Post: #1
Title: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-11-2007, 02:14 AM
Parent: #0
يا جماعة ...قديما قالوا: الجواب يكفيك عنوانه...أو علوانو على قول الحاجة
يمكن تناسي الأخطاء الإملائية داخل المواضيع...لكن لما المسألة تكون على عينك يا تاجر كدا فوووووووق في المانشيتات..الحكاية شوية بتكون عايزة إعادة نظر...أنا غايتو لو كنت مسئول عن رفع وتثبيت البوستات ذات الأهمية ، فسوف أقوم بمراعاة عدم احتواء العنوان على أخطاء تسد النفس وتسبب الطمام ودوشة الراس من قولة تيت كدا...
تحياتي.... (أستاذ العربي)
|
Post: #2
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-11-2007, 02:21 AM
(سيناريوهات) : خطوبة زهير (صاح)
سودانيزاون لاين ترحب بانضمام الاستاذ مصطفى سرى
اشراقة أنت..في زمن غسيل الأموال يا اشراقة مصطفى
تدهور حالة المعتقل محمد مصطفي عضو حزب الموتمر السوداني
أبناء الشتات ,,,, وناس مرقنبو قرنبو برة !!!! (صاح على مضض)
طلال عفيفي .. وحالة كونه شيوعيا !!
حزب بلاطه ... طلال عفيفي
عثمان حسين وما ادرامك عثمان حسين
قابلني.....
أستاذ العربي
|
Post: #3
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-11-2007, 04:28 AM
إنتو زعلتوا ولا شنو؟
فقط دعوة لعدم التسرع خاااااااااصة في العناوين
أستاذ العربي
|
Post: #4
Title: Re: المانشيتات الفيها أخطاء كتيرة دي شنو؟؟ عووع
Author: خالد الطيب
Date: 03-11-2007, 04:38 AM
Parent: #3
المضمون كيف؟؟
|
Post: #6
Title: Re: المانشيتات الفيها أخطاء كتيرة دي شنو؟؟ عووع
Author: خالد الطيب
Date: 03-11-2007, 04:39 AM
Parent: #4
ما تهتم بالقشرة ..
استاذ الفلسفة..
|
Post: #8
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-11-2007, 05:07 AM
Parent: #6
الأخ خالد الطيب ،،،
تحيات كبار وشكراً على المرور يا زميل المهنة..
مضمون شنو عليك الله يا أستاذ...أقعدوا فلسفوا لينا في المواضيع كدا لما تلقى زول كاتب إسمك (خالت الثظطيب)
قال مضمون قال..
تحياتي ..
|
Post: #5
Title: Re: المانشيتات الفيها أخطاء كتيرة دي شنو؟؟ عووع
Author: ismeil abbas
Date: 03-11-2007, 04:39 AM
ألآخ/محمد مصطفى.
تحياتى
بما إنك تسعى لعموم ألفائده.أرجو منك إذا وجدت هناك خطأ صححه.
ألان هناك أخطاْء ماهو الصحيح؟
وشكرآ للملاحظه. وبدون زعل.
|
Post: #10
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-11-2007, 05:26 AM
Parent: #5
الأخ سماعين عباس...
شكراً على مرورك اللطيف...
قلت لي أحسن تبدأ بالأخطاء من إسمي؟؟ والله لذيذ لكن..... أنا أخوك محمود مصطفى أستاذ العربي...
| Quote: ألفائده.أرجو منك إذا وجدت هناك خطأ صححه |
.
إيه الأرَف دا...بالمصري.... على وزن الأديسة اللي في البلؤونة إربت الأبن أُووووولو...الكديسة الفي البلكونة شربت اللبن كله..
Quote: ألان هناك أخطاْء ماهو الصحيح؟
وشكرآ للملاحظه. وبدون زعل. |
أخطاء وين؟؟ عداك العيب....
وربنا ما يجيب الزعل...الحمد لله حبوب الضغط عندي كتااااااااااار
أقعد عافية ... وفي رواية أخرى أقعد ساكت...
تحياتي
|
Post: #7
Title: Re: المانشيتات الفيها أخطاء كتيرة دي شنو؟؟ عووع
Author: النصرى أمين
Date: 03-11-2007, 04:41 AM
والله كلام صاح مئه فى المئه
لكن البقنع بكرى ابوبكر شنو ؟؟
مانشيتات مفروض تمر بمراجعه دقيقه
عيب والله عيب .....
|
Post: #11
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-11-2007, 05:39 AM
Parent: #7
الأخ الكبير النصري أمين...
كتر خيرك على الجية وبركة الشفناك طيب...
مالك آآآعشاي بتدور تجيب لينا عوة مع بكري؟؟ أنا غايتو ضايق قلعة الباسوورد...والله حارة خلاس..تقع فوق العدو...
Quote: والله كلام صاح مئه فى المئه
لكن البقنع بكرى ابوبكر شنو ؟؟
مانشيتات مفروض تمر بمراجعه دقيقه |
والله عاد ما قصرت....
لك التغدير الكسير....والله حقو تقدم لوظيفة معلغ في التلفزيون الغومي...عشان تغوم بتغتية مباريات الفريغ الغومي لكرة الغدم..
بتوصية من وزارة السغافة والإعلام
محبتي الشديدة وتحياتي
|
Post: #9
Title: Re: المانشيتات الفيها أخطاء كتيرة دي شنو؟؟ عووع
Author: محمد الامين احمد
Date: 03-11-2007, 05:11 AM
تحية طيبة للجميع
الاخ محمود مصطفى ، طيب ماتكمل جميلك و تكتب لينا التصحيح
الاخ خالد الطيب ، يا اخى من غير من مكابرة الحاكاية دى فعلا غلط
|
Post: #12
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-11-2007, 05:47 AM
الأخ/ محمد الأمين أحمد
كتر خيرك...
قلت:
| Quote: طيب ماتكمل جميلك و تكتب لينا التصحيح |
ونقول:
ما للدرجة دي....
وقلت:
| Quote: الاخ خالد الطيب ، يا اخى من غير من مكابرة الحاكاية دى فعلا غلط |
ونقول:
حاكاية شنو يا ود أمي؟؟؟ إنتو آآناس لافيين ليكم حاجة؟؟؟ والله ذكرتونا بوست السربعة داك
شكراً لمرورك الوسيم...ولك الود والتحية
|
Post: #13
Title: Re: المانشيتات الفيها أخطاء كتيرة دي شنو؟؟ عووع
Author: محمد الامين احمد
Date: 03-11-2007, 06:36 AM
الحركة دى مقصودة بالمناسبة ، اهه رآيك شنو !!!
طيب لحدى اسه ما اديتنا الصاح شنو ؟ ولا تكون عايزنا نحضر دروسك الخسوسية !
|
Post: #14
Title: Re: المانشيتات الفيها أخطاء كتيرة دي شنو؟؟ عووع
Author: طلال عفيفي
Date: 03-11-2007, 07:22 AM
Parent: #13
الأستاذ محمود مصطفى محمود
تحية طيبة ،
فيما يخص " حزب بلاطه " فهو ما لا أجد له حلاً غير هذا الشكل
الذي يعبر عن منطوق العامية المصرية: بلاطه/ BALAT'AH ..
وأرجو تصويبي في كل حال ، وإيضاح وجهة نظرك حول ما كان
يُفترض أن يكون عليه العنوان ، فالله أعلم .
مودتي
|
Post: #15
Title: في داعي ل عوووووووووووووووووووووووع دي؟؟؟
Author: ASAAD IBRAHIM
Date: 03-11-2007, 07:29 AM
Parent: #14
|
Post: #16
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-11-2007, 07:56 AM
الأستاذ طلال عفيفي.... على فكرة في ناس ممكن يكتبوها عفيفى (بالألف المقصورة)..عادي ولا بكونوا خجلانين من الحاجة دي...
تحياتي وإعجابي الشديد بمقدار التأمل العميق في صورتك المدهشة...
وبعد،، فقد قلت:
Quote: " حزب بلاطه " فهو ما لا أجد له حلاً غير هذا الشكل
الذي يعبر عن منطوق العامية المصرية: بلاطه/ BALAT'AH .. |
ونقول:
إن هذا ما ذهبنا إليه ، فإذا أردت أن تفرق بين التاء المربوطة التي (تستاهل) نقطتين جميلتين ، وبين الهاء كالتي في آخر اسم الجلالة...فعليك أن تفترض مثلاً أنها (هاء) ، وبعدين تقوم بتحريكها حسب موقعها من الإعراب.. فإذا ظهر بعد التحريك أنك نطقت حرف التاء ، فهي تاء مربوطة وتستاهل تتنقط... وإذا كان المنطوق بعد التحريك (هاء) فيا دار ما دخلك شر...يعني مثلاً (بلاطه) ممكن تتقري كدا: قُتل الملك وداس الأعداء على (بلاطه)...صاح؟؟....ولكن عشان تفرق بينها وبين بلاط الملك السجمان دا... تقوم تقول : هاتها على (بلاطةِِ)... شفت التنوين جاب التاء كيف؟..مبروك النقطتين على هذا البلاطة...
وقلت:
Quote: وأرجو تصويبي في كل حال ، وإيضاح وجهة نظرك حول ما كان
يُفترض أن يكون عليه العنوان ، فالله أعلم . |
ونقول:
فعلاً الله أعلم...حيث أننا لا ندعي معرفة تجعلنا (أبو العريف) أو (أبو العريب) لا سمح الله...
ودمت أخاً عزيزاً...
|
Post: #17
Title: Re: المانشيتات الفيها أخطاء كتيرة دي شنو؟؟ عووع
Author: محمد الامين احمد
Date: 03-11-2007, 08:02 AM
والله يا اسعد الـ عووع دى ما ليها لزوم و خصوصا من الأساتذة.
نصلح البنقدر عليهو
Quote:
(سيناريوهات) : خطوبة زهير (صاح) حلوة صاح دى
سودانيزاون لاين ترحب بانضمام الأستاذ مصطفى سرى
إشراقة أنت..في زمن غسيل الأموال يا اشراقة مصطفى
تدهور حالة المعتقل محمد مصطفى عضو حزب المؤتمر السوداني
أبناء الشتات ,,,, وناس مرقنبو قرنبو برة !!!! (صاح على مضض) كان تقول غلط عشان تشوف المكشن بلا بصل
طلال عفيفي .. وحالة كونه شيوعيا !!
حزب بلاطة ... طلال عفيفي
عثمان حسين وما ادراك ما عثمان حسين
|
الفوق ده اجتهاد ساكت ، منتظرين الاستاذ 
|
Post: #23
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-12-2007, 08:47 AM
Parent: #17
العزيز محمد الأمين أحمد....
مع الجري وزحمة التصحيح ، فإن مجهودكم مقدر وإن شاء الله ما نجيكم في غلطة عزيز...أو إن شاء الله يصححوا ليك وليداتك...
إن مجرد تسليط الضوء على الأخطاء يعتبر بداية لتصحيحها وتفاديها والإحساس بأن هناك رقيباً لُغَوِيّاً على هذه الصحيفة الإلكترونية واسعة الإنتشار...
واحنا برضك ما يخلصناش إن هذا المنبر الذي أصبح مصدراً للمعلومات يقصده الباحث عن المعلومة فيصدم بالأخطاء على العناوين الرئيسية...بس اتخيلوا معاي كدا أن تطالعكم صحف الخرطوم وهي تحمل أخطاء من العيار الثقيل وعلى مانشيتاتها...هذا طبعاً إذا اختزلنا هذا المنبر في شكل صحيفة خرطومية فقط....
ودمت أخاً عزيزاً...
|
Post: #18
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-11-2007, 08:06 AM
أبو السعود...وينك يا رجل؟؟ لكن اللستك ماكدا (وش عامل عامل شرط)...
والله عووع دي ما في ليها أي داعي....لكن هي كانت كبيرة كدا؟؟؟ فيها اتنين واوات بس... يعني طمام ساكت .... إت سويتها طراش عديل..الله يقرف اللي كان السبب..
تحياتي لمن معك ودمت أخاً عزيزاً...
|
Post: #19
Title: Re: المانشيتات الفيها أخطاء كتيرة دي شنو؟؟ عووع
Author: أبوعبيدة محمد الأمين
Date: 03-11-2007, 04:54 PM
Parent: #18
يا محمود السلام عليكم ورحمة الله وبركاته
انت عارف البوست بتاعك ده الناقصه شنو؟ موسيقى أم كلثوم وصوت الراحل فراج الطيب آتياً من الأعماق وهو يقول لسان العرب برنامج يعده ويقدمه محمود مصطفى محمود.
ودمت بخير وعافية ولسان فصيح (قربت أكتبها فسيخ).
|
Post: #20
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-12-2007, 03:13 AM
الأخ: العزيز أبو عبيدة تحياتي لك وأنت تضئ المنابر هنا وهناك...
قلت:
| Quote: انت عارف البوست بتاعك ده الناقصه شنو؟ موسيقى أم كلثوم وصوت الراحل فراج الطيب آتياً من الأعماق وهو يقول لسان العرب |
فجعلتني أذكر قصة صاحبنا العربي داك...قال شنو؟؟ قال البارح والله عيني دي طلقت النوم أنصاص الليالي...أها آآزول لقيتلك الرادي دا يسوي: لساااااااااااااااااان العرب...(العاشرة إلا ثلثاً) ....
وكتبت:
| Quote: ودمت بخير وعافية ولسان فصيح (قربت أكتبها فسيخ). |
ونختم بأن بتحيتنا لك ولأسرتك...والله يجازي محنك...فسيخ عديل كدا؟؟
|
Post: #21
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-12-2007, 03:56 AM
| Quote: ندوة سياسيه كبرى بروتردام/حركة تحريركوش |
وهذه تم القبض عليها الآن...لماذا لا تكون ندوةُُ سياسيةُُ كبرى بـ(روتردام) / حركة تحرير (مسافة) كوش؟؟.. عشان (سياسيه) دي غلط والله
الليلة غايتو يا أنا يا الأخطاء في المانشيتات دي...
|
Post: #22
Title: Re: المانشيتات الفيها أخطاء كتيرة دي شنو؟؟ عووع
Author: ismeil abbas
Date: 03-12-2007, 05:59 AM
يا أستاذ/MAHMOUD MUSTAFA MAHMOUD
ألمحترم/ كتبت إسمك باللغة ألأفرنجية لكى لا نخطىء أمام حضرتكم.
تخريمة:
ياأخى عقدتنا وعملت لينا وجع حلق. فكها شويه.......وبعدين يا إنت يا ألأخطاء فى البورد . بكل أدب بقول ليك إنت يا أستاذ وبالجد عايزين نستفيد.
سلام للوجه الصبوح الموجود مكان صورتك.
|
Post: #24
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-13-2007, 05:42 AM
سمعة يا لذيذ....
ياخ والله أشكرك على الاختيار الذي أخجل تواضعنا...وخليك قريب...
مع مودتي..
|
Post: #25
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-13-2007, 05:51 AM
أقبض..
| Quote: هل ياكل نقاد التسرع كيكة سايمون المشحونه تواضع كما فعل هو مع JENNIFER HUDSON؟؟ |
|
Post: #26
Title: Re: المانشيتات الفيها أخطاء كتيرة دي شنو؟؟ عووع
Author: Mahmoud Mustafa Mahmoud
Date: 03-12-2007, 11:39 PM
والمعروضات دي تم العثور عليها قبل أن تجد طريقها للمانشيتات..
| Quote: عندما يقف أبناء معهد ألموسيقي وألمسرح أمام باب ألسنط |
الفكرة شنو؟؟
كما أرجو ملاحظة الإصرار هنا:
| Quote: ببساطه شديده( الديقراطيه) هنا فى سودانيز اون لاين |
|
|