Post: #1
Title: 18 +81 = 99 مبروك الجنة !!!!!
Author: فيصل محمد رشوان
Date: 03-13-2007, 08:35 AM
Parent: #0
السودان هذا البلد القارة متعدد الأطراف والقبائل به الكثير من المعتقدات الطريفة والغريبة .
بعضها من المورثات القديمة التي بها بعض من الخرافات وبعضها من ونسة الحبوبات والأهل الظريفة...
ومن الأشياء الجميلة والغريبة التي جاء منها هذا العنوان كان هناك الكثير من الناس يقولوا ليك جيب يدك الشمال ويقولوا ليك كان مكتوب فيها رقم 18 واليد اليمين مكتوب فيها رقم 81 معناها المجموع يساوي 99 وهو عدد أسماء الله الحسنى ومعناه أنت دخلت الجنة توووش .
والغريب أنو أحتمال نتانيهو زاتو مكتوب ليه في يدينو الأرقام دي وأوضح مننا كمان .
وسأعود لبعض العادات الغريبة الأخرى .....
|
Post: #2
Title: Re: 18 +81 = 99 مبروك الجنة !!!!!
Author: على محمد على بشير
Date: 03-13-2007, 08:40 AM
Parent: #1
Quote: والغريب أنو أحتمال نتانيهو زاتو مكتوب ليه في يدينو الأرقام دي وأوضح مننا كمان .
|
ـــــــــــــــــــــــــــــــــــت
ود محمد رشوان
واصل ونحنا منتظرين .
|
Post: #3
Title: Re: 18 +81 = 99 مبروك الجنة !!!!!
Author: فيصل محمد رشوان
Date: 03-13-2007, 01:23 PM
علي محمد علي المريخابي اللذيذ
سعدنا بالطلة
يدينك أرقامها كيف ؟؟؟؟
تسلم ياغالي وجايين ...
|
Post: #4
Title: Re: 18 +81 = 99 مبروك الجنة !!!!!
Author: فيصل محمد رشوان
Date: 03-13-2007, 11:59 PM
Parent: #3
علامة الصلاة
من الأشياء العجيبة أيضاً علامة الصلاة فقد ثبت شرعا ً للبعض ان وجود علامة في جبهة أي زول معناها دي علامة الصلاة . وتلقى الواحد يقول فلان ده ما ممكن يعمل كده ياخي ده زول مولانا وعلامة الصلاة ظاهرة فيه
ووالله عندي واحد بعرفه عنده علامة صلاة زي علامة المرسيدس عديل كده وده لو سالتو قلت ليه متين اخر مرة صليت الصبح حاضر يقول ليك والله قريب ده في رمضان الفات !!!
ولنا عودة !!!!
|
|