Post: #1
Title: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: Mahir Ali Bob
Date: 03-18-2007, 12:39 PM
سلام كل الترُابة
رجال الجامعة
شرق القماير وغرب المقابر يعني (بين الحياة والموت!!!!!)
مروركم مهم جداً
ودمتم
طلال فاروق محجوب
ود الهوم سينس خريج 1996 لكن في الورق 1998
|
Post: #2
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: صديق حمدتو
Date: 03-18-2007, 02:03 PM
Parent: #1
تحياتي الأخ طلال
ياخ إنت تعتبر خريج جديد ولفت إنتباهي التخصص بتاعك على أيامنا (على فكرة أنا خريج 91 - لغة فرنسية) وكان في واحد دفعتنا بيقرأ احياء لكن كان عضو في جمعية العلوم الأسرية وكنا بنقول ليه "السر هوم" لأنو في الوقت داك التخصص ده كان قاصر على زميلاتنا الطالبات بس.
طبعا شريط الذكريات مع الكلية طويل ولا ينتهي ومن حسن حظي فقد كنت كابتن منتخب الكلية عندما فزنا بكأس دوري الجامعة في موسم 89 - 90 واتمنى أن يستجيب أكبر عدد من خريجي التربية لهذا البوست حتى نتمكن من تدوين ذكرياتنا ومقارنة التغييرات بين الأجيال المتعاقبة
|
Post: #3
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: رامي يوسف الصديق
Date: 03-18-2007, 03:43 PM
Parent: #2
يا اخونا سلامات ومشتاقين........
كيف اخبارك والاولاد? الواحد بدل ما كان مصابحك ومماسيك بقي يلاقيك في النت... دنيا!!!!!
سلامات يا استاذ صديق (طبعا استاذ دي لانو دفعتك عبدو حسين درسنا)..
اها يا طلال, دايرنا نبدا من وين? سياسة, كورة, الداخلية وسهر الجداد, القماير ولللللا................................
|
Post: #4
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: صديق حمدتو
Date: 03-18-2007, 03:54 PM
Parent: #1
الأخ العزيز رامي
تحياتي وأشواقي - والله زمان يا رامي
كيف أخبارك وأين قذف بك الزمان؟ وما هو الجديد ؟ وكيف أخبار الشباب كلهم؟
وكيف أخبار الأعزاء أمير ومرتضى التيجاني؟.
العزيز عبده حسين إلتقيته في يناير الماضي خلال عطلتي بالسودان وهو بخير وعافية
|
Post: #5
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: Mahir Ali Bob
Date: 03-18-2007, 04:02 PM
Parent: #1
Quote: يا اخونا سلامات ومشتاقين........
كيف اخبارك والاولاد? الواحد بدل ما كان مصابحك ومماسيك بقي يلاقيك في النت... دنيا!!!!!
سلامات يا استاذ صديق (طبعا استاذ دي لانو دفعتك عبدو حسين درسنا)..
اها يا طلال, دايرنا نبدا من وين? سياسة, كورة, الداخلية وسهر الجداد, القماير ولللللا................................
|
رامي يوسف
ويييين يا فردة؟؟
نبداها من آخر حاجة سهر الجداد ولا نومه
أخبارك شنو؟
أستاذ صديق شكراً للمرور الجميل ( بالمناسبة تخصصي دا لفت نظري أنا ذاتي)
أنا برضو كنت كابتن فريق تربية ( رامي!!!!! الحتة دي ما ليك دخل فيها)
ودمتم
طلال فاروق محجوب
|
Post: #6
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: رامي يوسف الصديق
Date: 03-18-2007, 04:58 PM
Parent: #5
طلال ياخي انت حيرت عمك النعيم ذاتو.....
طبعا كبرنا علي سهر الجداد...
بقينا ننوم ابدر من الجداد.... كيف اخبار نيالا??
استاذ صديق: امير كان في فرنسا ومشى الامارات ومرتضى كان في اليابان ومشي اميركا. انا في هولندا (اخر محطة).. معاي عصام عبد الوهاب (عصام بوكس) وفي هولندا الصغيرة دى, نتلاقي مرة في كل كم سنة!!!!
|
Post: #8
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: رامي يوسف الصديق
Date: 03-20-2007, 11:19 AM
Parent: #6
طلال وصديق,
البورد دا ما فيهو ترابة ولا شنو!!! الكلام عن كلية التربية له خصوصية لا يحسها الا الترابة...
طلال: انا جاي السودان في رمضان إنشاء الله.. وعازم نفسي نيالا...
اخباري: الشغل, البيت, الشوق للناس....
|
Post: #7
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: Mahir Ali Bob
Date: 03-20-2007, 10:28 AM
Parent: #1
ما في زول جاء؟؟؟
|
Post: #9
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: رامي يوسف الصديق
Date: 03-20-2007, 11:29 AM
Parent: #7
اقترح نفتح المجال كمان لطلاب الاسلامية الكانو مشاركننا الداخلية واشياء اخر. لانو الترابة مشاركتم ضعيفة..
|
Post: #10
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: Mahir Ali Bob
Date: 03-20-2007, 01:00 PM
Parent: #1
| Quote: اقترح نفتح المجال كمان لطلاب الاسلامية الكانو مشاركننا الداخلية واشياء اخر. لانو الترابة مشاركتم ضعيفة.. |
أشياء أخر؟؟
إنت تحديدا كلمة الإسلامية وكلمة أشياء أخر دي مفروض ما تجيبهم في جملة واحدة!!!!!!
والفرصة مفتوحة برضو لناس جامعة جوبا الكانو مشاركننا الداخلية واشياء اخر
ودمتم
طلال
|
Post: #11
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: رامي يوسف الصديق
Date: 03-20-2007, 01:41 PM
Parent: #10
عاصم كته برضو مشترك في البورد...
اتمني انو عدم المشركة في البوست ما يكون بسببنا انا وانت يا طلال!!! لكن انا معاك للنهاية يا فردة. ولو غمرت بمشي المزيرة بجيب ليك الموية هاها....
المشكلة الكتابة بي لوحة المفاتيح العربية زى الشاي بالبلح ما ممتعة....
|
Post: #12
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: صديق حمدتو
Date: 03-20-2007, 01:41 PM
Parent: #1
| Quote: اقترح نفتح المجال كمان لطلاب الاسلامية الكانو مشاركننا الداخلية واشياء اخر. لانو الترابة مشاركتم ضعيفة.. |
| Quote: والفرصة مفتوحة برضو لناس جامعة جوبا الكانو مشاركننا الداخلية واشياء اخر |
بالله الحال في آخر الأمر وصل لهذه الدرجة!! - زمان ميزة كلية التربية كانت في داخلياتها والحياة المقفولة البتجمعنا طوال الـ 24 ساعة والتي ساهمت في خلق علاقات ودودة بين الطلبة أنفسهم من جهة وبين الطلبة وبقية ألأفراد من جهة أخرى زي الحرس الجامعي (تصدقوا محمود الحرس كان بيجي يقيل في غرفتنا أنا وعبده حسين) وعمال السفرة وعمال الكافتريات (زي عم حسن كافتيرة والزبير بتاع السوق الشعبي) وصلاح بتاع الكلينك وعم النعيم الكوتش وعمال الورشة وأسالوا عن (صديق تلة والمرضي) وبل وحتى الدكاترة حيث كان د. عبد الرحمن موسى يشاركنا تمارين الفريق الأول لكرة القدم ود. زكريا كان يحضر الطمبور ويشاركنا الغناء في الحفلات التي ننظمها في الشعبة (خليكم ملاحظين أنا لحدي هسه ما جبت سيرة الجكس)
ايام مباريات دوري الجامعة كانت رابطة المشجعين (رابطة المشجعين مش رابطة الكلية) تقوم بجمع التبرعات لعمل معسكر مصغر للفريق الأول وكانت تقوم بعمل اللافتات والشعارات مثل "الطواقي والتشيرتات" وتقوم بتـاليف الهتافات والأهازيج وتستـاجر المزيد من الباصات لنقل الطلاب للمساهمة في التشجيع فقد كان الجميع يرغب في الذهاب للميدان الشرقي للمشاركة في التشجيع، الطلاب والطالبات والعمال والحرس وحتى الأولاد بتاعين الأورنيش (وكان لدينا صديق ظريف يعلق على هذه الأمر ويقول "والله يوم المباراة بتاعت الكلية ما بفضل في الداخليات غير أنصار السنة!!)
وهسه تجوا تقولوا لي في الداخليات كان معاكم ناس الإسلامية وجوبا- والله زمان يا تربية !!
|
Post: #13
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: رامي يوسف الصديق
Date: 03-20-2007, 01:52 PM
Parent: #12
يا استاذ عندي ليك سؤال بمناسبة عمك النعيم الكوتش
بحكم انك لعبت في تيم الكلية:
صحي عمك النعيم دا من الله ما خلقو ما غير خطة اللعب (تو مان تو مان) زي ما بقول عمك النعيم!!!!
|
Post: #14
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: صديق حمدتو
Date: 03-20-2007, 02:35 PM
Parent: #1
والله يا رامي عم النعيم كان بمثابة الوالد لنا جميعا وكنا نحترمه لأقصى حد ولم يتجرأ اي منا في يوم من الأيام على عدم إطاعته أو حتى محاولة الرد عليه ولكن كان له طريقة واحدة (يا ها الإنت قلتها دي ههههههههها) وكنا تحت تحت كده بنضيف عليها ونقول (تو مان تو مان والخائن الله يخونه)
تعرف يا رامي عم النعيم بيجي المباراة وهو عارف إنو حا يلعب فلان وفلان وفي الشوط التاني حا يطلع فلان ويدخل مكانه فلان وبعد داك مابهمو إنشاء الله فلان الحا يطلع ده لو كان نجم الشوط الأول بلا منازع برضو حا يطلع حا يطلع.
مرة كان عندنا مبارة مع "الإسكول" وبعد المباراة عندنا مشوار مهم أنا وأثنين من الأصدقاء (طارق دفع الله وطارق حسن) وكانوا خائفين إننا نتأخر فالأثنين قاموا تآمروا علي وقعدوا قريب من عم النعيم وشبكوه ليك " والله يا كوتش حمدتو ده بطريقتو دي بطردوه وبتلعبوا ناقصين" ولسؤ حظي إني اتكلمت مع الحكم كلام عادي بس من بعيد بيظهر كأنو احتجاج "شايف أها كمان بقى يحتج على الحكم" أها قبل نهاية الشوط الأول فوجئت بعم النعيم يطلبني للتغير، لمن مرقت برة قاموا الجماعة كشفوا لي عن المؤامرة وقالوا لي "ياخ دي مباراة مضمونة فما في داعي تأخرنا ساكت!!"
والله زمان يا تربية!!! طارق حسن في لندن منذ 15 عاما وطارق دفع الله كان في السعودية وحاليا موجود في مسقط رأسه بمدني - لهما المودة والأشواق إينما حلا
يا رامي بالله رسل لي تلفون أمير التجاني ضروري في الماسنجر
|
Post: #15
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: Mahir Ali Bob
Date: 03-21-2007, 11:08 AM
Parent: #1
| Quote: ولو غمرت بمشي المزيرة بجيب ليك الموية هاها.... |
بس دي ياهاالخايف منها انا ذاااااتي
بالمناسبة خطة عم النعيم ( تو مان تو مان والكورة واطاة والضرب في الزوي والخاين الله يخونه) !!!!
صديق رغم دخول ناس الإسلامية وجوبا لكن علاقات الترابة مازالت فيها بصمة تربية ودفعتنا براها فيها 15 ولد إتزوجوا من بنات تربية
انا واحد منهم
ودمتم
طلال
|
Post: #16
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: رامي يوسف الصديق
Date: 03-21-2007, 11:20 AM
Parent: #15
بمناسبة ال15 الإتزوجو ديل اخوك قرب يتمهم 16 لكن الله ما هون.. بعد داك ناس خليفة وعلي وخالد اسماعيل وعثمان خذلتم طيارة السعودية البتجي 3 مرات في الإسبوع..
بمناسبة الإسلامية دي يا استاذ صديق, امير التيجاني كان بقرا في اداب الإسلامية وكان متواجد بكثرة في التربية, مرتضي كان بزعل لما يسألوهو: إنت أخو امير التيجاني?
|
Post: #17
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: رامي يوسف الصديق
Date: 03-21-2007, 09:51 PM
Parent: #16
waar zijn ze nou?? het is toch niet te geloven, je nodigt ze uit om te komen praten, en dan komt er niemand!!!!
|
Post: #18
Title: Re: يا بورداب كلية التربية جامعة الخرطوم بشعبها المختلفة......... إجتمعوا أونلاين
Author: sourketti
Date: 03-23-2007, 08:57 PM
Parent: #1
كنا نشق كلية التربيه (معهد المعلمين) فى طريقنا لمدرسة أمدرمان الأهليه الثانويه وكان ذلك بين عام 1973 - 1976 م وكنا ننظر للطلاب والطالبات وهم يسعون بين قاعات المحاضرات والسفره أو الداخليات بكل تقدير وإحترام وبالرغم من الفارق البسيط فى العمر إلا أننا كنا ننظر إليهم كباراً فى علمهم ...وكان للحرم الجامعى حرمته فى ذلك الوقت ولا أنسى أبداً حجم الثورة التى اجتاحت هذا المكان عندما دخلت الشرطه لاول مرة للكليه لتحاصر اعتصامنا بمدرسة امدرمان الاهليه فى عام 1975-1976 وتلقى القبض علينا ونحن نحاول القفز من الحائط الشمالى لساحه الكليه قرب الداخليات ...
أرجو ممن يعرف أى تلفون أو إى ميل للاستاذ د/محجوب برير أن يمدنى به مع الشكر والتقدير
|
|