Post: #1
Title: SORRY!
Author: Raja
Date: 03-17-2007, 02:09 AM
الزملاء الكرام المشاركين في هذا البوست
3mk-Tango ويــن لـحـن الـخـمـيـس..؟
أعتذر عن عدم الرد عليكم لمشكلة في الجهاز.. كل ما افتح البوست الدنيا تبقى ضلمة.. والجهاز يعيد التشغيل..
عارفة روحي كيشة (هسع تمبس يجي يقول لي كده ).. لكن ده البيحصل.. يعني لازم افتح اي بوست (سادة) بدون مزيكا..
الصباح رباح لمن نشوف الحاصل شنو..
يا فاضلابي عارفة دي من الحركات الغيًاظة البترفع الضغط .. بوست عديم شغلة.. لكن ما باليد حيلة
ويا أسعد بالراحة علينا.. والله ما بوست أهميات.. ده أنا غلباااااان
طبعا الناس المكجناني حتزيد جرعتها حبتين.. سوري
ودي..
رجا
|
Post: #2
Title: Re: SORRY!
Author: tmbis
Date: 03-17-2007, 02:20 AM
Parent: #1
| Quote: هسع تمبس يجي يقول لي كده |
.. الحمد لله براك اعترفتي ، باقي لي امــاني الجندرية بس كان ما تجي تاكل بي راسنــا حلاوة
|
Post: #3
Title: Re: SORRY!
Author: Raja
Date: 03-17-2007, 02:30 AM
Parent: #2
هسع أنا جيت فرحانة قايلاك حتوريني اعمل شنو؟
مثلا أدوس على الحاجة البلو ديك، ولا أكنسل الرسالة البتجيني ولا شنو بالضبط..
طبعا ما ممكن تصدق تعاملي مع التكنولوجيا فقير قدر شنو.. الشئ الوحيد البعرفو قراية الحاجات البتظهر على الشاشة..
أقول ليك سر؟ أموووت واعرف الـ (Cookies) دي معناتها شنو ..
|
Post: #8
Title: Re: SORRY!
Author: Raja
Date: 03-17-2007, 05:53 PM
Parent: #4
تمبو محبوب الجماهير (طبعا بعد إعلان الهايس وكده)..
طبعا لو ما كنتو عملتو لي بطاقة كنتو إتلومتو لوم السنين.. وريًسنا الحبيب أبو جهينة واخواتها سيد الذوق كله..
بالمناسبة المفاجأة السر ديييييييك ، أبو جهينة وابو ذر المطر لازم يكونوا في المقدمة..
طبعا هسع أنا قلت مفاجأة وسر، الفضول حيكتل جماعة كده..
وشكرا ليكم كتير.. إحتفالكم كان كله ألوان ومزيكا..
|
Post: #9
Title: Re: SORRY!
Author: Raja
Date: 03-17-2007, 06:23 PM
Parent: #5
أشرف العزيز
كأنك عارف إنو أنا مدمنة "كوكيز".. ومستعدة أفطر وأتغدى وأتعشى بيها (ده لو مافي ملوخية أو دمعة )..
شكرا كتير للهدية الحلوة
|
Post: #6
Title: Re: SORRY!
Author: معتصم دفع الله
Date: 03-17-2007, 09:02 AM
Parent: #1
يا رجوية في داعي تشمتي تمبس فينا 
سلاااااااام كتااااااار ..
|
Post: #10
Title: Re: SORRY!
Author: Raja
Date: 03-17-2007, 07:41 PM
Parent: #6
معتصم يا راقي..
سلامات كتيراات..
تعرف كل ما يعقرب الجهاز بتذكر تمبس طوالي.. خاصة لو في غنية في الموضوع..
بتذكر مرة كده هو وأساسي جابو لي فايروس غايتو ..
وينك مختفي..؟
|
Post: #7
Title: Re: SORRY!
Author: الجندرية
Date: 03-17-2007, 09:44 AM
Parent: #1
انا الكيشة يا ود الحشا
كيشة انا ولا الرحمابي؟
نسيت درسك لرجوية دي زاتها كان ما اخاف الكضب بتاع استخدام الوشوش
مش كنت حاضرة بالشباك وحفظتو كلو
الدور والباقي علي الرحمابي
غايتو يا رجاء ، جنس البلادة حقتي في الحكاية دي ما حكوني بيها زاتو
بقيت اول ما الأمور تعصلج بكورك يا ولد يا يسوري تعالي شوف لي النصيبة دا مالو
والعجيبة الموبايل
يمن الله اجي ارد اكنصل المكالمة
غايتو بدعاً الله ينور ليها مخنا عشان نفهما
|
|
