Post: #1
Title: سجيـمان مستشـارا لرئيس الجمهـورية.."مبروك"
Author: سجيمان
Date: 03-16-2007, 08:46 PM
Parent: #0
قدر ما قعدت واتعشمت اني ابقى حاجة في الحكومة... بحكم اني مواطن سوداني كامل الاهلية الوطنية...مافي زول جاب خبري وهببو لي.... قلت انشاء الله ابقى غفير في القصر الجمهوري... واللا يدوني يوم واحد انشحط قدام خشم باب القصر مع المساكين المنشحطين ليهم سنين ديك.... كترو المستشارين والمساعدين للسيد رئيس الجمهورية... الله يكتر منهم ويتمردغو في الميري علي قولة اهلنا المصاروة....الاستاذعلي مهدي الممثل القدير.... الساب الثمثيل وبقى مشغول بشنو ما بعرفو؟؟.... غايتو مرة اشوفو قارن الشنب مع الدقن ومرة اشوف الشنب تخطى الحدود الاقليمية للدقن...ومرة لابس اخدر وحايم ومرة لابس بدلة...خبر وردني عن تعين السيد علي مهدي مستشار ثقافي برئاسة الجمهورية......انشاء الله ربنا يعلي مراتبو.. لكن كمان ما لعن كدي....... اظن السيد الرئيس برضو ح يحتاج لمستشار موسيقي... والموسيقى زاتا خشم بيوت... تبدا من الدلوكة لحدي الاورغن... وكل واحدة في دي دايرة مستشار.... غايتو انا ان ادوني مستشار دلاليك انوم هادئ البال مبسوط للطيش وتكون بيضت لي في قفص.....زمان كنت بحاول اتعلم ادق الدلوكة... ولاسباب لوجستية دمستها.....علي مهدي ممثل بارع.... لكن ما اظنو يكون مستشار بارع...الزول البيشاوروهو دا بيبقى عندو راي في شغلتو الاصلية وقلبو عليها..و اصلها ان بقت الحكومة دايرة تساعد علي مهدي وتتفنجر عليهو كانت تساعدو في انو يحافظ على مستواه في التمثيل ويساعد باقي اخوانو الممثلين الحفيانين ومقطعين ديل.......انا ممكن تجي تشاوريني في انك داير تشتري خروف تضبحو..... لكن تكون ضحكت علي وعلي نفسك لو شاورتني في البورصة وشغلة القروش... اولا دي ما شغلتي وما بعرف فيها وثانيا لانو بيني وبين القروش عداء وتار قديم.... ومافي زول مكجني في الدنيا دي قدر الزول المرسوم في الدولار ابصلعة داك...مسكتي لورقة الدولار يمد ايدو ويدني كف ويقول لي حسي في ظمتك دي انا شبهك.......واللا انت شبهي؟..عامل جيوبك المقددات ديل...." والله ما طالبني حليفة اكتر من تلاتة بناطلين جيوبها مقددة"... شوفلك ورقة ام الف جنية ظبط بها بوش....وان شفتو في ايد زول تاني يمرق لي لسانو ويكاوني....شكيتك علي الله يا ابصلعة يا مضر ونسلك كلو مضرين حسي....يا المكجني يكجنك ربي.....وشحدت الله تقع وقعتن تخلينا نشتري بيك فول الحاجات وندفعك لادبخانات السوق العربي عشان تتهان في الدنيا دي.. يا قليل اللدب يا تغيان...يا الللغبش يا شربان زي جلابتي السرقه الحرامي ديك....
ارجع للمستشارية الثقافية..... بكل صراحة وبقلب قوي علي مهدي غير مؤهل لان يكون مستشار ثقافي والله ما حاسدو ولا داير اقطع رزقو لكن كمان ما داير اقطع رزق البلد من ناس مؤهلين للمنصب دا.... في بلد تعج بالمثقفين واصحاب الفكر....وكان خلااااص ناس رئاسة الجمهورية بقو علي الممثلين.... في ممثلين كتار ممكن يكونو مؤهلين.. عبد الحكيم الطاهر.. محمود سراج....مثلا... والله لو انا عندي ايد في الحيكومة كنت رشحت فايزة عمسيب .. او بلقيس عوض....اما لو ثقافة طُلق ساكت... كنت رشحت الكتيابي... او... د.معز عمر بخيت.... ديل عشان اصحابي وبرضو ناس مؤهلين للمركز ويمكن يتوسطو لي القى لي وظيفة اكل منها عيش....... بدل الشلهتة والبشتنة الانا فيها دي....الخلت عيني حمرا علي الخليج بعد ما قلت ختيت لو القدرو....
|
Post: #2
Title: Re: سجيـمان مستشـارا لرئيس الجمهـورية.."مبروك"
Author: الفاتح يسن
Date: 03-17-2007, 00:24 AM
Parent: #1
سيجي افو انت مواطن كامل الاهليه بس ما كامل العقلية برشحك مستشار لحكومتنا السايبيرية للشؤون الصحية خليك هنا وبلاش تفارئ
|
Post: #6
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-17-2007, 02:33 PM
Parent: #2
الفاتح يسن
| Quote: بس ما كامل العقلية |
يا زول؟؟؟.....حالتي انا قايل نفسي اعقل زول
|
Post: #18
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-21-2007, 05:24 PM
Parent: #6
برضو دفرة
|
Post: #19
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-21-2007, 10:38 PM
Parent: #2
البوستي اصلي ما باخليهو
|
Post: #21
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-23-2007, 09:09 PM
Parent: #2
انا قلت الفين
دحيسن خارجوهو قوام قوام
|
Post: #22
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-23-2007, 10:23 PM
Parent: #2
تبقى من الزمن الف ضربة
|
Post: #28
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-26-2007, 08:50 PM
Parent: #2
البوستي دا يظهر ح اخدمو بالعون الذاتي
|
Post: #32
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-29-2007, 10:20 AM
Parent: #2
*
|
Post: #33
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-29-2007, 07:28 PM
Parent: #2
حن با حنان
عبدك غلبان
|
Post: #3
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-17-2007, 09:40 AM
Parent: #1
دا برضو ضرب من ضروب الشناف
|
Post: #4
Title: Re: سجيـمان مستشـارا لرئيس الجمهـورية.."مبروك"
Author: Dr. Moiz Bakhiet
Date: 03-17-2007, 01:34 PM
Parent: #3
| Quote: اما لو ثقافة طُلق ساكت... كنت رشحت الكتيابي... او... د.معز عمر بخيت.... ديل عشان اصحابي وبرضو ناس مؤهلين للمركز ويمكن يتوسطو لي القى لي وظيفة اكل منها عيش....... |
حرم يا سي جي
لما أفوز في رئاسة الجمهورية
أمسكك كبير مستشاري القصر
مش سغافة بث.. 
وصباحات روعة..
سأرشح نفسي لرئاسة الجمهورية: وهذا هو برنامجي الانتخابي..
|
Post: #8
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-17-2007, 07:21 PM
Parent: #4
د.معز عمر بخيت
Quote: أمسكك كبير مستشاري القصر
مش سغافة بث..
وصباحات روعة.. |
والله ما بتقصر تب يا بروف!
هيع وابرطع ساااااكت في القصر.....زي ما حسي الناس بتبرطع
|
Post: #5
Title: Re: سجيـمان مستشـارا لرئيس الجمهـورية.."مبروك"
Author: عاصم ابوبكر حامد
Date: 03-17-2007, 01:43 PM
Parent: #1
عقبال ان تكون مستشار الرئيس .....
للوطنة البلد
لا رايك شنو.......
|
Post: #7
Title: Re: سجيـمان مستشـارا لرئيس الجمهـورية.."مبروك"
Author: Sobajo
Date: 03-17-2007, 04:07 PM
Parent: #5
Quote: عقبال ان تكون مستشار الرئيس .....
>>>>>>> البلد
لا رايك شنو....... |
خلاس نويتو عليه تنزلو الخور ...؟؟؟
الراجل ماشي كويس و بتكلم في السياسة زي الباقين ...
مالكم عليه هسع ...!!
سي جي ..
ولا يهمك ...
ادعو ربنا يسهل كدة و تتعين مستشار رئيس الجمهورية لشؤون تعين المستشاريات ...!!
و كلو ما صعب على ربنا ...!!
بس قول ياااااااااااااااارب ...
بيلو ...
|
Post: #14
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-20-2007, 10:06 AM
Parent: #7
سوباجو
Quote: ادعو ربنا يسهل كدة و تتعين مستشار رئيس الجمهورية لشؤون تعين المستشاريات ...!!
و كلو ما صعب على ربنا ...!! |
آآآآآآآآآآآآآآآآآآآمين.... يا جنا ماهيتي بتكون قدر شنو؟
|
Post: #9
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-17-2007, 09:09 PM
Parent: #5
عاصم ابو بكر حامد
Quote: عقبال ان تكون مستشار الرئيس .....
للوطنة البلد |
العفو يااخي
البركة في سعادتكم
واللا سعادة ناوي تستقيل؟؟؟
|
Post: #11
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-18-2007, 02:03 PM
Parent: #9
سعادتو.... وين انت؟
|
Post: #10
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-18-2007, 08:50 AM
Parent: #1
*
|
Post: #12
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-19-2007, 07:03 PM
Parent: #10
نستقل عودة المنبر لنرفع البوست
|
Post: #13
Title: Re: سجيـمان مستشـارا لرئيس الجمهـورية.."مبروك"
Author: الأمين عثمان صديق محمد
Date: 03-20-2007, 06:53 AM
Parent: #1
في علي دا انا معاك تب يا سجيمان
الزول دا مثل ليهو فلم واحد
وبقى بطل الفلم
انا باقي لي الناس ديل عاجبهم شنو دا
حليل جدي الكلس وش الرجال
الليلة كان بقى رئيس الجمهورية
|
Post: #15
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-20-2007, 03:39 PM
Parent: #13
الامين عثمان صديق محمد
Quote: حليل جدي الكلس وش الرجال
الليلة كان بقى رئيس الجمهورية |
كان شنبو كبير؟؟؟؟؟؟ كم متر كدا؟
|
Post: #16
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-20-2007, 09:01 PM
Parent: #1
يا اخوانا المنبر دا ما فيهو ولا واحد من المسغفين يجي ويقول لي العقرب التلدغك في لسان؟؟؟؟؟
|
Post: #17
Title: Re: سجيـمان مستشـارا لرئيس الجمهـورية.."مبروك"
Author: Ahmed Abdallah
Date: 03-20-2007, 09:18 PM
Parent: #16
نرشح سجيمان مستشارا لرئيس الجمهورية لشئون الطهارة الفرعونية
|
Post: #29
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-27-2007, 09:00 AM
Parent: #17
احمد عبد الله
| Quote: نرشح سجيمان مستشارا لرئيس الجمهورية لشئون الطهارة الفرعونية |
يا زول انا ماني داير مستشار.... اليشوفو لي اي شغلانة اكل منها عيش....انشالله كبير مساعدي الرئيس... اصلو مناوي ناوي يحرد
|
Post: #20
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-22-2007, 08:06 PM
Parent: #1
البوستي دا ما بلخيهو... الا يتم 2000
|
Post: #23
Title: Re: سجيـمان مستشـارا لرئيس الجمهـورية.."مبروك"
Author: مصدق مصطفى حسين
Date: 03-23-2007, 10:45 PM
Parent: #1
| Quote: ......انشاء الله ربنا يعلي مراتبو.. لكن كمان ما لعن كدي |
صدقت والله ..
بلدنا دى أصلها ملخبطه لخبطه شديده ..
محتاجه تتشكا و تتوزع تانى ،
مشتاقين يا سى جى
|
Post: #25
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-24-2007, 09:45 PM
Parent: #23
مصدق ازيك يا فردة
مشتاقين والله
Quote: بلدنا دى أصلها ملخبطه لخبطه شديده ..
محتاجه تتشكا و تتوزع تانى ، |
والله يا مصدق انا خايف لو اشكت ما تتوزع كلو كلو
|
Post: #26
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-25-2007, 02:22 PM
Parent: #25
*
|
Post: #24
Title: Re: سجيـمان مستشـارا لرئيس الجمهـورية.."مبروك"
Author: محمد احمد سنهورى
Date: 03-23-2007, 11:44 PM
Parent: #1
اخير اللوطنة !!
ولا اقول ليك ؟!! احسن تبقى مستشار بيطرى فى القصر عشان تشوف لينا الثيران والقرود ديل بيعملو فى شنو فى القصر، واوع تقرب من الماسورة !
|
Post: #30
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-27-2007, 12:35 PM
حمد سنهوري
| Quote: واوع تقرب من الماسورة ! |
ماسورة علي؟؟؟؟؟
|
Post: #27
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-25-2007, 09:18 PM
Parent: #1
فوق
|
Post: #31
Title: Re: سجيـمان مستشـارا لرئيس الجمهـورية.."مبروك"
Author: محمد احمد سنهورى
Date: 03-27-2007, 06:39 PM
Parent: #1
على ماسورة ؟!!
|
Post: #34
Title: Re: سجيـمان مستشـارا لرئيس الجمهـورية.."مبروك"
Author: فاروق حامد محمد
Date: 03-29-2007, 08:54 PM
Parent: #31
وينك يا سجيمان ....
والله القصر بشبهك !!!!!!!!!!!!!
لأنه ,,,,,,,,,,,,,,,
بشبه السلخانة !!!!!!!
|
Post: #35
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-29-2007, 10:51 PM
Parent: #31
دا سياسي جديد؟.. والله احترنا
|
Post: #36
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 03-31-2007, 04:54 PM
Parent: #1
والله جنس مدافرة... الواحد اصلو ما يغفل
|
Post: #37
Title: Re: سجيـمان مستشـارا لرئيس الجمهـورية.."مبروك"
Author: سجيمان
Date: 04-02-2007, 06:39 AM
Parent: #1
جنس لياقة هي يا سجيمان
|
Post: #38
Title: Re: سجيـمان مستشـارا لرئيس الجمهـورية.."مبروك"
Author: صديق الموج
Date: 04-02-2007, 07:14 AM
Parent: #1
سجيمان البوم كيفك..
وين ما اقبلك تجى صاد اسمع الكلام ده ..
اولا امشى فتش حيوانات حديقة الحيوان..
لقطن الفى حديقة القرشى جيبها.
الودوهن غابة السنط كشهن قدامك....
السرقوهن الحرامية اكتب عددن..
وزيدن من بهم الحلة واقيف جنب الحرس الواقف داك..
وجوع السوام ديل يخليهن يكوركن لما البشير يمد راسو.
قول ليه يا سعادتك فى عاصمة فى الدنيا مافيها حديقة حيوان.
ده كلام عيب...وما بشبه السودان بلد الثروة الحيوانية..
طبعا حا يقوم يقول ليك والله عندنا حيوانات بالكوم فى الحكومة ...
اقنعه قول ليه لكن الحيوانات العندك دى كلها حمير..
والوحدة فى التنوع شعار ترفعه الحكومة..
بدل كلها حمير النخلطهم بشوية حيوانات..
وبعدين قول ليه ولاننا دولة رسالية انا جايب جميع انواع الحيوانات..
ما عدا الخنزير...
وقول ليه برضو الثعالب المعاك بكفوا عشان كده انا ماجبت ولا ثعلب..
وكان سالك من الطير قول ليه الطير ما نحن يا سيادة الرئيس..
التماسيح قطع شك ما بسالك منهن..ان شاء الله الفى ديل يشبعن..
نجى للزواحف قول ليه اسم ود ناس وديتوه الحرب وجاء على عجلة
والجاء بدون ايدى ولا ارجل..والذين تولو يوم الزحف ...
ديل كلهم حا نوظفهم زواحف..
باقى ليك ابو الحصين..
كان سالك منو قول ليه انت ما طردتو براك من القصر..
البوم بالكوم..جريدة السودانى فيها واحد اسمه.
عبد السلطان البومة مصور بى جلابية وبكتب جوة..
والاعلام فيه...والثقافة فيها..غايتو كثرة بوم..
والصقور عندهم..
والارانب على قفا من يشيل...
والقرود ما تديك الدرب
ولاعند ابو العفين قول ليه موجود سعادتك..
اها شفت الرصة دى تعال ابقى عليها مدير..
ارعاهن فى حدائق مايو لما يلقو ليك واطة تسكنن فيها..
وبذلك تكون وظفت الحيوانات كلها.
وعملت لينا حتة للخواجات يتفرجوا فيها..
ما اصلنا بقينا فرجة..
مر تجى ليلى علوى..ومرة تجى كونداليز رايس..
بدل الدنيا كلها تجى تتفرج فينا.
اخير يجوا يتفرجوا على الحيوانات...
وتكون انت اتوظفت ..شفت انا بحب ليك الخير كيف!!!!!!
|
Post: #39
Title: Re: سجيـمان مستشـارا لرئيس الجمهـورية.."مبروك"
Author: Abd-Elrhman sorkati
Date: 04-02-2007, 01:27 PM
Parent: #1
| Quote: قدر ما قعدت واتعشمت اني ابقى حاجة في الحكومة... بحكم اني مواطن سوداني كامل الاهلية الوطنية...مافي زول جاب خبري وهببو لي.... قلت انشاء الله ابقى غفير في القصر الجمهوري... |
أسعي بجد يا هومكانك ..... عالم ما بتختشي .
|
|