.... الخالات ....

أمات طه
أسطورة تروي عظمة الخالة عند المجتمع السوداني طلاسمها تحكي عن اليافع طه الذي كان له اربع خالات وتوفيت والدته وأحتضننه خالاته الأربع وحبنه حبا شديدا حتى اصبح يقال لهن أمات طه ( أمهات طه ) ترعرع طه في حنان خالاته ونضج وفي مرة خرج طه ولم يعد فسهرن الخالات خوفا من مكروه قد يلم بطه وبدأن رحلة البحث عن طه ولم تثمر جهودهن في ارجاع طه لبيته وجلسن مرة واتفقن على تتجه كل واحدة منهن على اتجاه بحثا عن طه وذهبت واحدة شمالا والثانية جنوبا والثالثة شرقا والرابعة غربا على ألا يعدن إلا وطه .....
ولكن كان ذلك يوم الفراق بينهن ولم يجتمعن مرة اخرى

فاصبحت هذه الاسطورة مضرب مثلا فيقال ( لحق أمات طه ) ..
فالخالة في منزلة الوالدة وربما أكثر حنانا من العمة فهي كثيرة السؤال عن أبناء وبنات أخواتها وتتقدم على الخالة على العمة حتى في مفردات الشعر العامي السوداني ( فرح الخالة والعمات ) .. ( ديل خالتو جن وديل عماتو جن ) ونجدها في المناسبات المفرحة أو المحزنة هي التي تقف على واجب الضيوف .. وأذا ارد شاب أن يخاطب امرأة كبيرة في السن فجده يخاطبها بيا خالة ..
ما أردته هو ان نبرز دور الخالة في المجتمع السوداني وأتمنى أن نثري النقاش حتى نحفظ للخالات دورهم في بناء المجتمع ....
نواصل ....

علاء، والله اول مره اسمع الحكايه دي

نورتنا



ما عارف لي قصه الكلب الاتزنق في الطاحونه دي من شنوعليك الله؟

علاء حيمورة ..

شكراً ، كنا نرددها ولا نعرف ما هي ، هسي عرفنا طه وأماتو ..

خارج النص :
خالد حيمورة بيبقى ليك شنو؟؟



صلاح عبدالله

اهلا بيك أخ / صلاح عبد الله


مشكوووور على المداخلة ..

ينتهي نسب الاخ خالد من ناحية الاب والام بحيموره
وانا ايضا ينتهي نسبي من جهة الاب والام بحيموره


اقعد احسبها براك بعد ده ..

سوف تصل تحاياك ليه وسوف امدك برقم موبايله اذا احتجت وهو معي في مدينة الرياض ..


لك كل الود

شكرا استاذة رحاب خليفة على المداخلة ..


قبيلة الفلاتة النيجيرية والتى عاش منها الكثير في السودان هم أشد عداءا للكلاب وعندما يدخل كلبا في احد ازقتهم ينبروا اليه بالعصي والحجارة الى أن بموت ..


بقينا نقول ( والله مزنوق زنقة كلب في زقاق فلاتة )..

أما كلب الطاحونة فقد نجد روايته عند الاخ هشام هباني الذى امد المنبر بمجموعة معتبرة من الكلاب لان الرواية التي سمعتها غير مقنعة فهي تتحدث عن كلبة عزراء تبحث عن كلب شجاع من ضمن مجموعة من الكلاب الذين يودون التقرب منها والفوز بمعاشرة العزراء لاول مرة وفي توتر الكلبة ومسعاها لافضل الخيارات وجدت الكلبة انها دخلت طاحونة ودخلت بين الحائط وسير محرك الطاحونة وأنطوت على نفسها وارخت زيلها وهدير الطاحونة يزعجها وصعب عليها الخروج من الطاحونة ولم يستطع عامل الطاحونة ايقاف الطاحونة عشان خاطر الكلبة . فأنزنقت الكلبة ....


سوف ندع موضوع الكلاب جانبا ونعود لموضوعنا الاساسي يا خالة رحاب ..

بس الكلام ده في الحلقة القادمة ..

موضوعيا ... علاقة الخالة بأبناء أو بنات أختها أو أخوها ,

تعتمد خاصية رجحان الثقل الأنثوي ... لكون الأم وكذلك الخالة ,

لجهة { العمات } ... فالوسيط { ذكر } هو الأخ , ودوما فى العرفية

السودانية فالأنثي هي { الاحن } ... فيما يحدث الغلبة التي ذكرت .


لكن ... ليس كل الأمر ينساب على ظلال هذه الفرضية , فربما تتساوى

الكفتين ... إن لم ترجح العمومة ... على كل ... لن أجرح هذه الشهادة

التاريخية ... لكن فى الإمكان { تعميم } المحنة ... بتشديد النون ,

دون تأثير على { واقع الحال } ... ولما هو أس المعايرة ... ومدخل

القياس ... وعلى الأرض .


قالوا كذلك ... الولد خالو ... فهل ثمة { تحالف } لترجيح كفة أهل الأم ؟

عموما ... كله حلو ... ونحن إخوات .


شكرا ... علاء ... ولي قدام

زعيم أمة الصحافة

أهلا بيك وبحروفك البراقة مضيئة لدروب التواصل ..

لم يغفل المجتمع دور العمة وهي التي أكثر صرامة من الخالة فهذه العمة هي خالة في موضع آخر ولكن أحساس العمة بأن زوجة أخوها قد أخذت منها أخوها المحبب وبها أبتعدت اهتماماته قليلا عن اخواته قد يثير نوعا من التودد المشحون بالحذر فينعكس التعامل على أبناء الاخ ولكن في موضعها الآخر كخالة نجدها تتعامل بأريحية دون حاجز في التصرف . لكونها أقرب الناس لاختها ومعايشة سلوكها ومعرفتها التامة بكل الطبائع ....
من هنا يندرج الاحساس بحنان الخالة ,, فالعمة قد تكون أبعد قليلا من التواصل مقارنة بالخالة ...

وأنا أكتب في هذا الموضوع وفي بالي أن حالة أسرة حيموره من أكثر الاسر ترابطا دون تفريق بين العمة والخالة ..

شكرا أخي حيدر

وسف تثري النقاش لهذا الموضوع وسوف نعقب ..

دمت

الله افتح عليك يا علاء والله كنت بفتش على زول يحل لي اللغز ده كل ما أردد الكلمتين ديل


وأقتــرح فــتح بــوســت مخــصوص لشـــرح الأمـثلة الســودانية بحيث يــدلي بدلوه كل من


عــرف قصــة كهذه وتفســير وفــك طلاســمها وبلدنـا مــلئ بالقصـص الممتـعة التي تحمـل

معــاني ســامية كمحــنة الخــالات التـي وردت في روايتك وتعكس مدى الترابـط الأســري .



شـــكرا عــلاء






صــلاح واســبه

أهلا بيك أخ صلاح وربنا يديك الصحة والعافية


شكرا على المداخلة وسوف افتح بوست بهذا الخصوص وانا بصدد جمع اكبر قدر من الامثلة والقصص السودانية ليأتي البوست أكله ..


شكرا ليك مرة أخرى استاذ صلاح

بنات محمود وديوسف وسعيدة بت جبارة
هن امهاتي

بخيتة (رحمها الله) وفاطمة وعائشة ونفيسة هن خالاتي شقيقات امي الغاااااااالية النعمة بت محمود
وكان عندهن شقيق واحد اسمه يوسف توفاه الله وهو في السادسة من عمره على ما ترويه لنا الوالدة..

Quote: فالخالة في منزلة الوالدة

ايوة والله هن كده حناناً فااااااااائض يروينا ويغطينا ..


لكن يا علاء الخالات ذاتن خشم بيوت وبعدين انت ياخوي بتقصد ياتو خالات!!!! واوعة تقول لي اسأل عادل جبارة ..

Quote: ما أردته هو ان نبرز دور الخالة في المجتمع السوداني وأتمنى أن نثري النقاش حتى نحفظ للخالات دورهم في بناء المجتمع ....

حقهن محفوووظ جوانا كلنا واعتقد ان لجميع يحمل لخالاته موفووووور الود والاحترام (الا منشذّ وأبى)



بس عليك الله جاوب لي على سؤالي.

يا سلام عليك يا ابو هبة , الخالة هي شريكة الوالد وهي فيض الحنان

وكذلك الحبوبة مهد الحنان ولامة الحبان وصاحبة الأمثال , متعك الله

بالصحة والعافية .

اها قبل ما افوت شوف امير الجمري ده عندو شنو ؟؟؟

Quote: لكن يا علاء الخالات ذاتن خشم بيوت وبعدين انت ياخوي بتقصد ياتو خالات!!!! واوعة تقول لي اسأل عادل جبارة ..

الاخ الفاضل الكريم / هاشم خلف الله


الله يديك العافية والف شكر على المداخلة ..

مؤكد زوجتكم الغالية ضربت مثلا لوفاء الخالة فهي أحتضنت وارضعت وهي في منزلة الشقيقة لمواهب وايمان وحنان فهي بالتالي أم وخالة لابنائي وابناء الاخ عادل جبارة والاخ سيف الدين ...

ربنا يديها طولة العمر ويقدرنا على رد الجميل ...


دمت لهم وداموا لك ..

تخريمة : بالله عليكم عادل ده ريحوه شوية ما يقوم يعمل حاجات تانية حامياني .. شهر ابريل على الابواب والراجل أكد الحجز ...

الحبيب أمير الجمري
اهلا بيك وربنا يمتعك بالصحة وما يحرمك من حنان كل الخالات ...


بس تعرف أنا خالاتي ما شاء الله عليهن خمسة ديل شقيقات أمي حنانة بت حيموره ولكن كحالة خاصة وجدنا كل بنات خالات امي وخيلانا هن في منزلة الوالدة ولم نفرق بينهن وبين شقيقات الوالدة في مرتبة الخالة ..

المجتمع السوداني كما أشرت ينادي كل كبيرة في السن بيا خالة وحالة الاخ الحنون عادل جبارة هي حالة خاصة فهو لم يستطيع فراق والدته لسنوات فسعى لاستخراج اقامة لها وبالتالي تكون أغلب ايام السنة أما هي بالرياض أو هو بالسودان وتصبح مشكلته في الايام القلائل من السنة ووحشته خاصة وأن أسرته الكريمة تكون أغلب ايام السنة في السودان فنجده متوترا أيام وحدته لذلك نجد له العذر فيما يذهب اليه من برامج ( حـنان)ليكون أكثر تواصلا .. اللهم ادم عليه نعمة الحنان .

السلام عليكم يا علاء الدين
وسلام لكل الناس المعاك
شوف يا علاء اول حاجة انا
كنت بفتش فتيش لي بوست
زى ده وفي كلام كتير بنقولو
وما عارفين ساسو من راسو
والليلة لميت فيك وما بفوتك
كلو كلو واعمل حسابك لازم
تجاوبنى كويس جدا ولو ما جاوبتى
والله اقنع ليك بكري ابوبكر ده يدي
باسويرد لي محمد يجي يتعبك
يلا جاوبنى ورينى :-
حماد مالو

Quote: لكن يا علاء الخالات ذاتن خشم بيوت وبعدين انت ياخوي بتقصد ياتو خالات!!!! واوعة تقول لي اسأل عادل جبارة ..

الأخ أمير الجمري
وهذا ما يؤكد سؤال الأخت رحاب : يعني شنو زنقة الكلب في الطاحونة ؟؟ السؤال لا زال مطروحا لعلاء !!!

الخالة دي دائما نبع الحنان
يقال في القصص الشعبي
الطفل في فترة التكوين بيمشى لبطون خالاتو
عشان كدا بحبو..
صديقتي توفيت اختها في الولادة ارضعت بنتها
رغم انه هي ىخر طفل ولدتو قبل سنوات.
ولكن اللبن جرى مدرارا.

احب ابنة اختي اكثر من بناتي
بالله ما تكلموهم..
واختى تحب بناتي اكثر من بناتها..
اذكر ان ابنتي الصغيرة قالت عايزة بنطلون للعيد
واشتريت بنطلون.. جات لقت البنات عندهم فساتين
قالت عايزة فستان.. ما اشتغلت بيها..
الساعة 1صباحا مشت اختي لسعد قشرة واشترت لها يوم الوقفة فستان..
الخالة هي احن انسان بجانب الام..
التحية للخالة شريكة الام..
وشكرا لك وانت تتذكر جنديات مجهولات في التربية..

الاستاذة / بيان


الف مرحب بيك


ده الكلام وربنا يخلي ليك اخواتك ومزيد من اثراء النقاش في هذا الموضوع


مودتي

الحبيب عادل


الف مرحب

والله يا اخوي خائف ليك من حنان تلقاك غارق في الحنان وتنزنق زنقة كلب في زقاق فلاتة .


تحياتي لخالتك رحاب


مودتي

الحبيب سفيان اهلا بيك


شكرا على المداخلة وياخي بدون اي تهديد من عيونا نديك


أها الخيل تجقلب والشكر لحماد ده المقصود ؟؟


طيب ده حا نقولو وحا نقول مرض حامد عشان يبقى عندك حامد و حماد


مودتي

الحمد لله بقينا خالات وعمات ذاتو !!!!

يا نابري والله علاء الدين دا موسوعة عديل كدة خاصة في اغاني الحقيبة يفلفل ليك الاغنية فلفيل ناهيك عن قصصها والقصص التراثية ...

بوست جميل يا علاء بس فاقدة الحكاوي القبل النوم الفي الحوش والله ...

ربنا يرد غربتك وكم مشتاقة للقاء هبة وياسر الذين اصبحوا بالسودان ...

الشقيقة الصدسقة / نعومة..

فرحنا بيك كنير وانتي خالة لدينا وداليا وصهيب ودعاء .. بس انتي حالة خاصة فحنانك كخالة لا يقل عن حنانك وانتي عمة ( يا حيدر قاسم مش قلت ليك نحن الخالة والعمة عندنا واحد ) وفرحت اكتر وانتي عمة لرنيم وكريم وتسنيم ونرمين وهبة الله ومآب وآخر العنقود ياسر ... وعقبال ما نكون خيلان اولادك .


يلا يا انعام عايزين نوادر وطرائف الخالات ( خالاتنا يا أمير الجمري ) ...


الله يرجعك بالسلامة وما تكملي لينا هبة ..

ألأخ /علاءألدين حيموره

الرجل الخلوق

تحياتى.

موضوعك غاية فى الروعه وإنت بتوثق للخاله .والخاله دورها كبير فى ألمجتمع فهى شريكة الوالده بما تحتويه من حنان دفاق تجاه أولاد أو بنات أختها.و بالقياس ألخال وبقولوا (ألجنى خال)وأيضآ (شوف الخال وخال الخال وشوف الجنى لويطلع بطال) والدليل على ذلك تحرى النسب عند الزواج .

والخاله والخال حنانهم ممتد من ألأم .

تحياتى وسلامى ......إسماعيل محمد أحمد عباس

يا يمة ما تبكي ويا خالة ما تشكي
*****
الخالة قرينة الوالدة
والخالة ام
****
التحية لخالتك علوية
ولخالاتي الحبيبات سكون وفطوم والسيدة رحمة الله عليها
****
ولخالتنا العزيزة الدومة
*****
وللملكة عشوشة التي اناديها داخل البوست
بالخالة عشوشة.
***
ومليون تحية وتحية يابوالعلاء

يا سلام علي الخالة ( ويا خالاتنا هوو لبلب)

وصي رسولنا الكريم بالخالة حين ماتت احد امهات الصحابة وقال له الك خالة

فقال نعم فقال له (برها)

احيي خالتي علوية بت يوسف واطال الله عمرها بعد ان غيب الموت خالتي فاطمة وخالتي مسرة

بنات يوسف ابو شنب

الاخ / خالد

الف تحية ...

وانا برضو بحي معاك خالتك علوية ورحمة الله على خالاتك فاطمة ومسرة وأحسن الله نزلهن ..


شكرا يا خالد وبتمنى أن تكون في غاية السعادة وانت تتذكر حنان خالاتك وتعاملهن الودود لك ..


التحية لاي خالة وعمة سودانية ....

Quote: شكرا على المداخلة وياخي بدون اي تهديد من عيونا نديك

تسلم عيونك يا علاء
بس انا متأكد انو محمد بيخوف

Quote: أها الخيل تجقلب والشكر لحماد ده المقصود ؟؟

ياعلاء قول الفوق ده واحد
اها حماد التاني بتاع الرماد شن (نفرو وخبرو)

وبالمرة كده وري الناس الهنا ديل (بلحقك الغُتس) دى شو وقصته شنو

(غايتو انا شففونى ليها وحلوه حلاه خليها ساي)

Quote: وحا نقول مرض حامد عشان يبقى عندك حامد و حماد وانا راجيك تب

Quote: الحمد لله بقينا خالات وعمات ذاتو !!!!

شايف ياعلاء الدين .. إنعام في غاية السعادة لحصولها على هذا اللقب المحبب لي شخصيا ولكل إنسان .. والمثل يقول الخال والد وليس العمة أو العم ..
أمير الجمري .. تحياتي لخالاتك الحنان رمز الطيبة والكرم