يا كيكى انشاء الله ماترجع،،،،،،،،

بالامس وفى ليلة من اجمل ليالى الدوحة كنا حضورا فى احتفال تكريم الاستاذ الشاعر القامه السامقة الاستاذ محجوب شريف ..لا اود ان ان احكى عن تلك المناسبة لاننى لن استطيع وصف ذلك الجمال و منظموها هم الجميلين رابطة معجبى الاستاذ محجوب شريف بالدوحه وسيفردون لها بوستا اخر ليحكوا عن تلك الليلة الجميلة..


التقينا مجموعة من بورداب الدوحة وكنا نتسامر ونتناقش فى مواضيع شتى قبل بداية الحفل وكان من ضمن الحضور الوجية بدر الدين الامير وجاء كعادته متأنقا فى احلى صورة وحاملا سيجاره الكوبى وايضا الاستاذ الصحفى عامر تيتاوى والمبدع المسرحى الاستاذ السنى والفنان ودرملية والمهندس خليل والجميل فيصل عباس وبينما نحن واقفون دخل الى القاعة النجم المتألق والمعتزل كيكى مرتديا (بدلة جميلة) وتكسوا وجهه ابتسامة خجولة فسلم علينا وقال ازيكم يابورداب الدوحه واصحابنا زمان..


تناقشنا فى موضوع عودته للبورد وسط رجاءات عديدة من الحضور ومنهم من اقترح لجنة لاعادة كيكى الى المنبر بكامل صلاحياتها.. فتعلل المهندس كيكى باعذار عديدة جعلته يتخذ ذلك القرار ولكن وعدنا بانه سوف يدرس الموضوع..

انا اعتقد جازما يا اخوانا انو كيكى هذا قد نضب معينه وماعاد ذلك كيكى الحكاى صاحب الذاكرة السردية المتقده فقد استنفذ كل مالديه من مخزون قصصى او بالاحرى هو كل مالدية كان ذلك الكمبو الذى يضج بالسكارى والحيارى وناس امونة كبسى.. وتلك القصة التى كان هو متهما فيها بالسطو ..سيم سيم وبالكربون .. وجوبا نار..

انا بدورى ارفع عذا الموضوع لكم وخاصة المستشار عبد المنعم سليمان والمهندس خليل والاستاذ متولى مالك دعونا من كيكى هذا وارمو طوبته وانشاءالله مايرجع ظاااااااااااااتو..

هسى يقوم يجيك الجنس الناعم من انصار كيكىويقول ليك كيكى وما ادراك ما كيكى ويعددو ليتا مآثرة وحكاياه..


وياكيكى انشاء الله ماترجع ظااااااااااااااااااااااتو..

الملك ضحية
أتفق معك تماما وقرار كيكى الاعتزال كان موفق
والاعتزال فى القمة له مردود جميل على النفس حين تشيخ
وياريت الشال كيكى يشيل الحطيئة عبدالمنعم سليمان
لا لا لا لا لا لا لا لا لا لا لا لا لا لا لا لا لا لعودة كيكى

ده تحريض مبلوع بموية زير بس

الوجيه / البدر

يعنى تفتكر كيكى عاد يجى منو ؟ ما اظن لانو معينة نضب وبقى ماعندو حاجه.. بالرغم من اننى اكثر واحد عارف حبه للمنبر واكثر شىء محيرنى انو كيف استطاع كل هذه المده بدون ما يدخل المنبر وانا والله اتوقع انه هسى قاعد وبيطالع فى المنبر القال منو؟ والكتب منو ؟

بعدين يا بدر عبد المنعم سليمان ده حاله خاصة يعنى مافى اى علاقة تلمو مع كيكى.. (ماتلخبط الكيمان)

شن نفركم واحد شايل سيجار والتاني متمحن زي الحاصلة ليهو مصيبة
تفوتوا انتو وماترجعوا كيكي العجب كيكي البطل
كيكي صديق الغلابا كيكي حيبيب ستات الشاي
كيكي رجل المهمات الصعبة
شايل لي هبابة جاي اهبهبك بيها
وشايل محفة أشيلك فيها اربعة من سادسةسودانيز اون لاين
الليلة شعاري فلنكسر التلج من اجل كيكي
ولنشرب من عسلية المودة والصداقة عبارين
واحد نرفعه لأصدقاء كيكي
والثاني نخب الحسادة للحاسدين كيكي في فهمو وتقلو وقيافتو
امبارح في حفل فنان الشعب محجوب شريف
كيكي شدة ماقيافةلمن اتحلقوا جنبو ناس بدرالدين وخليل وخليل شدة ما خجلان من لبستو لمن متبلم بالعمةوها الحساده ضربت ضحية واقف في لبستو العاديةوعيونو تدور في محاجرها زي الثعلب المزنوق
في مصيدة وبفكر كيف اتخلص من شرك حسادتو
تجو تهتفوا يافيران لالالعودة ديجانقو انشاء الله ديجانقو اقبل عليكم وافضي مسدسو فيكم كلكم
هيا فانرفع الكؤوس نخب عودة كيكي

شن نفركم واحد شايل سيجار والتاني متمحن زي الحاصلة ليهو مصيبة
تفوتوا انتو وماترجعوا كيكي العجب كيكي البطل
كيكي صديق الغلابا كيكي حيبيب ستات الشاي
كيكي رجل المهمات الصعبة
شايل لي هبابة جاي اهبهبك بيها
وشايل محفة أشيلك فيها اربعة من سادسةسودانيز اون لاين
الليلة شعاري فلنكسر التلج من اجل كيكي
ولنشرب من عسلية المودة والصداقة عبارين
واحد نرفعه لأصدقاء كيكي
والثاني نخب الحسادة للحاسدين كيكي في فهمو وتقلو وقيافتو
امبارح في حفل فنان الشعب محجوب شريف
كيكي شدة ماقيافةلمن اتحلقوا جنبو ناس بدرالدين وخليل وخليل شدة ما خجلان من لبستو لمن متبلم بالعمةوها الحساده ضربت ضحية واقف في لبستو العاديةوعيونو تدور في محاجرها زي الثعلب المزنوق
في مصيدة وبفكر كيف اتخلص من شرك حسادتو
تجو تهتفوا يافيران لالالعودة ديجانقو انشاء الله ديجانقو اقبل عليكم وافضي مسدسو فيكم كلكم
هيا فانرفع الكؤوس نخب عودة كيكي

آخر الاخبار
كيكى يفاض خليل لكى يؤجر منه الباص ويرد لمدة يومين
لان اصابعة اصابها الهزال لافتقارها الكتابة فى البورد
طبعا نحن عارفين كيكى حالف طلاق مايرجع وودالقريش المكفراتى
قال ح يلقى مخرج لحليفة كيكى بس بعد ما ينتهى من مخارجة البشير
الذى ورط نفسه بحليفة زى حليفة كيكى

الاستاذ السنى

عارف صاحبك جاء امس اخر قيافة وفى احلى حلة قايل نفسو حيصوروه عشان الجكس يشوفوا لكن احلى حاجه ود القريش اخد منو لقطة وقال يكتب عليها العضو المستقيل.. بعدين يال سنى خليل جاء لابس كده مخصوص لانو بقى البودى قارد بتاع كيكى وحسب مانما الى علمى انو كيكى فى انتظار راى مستشاره القانونى الذين كان يلجأ له فى محنته ايم نط فى بيت الناس وعملو ليهو قضيه والمستشار الان دى فى مشكلة اكبر من عودة كيكى الى المنبر لكن الامور كده شكلها مامفهوم ..غايتو الله يستر ربما يعنى يمكن يمكن دى مش اكييييييييييد انو يعمل بفتوى اخونا ود القريش رغم انو مافى اى تقارب بين الاثنين فى الوقت الحاضر..

لا لعودة كيكى ظاااااااااااااااااااتو فرتق ومرفوعه للقوه اربعين اهههها قال السنى قال..

يا ضحية..

الزول ده فات وين؟؟
أنا داير منو "شيرنق" بتاع تلاتة قعدات..
حق تلاتة قزازات، وتلاتة كيلو ضان، وأم فتفت ونيفتين..

عشان الحركات دي، تاني زول ما يدفع مقدما، يقعد يتونس بس..ً
________
القريش، أحلف عليهو طلاق بالتلاتة للتلاتة..

يا سر طيفور

قالو الثور كان وقع تكتر سكاكينو عارف زولك ده من ما خلى المنبر الناس جات تطاقش سيد(اللبن) وست ام فتت ويتاع البقالة قال عاوز حق الزيتون والجبنة وووووو الخ وانت هسى شايفك طلعت قائمتك على فكرة انا عندى عنوان مستشاره القانونى والله قلت بس احتفظ بيهو للحالات الزى دىارجو انك ماتشيل هم حقك حيصلك سريع وعن طريق ال (ويسترن ينيون)

على نفسها جنت يراقش
إنتظروا
عودة ديجانقو
إنتظرو
رد السني الفرفرور
للفيران الداقسين
قريبا على هذه الشاشة
*****

كي كي يقول : ود القريش عليك الله صور أصابعيني ديل شوف يبسوا كيفن من عدم الكتابة

Quote: القريش، أحلف عليهو طلاق بالتلاتة للتلاتة..

ياسر طيفور

أمانة ما اتلومت لوم الجبال ما يشيلنو

إت قايل حريمي ديل أنا جايبن بالهين

قال أحلف عليهو بالتلاتة للتلاتة

دا بحنس في الحفلة كلها أمس عشان يحنسو

ياسر إت ماك نصيح ولا السكر الكتير اثر عليك

معتز القريش

انت طوالى مشتت ورقك كده اصبر شوية ياخ؟؟؟؟؟


السنى

انت اوعك تعمل لينا تكتلات وتحنيس واصبروا على ديجنانقو وكلام من النوع ده ..زولك طلع نمر من ورق


انا فى اتنين هنا راجيهم لى بكره وعاوز اعرف رايهم اولا صاحبو خليل والمستشار عبد المنعم سليمان وبث

ضحية ركز ياملك
عبدالمنعم الحطيئة اسمو مستشار السيئات
أم الباش مهندس خليل فهو كفيل كيكى
والقول مايقول خليل وخلى يولى عبدالمنعم

ضحية وربعو ..

إزيكم يا جماعة..

أمبارح نقينا في الموضوع ده ، في حفل محجوب شريف ، وطبعاً نحن ناس الكنبة الورا ..
أبشرك يا ضحية ، كيكي عائد عائد ( يا نميري ) .. راجع ليكم بكل قوة..
وطبعاً هو هسع بيراقب في الموقف ..
عايز يعرف مين المعاهو ومين المع الخيانة !!! وطبعاً هو عندو شك إنو في طابور خامس ....وهو مصر إنو يكشفو..
وقال ح يرجع بي تكتيك جديد ، وأسلحة حديثة ، لا قبل لكم بها ..
حسب البرنامج ستكون عودته خلال هذا الاسبوع ..

والليلة شيلوا شيلتكم ..
البوليس جاااااااااكم...

مكرر .. أقرو الفوق.

ياسلام يا صلاح عبدالله

البركة فى حردة كيكى الخلتنا نشوفك وتظهر والله ليك طولة ومشتاقين يا صلاح عبدالله يافنان.. انت لسه كيكى هو كيكى ده كان زمان .. كيكى خلاص اسفيريا مات وزمانه فات وبقى (شنبرو خافى) انت بس خليك قريب والمفاجأت جاية ياصلاح امسك الخشب...

ضحية يا حلو

جراب كريم لا ينضب ابدا وما زال في الكاس الباقي


كريم عائد في موعد اقصاه غد بعد انتهي من تخصيب اليورانيوم

وهو الان جاهز لامتلاك السلاح الاسفيري .


واستعد لبوست اسطوري من عبد الكريم ما عائز احرق المفاجاة

خليل

انا عارفك صديق العمر وخليل كيكى لكن ياخلى كيكى الانا شفتو امس ده ما كيكى الزمان بعرفة والزول ده لياقتو الشافتا عينى دى (بلى ماتلعبوا..) قال يورانيوم واسلحة اسفيرية قال ..انت الفيك اتعرفت خلينا النشوف عبد المنعم سليمان..

يانا رجعنا يا ضحية يا مرجف ورجعت قمارينا..
وكل الشكر لجميع الحبايب والاخوان المرجفين منهم والصالحين
وسلام خاص للصديق عامر تيتاوي ومتولي مالك وكل الاصدقاء بالدوحة...
ويا ضحية دايرين تعملوا لي فراش يا كلابات ..انا جيت وبعد ده اي فرفور يدش في جحرو
والضرب ركب في اطار سياسة العودة...

ياعبدالكريم يا ود الخآل..



أت كدا ضّيعت على قصيدة طويلة عريضة..

بكتب فيها من يوم ماأت مشيت..

واشيل وأعّدل..

وقبل ما أنشرها..

قمت جيت..

نفّدت منى غآيتو..

والمرة دى جات سليمة..

..

مطلع القصيدة بيقول..

يا كيكى..

يا ود خآلى..

حرد البورد..

وخلانى..

وساب المنبر..

وجآفانى..الخ

..

شفت كيف معّلقة بت عمتك؟

ما خطيرة؟!

قطعت على حبل افكارى سآكت..

المّرة الجآية كان مشيت..

تقعد سنتين..

عشآن اقدر أكمل القصيدة!

يانا رجعنا يا ضحية يا مرجف ورجعت قمارينا..
وكل الشكر لجميع الحبايب والاخوان المرجفين منهم والصالحين
وسلام خاص للصديق عامر تيتاوي ومتولي مالك وكل الاصدقاء بالدوحة...
ويا ضحية دايرين تعملوا لي فراش يا كلابات ..انا جيت وبعد ده اي فرفور يدش في جحرو
والضرب ركب في اطار سياسة العودة...




والله ياكريم تقعد تبارى لى خليل وعامر تيتاوى ديل الا يودوك التوج نحن مامرجفين ولا بتاعين تطبيل بس لما ندور بنطعن الفيل فى عينه ..انت شوف فرافيرك وجحورك وين؟

ياعبدالكريم يا ود الخآل..



أت كدا ضّيعت على قصيدة طويلة عريضة..

بكتب فيها من يوم ماأت مشيت..

واشيل وأعّدل..

وقبل ما أنشرها..

قمت جيت..

نفّدت منى غآيتو..

والمرة دى جات سليمة..

..

مطلع القصيدة بيقول..

يا كيكى..

يا ود خآلى..

حرد البورد..

وخلانى..

وساب المنبر..

وجآفانى..الخ

..

شفت كيف معّلقة بت عمتك؟

ما خطيرة؟!

قطعت على حبل افكارى سآكت..

المّرة الجآية كان مشيت..

تقعد سنتين..

عشآن اقدر أكمل القصيدة!



الا ستاذة نور تاور/ تحياتى

ده منو ده البيقعد ليك سنتين هو غاب اسبوع واحد لكنو كان حاضن الكيبورد وعارف منو الكتب ومنو القال واية الاتقال بعدين ده منو البيستاهل يكتبو فيهو قصيده ده؟ انتى بنت ناس شجعان وناس حارة القصايد دى بيكتبوها للفرسان اخوان البنات مش للمرجفين الهبابات..

الأخ ضحية ..
والأخوة

إتضح .... وتأكد بما لا يدع مجال للشك، أن وراء موضوع التقاعد الإسفيري، هو المدعو ود رملية، وقد أعلنها صراحةً أنه صاحب مصلحة في تقاعد كيكي حتى يخلو له الجو. وسوف ترون قريباً عودة صورته حاملاً العود، بعد أن يتأكد أن ليس هناك من (يشب في حلقه).

لكن يا ود رملية نابك طلع على شونه (مش بيقولوها كدة؟)

عائد عائد يا كيكي

الأخ ضحية ..
والأخوة

إتضح .... وتأكد بما لا يدع مجال للشك، أن وراء موضوع التقاعد الإسفيري، هو المدعو ود رملية، وقد أعلنها صراحةً أنه صاحب مصلحة في تقاعد كيكي حتى يخلو له الجو. وسوف ترون قريباً عودة صورته حاملاً العود، بعد أن يتأكد أن ليس هناك من (يشب في حلقه).

لكن يا ود رملية نابك طلع على شونه (مش بيقولوها كدة؟)

عائد عائد يا كيكي


الاخ / محمد ابو العزائم

تحياتى .. والله يمكن يكون كلامك صاح لانو ودرملية اصلو ماعتب بى جاى واحتمال يكون هنالك امر ما وكذلك اخونا علدالمنعم سليمان نفاخ النيران..

لا يا اخي ان شاء الله يرجع
ويا كيكي عشان خاترنا ترجع
بورد من غير كيكي ح يكون لا طعم لا نغم

يا دومه

كيكى باع القضية وتضامن مع ودرملية .. ومستشارة خليل عامل له مسرحية