تدهورت الأوضاع الأمنية مجدداً بمدينة أبوجبيهة

Quote: صحيفة آخر لحظة - حراسة أمنيّة مشددة للمعتمدأحمد تدهورت الأوضاع الأمنية مجدداً بمدينة أبوجبيهة ولاحت نذر مواجهة بين المعتمد وقوة من الحركة الشعبية حشدها أمس لحراسته ومواطني المحلية الذين فرقت بينهم الحزبية وجمعتهم الأزمة الراهنة.. وتلقت «آخر لحظة» أمس بياناً وقعته أحزاب الاتحادي الديمقراطي والمؤتمر الوطني وحزب الأمة القومي والفيدرالي وحزب المؤتمر الشعبي وقيادات النظام الأهلي والاتحادات المهنية وزعماء القبائل والغرفة التجارية يتوعد حكومة الوحدة الوطنية وشركاء جنوب كردفان بتصعيد داو للأحداث لتنفيذ أربعة شروط غير قابلة للتفاوض أو التراجع عنها خلال 72 ساعة فقط ونصت شروط الأحزاب على تكوين لجنة تحقيق قضائية مع الجاني الذي فجر القرنيت في السوق وأوقع أربعة قتلى و«39» جريحاً وتحديد الجهة المسؤولة عن الحادث . و تغيير معتمد أبوجبيهة الحالي موسى كجو نتو بمعتمد تختاره حكومة الشراكة وإبعاد المعتمد من المنطقة فوراً حفاظاً على الأمن والاستقرار وطالبت بقيام مجلس المحلية بتولي التشريع ومساعدة المعتمد الجديد. وقالت الأحزاب أنه في حالة عدم تنفيذ المطالب أعلاه خلال 72 ساعة تتحمل حكومة الوحدة الوطنية في المركز وحكومة الشراكة في كادقلي ما يحدث في مدينة أبوجبيهة ووقع البيان الأمير حماد علي أحمد أمير قبيلة كنانة ومحمد عبد الرحمن راضي أمير أولاد حميد بالإنابة وممثل الحوازمة ومختار محمد أحمد رئيس الحزب الاتحادي الديمقراطي ومحمد الغالي عبد الحي رئيس حزب الأمة للاصلاح والتجديد وآدم عبد القادر عبدالكريم رئيس حزب الأمة القومي ومنصور عبد العظيم رئيس الغرفة التجارية وآدم موسى صالح رئيس حزب المؤتمر الشعبي ونواي على أحمد رئيس حزب المؤتمر الوطني وأحمد الطيب عباس رئيس اتحاد الطلاب ومحمد إبراهيم الحاج رئيس جماعة أنصار السنة المحمدية. في غضون ذلك أعلن غريق كمبال عضو المجلس الوطني ونائب رئيس اتحاد مزارعي السودان أن قوة عسكرية قوامها سرية من جنود الحركة الشعبية تم استدعاؤها أمس بواسطة المعتمد لتولي حراسته، وقال غريق في اتصال بـ(آخر لحظة) إن القوة التي أحضرها المعتمد من كاودة في كامل عدتها العسكرية وأحدثت رعباً في أوساط المدنيين، ويمثل حشدها بتلك الصورة تحدياً سافراً للأهالي وخرقاً لاتفاقية السلام. وفي الخرطوم دعا عثمان قادم أحمد القيادي في المؤتمر الوطني الحكومة الاتحادية للتدخل اليوم لانقاذ الوضع في أبوجبيهة قبل وقوع أول خرق لاتفاق نيفاشا، وتطور الوضع لمواجهة مفتوحة مع الحركة الشعبية وقال قادم في اتصال بـ(آخر لحظة) إن تقاعس الحكومة عن إعفاء المعتمد وتهدئة الأوضاع ينذر بكارثة وشيكة وصدام عنيف.. إلى ذلك أبلغ محمد نارتينق أحد أبرز قيادات النوبة في المؤتمر الوطني بأبوجبيهة السلطات الأمنية صباح أمس بأن مجهولين قد زرعوا لغماً أرضياً أمام منزله حيث هبت قوة من القوات المسلحة ونزعت اللغم، وقال الفاضل ونيس عضو المجلس الوطني إن المعتمد هو المسؤول عن زرع اللغم لإعلانه صراحة عبر التلفزيون المحلي عزمه تأديب ثمانية عشر من قيادات المدينة من بينهم نارتينق الذي وجد اللغم مزروعاً أمام منزله صباح أمس، وانتقدت قيادات محلية أبوجبيهة موقف حكومة الشراكة في كادقلي من تداعيات الأحداث حيث غاب الوالي ونائبه وأعضاء الحكومة عن المنطقة ولم يتخذوا موقفاً واضحاً من تصرفات المعتمد. وأجرت «آخر لحظة» إتصالات متعددة بالمعتمد موسى كجو إلاَّ أن هاتفه ظل مغلقاً طوال يوم أمس.

ابو صلحة
كيفك

انتم من وضع البلد فى هذا الماذق ...

راجعوا نفسكم شوية ...

تسلم

Quote: ابو صلحة كيفك

الحمد لله

Quote: انتم من وضع البلد فى هذا الماذق ... راجعوا نفسكم شوية ...

ياريت تشرح لينا كيف نحن وضعنا البلد في هذا المأزق
وهل أنت تقصد ( ماذق ) أم ( مازق )
لان المعنى يختلف


صلاح غريبة - الرياض

أخي صلاح
إضافة جديدة لجرائم المشروع الحضاري ومنسوبيه المشرفين والمنفذين والمطبلين له ، تعرف أرخص شئ وفقا لنظرية هذا المشروع هو الإنسان ، وأغلى وأثمن شئ هو السلطة والجاه والثروة وكله لله
الله يحفظ الإبرياء من أوهام ونيران هذا المشروع اللاحضاري
الشفيع

كود:

يا ريت تشرح لينا كيف نحنا وضعنا البلد فى هذا المأزق..


...

أنا اشرح ليك يا غريبة كيف أنتو وضعتوا البلد فى هذا المأزق..


1_مين الاصدر فتوى قتال الخوآرج سنة 1992 ووّلع فى البلد حريقة...

لمن تشم ريحة(الشّية)بتآعة البشر على بعد عشرآت كيلومترات؟

ولا سنة 92 مش بتآعة الانقاذ؟

....

2_مين الزرع الفتن بين القبائل المتعآيشة سلميا فى جبال النوبة طول التاريخ..

وسلّح البقارة الغير متعلمين وادآهم سلاح وذخيرة ورتب وألقاب وعربآت..الخ

وقال ليهم نفذوا?!operation no living creature

....

3_مين الاصدر القوانين الامنية الخآصة بمنطقة جبال النوبة أيام الحرب وأدآهم كل صلاحيات القمع..

ويحق ليهم يكتلوا أى زول مآشى فى الشآرع لمجرد الاشتباه؟

وعشآن أوريك اشتباه دى كيف..

يعنى مرة كتلوا وآحد نوباوى فى السوق البّرا فى كادقلى, لانه كان جعآن وبيآكل بسرعة..

قالوا ليه..

بس!

أنت كنت مع المتمردين فى الخلا!!

ورصّصوه وهو بيآكل..

...

4_مين الانتزع ملاكية الاهالى ووزعها على كوآدر الانقاذ القآعدين فى الخرتوم وماعآرفين

جبال النوبة دى زاتها فى يآتو بلد؟

خصوصا الجنانين بتآعة ابو جبيهة؟!

...

5_مين الحآصر النسوان والشفّع فى الغآرات ولموهم فى زريبة شوك حوآلين كادقلى..

أكتر من 46.000 شخص فى يوم من الايام..

بدون موية ولا أكل ولا علاج..الخ

دا غير صدمة الغآرة نفسها وحرق الرجال القادرين على القتال..

وبعد كدا لّموهم فى الشآحنات زى البهايم ورموهم فى أطراف المدن السودانية..

ومش كدا وبس حآموا بالشاحنات فى وسط المدن ..

والناس تقول الله أكبر!!

زى ما حصل فى الابيض..

أما فى سوق بورتسودان,كان بيخلوهم تلاتة واربعة يوم الناس تجى تتفرج عليهم وبعد دآك رموهم فى

الصحرا برة بورتسودان..

وقالوا ليهم لو عمرتوها,تبقى حقتكم!!

وهكذا..

كل ما يعملوا غآرة..

يعملوا كدا فى الناس..

..

6_مين اللّم أطفال النوبة ومشى ختآهم فى معسكرات مؤقتة فى شمال كردفان فى قرى اللعّيت وحوالين

النهود وحمرة الشيخ...الخ

وبعد كدا, العيال اختفت حتى تاريخه؟

وهم عشرآت الالاف برضوا..

...

7_مين الكتل عشرآت الالاف من المتعلمين من ابناء النوبة لمجرد أنهم نوبة ومتعلمين...

خصوصا كوآدر الحزب القومى السودانى؟!

...

8_مين اللّم شباب النوبة وخّتآهم فى مدرسة خورطقت وكان بيوزعهم على معسكرأت التدريب العسكرى..

وبعدين يرّجعوهم عشأن يمشوا يكتلوا أهلهم..

بعد ما يقولوا ليهم أهلكم كفّار..

العيال ديل كانوا ضمن غنآئم الغآرات..

...


وهكذا..

أنا ممكن أقعد قدآم الجهاز دا العمر كله أكتب عن العملتوه..

وما أخلص..

...

وشوف يا غريبة..

الموضوع دا أكبر بكتير من شغل التهريج البتعمله هنا دا,

عشآن تآكل بيه عيش مع الانقاذ..

..

تسيبنا فى حآلنا ياغريبة..

وتشوف ليك طريقة تانية لاكل العيش المعجون بى دم أهلنا..

وبى عمرنا الضيعناه نزازى برا البلد الانتو خرّبتوها..

لانه دا شعب كامل..

(هرسته) الانقاذ بقلب بآرد..

وسيبك من جبال النوبة الانت أصلا ما عآرف موقعها من خريطة السودان..

وياغريبة أن الله شآهد ومطّلع..

على الجرآئم بتاعتكم..

فما تجى تستهبل وتقول لى أبوصلحة ورونا عملنا شنو؟!

أنا قآعدة قدآم الجهاز..

مستنياك ياغريبة..

يا غريبة...



أنت ما جيت رآجع تآنى..

وماحاأفترض حسن النية...

لانه نآس الانقاذ ما فّضلوا فيها حسن نية..

..

عشان كدى..

حاأوآصل الرد على سؤالك لى أبوصلحة..

والانا بقيت سته بوضع اليد..

زى ناس الانقاذ...

البقلعوا كباية الحليب..

من الطفل..

بس انا بقلع فرصة توضيح الامر لحضرة جنابكم..

..

أنت عآيز تعرف عملتوا شنو فى جبال النوبة؟

طيب...

ورآى فى الصفحة التالية..

غريبة..



أنت ختيت العلامة بتآعة مميز برة البوست؟

وبصرآحة فى دى معآك حق..

لانه الموضوع دا..

خآرج عن المألوف..

...

دخول الانقاذ فى جبال النوبة...

بآليات القتل والدمار....

كانت زى يوم القيآمة...

لان النساء وضعن حملهن..

ومآت البعض بالذبحة الصدرية من هول الامر..

..

أعتديتوا على النساء ياغريبة..

وعشآن أنتوا شآيفين.

انه خسارة فينا حق الرصاص..

ولّعتوا البيوت بالكبريت..

ودكيتوها دكا دكا..

..

سممتوا الابار ياغريبة...

وحتى بعد ماأنتهت الحرب...

مافى اى جهة جات عّقمت الموية ونضفتها..

زرعتوا الالغام..

ولى هسه ما لميتوها كلها..

..

أهنتوا الموآطن فى جبال النوبة..

بالشكل الذى لم يحدث من قبل...

ولانه أحنا وآقعين سندوتش بين الجنوب والشمال...

التغطية الاعلامية ما كانت كافية..

الا بجهود ابناء جبال النوبة..

وبعض المهتمين..

..

طيب..

خليتوا لينا حداشر مقبرة جماعية..

لعشرآت الالاف من البشر..

البقآرة الضحكتوا عليهم.

والنوبة السلحتوهم ضد أهلهم..

لمن أكتشفوا اللعبة..

كان الوضع تعقد تماما..

وعآيز ليه سنين وسنين عشآن يتصلح..

وبقت الانقاذ تتكشم مرآت..

ووتضح مرآت..

مبسوطة من الفتنة دى..

..

طبعا مافى معنى للاشارة الى التهميش..

والبنية التحتية...

والحاصل فيها..الخ

نخّلى الكلام دا على جنبة..



نواصل

يا غريبة..



شفت كيف صورتكم لمن تشوفوا نفسكم فى المرآيا؟!

شفتوا بشآعة الامر؟!

وحجم الظلم؟!

ومستوى التخريب؟!

وعظمة الجرم؟!

..

أهو غلبك تواجه نفسك..

قبل ما نقول أى حآجة..

ومشيت تآنى ماجيت..

عشان البوست يدخل فى الصفحآت الدآخلية..

قبل ما الناس تقراه..

وكأن لم يكن شيئا..

...

بس الحمد لله..

الناس عآرفة الانقاذ كويس..

لانها مكتويه بيها..

كل وآحد/ة من حتة مختلفة..

وأحيانا..

الضرر وآحد..

..

عموما..

أثبتّ ليك أمام الرأى العام..

انو أنتو ناس بتآعين شر..

لكين ما بتآعين موآجهة..

لانه الشرير جبان..

والجبان لا يقوى على الموآجهة..

..

ومرة تآنية ياغريبة..

ما تدّخل نفسك فى المتآهات بتآعة(الانقاذ فى جبال النوبة)..

عشان بالتأكيد..

حتلقآنى..