Author: أبوعبيدة محمد الأمين
Date: 03-26-2007, 08:31 AM
Parent: #8
ياسلام يامعاوية ياخى والله العظيم ما خليت فينا ضلعة شديدة
هذه الأغنية ترتبط لدى بقصة التصفيق الشديد فى حفلة عرس:
كلام غريب شوية ، لكن أقول ليك: فى سنة 1990م وجه لنا الأخ المهندس (الطالب حينها)/الرشيد محمدالأمين، الدعوة لزيارة قريتهم (أم دوينة) بريفى المسلمية لحضور زواج شقيقه بابكر، المهم ياسيدى الحفلة كانت تمام التمام فنان من الحصاحيصا إسمه عصام ، وهو مؤدى جيد بصحبة (كورس ومندلين وباص جيتار) – استمرت الحفلة والشباب متسيد وسط الدائرة (ربة صاح وهجيج شديد) ، وحين بدأت موسيقى هذه الأغنية إنسحب جميع الشباب من وسط الحفلة بينما هناك شاب متوسط العمر فتح له الجميع ممر بين الكراسى ليصل وسط الدائرة، قلت لمن بجوارى الحاصل شنو؟ قال لى: دى ما أغنية صلاح.
وبدأ صلاح – وأول وآخر مرة أعرف الرقص التعبيرى على حقيقته - حيث بدأ صلاح فى رقص مموسق لمدى لا يمكن تصورة مع كل نغمة تخرج من الأوتار الموسيقية ومع كل كلمة وآهه يطلقها الفنان، والكل مشدوه ومشدود لوسط الدائرة حيث صلاح وهو يتابع هذا الفاصل الجميل الحزين ، تنظر لحركة الشفائف تعلم انه يؤدى الأغنية مع الفنان من الأعماق وكذا بقية جسده، تألمت جداً لحال صلاح وسألت جارى إن كانت هذه الأغنية تصور حال صلاح وتنطبق عليه، فأومأ برأسه ، فأغرقت الدموع عينى وعيون كثر كانت بجوارى، ودخلت فى حالة نشيج مكتوم لم ينتهى إلا بالتصفيق الحار من جمهرة الحاضرين لصلاح حين أنهى الفنان هذه الأغنية وحيا صلاح الحضور ولملم خطاه خارج الدائرة، وأنا أردد يا سلام ياخى مسكين الزول ده وربنا يعوضه خير إن شاء الله.
مرة أخرى مشكور يامعاوية على ما ظللت تتحفنا به من جميل الأغانى السودانية الأصيلة التى تثير فينا كوامن الشجن.
|
Post: #10
Title: Re: النــهــــاية ( يوم في يوم غريب ) ... الراحل سيد خليفة ( أبوالسيد )
Author: Moawia Mohammed
Date: 04-01-2007, 02:45 AM
Parent: #9
| Quote: تألمت جداً لحال صلاح وسألت جارى إن كانت هذه الأغنية تصور حال صلاح وتنطبق عليه، فأومأ برأسه ، فأغرقت الدموع عينى وعيون كثر كانت بجوارى، ودخلت فى حالة نشيج مكتوم لم ينتهى إلا بالتصفيق الحار من جمهرة الحاضرين لصلاح حين أنهى الفنان هذه الأغنية وحيا صلاح الحضور ولملم خطاه خارج الدائرة، وأنا أردد يا سلام ياخى مسكين الزول ده وربنا يعوضه خير إن شاء الله. |
كلنا يتحول الي صلاح عند سماع هذه التحفة
ربنا يعوضو ويعوضنا جميعا
وسلمت أخي أبوعبيدة
|
Post: #11
Title: Re: النــهــــاية ( يوم في يوم غريب ) ... الراحل سيد خليفة ( أبوالسيد )
Author: ASAAD IBRAHIM
Date: 04-01-2007, 03:15 AM
Parent: #10
يا سلام يا معاوية يا فنان
ما ح تتخيل انا ارتحت قدر شنو
يا سلااااااااااااااااااااااام
الله ينصر دينك
تعرف لو كمان في يوم جبت لينا "زولي" لهاشم مرغني تكون خلاص "النهاية"
|
|