(مريلال) .. (هلاريخ) .. وسودانّا فووووق يا محمد عادل .

المريخ يسحق القطن بخماسية نظيفة وفي النهاية لا يصح الا الصحيح
الهـلال يتلاعب بالزمالك و (بالتخصص) في اقصاء الفرق المصرية يضعنا
فوق هامات السحب ..

شكراً المريخ .. شكراً الهلال

شكراً نيجيريا(إيداهو - قودوين - كلاتشي - يوسف الفنان)

شكراً هيثم مصطفى شكراً فيصل العجب شكراً هيثم طمبل وشكراً علاء الدين يوسف.

كلكم أبطال .. وكلنا.. من خلفكم وبكم نرفع اسم السودان عالياً في المحافل الدولية.


وسودانّا فوووووووووووووووووووووووووووووووووووووووووووووووووووووووووووووووق

صديقي النيبل أبو عثمان

يسعد ( صباحك ) سيدي ، ، ، ،


عشنا لحظات الفرح عبر الاسير مع الاشاوش ، تخلصنا من عقدت الكرة المصرية عبر سفيرنا الهلال وجينا القطن عبر أبطال مانديلا ودار السلام ، لحظات فرح سرقناها من عمر الزمان ، اعادت للسوادن أمجاد علي قاقرين والدحيش والفاضل سانتو الدكتور كمال عبد الوهاب ، شكراً أمير ( أبو عثمان ) شكراً أبطال هلاريخ شكراً شعب السودان الأبي ، ومزيد من الافراح وســـودانا فوق .

العمدة (ابو حسام)
تحياتي ومبروووووووووووووك ملايين لسودان العزة

Quote: تخلصنا من عقدت الكرة المصرية عبر سفيرنا الهلال

ابو الهل متخصص يا عمدة في المصريين ولم تمثّل الفرق المصرية بالنسبة له أيّ عقدة ، فقد أقصى الأهلي من قبل وهزمه في عقر داره وأقصى الاسماعيلي وانبي وحرس الحدود عشان
كده الهلال هو البعبع الحقيقي للفرق المصرية وبقوا يخشوهو أكثر من كل الفرق الأفريقية والعربية..

Quote: وجينا القطن عبر أبطال مانديلا ودار السلام ،

المريخ والقطن التشادي لا مقارنة على الاطلاق وهي كبوة تلك التي حدثت في انجمينا وقد قالها الكابتين الرشيد المهدية .. وقالها يوسف محمد يوسف معلّق المباراة عبر الاذاعة .

Quote: لحظات فرح سرقناها من عمر الزمان ،

وانشاء الله ستدوم وتدوم يا عمدة لأنه وفي اعتقادي لا يوجد فريق افريقي الآن يستطيع الوقوف امام الهلال .. وأيضاً لو واصل المريخ الأداء بهذه المسؤولية والرجولة لن
يستطيع اي فريق مقارعته ..

وسودانّا فوووووووووووووووووق

Quote: المريخ يسحق القطن بخماسية نظيفة وفي النهاية لا يصح الا الصحيح الهـلال يتلاعب بالزمالك و (بالتخصص) في اقصاء الفرق المصرية يضعنا فوق هامات السحب ..

أبوعثمان (الفنان وانت لاعب لاتقل عن هولاء بشي بس فارق الزمن الجميل)

بحق أمتعونا شباب الكرة السودانية ومزيد من العطاء في المراحل القادمة

وهي المحك للكرة السودانية بأن تعود سيرتها الأولي وهي رائده وفيها الفن

واللعبه الحلوه وشرفتم الكرة يامرلال ونحن في أنتظار بطولات خارجية قادمه

بعرق الرجال وأبناء السودان الأبطال

الحبيب ابو قصي

تحياتي ومليون مبروك يا مجدي هذا الفرح الكروي الجميل

Quote: بحق أمتعونا شباب الكرة السودانية ومزيد من العطاء في المراحل القادمة وهي المحك للكرة السودانية بأن تعود سيرتها الأولي

نعم والله الأحمر الوهاج والموج الأزرق قدما عروضاً تشرح القلب .. وستعود الكرة السودانية اكثر قوة من الأمس وانشاء الله الفرح القادم أكبر وأحلى .

Quote: وشرفتم الكرة يامرلال ونحن في أنتظار بطولات خارجية قادمه بعرق الرجال وأبناء السودان الأبطال

البطولات قاااادمة وحرام أن يخرج السودان من هاتين البطولتين خالي الوفاض وانا أراهن بأن هناك بطولة على الأقل قادمة هذا الموسم.

سلمت يا ابو الأمجاد.

ألأخ/أمير

أمير الشباب


يا سلام أمس ليلة الفرح السودانى.


ليلة كانت ليلة ما أحلاها


رائعة وجميلة

وسوف أمر عليك تانى يا عسل

الغالي سمعة

سلامات يا فنان

Quote: يا سلام أمس ليلة الفرح السودانى.

وستستمر ليالي الأفراح يا اسماعيل انشاء الله وكورتنا مسكت الدرب العديل وانشاء الله ما بتفكو وبنصل لي نهايتو ونجلب حصادو وكاساتو .. واكاد أرى الكأسان يحييان بعضهما يفصلهما شارع العرضة جنوب المليء بالعربات التي ترفرف فوقها الأعلام الحمراء والزرقاء.

Quote: ليلة كانت ليلة ما أحلاها

ليلة كانت مهرلياخلسودانية مية المية .

الحبيب امير
فوق فوق سودانا فوق
بالطول بالعرض مريخنا يهز الارض
بالطول بالعرض هلالنا يهز الارض
والله كانت اجمل ايام حياتى امس
حيث كان قلبى مقسوم مابين امدرمان وهنا فى القاهرة
اتابع مباراة المريخ عبر الموبايل وعينى لاتريد ان تنزل من الاستاد لحظة
عاش السودان
وعاش ابطال الهلال والمريخ

الاخ الجمرى والاخوة
سودانا فووووووووووووووق

بس سوال بسيط ايش علاقة فوز الفرق.. بالوطنية

اى زول يشجع قريقو وخلاص....

دا كسب سياسى...لمطبلين السياسة...يعنى ال عندهم مصالح تانية فى لمة الناس وضحكهم وهم مكوشين وقابضين فى الكرسى..

انا هلالابى...بشجع الهلال ضد الزمالك و ضد المريخ ..ضد اى فريق تانى وبشجع اللعبة السمحة لما اكون بشاهد مباراة ليس الهلال طرف فيها مع كامل احترامى وشعورى المتبادل ...فرضا بكرة الجنوب انفصل وبقى له فريق ينافس الشمال..كيف نحكم الوطنية هنا..نفس العملية لفرق مصر..
مجرد وجهة نظر...

اخونا ابو قوتة

Quote: بس سوال بسيط ايش علاقة فوز الفرق.. بالوطنية

لما تكون المنافسة او البطولة داخلية ما بنجيب سيرة الوطنية دي.
لكن الفريقين الآن بينافسوا باسم السودان (وكفى) وبرضو يكفي انك قلت :

Quote: سودانا فووووووووووووووق

وده رد شافي منك وليك

Quote: انا هلالابى...بشجع الهلال ضد الزمالك و ضد المريخ

وانا مريخابي وبشجع المريخ ضد اي فريق وبشجع اي فريق في السودان ضد الهلال لكن اول ما الهلال ده يطلع برة السودان فبكون سوداني بشجع السودانيين ضد اي فريق غير سوداني ودي الوطنية البنتكلم عنها بعيد عن اي اعتقادات تانية.

Quote: فرضا بكرة الجنوب انفصل وبقى له فريق ينافس الشمال

الجنوبيين يشجعوا فرق الجنوب والشماليين يشجعوا فرق الشمال ضد الفرق البرة وفي الداخل نفس الشغلانية كل زول يشجع فريقو . ما خلاص حا تكون دولتين مستقلتين ونتعامل كل دولة على حدة .

Quote: مجرد وجهة نظر...

ونحترمها ونقدرها

شكرا كتير

الغالي محمد عادل
والله اروع ليلة رياضية كانت بالأمس
وحقيقي الهلال رفع رأسنا عااااالي
ووالله يا محمد مع القونين كنت بتخيلك
وسط المشجعين واقول يا ربي ياتو فيهم
انشاء الله تتواصل افراحنا بالفريقين واكرر
لا اظن ان فريقاً يستطيع ان يوقف هذا الهلال(البدر)
وايضاً المريخ الهادر .. واكرر رهاني بأن بطولة على الأقل
ستتهادى طوعاً صوب سودان الفن والجمال

وهلاريخنا فووووووووووووووووووووووووووووووووووووق
وسودانّا فووووووووووووووووووووووووووووووووووووووق

ألحبيب/أمير



وصف فرحنا ليوم أمس عريس وبكر بتؤم(هلال -مريخ)


فرحة للوطن.تزامنت فيها المبارتين وكان الفوز والفرح الجميل ونسأل الله أن يديم أفراح الرياضة........ياهو ده السودان.


ألف مبروك.....

امير الجمرى اللاعب الفنان
لانك زول فاهم كورة لذلك انااتفاءل
بتوقعاتك ورؤيتك واتمنى ان تكون احدى
بطولات الموسم الافريقية للسودان

كلكم أبطال .. وكلنا.. من خلفكم وبكم نرفع اسم السودان عالياً في المحافل الدولية.
كلكم أبطال .. وكلنا.. من خلفكم وبكم نرفع اسم السودان عالياً في المحافل الدولية.
كلكم أبطال .. وكلنا.. من خلفكم وبكم نرفع اسم السودان عالياً في المحافل الدولية.
الف مبروك

الأخ الحبيب
شهاب
تحياتي

Quote: كلكم أبطال .. وكلنا.. من خلفكم وبكم نرفع اسم السودان عالياً في المحافل الدولية. كلكم أبطال .. وكلنا.. من خلفكم وبكم نرفع اسم السودان عالياً في المحافل الدولية. كلكم أبطال .. وكلنا.. من خلفكم وبكم نرفع اسم السودان عالياً في المحافل الدولية.

واتمنى ان نكررها جميعاً .. وبعدها نهتف ونحن نحمل كأسي البطولتين عاااااااااالياً


سودانّا فوووووووووووووووووووووووووووووووووووووووووووووووووووووووووووق

شكراً ي ا غالي

الغالي سيد الناس عموري التيتاوي الهلالابي الجميل

Quote: لانك زول فاهم كورة لذلك انااتفاءل بتوقعاتك ورؤيتك

تسلم يا عامر ودي شهادة اعتز بيها كتير من رجل اعتقد بأنه
من اميز صحفيينا الرياضيين وان كان يعمل في صحيفة غير سودانية

Quote: واتمنى ان تكون احدى بطولات الموسم الافريقية للسودان

وانا اتمناهم الاتنين يا عامر وياريت الهلال والمريخ يتحفونا بالبطولتين
ودي تكون خبطة العمر الرياضية للسودان وبعد كده نوري الناس العين الحمراء
وكل الدول تعمل لينا مليون حساب ونصنع امجاد كروية سودانية وانا ما بقول نعيد الامجاد
لأني شايف الفرق الأن تؤدي افضل من الامس والنجوم الموجودين في الفريقين في الوقت الحاضر جديرين بصنع انجازات رفيعة المستوى .. واجزم يا عامر بأن لا يوجد الآن في الساحة الأفريقية فريق يستطيع الوقوف امام الهلال الشفتو انا في مبارتي الزمالك وبالتحليل لمباراة المريخ والقطن برضو اظن ان المريخ يستطيع قهر اي فريق يقابله وبحكم اني ما شاهدت الا مقتطفات قليلة من مبارتيه في انجمينا والخرطوم الا ان مريخيتي التي تعرفها تجعلني اكثر تفاؤلاً بأنه قادر على اعادة انجازاته السابقة .. واتمنى من الفريقين ان يستثمرا الفرصة المواتية الآن والزخم الموجود من النجوم والمحترفين المحليين والأجانب وسيكون لهما شأن كبيراً انشاء الله في الهذا المؤسم .

شكراً عموري وانشاء الله نلتقي في المسطبة العجيبة ابّان فوز الفريقين بالبطولتين

Quote: وصف فرحنا ليوم أمس عريس وبكر بتؤم(هلال -مريخ)

وانشاء الله يا اسماعيل يطلع توأم فالح وناجح ويجلب الغنائم ونحتفل بيهم الاتنين في دار الرياضة ادرمان .

Quote: فرحة للوطن.تزامنت فيها المبارتين وكان الفوز والفرح الجميل ونسأل الله أن يديم أفراح الرياضة........

آمييييييييييييييييييييييييييييييييييييييييين يا سمعة

Quote: ياهو ده السودان.

وسودانّا فوووووووووووووووووووووووووووووق

آميرنا .. آمير الشباب سوداننا إنشاءالله دائماً وابداً فوق

والحقيقة كانت ليلة دون الليالي سطر فيها نجوم المريخ

والهلال احلي الهدايا للشعب السوداني الذي لم يفرح من زمن

طويل جداً والمسيرة إنشاء الله مستمرة .

الحبيب هاشم ابو احمد

سلمت يا غالي

Quote: والحقيقة كانت ليلة دون الليالي سطر فيها نجوم المريخ والهلال احلي الهدايا للشعب السوداني الذي لم يفرح من زمن

نعم حقيقي كانت ليلة مشهودة ورائعة . ويا هاشم انشاء الله الفرح حا يستمر ولو حصلت كبوات نتمنى الا تعيق المسيرة ولي قدام دائماً .

شكرا يا الحبيب

المعز والمامبو السوداني