Post: #1
Title: الســـخانــه جـــااااااااااااااااااااااااات
Author: محمد فرح
Date: 03-13-2007, 12:26 PM
درجة الحراره وصلت بالأمس 48 درجه مئويه .....
|
Post: #2
Title: Re: الســـخانــه جـــااااااااااااااااااااااااات
Author: محمد فرح
Date: 03-13-2007, 01:06 PM
Parent: #1
السخانه بكل تأكيد تحكم حالة الإنسان المزاجيه لدرجه كبيره جداً ومما لاشك فيه أن إرتفاع درجات الحراره يزيد من توتر البني ادم وبيخلي أخلاقه في نخرته ...
الشعوب الأفريقيه عموماً تمتاز بالطبع الحاد والإنفعالي وهذا أحد تأثيرات الحر على شعوب القاره السمراء بل حتى الحيوانات الأفريقيه تمتاز بهذه الصفه وهي الإنفعاليه .. فمثلاً النحل الفريقي يهاجم أي أحد يقترب من عشه وغالباً مايهاجم بقسوه شديده عكس النحل الأوروبي المسالم جداً .. ولكن نحلنا يمتاز بوفرة إنتاجيته للعسل ...
ماعلينا مايهم في الأمر هو أنه ومع دخول فصل الصيف الحار للسودان والجميع ملاحظين إنو الصيف السنه دي قادم بقوه شديده جداً ماذا نفعل لنقلل من درجات الإنفعاليه لدينا في هذا الصيف ...
فصل الصيف تكثر فيه المشاكل الأسريه وتزداد فيه نسبة الطلاق وهذه الملاحظه أخبرني بها صديق لاأشك في مصداقيته ...
نصيحتى للجميع be relax
|
Post: #3
Title: Re: الســـخانــه جـــااااااااااااااااااااااااات
Author: محمد فرح
Date: 03-13-2007, 02:34 PM
Parent: #2
طبعاً انا مايرضيني إنو ضيوف ابوست ده يخشوا يقعدوا في السخانه دي عشان كده ربطت ليكم أربعة مكيفات في نص البوست أي زول يخش يتناول الريموت ويوجه التكييف عليهو ... قصرت معاكم
|
Post: #4
Title: Re: الســـخانــه جـــااااااااااااااااااااااااات
Author: almulaomar
Date: 03-13-2007, 04:13 PM
Parent: #1
الحر عندنا والسخانة عندهم وبين درجة حرارة نص نهارنا وكدنشتهم مقدار فرق يقاس بالفهرنهايت. الحر بيخرب المزاج وبضيق الأخلاق وأصلها ضيقة شديدة وبقت أضيق من الهدوم القال عنها زميلنا مصدق يغني الواحد لو عطس يشرط ليهو حاجه وده كلو ساهل ومقدور عليهو لكين كعب الكعب يا أخوي أمراض الصيف وما أكترها أولها أب فرار شوف بالله إسمو كيف ما بخوف ده غير الملاريا البيتكون في قمة مجدها والناس من الباعوض ولسعاته إذا إتمسحت الحر بفسخها وإذا إتغطت الحر بعوقها وإذا نامت جوه الحر بفطسها أها نساهر ولا نعمل شنو وحتى لو ساهرنا في الصباح الضبان بستلم الوردية أصلو بشتغل من سته صباحاً لي سته المساء بتوقيت العاصمة.
والمويه زاتها بتبقي مشكلة يا قاطعه يا الكهربا قاطعه وفي الحالتين بتكون حااااااره ،
من طريف الصيف أن أحد أبناء الحي في حر شديد وفي رمضان طلع الشارع ما لقي ولا واحد من أولاد الحلة ، ولمن سأل عرف إنهم كلهم في الجامع لأنو مكيف جاء الجامع لابس برمودا وفنيله كط وشايل مجلة ميكي وإتمدد في نص الناس الراقدين وضاربين الكدنشة وحلني لمن يأذن المؤذن لصلاة العصر.
|
Post: #5
Title: Re: الســـخانــه جـــااااااااااااااااااااااااات
Author: محمد فرح
Date: 03-14-2007, 12:07 PM
Parent: #4
الحبيب almulaomar
مداخلتك جميله جداً
وقصة الجامع بتاع حلتكم ده ذكرني أيضاً مسجد حلتنا في رمضان ...
شباب الحله كلهم تلقى أي واحد طابق مخدتو ومتوجه على الجامع وداخل المسجد طبعاً لازم تكون في شكله حول من يرقد قصاد المكيف وعادةً صاحب أكبر عضلات هو من يفوز بتلكم البقعه المرطبه من أرض المسجد ..
|
|