Post: #1
Title: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 00:44 AM
Parent: #0
قال صديقي المطر (أبوذر)
الموسيقى موية الروح .
|
Post: #2
Title: Re: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 00:48 AM
Parent: #1
والكلام معناهو بسيط لمن ينفق زمنا في الفهم وإدراك ما وراء كل كلام .. لتستمع الى الموسيقى تحتاج ان تنقي روحك كي تفتح نافذة يدخل منها روح وطعم العمل الموسيقي او الفني او الإبداعي .. تحتاج ان تخرج منك الى ما تسمع او تشاهد . تفعيل الحواس فن في ذاته لتدرك ابعاد كل عمل .
|
Post: #3
Title: Re: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 00:56 AM
Parent: #2
نعم انا غاضب حد الانفجار ! اصبحت ظاهره تستحق الوقوف عندها وجزرها حد الردم .. ظاهرة النقاد غير الخبراء !!!! وكانما هذه الفضاءات السايبيريه نصبت من نفسها الحكم على كل ابداع البشر (يارفعوا السما أو ضربوا بيهو سابع أرض ) وفي الحالتين مش انا الضايع ولكن جريمه من جاهل تجاه من بادر بي حتى محاولة بعث روحه في فكره اوعمل فني . غناء: تلقى الناس كلها بقت بتفهم مزيكا وتوزيع وطبقات صوت شعر : تلقى اي زول بقى درويش قصه : منو الما كتب قبل كده سينما : ومنو الما دخل فيلم قبل كده ............ ............ ............ واللسته طويله المساها يد الجاهلين من نقاد اللانقد في هذه المساحات والمقصود شنو ؟؟ ما من حقك تعرف !
|
Post: #4
Title: Re: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 01:02 AM
Parent: #3
واسالوا اهل العلم[/B/] البحير انو نقاد السايبر ديل ما بقروا كلام زي ده
Quote: انه لامر مخبف ان نصدر آحكامنا علي ناشئة الفنانين خصوصا آولئك المجتهدين منهم وقد عانيت من ذلك كثيرا في حياتي الفنية وآنا مبتدئ وعانيت منه وانا فنان احترمه الزملاء من الذين اتفقوا معه آو خالفوه الرآي فلاقت تجربة حصاد تعنتا من الذين تعودوا اصدار الاحكام المتسرعةثم يعودوا فيبتلعوا احكامهم دون الاحساس بالغصة وبكل برود وهكذا فعل (سايمون كاويل البريطاني) في البرنامج الاميريكي الناجح AMERICAN IDOL مع المغنية الشابة (جينفر هدسون) في السنة الرابعة لهذا البرنامج الذي يحظي باكبر عدد من المشاهدين في العالم كله قال لها سايمون منتقدا مالم يقله مالك في الخمر فنظرت اليه جينفر نظرة استعجاب ثم نجحت بعد سنتين لتحوز علي الاوسكار في نفس الفيلم الذي تغني فيه معها النجمة الكبيرة (فيانسي) الفيلم اسمه DREAMGIRLS دخلته ثماني مرات وكنت آبكي متحسرا علي حال الفنان السوداني الذي قد يصبح حائطا قصيرا لكل من هب ودب ولكن مقدمة برنامج الحوار الشهيرة THE OPRAH WINFREY SHOW فآعتذر سايمون المتكبر وكانت مفاجآة للعالم آن يمسح سايمون آنفه بالارض ووصف النقاد انتصار البديعة جينفر بانه ثآر كبير على سايمون وبرنامجه ملحوظة هذا البوست مقصود به حالة عامة تعترينا وليس شخص بعينه وهذا بوست طوييييييييل استمعوا للفيديوهات بعناية
|
شكرا يا موصلي وجود الزيك بطمن انو القصه ما لكل من هبا ودبا هل ياكل نقاد التسرع كيكة سايمون المشحونه تواضع كما فعل ...IFER HUDSON؟؟؟؟؟!!!!
|
Post: #5
Title: Re: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 01:10 AM
Parent: #4
حق طبيعي ومكفول لكل زول انو يسمع ويقرأ ويشوف العايزه ويقول رايه ـ بشرط انه ما ينصب نفسو خبير وناقد ، راي الزول البسيط مقبول دايما خير او شر ما حيغير ، لكن تنشره لكل الناس ده فرض لوجهة نظر في احيان كثيره بتضر بي فرصة الزول التاني في انو يتلقى اي عمل وما اكثر الطبالين والرداحين ـ الحياديه ـ التزام ، وان تقدم عمل شخص ما وبهذه السهوله على اقل مستوى يجب ان نحترم الزمن والمجهود الذي بذل في انجاز العمل لا انطباعناالشخصي عنه ، حق المبدع في محاولته . لنترك النقد لاهل النقد والمتخصصين ولنعطيهم فرصه لنسمع تقييمهم اولا
|
Post: #6
Title: Re: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 01:20 AM
Parent: #5
تطلع نانسي تطلع عافيه تطلع رفيعه تطلع شروق ويطلعوا مليون مغني ومغنيه ومبدع ومبدعه من رحم الشعب السوداني ، نزدان فخر وننتشي طرب ، ونرقص فرح ، ونبارك ونهني ، ونطلب المزيد المزيد المزيد من الابداع والفن البهزم كل قبيح حولنا .
أرحموا الإبداع والمبدعون ...ياعالم!
|
Post: #7
Title: Re: أرحموا الإبداع والمبدعون ...ياعالم!
Author: Elmosley
Date: 03-15-2007, 01:42 AM
Parent: #6
اتفق معك ياعزيزي فلندع الف زهرة تتفتح محبتي
|
Post: #8
Title: Re: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 05:17 AM
العزيز يوسف الموصلي بقولوا لا يفتا ومالك في المدينه ، الحاصل عندي واحد من تفسيرين : 1- يا مالك ده طفش وخلى المدينه او 2- المدينه كلها بقت مالك شكرا لمرورك المفرح المساله عايزه نفسكم الطويل وعدم السكات لانو ده بكون جريمه في حق الاجيال المبشره الطالعه دي لمن يسمعوا كلام الجاهلين ويكسر من قيمة عملهم . دوركم يا استاذ تفهموا ان كل فن ليهو مدرسته النقديه قديمه او حديثه ، بتتطور معاهو وبطورا وانو عشان زول يكون ليهو الحق ده ما كفايه يفتح بوست دي بمشوا ليها مدارس وبقروا ليها سنين . الله يكون في عونكم وعون الفن من جنس دي شتوريه وادعاء.
|
Post: #9
Title: Re: أرحموا الإبداع والمبدعون ...ياعالم!
Author: ناذر محمد الخليفة
Date: 03-15-2007, 07:25 AM
Parent: #1
Quote: اتفق معك ياعزيزي فلندع الف زهرة تتفتح
|
|
Post: #10
Title: Re: أرحموا الإبداع والمبدعون ...ياعالم!
Author: Elmosley
Date: 03-15-2007, 03:24 PM
Parent: #9
الاحبة ايمن وناذر النقد ضرورة ملحة للفنان زمان كان عندي نظريه (انهم ينتقدوني اذن فانا موجود) آسوا حاجة ان يحيط الصمت بالفنان هل تصدق زمان لمن كنت بنقد الفنانين في مجلة الاذاعة والتلفزيون وكان الفنان بيجيبوه في صورة الغلاف آن الاساتذة ثنائي العاصمة احتجا علي عدم نقدهم وكان ذلك قمة الوعي ============= المهم آن يكون النقد هادف حتي وان ركز علي السلبيات
اعتقد ان نقد ناذر كان هادفا الا ان البعض اتخذ منه وسيلة للقتل غير المتعمد بالنسبة لنانسي آعتقد بانها ستخرج من هذه التجربة بمكاسب كبيرة وبعملقة فهي فنانة موهوبة ابنة فنان كبير
|
Post: #12
Title: Re: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 05:05 PM
Parent: #10
العزيز الموصلي مره تانيه كتر خيرك كتير على مرورك و إثراء النقاش انا يا استاذ راي انو المتلقي دايما دوره اصعب من المؤدي لانو بحتاج افتش لدروب يدخل بيها ويفهم بيها العمل الجديد مره ومرتين وتلاته لانو بس المحاوله بتكفي لحق زي ده وبقص\ محاولة انتاج او اعادة انتاج عمل جديد . عيبنا اننا متسرعين شديد وبتشيلنا عواطفنا وامزجتنا الخاصه ولو ردنا فلان من الناس لازم علان التاني يكون زيو ولا ما عندو طريقه لانو ما بسطنا زي التانين وده ما عيب ده جنبة كل زول البرتاح عليها لكن لما تدخل في حت التخصصيه وخاصه في عملية النقد بتبقى (ادي العيش لي خبازو) . عن نانسي كل البقدر اقوله انو تجربه بتستحق انو يكون في تقييم مدروس ليها ونوقف عملية النشر المامدروس لاعمال الفنانيين ونحترم محاولاتهم بي انو نديهم الحق في انو هم القدموا العمل الراضين عنو ، كلام خدر القبيل داك ما ساي . دوركم برضو يا استاذ انو تدوا الناس مفاتيح اوليه لي انو الدخول بي ياتو باب ، زيادة المعرفه ، المواطن السوداني البسيط شبق وتواق للمعرفه واستيعابه للوعي ما محدود. منو في الشارع السوداني الما بعرف انو (السلم خماسي) ويقول ليك دي (صوله) سمحه وووووو. المهم انو المعرفه تزيد والتجارب البتواجه بي نقد تتحلل بي صوره عمليه وتدرس ويتنشر راي المختصين فيها . زي تجربتك في التوزيع الواجهتا اراء وانتقادات شديده ، بدل ما نقول بيجي وكت الناس حتفهم التجربه ، نقول تجربتنا ونوري الناس العملناهو جديد شنو ويفهموا كيف عشان التطور ما يكون من جانب واحد . مودتي وبرجع ليك ايمن
|
Post: #11
Title: Re: أرحموا الإبداع والمبدعون ...ياعالم!
Author: ناذر محمد الخليفة
Date: 03-15-2007, 04:34 PM
Parent: #1
الأعزاء أيمن والضيوف الكرام ...
نحتاج لترسيخ أدب جديد في نقد الأعمال الفنية والكيفية التي يتقبل بها الأخرون نقدنا .. مهما كان النقد سواء أكان مصيبا أو خاطئاً علينا ان نتعلم أنه ظاهرة صحية لا بد منها وإختلاف الأراء في أي منتوج فني لا يعني ان البعض يقف ضده أو يحاربه ...
علينا أن نسمو بفهمناحيال التقد وتبادل الأراء كي نتمكن من تقبل بعضنا البعض حتى لا يسود بيننا (النفاق) ..
|
Post: #13
Title: Re: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 05:25 PM
Parent: #11
العزيز ناذر سلامات وتقدير شديد لي طلتك قلت :
Quote: الأعزاء أيمن والضيوف الكرام ... نحتاج لترسيخ أدب جديد في نقد الأعمال الفنية والكيفية التي يتقبل بها الأخرون نقدنا .. مهما كان النقد سواء أكان مصيبا أو خاطئاً علينا ان نتعلم أنه ظاهرة صحية لا بد منها وإختلاف الأراء في أي منتوج فني لا يعني ان البعض يقف ضده أو يحاربه ...علينا أن نسمو بفهمناحيال التقد وتبادل الأراء كي نتمكن من تقبل بعضنا البعض حتى لا يسود بيننا (النفاق) .. |
وانا هنا اثبت ليك نقطه مهمه انو البوست ده ما رد او تعارض مع بوستك عن نانسي ، ولكن هي محاوله لتسليط ضوء اكتر على كيفية تعاملنا مع كل المبدعين وتصميم اطارات حسب ميولنا لاسقاط اعمالهم او تلقيهم من خلاله . ناذر النقد بطور اي فن في الدنيا وما في فن حقيقي من غير حركة نقد واعيه توازيهو وده معروف في كل الدنيا ، احنا في السودان اتعلمنا من فنانيننا انو نسمع ليهم ونتطرب ما علمونا ننقد شغلهم كيف وياتو ادوات بنمسك بيها درب فهم الطلعوهو ، صحيح عندنا اذن موسيقيه حساسه جدا وواعيه لي انها تميز ، صحيح نحنا شعب مليان ومتشبع موسيقى بي فطرته ، لكن ده ما كفايه واكاديميينا ساهمو في خلل زي ده ، ما نشروا كفايه وما ملوا الاعلام بي البكفي انو الناس تطور نقدها البسيط . المساله ما انو صوته سمح وده جضام وداك بجضم المصير اكثر من التاني ، مثلا تجربة (عافيه) الما ساهله دي في ناس ممكن يكون عندهم فيها راي وده طبيعي زي ما قال موصلي ناس كتار زيو وزي محمد الامين وغيرهم اتقابلوا في الاول بي رفض وبعد داك صبروا لحدي ما اثبتوا روحهم ، في كم زول ممكن يصمدوا وفي كم ممكن يثبتوا . انا بتفق معاك نتبادل الاراء سمحه /شينه ونقول والله دي تجربه جديده لكن ندي فرصه لي خبراء او مختصين في المجال يقولوا رايهم وتقييمن ، اما عن النفاق فما فهمته قاصد شنو لكن التجربه الناجحه لو بصدق او نفاق الناس اتعاملت معاها بتكمل مشواره وبتوصل . وبرضو برجع ليك تاني ابقى بخير ايمن
|
Post: #14
Title: Re: أرحموا الإبداع والمبدعون ...ياعالم!
Author: Muna Khugali
Date: 03-15-2007, 05:30 PM
Parent: #13
نقرا بس..
كيفنك أيمن..مشتاقين
|
Post: #15
Title: Re: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 05:56 PM
Parent: #14
منى عوض خوجلي سلامات ومشتاقين شديد كل سنه وانتي طيبه وعام سعيد
ما كفايه يامنى انتي وكل الناس لازم يقولوا رايهم ، ده موضوع حق الناس كلهم. عارفه يا منى الحاصل في السودان ده من فن جديد بتقدم رغم كل الخنقه الموجوده والبعيشوها الناس مفرح ومبشر بي خير كثير عشان كده مسئولية كل الناس تختوا في مكانو الصاح وتتعامل معاهو بي مسئوليه. ونطور نفسنا عشان نعمل ده. ليك كل الود ايمن السر
|
Post: #16
Title: Re: أرحموا الإبداع والمبدعون ...ياعالم!
Author: ناذر محمد الخليفة
Date: 03-15-2007, 05:58 PM
Parent: #1
سلامات با أيمن ..
شكرا على المداخلة الصافية والواقية والتي أضاءت الكثير من جوانب الموضوع ...
Quote: اما عن النفاق فما فهمته قاصد شنو لكن التجربه الناجحه لو بصدق او نفاق الناس اتعاملت معاها بتكمل مشواره وبتوصل .
|
قصدت بالنفاق هو مجاملة بعضنا البعض نسبة لما تربطنا مع بعض من أواصر ووشائج . وهذا حدث كثيرا ويحدث بصورة شبه يومية في الساحة الفنية .. إذأن بعضا من النقاد والفنانين يلجأون إلى عدم ذكر رأيهم في بعض الأعمال الفنية السيئة وذلك كي يحافظوا على علاقاتهم الشخصية وبذلك فهم يلجأون للنفاق ويجملون صاحب العمل الفني وهم يعلمون انهم مخطئون وأن العمل ذاك سيئ ..
لا نريد أن ينتشر هذا الداء بيننا (داء النفاق) ولنعلم وليعلم الأخرون أن المتضرر من هذه السياسة هو الأعنية السودانية والمستمع السوداني . وليتذكر الجميع أن الشعب السوداني شعب ذواق ومرهف ويحكم بذائقته الفنية أولا وقبل كل شئ ...
علينا أن نتعلم كيف نجعل الجمل (يشوف عوجة رقبتو) بدلا من تجاهل هذه الحقيقة ، وعلينا أن نتصدى لمن نقول له (ذاك تور) فيرد علينا (أحلبوهو) ولينا أن نتعلم كيف نقول (البغلة في الإبريق) ..
إذا أسسنا لمثل هذه المفاهيم فثق أن النتيجة هي مجتمعا صادقا ومتكاملا من نواحي عدة وأساسية ..
لك محبتي يا أيمن ..
|
Post: #17
Title: Re: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 06:10 PM
Parent: #16
ناذر الكلام القلته ده مهم شديد وان بتفق معاك فيهو 100%
Quote: علينا أن نتعلم كيف نجعل الجمل (يشوف عوجة رقبتو) بدلا من تجاهل هذه الحقيقة ، وعلينا أن نتصدى لمن نقول له (ذاك تور) فيرد علينا (أحلبوهو) ولينا أن نتعلم كيف نقول (البغلة في الإبريق) ..
|
ده بنعمله بي ادوات ووسائل علميه كثيره وبكون (فير) لكل الناس وبخلي كل الجمال تلف 180 درجه عشان تشوف رقبته معوجه كيف بـ : 1- ننشط عمل هيئات ولجان بتاعة اجازة نصوص واصوات ، يعني ما كل واحد يعجبوا صوت زول بكره يجيب ليهو اورغن ويطلعوا فنان والاذاعه والتلفزيون تهري بيهو خلق الله ، يجيز صوته واعماله ويمر عبر قنوات توصله لي انو كويس او ما كويس . 2- نطور برامج المسابقات بين المبدعين عشان تحفزهم اكثر لي انو يجودوا ويقدموا افضل ما عندهم . 3- وسائل الاعلام تتحمل مسئوليته تجاه تقديم كل جديد ، وايضا المتخصصين ، يعني المساله ما تكون عشان فلان مراعيهو فلان . 4- زيادة المدارس البتعلم وتدرس وما ضروري معاهد ، مراكز الشباب الزمان دي تتبنى المواهب وتعلمه وتصقل خبراته . 5- القوانين مهمه عشان تحفظ للقديم حقه والجديد كمان ، قوانين المصنفات ...الخ ناذر عشان كده المساله مسئوليه ومعقده لكن ده ما بنفي انها مبشره ما تنقطع وبرجع ليك بي مهله شكرا ليك ومحبتي ايمن السر
|
Post: #18
Title: Re: أرحموا الإبداع والمبدعون ...ياعالم!
Author: أبوذر بابكر
Date: 03-15-2007, 06:53 PM
Parent: #1
الود برفقة المحبة يا أيمن
وقبلهما السلام والتحايا
Quote: تفعيل الحواس فن في ذاته لتدرك ابعاد كل عمل . |
ده كلام صحيح
أما عن الكريتيسيزم
وكلامك المقتبس ده طبعا جزء ضرورى واساسى جدا فيه
وبعده لازم تتوفر الأدوات النقدية
وما أصعب توفرها يا ايمن إلا لمن كان جادا وحريصا على تجويد ما يقول/يكتب
والناس برضو لازم تفرق بين النقد والإنطباع، أو ردة فعل التلقى، لأى عمل كان ومن أى نوع
الموضوع طبعا طويل وعريض وشايك كمان
ولا بد من عمل محاور محددة عشان الزول يقدر يقول حاجة
ومجددا ليك المودة والمحبة كلها والتقدير
|
Post: #22
Title: Re: أرحموا الإبداع والمبدعون ...ياعالم!
Author: Aymen Tabir
Date: 03-15-2007, 10:52 PM
Parent: #18
ابوذر ياصديقي سلام ومحبه
Quote: والناس برضو لازم تفرق بين النقد والإنطباع، أو ردة فعل التلقى، لأى عمل كان ومن أى نوع
|
عارف يأأبوذر اتكلمته عن المحاور،الموضوع عموما داخله فيهو عدة جوانب لكن انا بالنسبه لي المحور الانته هبشتو ده مهم جدا وفعال ومحتاج شغل كثير والتفريق مهم خاصه عشان ما نرسم خطوط فاصله بين النقد والانطباع وردة الفعل . [QUOTE]الأدوات النقدية
وما أصعب توفرها يا ايمن إلا لمن كان جادا وحريصا على تجويد ما يقول/يكتب |
وده محور تاني مهم ، منو المن حقو يكتب وينقد وينشر راي في شغل غيره واهليته لعمل ده ، دي محاور ايجابيه ومهمه وانا عشمي كبير في انك ترجع تاني بي كثير حتى لو في المحورين ديل وانا ما اهبشهم كثير حاخليهم ليك . لك الود اضعاف وفي انتظارك ايمن
|