انتوا جلابه دي يعني شنو؟

عندي شعور انها كلمه ما حلوه، لانه في زول كان زعلان مني و قالها لي في البوردي ده

والله ما بستهبل، لكن هي من شنو يعني؟ واصل الكلمه من جلابيه ولا شنو؟




حسنه قليله تمنع بلاوي كتيره، نورونا ذادكم الله من نوره

لانه ما معقول ادخل كل يوم البورد ده و اقرا لمن عيني توجعني و القي في الصفحه الاولي دعشميه عنوان فيهم الكلمه دي



فاضلابي اضيف ده لي بوست الحركات الغياظه

بعدين كلمه ظلامي ده برضك سامعاها كتير، لكن والله ما عندي فكره معناها شنو ولا جات من وين، لا لا، استغفر الله، انا عارفه انها جايه من الظلام، لكن منو الاخترعها يعني كنبزه؟

خلاص النكلمك

جلابي دي إخترعها جمال فرفور في غنية الجلابية بيضاء مكوية

أما ظلامي دي معناها الزول اللمن يجي الكهربا بتقطع و الدنيا تبقى ظلام

و إخترعها واحد كده ما متأكد منو

يعني معقولة يا رحاب يعني

لو جادة كلميني عشان أجي أشرح ليك

لكن إلا تحلفي

لكن خاتيه انا البسالك يا انتا

قال مكويه

اللي بعده

الجلابي يا بت خليفة أول من قالها هم أهلنا في الجنوب

ربما -و هذا هو الأرجح - جاءت من الجلابية إذ كانوا يسمون التجار الشماليين جلابة و ربما هي من الجلب لأن التجار كانوا يجلبون

البضائع لبيعها هناك و أستبعد هذا لأن أهلنا في الجنوب لم يكونوا على هذا القدر من الإلمام بالعربية و إشتقاقاتها

الآن في البورد تعني الشمالي كحالة ذهنية قبل أن تكون جغرافية و إرتباط هذه الحالة الذهنية بالجوانب السالبة التأريخية كالعنصرية

و حب السيطرة و التعالي





______________________________________________
قاموس الجيب في المصطلحات السايبرية لصاحبه فاضلابي

Quote: انتوا جلابه دي يعني شنو؟

الكلام دا بتابى!
بشاشا جاكى كان الله أداكى!
(شلاى وطاح بى خربة)
مثل تونسى ويعنى
هرار ولقى ليهو خرابة!
جنى

جني

بشاشا ده هو زااااااتو النبذني بيها، انتا قايل شنو؟

لا بعرفو ولا قابلتو قبل كده، و اسي شايفاهو حايم في بوستيني ده

يا زول ما باباهو، مش ياهو شكل الكيبورد ده؟ حبابو و حباب الجابو

تصدقوني لو قلت ليكم كلمة جلابية دي ما عرفت ليها اصل ..
انا مشكلتي مش في كلمة جلابه.. لاني كنت بقول لو عرفت معنى الجلابية وقتها ساهل وأفتش على اقل من مهلي على معنى الجلابة ... على فكرة هي التاء المربوطة ولا الهـاء ؟

تقوم يافاضلابي تشرح الجلابة بالجلابية .. كده نقول وفسر الماء بعد الجهد بالماء..
بس ملاحظتك وتشكيكك في " جلب يجلب " خطيره ومسنودة بمنطق قوي!!

وحات جلابيتك دي، انا زاتي ما عارفه

كده تمام

لكن قلت لي حاله ذهنيه؟

يعني ممكن زول من الجنوب نطلق عليه اللقب ده؟

الظلامي هي عكس المستنير

و أول من قالها في ظني رودا مردة و عنت بها الدوقماطيقي (دي ما بشرحها ليك)

و المستنير هو البراجماتي(و الله جد و ما بتريق عليك)

فاضلابي طيب اكتبهم لي بالانجليزي حتي، ان شاء الله الماني، برضك بفهم

قريبي

أظنها من جلباب و تغيرت تحت ألسنتنا الأعجمية و لكن إستخدامها في مصر يدعم فكرة أننا تلقيناها جاهزة هكذا و لا أعرف كيف تحولت من

جلباب لجلابية

طبعاً معروف أنه السودان بلد يجمع بين أصول متعدده وكلمة (جلابه) جاءت لتعنى أهل السودان من أصول عربيه وتعنى الذين لم يختلطوا بالدم الزنجى بصفة عامه ...وربما تشير الكلمه للجلابيه للتمييز بين اللبس الأفرنجى أو العارى ...

والله أعلم

سوركتى

سوركتي مشكور والله

بالمناسبه، انا كان معاي زمان في الفصل واحده اسمها منال سوركتي، دايما بتجي في العشره الاوائل، يا رابي تكون قريبتكم؟ بلتبس نضارات و من ناس بحري

Quote: وتعنى الذين لم يختلطوا بالدم الزنجى بصفة عامه

عيييييييييييييييييييييييييييييييييييييييييكككككككككككككك!

اخونا سوركتي، جاب ضقلا، يلولح!

امنت بالله!

عالمين افريقيا دي كلها، جاكة من الدم الذنجي المتعوس هذا!

عشان كده تلقي بريمة، مع انو ما جلابي، لمان تقول ليهو انت زنجي، يسووي جــــــــاك انا عربي، يااخوانا!

ولهذا عبدالرازق الطالب، "عجرم"، ناقع مايثبت اصلو العربي، في جيفة، اي قطعة جلد، او حايم بالقطعة دي المنبر، كدليل علي قول سوركتي انو لم يختلط بالدم الذنجي!

عيييييييييييييييييييييييييييييييييييييييييك!

يعني لو الواحد يا فاضلابي، وقف في نص دارة افريقيا دي او سال، من تجري في عروقه، دماء، ذنجية؟ لادوها، صنة!

اذا الحيت، من فعل الح، او كررت السؤال، لاشار كل ذنجي، للذي يليه من جهة الجنوب تحديدا، كذنجي!

it's a hot potato يا فاضلابي!

its tooooooooooooo hot to handle ياحبيب!

so pass the god dam potatoe, fooool علي قولة الteeeenager عندنا هنا!





اخونا سوركتي،

فكرك الذنجي مقطوع الطاري ده، ود الحرام، جا مقلع من وين؟

سفينة نوح كان فيها سوداني واحد، احد لاشريك له!

استغفر الله، علي قول حبوبة!

Quote: طبعاً معروف أنه السودان بلد يجمع بين أصول متعدده وكلمة (جلابه) جاءت لتعنى أهل السودان من أصول عربيه وتعنى الذين لم يختلطوا بالدم الزنجى بصفة عامه ...وربما تشير الكلمه للجلابيه للتمييز بين اللبس الأفرنجى أو العارى ... والله أعلم سوركتى

يا بشاشا سوركتى قال بصفة عامة ويهو يعنى قبايل الرشايدة والزبيدية والذين لا يتزواجون خارج نطاقهم وسوركتى اكثر معرفة بهم ما تفتح على الراجل نار ساكت الرجل يتكلم بصورة تاريخية عن الجلابة!
جنى

بسم الله حوالينا ولا علينا يا رب

بشاشا

صدق، كل ما اقري ليك مشاركه، والله العظيم بحتاج ارجع اقراها تاني لانه وكتاب الله ما قاعده افهم انتا بتقول في شنو الا بعد اقرا الكلام كم مره، يكون غباء ده مني ولا شنو يا ربي؟

و دخيل العربي البالانجليزي ده ماتعرف كيف كيف

المهم، مشكور علي الزياره، بس ما تكترها عليك الله، انا لسه بحاول افهم كلمه قلتها لي و فتحت ليها بوست

Quote: يا بشاشا سوركتى قال بصفة عامة

عييييييييييييييييييييييييييييييييييييييك ياجني!

اها، او انت اتعقدت مالك، جاي تصلح لي سوركتي؟

في زول هنا قال، بصورة خاصة، لمان براك، شغل الفي راسو بطحة، تسوي بصورة عامة؟

عامة ولا خاصة، سؤالي قائم:

الجلابة، ولا الزنوج اذا اصلهم ما واحد، اللي هو الزول السوداني بتاع نوح داك، جو من وين ياجني؟

ما يا الجلابي ما ليهو اصل، او يا الزنجي الجنا حرام، مقطوع من شدرة!

جاوب.

ولا حتقوم سداري، هنا كمان؟

Quote: عييييييييييييييييييييييييييييييييييييييك ياجني! اها، او انت اتعقدت مالك، جاي تصلح لي سوركتي؟ في زول هنا قال، بصورة خاصة، لمان براك، شغل الفي راسو بطحة، تسوي بصورة عامة؟ عامة ولا خاصة، سؤالي قائم: الجلابة، ولا الزنوج اذا اصلهم ما واحد، اللي هو الزول السوداني بتاع نوح داك، جو من وين ياجني؟ ما يا الجلابي ما ليهو اصل، او يا الزنجي الجنا حرام، مقطوع من شدرة! جاوب. ولا حتقوم سداري، هنا كمان؟

كالعادة تفهم غلط او تفترض عشان تنزل سياسة بسمارك الداخلية حقتك دى!
سوركتى بشرح تاريخيا من زمن الناس عرايا!

البقوم سدارى منو!
انت لمن الواحد يرد عليك مرة واحد خلاص ونص اند فوراوول!
انا اخلى شغلى واقعد ابارى حجوة أم ضبيبينة حقتك الدى!
هو قال بصفة عامة وقال الله اعلم يعنى بصفة تاريخية لمن كانوا فى عرايا يا العريان من الفهم!
انت ما قلت يوم الاحد حتجى الجابك السبت شنو ما بتعرف الايام كمان!
جنى
جنى

رحاب خالد

يابتى

جلابه البتسمعيها دغوشوميه مـره هـنا

دى بعيد عنك وربنا يحفظنا مرض نفسى

مرض فتاك ذى انفلونزا الطيور وجنون الغنم

صباح

علي رايك والله

بشاشا صباح الخير

السمؤال مساء النور

الجلابة يا رحاب هم أهل السودان جميعا ما عدا
أبناء الغرب والجنوب... وأدروب أبوبكر.

ايوووه، جغرافيا يعني القصه

يطلق الجنوبيون على الشمالي كلمة (مندكورو).

اما بالنسبة لكلمة جلابي فهي مستخدمة في الغرب بصورة واسعة.
وكما يقال – والله اعلم - جاءت من جلب البضائع ، وكانت مهنة الشماليين
بالتحديد. والمقصود بالشماليين هم المنحدرون من اصول شمال ووسط السودان.
يعني الهدندوة او البجا لا يطلق عليهم جلابة.
ذوي الاصول الافريقية القادمون من الشمال او الوسط لا يطلق عليهم جلابة
وان مارسوا نفس المهنة. اذن الصفة تطلق على عرقيات معينة.

كلمة جلابي هي عكس كلمة غرابي او غرباوي. فابن الشمالية الذي ولد جده في الغرب
وترعرعت كل العائلة هنالك يظل جلابيا حتى وان لم يجلب شيئا،
وبالمثل ابناء الغرب الذي عاشوا من قبل المهدية في وسط وشمال
البلاد فهم غرابة وان اختلطت دماؤهم.

مؤخرا دخلت العبارة القاموس السياسي واصبحت تستخدم حيال الانظمة
الحاكمة (حكومة جلابة / حركات جلابة ....) لان السلطة الحقيقية منذ
الاستقلال ظلت بايدي ابناء الشمال والوسط واي محاولة لتغيير ذلك يعتبر مؤامرة عنصرية.

وفي هذا البورد يستخدمها البعض للاستدلال على الاستعلاء وغمط الآخرين حقوقهم.
وبعضهم يستخدمها اسفافا واستخفافا وقلة حيلة.

سلامات

يا رحاب يا أختى، الغريبة أنا كنت دايرة أسال نفس السؤال دة !! و لكن بصيغة الإستنكار

يعنى كان جلابى و لا غرباوى و لا جنوبى ،، الناس "بتتنابز" بالجنس ليه ؟؟ هو رب العرش العظيم لمن خلق الناس ، قال ديل أحسن "عندى" من ديل ؟؟ و لا قلة أدب بس مننا "نحن البشر يعنى" ؟؟؟

ظلامى دى طبعا ممكن نعتبرها "نبزة" لأنها لذوى "العقول الغير مستنيرة"

لكن برضو "منو البيحدد "؟؟؟

يا زولة بس خليكى زى حلاتى ، أقرأى و إبتسمى و "طنشى"

نحن هنا فى هذا المنبر "بننفخ فى قربة مقدودة"

وفرى نفسك لما هو أفضل

نوسه

العقول الغير المستنيره دي يعني الغبيه؟

يعني ضلامي ده زول غبي، مش؟

الأخ زول واحــد
ســلام

أعتقد تفسيرك صحيح والله أعــلم.

تحياتي وفائق احترامي.

مشكور يا جعفر علي التاكيد

زول واحد او وحيد

والله افادك الله، انا عندي فايل خاته فيهو الكلام ده، و اكيد ده داخل فيه، لاني بالجد محتاجه افهم حاجات كتيره في المنتدي ده

الاخت الكريمة

كلمة جلابة تطلق على التجار الذين يقدمون الى مناطق ليست مناطقهم وسبب التسمية انهم كانوا يجلبون بضائعهم لى الدواب وكانت الكلمة تستعمل في السودان في اواسط القرن التاسع عشر ( جلبنا ليهم سمسم السمسم ما كفاهم جلبنا لهم سعية )
وجلب البضائع ليس حكرا على قبيلة بعينها ولن اكثر من عمل بالتجارة هم من الشماليين واغلبهم من الجعليين فارتبط بهم هذا الاسم
وقد عمل الجلابة على نشر تعاليم الدين في المناطق غير المسلمة باقامتهم للمساجد وللخلاوى ولانخراطهم الايجابي في التلك المجتمعات
واكتفي بهذا

مشكور يا دكتور محمد

لكن بالمعني حقك ده، الجلابه ديل ناس كويسين، مش؟ يعني بجيبوا بضائع دي ويفتحوا مساجد و خلاوي ما حاجه كعبه

الاخت الكريمة

كلمة جلابة تطلق على التجار الذين يقدمون الى مناطق ليست مناطقهم وسبب التسمية انهم كانوا يجلبون بضائعهم لى الدواب وكانت الكلمة تستعمل في السودان في اواسط القرن التاسع عشر ( جلبنا ليهم سمسم السمسم ما كفاهم جلبنا لهم سعية )
وجلب البضائع ليس حكرا على قبيلة بعينها ولن اكثر من عمل بالتجارة هم من الشماليين واغلبهم من الجعليين فارتبط بهم هذا الاسم
وقد عمل الجلابة على نشر تعاليم الدين في المناطق غير المسلمة باقامتهم للمساجد وللخلاوى ولانخراطهم الايجابي في التلك المجتمعات
واكتفي بهذا

يا جماعة لخبطتو ليها الدنيا

ببساطة كدة الجلابة ديل اهل بيشو ده، و شكلهم ناس وحشين اوى و ما بيخافوش ربنا



ملاحظة بيشو ده الاسم المختوت للصورة فى اللينك Bisho1

رحاب
سلامات يا فردة و مشتاقين كميات ..
الجلابي ده عديم الشغلة اللي بباري بيشو ده ..




بعد إذنك ..
يا ود الامين اهل بيشو ده ناس طيبين و كان سمعو كلامه ده كان قطعو طاريه من زماااااان..






تعالو شوفو بيشو فاكي البيرق كيف هنا
عطـاء .. مطابق للمواصفات

فيصل والله مشتاقين شديد خلاس

وينك ووين ايامك

مالك بقيت ما بتجي beitna.net

سلامات يا رحاب يا جلابية
ان شاء الله كدي عرفتي يعني شنو جلابي و جلابية
















عامل اتفاق مع زول هناكـ
لكن بجي اتاوق و أمشي .. بجيكم قريب شديد ..

نوبي الجلابي الكوز..

محمد الامين

هههههههههههها، يجازي محنك، ما لك داير تقوم علينا الكتاحه

انا طالبه علم هنا ياخ

اسي يجو يقولو لي لمي طبليتك

أزيك يا رحاب : أختها ليك على بلاطة كدة

الجلابة : هم من كانوا يجلبون العبيد لبيعهم في سوق الجمعة وترحيلهم بي بنطون توتي إلى الغرب.
مش كده يا ياسر عرمان...

كبسيبه، بلاطه طوااالي، ما عندك اي مشكله

لا لا، كدي قول لي تعريفك ده اصله من وين، عشان شنو، عشان الاختساس ما يتلخبت علينا

رهاب سلامات
الجلابة أول ما ظهروا بعد إتفاقية البقط التي كان من أهم بنودها جلب العبيد سنويا لمصر
وطبعا الناس هنا بدأت تشوف ليها مخرج عشان ما يسوقوهم كعبيد فقاموا إدعوا العروبة وإشتغلوا بأسواق النحاسة لجلب العبيد والتعاون في هذه التجارة من بعد الخدوية المصرية حتي صدقوا نفسهم أنهم أشراف في مقام أعلي من سود الجنوب والغرب وتحولت بمرور الزمن إلي ثقافة دولة بحالها ما زال المواطن المهمش يدفع ثمنا باهظا بسبب إنتمائه الجهوي الذي يد له فيه!

ازيك يا ادروب

الكلام ده جد؟ يعني عنده جذور تاريخيه؟ حكايه اتفاقيه البقط و علاقتها بالكلمه

ابدا الكلام ده ما صاح
وبالمناسبة كتير من كتب التاريخ او قصص المؤرخين بتعتمد على الانطباع الشخصي ولا يخفى الغرض فيها
ثم ما كان يحدث من مآسي الرقيق ليست فقط في السودان ولكنها كانت اعصار غشي كل العالم ، وقد تجاوزته الشعوب بعقولها المستنيرة ودخلت في تعايش مع بعضها البعض واتجهت للانتاج ولبناء الدولة . وهاهي السنغال اكبر مورد للرقيق في التاريخ اصبحت الان من الدول الجاذبة للهجرة اليها وللاستثمارت وقريبا ستكون في مصاف الدول المتقدمة . ولن اتح\ث عن جنوب افريقيا معقل التمييز العرقي في افريقيا ، يكفي انها دولة متقدمة الان

Quote: يا ود الامين اهل بيشو ده ناس طيبين و كان سمعو كلامه ده كان قطعو طاريه من زماااااان

و يا نوبى صادق، لكن نعمل شنو اذا وليدهم ده نازل فيهم شتيمة ، يعنى اهلو

و هو بيعرف مداخلهم و كده، يعنى حنعرف اهلو اكتر منو !!! لكن برضو الله غالب

محمد الامين اخوي

خلاس؟ قمتو؟

كبسيبه، م قلتا ليك مبروك بمناسبه الزواج و كده

سلامات يا رحاب

Quote: العقول الغير المستنيره دي يعني الغبيه؟

حسب تعريفنا "للغباء" !!!!!!!!!!!

أو تعريف "مطلق المصطلح"، موش؟؟؟؟؟؟؟؟؟؟؟؟؟؟؟؟؟

اكيييييد يا نوسه

والله يا رحاب كلنا طلاب علم ،

اسه زى اخونا ادروب ادنا معلومة ربنا يجعلها فى ميزان حسناتو

بس حبيبت استفسر من الاخ ادروب حيث انه لا حياء فى الدين و العلم

اسه السودان ده كلو مافيهو سودانى فيهو عرق عربى جت كده !

و اذا وجد سودانى فيهو عرق عربى فهل ننفى عنه سودانيته ؟ مع وافر التقدير

سؤال وجيه برضك

و مالو، النرجي ادروب

شفتي أها الكتاحة بدت يا رحاب
شيلي علب الصلصة بتعتك دي وخشي جوة أحسن ليك

محمد الأمين تحياتي

Quote: اسه السودان ده كلو مافيهو سودانى فيهو عرق عربى جت كده !

العرق العربي الوحيد المعروف في السودان هم الرشايدة ودخلوا السودان كرحل بأعداد قليلة قبل مائة وخمسين سنة علي أكثر تقدير يعني ما طولوا في السودان وبمفهوم الآنثربولوجي لا يعتبروا سودانيين إلا بالجنسية لسبب بسيط لأنهم أولا لم يختلطوا بأجناس السودان ولم يتعايشوا معهم حتي المدن إلا قليلا وما زالوا محتفظين بلهجتهم وثقافتهم وعاداتهم التي أتوا بها يعني لم يؤثروا ولم يتأثروا
أما بقية الأجناس التي إختلطت وغالبتها من جانب الأم فهي سودانية زنجية من منظور حتي بيلوجي لأن ناتج إختلاط الأسود مع الأبيض يطلع زنجي هذا بجانب إندماجهم في المجتمع السوداني والعيش في وسطهم والتمتع بالجنسية السودانية بعد كل هذا ما الذي يجعلهم يتنكرون ويهربوا للجنس العربي؟! هل هي العقدة القديمة؟!

Quote: لعرق العربي الوحيد المعروف في السودان هم الرشايدة ودخلوا السودان كرحل بأعداد قليلة قبل مائة وخمسين سنة علي أكثر تقدير يعني ما طولوا في السودان وبمفهوم الآنثربولوجي لا يعتبروا سودانيين إلا بالجنسية لسبب بسيط لأنهم أولا لم يختلطوا بأجناس السودان ولم يتعايشوا معهم حتي المدن إلا قليلا وما زالوا محتفظين بلهجتهم وثقافتهم وعاداتهم التي أتوا بها يعني لم يؤثروا ولم يتأثروا

طيب ايش المشكلة وليه الغلبة يعن المشكلة محلولة اذا لم يقتنع العرب بانهم زنزج نقوم نقنع الزنوج بانهم عرب ويغا دار ما دخلك شر!
شفت كيف يا ود اب ذهانة الببورد!
لو عارف محلك اجى اعضيك فى نص رأسك!
جنى

ادروب الكلام ده جبتو من وين؟ عشان نعتمدو في المخ

الاخ ادروب تحية طيبة

يعنى اسه انا عندى صحبى والدتو سودانية حلفاوية و والدو يمنى من حمير

اسه ده نعتبرو سودانى ولا عربى و لا يمنى ولا شنو بالضبط ؟

ملاحظة : لهجتو السودانية ما بطاله

Quote: يعني ضلامي ده زول غبي، مش؟

ضلامي دي
الا تجي تشرحها ليك خالتك د.بيان ...
باقي لي متخصصة في المصطلح ده وتبعاته ومصنفاته ... في المكتبات العالمية ومكتبة الكونغرس .. والدول المجاورة وعندها عدد من المقالات المنشورة بخصوص الموضوع في المنبر الحر يعني البحث ممكن يوصلك برضو.

ولا انت امشي ليها .. براك.

جعفر بشير، شكلك عارف معناها

لا لا، انا ما بمشي لي زول، علي الاقل في الوقت الحالي، خالتو بيان دايره تشرح مرحب بيها، لكن ما بهابش ساكت

انا ناقصه، يا زول انا من رد في بوست مسالم ادوني ليك في راسي دا

اصبر لي لمن اسن قلمي ده

هو مادام مفرق كده، فرقت معاهو شنو عليك الله

الجلابه من سودانيه عجوزه(عشان ما نطلع من الموضوع الأساسى) كلمة يعود أصلها للجلب وهو جلب البضائع كما ذكر الأخوان فى هذا البوست وهى منسويه لأهلنا من أصل عربى (يعنى للتمييز بينهم وبين الأجناس من غير العرب)

يابشاشه ...لك التحيه كان أهلنا يضعون العديد من التحفظات والمحاذير فى التعامل مع اهل الغرب والجنوب ...وطبعاً التزاوج والمصاهرة ...الخ وكنا نحس فى دواخلنا بأن أهلنا عنصريين أو قل مجحفين فى حق هؤلاء وربما كان ذلك التمييز هو سبب مشاكلنا اليوم !!وقد لاحظت الاثر النفسى لهذا الأمر واضحاً عندما عملت فى اوائل الثمانينات فى الجنوب ...والسؤال حقاً أيهما كان نتاج الآخر أعنى العنصريه والتمرد....

اخوى جنى لك الود والتحية ...الشاهد أن السؤال جاء عفوياً من بت لندن السائله لكن أخوانا جهجهوها يعنى كان فتحت المعجم المحيط كان خلصت نفسها وبدل تسأل تنورنا بمعلومه ...بشاشه بدل يسهل عليها الموضوع وداها لسيدنا نوح وكان ما وقفته كان وصل بيها لسيدنا آدم وأمنا حواء ...له العتبى

يابت لندن ...منال سوركتى يمكن تكون من أهلنا بس كملى لى باقى أهلها جزء كبير من ألاسرة فى بحرى ...نحنا آخرنا محمد عيسى سوار الذهب وندور فى فلك أسماء ساتى وزيادة وسوركتى وقبلما تسألى عن معنى سوركتى أقول هى مكونه من جزئين سور وتعنى الحجاب وكتى وهو صانع الحجاب أو الفكى (الفقيه) الذى يعلم الطلبه القرآن فى الخلوة ويقوم بتجليد المصحف الصغير الذى يوضع بجانب المولود أو على رقبة الطفل الصغير حفظاً له ...

الاخ سوركتي

مشكور علي التركيز في الموضوع

حجاوي ظلم الشماليين للجنوبيين و غيرهم كتيره، والوالد كان شغال في الجنوب فتره من الزمان و معظم معاركه كانت مع التجار الشماليين و استغلالهم، ياخ ديل كان فيهم ناس بيتاجروا بالملح، يدوا الاسره الجنوبيه حفنه ملح قصاد دجاجه او بهيمه، في النهايه سموهو ابو قانون

لكن برضك في النهايه ليه الناس تستعمل كلمه عامه زي دي و تلصقها بابشع الاشياء و يجو الناس الزي رحاب ديل يقولو عليهم جلابييين، ولا جلابييات لانهم جايين من الشمال؟

الحركه دي بتذكرني بكلمه اسود و كيف الناس في الغرب بيستعملوها لوصف الاشياء الغير جميله، مع الفرق في كيفيه استعمال الكلمتين طبعا
the purpose of posting the question is to reclaim the word back to what it meant originally

مشكور لشرح كلمه سوركتي. اول مره اعرفها والله

والله ما متذكره باقي الاسم، بس بتذكر انها كانت مجتهده جدا و مسكينه و بتلبس نضارات

العزيزة ريهاب

Quote: ادروب الكلام ده جبتو من وين؟

أنا الرشايدة ديل كنت عايش في وسطهم وبعض منهم كان زملاء معانا في الدراسة وكثيرين منهم أعرفهم شخصيا يمتلكوا جنسيات خليجية ولكن ما بسيتفيدوا منها إلا لمان دايرين يسافروا للخليج لسباق الجمال
لمان زرت الكويت لقيت الجماعة زاتهم هناك وما معترفين بيهم ومعتبرينهم بدون!
عشان كده هم ما فارقة معاهم يحملوا ياتو جنسية لأنهم بدو رحل تجدينهم في السودان وإريتريا ومناطق أخري ولا يعترفوا بالحدود ولا يتبنوا ثقافة أخري ولذلك هم سودانيين بالجنسية (بسبب الموطن) ليس إلا!

ادروب

يخليك و مشكور علي طوله البال
والله ديل احسن ناس، ماخدين كلام الرسول عليه افضل الصلاه و السلام و مطبقينه، كان بالعنيه ولا ما بالعنيه

الغريبه النقاش في الاجناس و ما شابهه في بلاد الفرنجه مات و ماشي مندثر، عارف ليه؟ لانه عندهم الاهم من ده الشاغل وكتهم، زي تعمير بلدهم

Quote: يعنى اسه انا عندى صحبى والدتو سودانية حلفاوية و والدو يمنى من حمير اسه ده نعتبرو سودانى ولا عربى و لا يمنى ولا شنو بالضبط ؟ ملاحظة : لهجتو السودانية ما بطاله

إذا كان هو مولد سوداني وعايش في السودان يعتبر من ناحية الأصل سوداني ولكن إذا تعفف أو تعقد من الإنتماء للسودان وإختار يكون عربي يمني فلا يستحق الجنسية السودانية!
أما حكاية يكون سوداني وعربي من ناحية الإنتماء في وقت واحد ما جاية لأنو السودان أمة مميزة بثقافتهاوزنزجيتها مثلها مثل الألمان أنا مثلا أحوز الجنسية الألمانية (بسبب الموطن) لا يعني أنا ألماني بالإنتماء بل أظل سوداني ولمان يتحدث الألمان عن قوميتهم أتحدث معهم عن التعدد الثقافي
هذه الإشكالية التي طرحتها تحل في الغالب وفق إتفاقات دولية كما بين الجزائر وفرنسا بالنسبة لوضع المولدين الجزائريين في فرنسا أو بطريقة الإختيار الحر وذلك بالسماح للقاصرين بإمتلاك الجنسيتين وفي الفترة ما بين 16 سنة و23 سنة أن يختار إحداها إما السودان أو اليمن!

يعني القصه اختيار؟

ادروب

كلام واضح و مفهوم

لكن لو هو سوداني بالميلاد و امه و ابوهو سودانيين و لكن تربي و عاش بالخارج و ما يربطه بالسودان بقي دين، و لغه و اهل و بعض الهموم

برضك سوداني؟

سيد أدروب دربكة
حياك الله

Quote: ويهربوا للجنس العربي؟! هل هي العقدة القديمة؟!

زمان لكن كنا بنلعب في نادي الثوار كان عندنا لاعب اسمو التوم وبعدين يا ادروب الاعب دا كان ماعندو اي فنيات تذكر لكن كان أهم لاعب لمدرب الفريق لأنو كان بتاع دربكة وفي وجوده في وسط الميدان الفريق الخصم ما بقدر يتحكم في الكورة نهائي لأنو كان بخرمجها ليهم لي الطيش. (إنشاء الله تكون فهمت قصدي)؟؟
ولا اقول ليك فريق التدريب عندكم بقيادة المدربة الكبيرة تراجي زعيمة جميعة الصداقة إياها ومدرب اللياقة بشاشا وإنت بتجيب الكورة لي مدرب الحراس من بره لمن يكون قاعد يدرب في الحراس والكورة تتطير بعيد ومعاك محمد سليمان.

يا رحاب خليفة
جلابة دي حقت ناس الغرب بطلقوها علينا نحن ناس شمال الوطن ومعناها عنصري ونتن وأكتر زول بقولها عنا واحد اسمو محمد سليمان. يعني كلمة تدعو للعنصرية

أبوفتحية

الصادق

شكرا علي الرد

كلامك بشبه كلام كم نفر هنا

ياخ ما تشاكل ادروب، لانه بشرح لي اسي تقومو تلخبتوا البوست و ما نعرف نمشي وين

Quote: جلابة دي حقت ناس الغرب بطلقوها علينا

هاك الحنكشة ده..
حقت ناس الغرب برضو يا راجل!
إسترجل إسترجل يا دجال البعثية!

يا ادروب براحه علينا و العربي

بعدين ما تتشاكلوا عشان نفهم و الاختساسات ما تتلخبت

أدروب دربكة

غايتو دي بالغت فيها

Quote: هاك الحنكشة ده.. حقت ناس الغرب برضو يا راجل! إسترجل إسترجل يا دجال البعثية!

الله يهديك يا ادروب من الدربكة.

أبوفتحية

خلاس

الكتاحه جات

ادروب شكرا ليك على التوضيح

لكن اكذب عليك لو قلت ليك فهمت حاجة !!! على العموم صاحبى ده بـ جازو

و يا رحاب ان شاء الله يكون سؤالك لقيتى اجابتو !

والله يا محمد الامين في اجابات مفهومه و واحدات شكلهم مبنيات علي مفاهيم عجيبه ما عارفه الناس جابوها من وين، لكن اهو نقرا و نستفيد

الدكتورة رهاب
معليش كنا متابعين مشاكسات عادل مع أخونا بشاشا
علي العموم...

Quote: لكن لو هو سوداني بالميلاد و امه و ابوهو سودانيين و لكن تربي و عاش بالخارج و ما يربطه بالسودان بقي دين، و لغه و اهل و بعض الهموم

الموطن لا يساوي شئ في مقابل الإنتماء العرقي والثقافي (اللغة والدين) كمعيارين أساسيين في تحديد الهوية
وسؤلك هذا يشمل غالبية أبناء الجاليات بأوروبا الذي ولدوا ونشأوا فيها وثقافة الموطن بلا شك لها تأثيرها الذي لا يستهان به وأحياناالطفل يعيش في إغتراب وتجاذب بين ثقافتين ودور الوالدين هنا كبير جدا في الحفاظ علي الهوية
إنتمائك لبلدك هو مؤشر لأصالتك والنتيجة العكسية هو ضياع الهوية والبحث الدائم عن الإعتراف من قبل أصحاب الهوية المضيفة!

مشكووووور يا ادروب

والله ما قصرت

بالرغم من تباين الردود و اختلاف التاويل، الا انه في حاجه واحده انا مستغربه ليها و ما قدرت افهم علي اي اساس الناس بتستعمل لقب زي ده، عنده ارتباط بجنس معين و حته جغرافيه معينه، للاساءه لجنس او قبيله معينه

مش هي دي العنصريه البتكلموا عنها الناس؟

هل يحق للمضهد عنصريا انه يدافع عن نفسه بي انه يكون برضو عنصري؟

سؤالي ده ما عشان اوجه لوم او انتقاد لانسان معين هنا، كل الغرض منه انه افهم وجه نظر الناس و يمكن انه نختلف، لكن ياريت بي احترام و من غير شخصنه للمواضيع

جلابة

صيغة مبالغة من الفعل جلب وهناك كلمة جلبة تعني الازعاج

جلاب اي كثير الجلب

وهناك الامين جلاب لاعب الهلال السابق

اما الظلامي قتقال للشخص الشين

اي ما تقول حبوبتي ( هوي يا الضلمة دها)

اما كلمة جلابة وظلامي في المنبر

افتكر دي لغة مثقافاتية ودها شعر ما عنديهو ليهو رقبة

والله يا خليل انا لغه المثقفاتيه دي زااااااااااتها العندي عليها اعتراض
لانها برضها نوع من الاستعلاء علي الطبقه العامله، بتخصيص مفرداتهم يعني زي الدكاتره لمن يقوموا يدخلوا ليك كلمه كلمتين بالانجليزي و هم بتكلموا مع المريض في حين انه عارفين انه مافي زول فاهمهم، و لكن اهو، طريقه يحاولوا يميزوا بيها نفسهم

Quote: هل يحق للمضهد عنصريا انه يدافع عن نفسه بي انه يكون برضو عنصري؟

إنت صدقتي حكاية العنصرية المضادة!
هو مضهد ويكون عنصري كيف!
العنصرية هي شعور بالإستعلاء إحتقارا وإزدراء لمن يتخيل أنه الأضعف
ويلقي عليه إسقاطاته من كراهية وحقد وعنصرية من باب الهجوم خير وسيلة للدفاع!
لهذا لا يمكن تصور العنصرية من الضحية المضطهدة المجردة من سلاح القوة في مواجهة
الأقوي سخطها وتمردها لإعادة حقوقها وإسترداد كرامتها شئ طبيعي ودفاع مشروع!

السيد أدروب دربكة تلميذ تراجي وبشاشا
لك التحية بصدق

Quote: العنصرية هي شعور بالإستعلاء إحتقارا وإزدراء لمن يتخيل أنه الأضعف ويلقي عليه إسقاطاته من كراهية وحقد وعنصرية من باب الهجوم خير وسيلة للدفاع!

كلامك غلط يا دربكة - العنصرية هي إحساس داخلي يحمله الشخص الذي يعتقد أنه أقل من الآخر
زعيم أمة الاسلام الشهيد مالكولم إكس قال قوته الشهيرة Salvery is a state of mind وهي
أن الشخص ذو البشرة السوداء في أمريكا كان يعيش بالتبعية للشخص ذو البشرة البيضاء
وظل هذا الفهم في عقول السود في جميع أنحاء العالم.
عندما يلعب لاعب فريق برشلونة الكاميروني الأصل صامويل إتو مباراة مع فريقه في ملعب نادي
آخر وينعته مشجعي الفريق الآخر بكلمات نابية ليس لشيء وإلا لأن لون بشرته سوداء حيث أنهم
لاينظرون إلى هذا الرجل اللاعب الفذ الهداف من ناحية عطاءه في الملعب بل هم يعيبون عليه
فنه ولعبه ولسان حالهم يقول له لماذا تكون أنت يا عبد يا أسود لعاب كدا وفنان كدا ولماذا
أنت يا عبد يا اسود تحرز فينا أهداف.
العنصرية ليست وليدة السودان ولم يقم من تصفهم أنت وأزلام العنصرية بشاشا وتراجي ودسليمان
بل إن العرب الأصليين سيدنا محمد صلى الله عليه وسلم حارب العنصرية ووضع لها نهاية أبدية في
زمنه وذلك بتفويض إلهي من رب العالمين في مايعنيه قوله سبحتانه وتعالى إن التقوى بين العربي
والعجمي هي التقوى فقط.

أبوفتحية

الغالي ابو فتحيه

مشكور علي المشاركه، لكن ما بتفق معاك انه العنصريه احساس داخلي بس، اكيد العنصريه جايه من مصدر خارجي و اكيد الاحساس الداخلي بلعب فيها دور كبير، لكن مشكلتي اسي انا مع الناس البحاولوا يقاوموا العنصريه بي انه يكونو عنصريين، معقوله ده يكون الحل؟

ادروب اللذيذ

العنصريه هي العنصريه، مضاده، ما مضاده، واقفه في مكانها، راكبه عربيه ولا موطر

يعني لمن زول يتكلم عن جنس معين و بصوره تميزه باوصاف كعبه، لانه لونه او شكله او المكان الجغرافي الجاي منه مختلف من الواصف، برضك عنصريه

power + prejudice = racism

يعني انت اسي بتفتكر انه ما ممكن زول مضهد يكون عنصري؟

رايك شنو في اهلنا السود الفي امريكا ديل لمن ينادوا بعض يا زنوج او Nigers

انا مشيت ليك بعيد عشان الامور ما تتشخصن و لمن نتفق علي ثوابت ممكن نتكلم عن السودان

العزيزة رحاب خليفة
لك التحية

Quote: مشكور علي المشاركه، لكن ما بتفق معاك انه العنصريه احساس داخلي بس،

العنصرية لها أسبابها الخارجية التي تؤثر على الشخص (المهمش) (المضطهد)
حيث أن الشخص الذي يمتلك القوة + الثروة = عنصري
ولكن هناك اناس غير عنصريين ويمتلكون القوة والثروة
العوامل المذكورة تجعل الشخص المضطهد تحت تأثير الاحساس بالدونية
وبعد ما يتملكه هذا الاحساس يتعامل معه وكأنه حقيقة دامغة في حياته
لذا اخذت العنصرية في امريكا وجنوب افريقيا وقت طويل حتى تصدى لها
أناس تخلصوا من تأثير ما فعله البيض بهم وتمكن منهم الاحساس بالمساواة
مع الشخص المقابل له ومن هنا انفجرت ثورة الغضب.

أما في السودان وما يحاول السيد ادروب دربكة وأشباهه أننا في السودان
نتعامل بنفس الطريقة ولذا اطلقوا علينا كلمة جلابة أو كلمة مندكورو
ولكننا لم ولن نشعر بأننا افضل منهم او هم اقل منا لأننا في خاتمة المطاف
بشر "مخلوقين" وليس لنا الخيرة في أمرنا.

أبوفتحية

ابو فتحيه الغالي

لا لا المعادله دي ما كده

مافيها ثروه، لكن ما عارفه برجدس دي بترجموها كيف

الأخت رحاب حبابك عشرة وشكراً على هذا البوست الذي نكأ جرحاً غائراً لدى بعض المتعصبين في هذا المنبر.

كلمة جلابة هي كلمة عربية فصيحة وردت في صيغة مبالغة على وزن فعال بتشديد العين وليس لها أي علاقة بتجارة العبيد كما ذكر أحد الإخوة مازحاً في إعتقادي. أول من أطلق كلمة جلابة على التجار من أبناء الوسط والشمال هم البقارة وقصد بها جلب البضائع ففي ذاك الوقت كانت هناك مهنتان في غرب السودان هما الرعي والزراعة. التجارة كانت مهنة تتطلب قدراً من المعرفة واللباقة والأمانة وكلمة جلابة إرتبطت إرتباطاً وثيقاً بالتجارة ولا علاقة لها بمفهوم العروبة من قريب أو بعيد. لكن حينما بدأ التمزق الإجتماعي نتيجة لظهور بعض الأفكار العنصرية والحركات الجهوية استخدمت هذه الكلمة البليغة إستخداماً خاطئاً شوه المعنى الحقيقي الذي قصده بحسن نية أهلكم البقارة.

كلمة جلابة أيضاً لا علاقة لها بالجنوب ولا بالجلابية (مكوية أو غير مكوية) فالبقارة لم يلبسو الجلابية إلا حديثاً وكانوا يطلقون كلمة (خلق) بفتح الخاء واللام والقاف على الثوب. يعني الواحد يقول ليك (أنطيني خلقي) بمعنى أعطيني ثوبي. وأقول للأخ أدروب كان هناك تاجر من أبناء الشرق من أسرة (العكيراب) يطلق الناس عليه صفة جلابي فأبناء الشرق أيضاً معنيين بالأمر.

والله أعلم

الاخ محمد هارون

ده الانا اكتشفته، انه الكلمه معناها محايد و ما كان عنده اي ملحقات و معاني ما كويسه، لكن استعمال اللفظ اتغير بعد ما المثقفاتيه قلبنوهو و المستغربه ليه انه هم بفتكروا انه من حقهم يستعملوهو بالطريقه دي

الجلابي العنصري أبو فتيحة

Quote: power + prejudice = racism

Quote: حيث أن الشخص الذي يمتلك القوة + الثروة = عنصري ولكن هناك اناس غير عنصريين ويمتلكون القوة والثروة

معادلته العنصرية ما القوة+الثروة بل زي ما هي قالت ليك: power + prejudice = racism
prejudice هنا تعني كراهية منمطة وأحكام مسبقة كإستيريو تايب

Quote: لكن مشكلتي اسي انا مع الناس البحاولوا يقاوموا العنصريه بي انه يكونو عنصريين، معقوله ده يكون الحل؟

رهاب العنصرية أصلا شعور إستعلائي عدواني أبدا ما شعور دوني دفاعي كيف؟
الغني الذي كون ثروة من مال البسطاء والظالم الذي إضطهد الأبرياء وإستغلهم ينتابه دائما إحساس مزدوج الإحتقار والخوف لأنه ينسي ويحسب أنه هذا قدره الفطري وحق أصيل
وللجم البعبع الخوف يلجأ لصناعة ثقافة الإستعلاء التي تقوم علي prejudice حتي يحس المضطهد بالدونية ويقتنع بوضعه ولا يرفع حاجبيه علي عين سيده ويتم تنويمه بالمخدر الثقافي حتي لا يدرك سبب شقائه ويستسلم لقدره المشئوم الناتج من خلقته ولونه وحقده وعنصريته وهذه العملية التخديرية تسمي Oppresed mind

ففي رأيك يا رهاب إذا فاق هذا المضطهد من غيبوبته وإكتشف فظاعة الظلم الذي كان فيه وإحتج علي وضعه وثار في وجه مضطهديه نسمي تصرفه هذا عنصرية؟!
كيف يكون عنصري وهو يدافع لإسترداد حقوقه وكرامته!
الكلام يقول فيهو أبو فتيحة ده زي حكاية "رماه في الماء مكتفا وقال له إياك أن تبتل!" أو زي زول ترمي في البير وتقول لي ليهو إنت السبب وإذا صرخ في وجهك وكرهك بسبب ذلك تقولي عنصري!!

..
.
غايتو نتابع لمن يترجموها
لانو بشاشا قاعد يقول على متجولب
دى زى نص جلابي

________________

كنت فاكر جلابي دا تاجر جلاليب
اتاريها طلعت شتيمه

تبلدينا، شكلك لاحق اخيتك رحاب دي

اقيف في الصف يمكن تفهم انا غايتو بحاول

العزيز رحاب
تحية طيبة
خلينا نصوغ تعريف من أرض الواقع مصطحباً خلفيتي الرعوية ،بعد الخريف عادة ما يقوم أهلي بفرز بهائم الى قسمين بهائم "جَلب" وبهائم "سعية" القسم الأول غالباً ما يكون الذكور "جِمال" والثاني الأناث نوق "نِياق".وايضاً يقال ان فلان هذه السنة "جَالب" الى الريف "مصر" ،ولذلك بعض أهلنا يحملوا أسم "جَلاب"،بعيداً عن تعريفات ناس سلاطين باشا"منطقتنا لا يوجد بها أثر لتجارة الرقيق تاريخياً" وغيرهم إذن وجود هذه المفردة منذ أمد ليس بالقصير وبهذا المعني اللغوي الواضح والذي لا يحمل أي التباس سوى الإتيان بالشيئ اي "جلبه"،بعد وصول اهلنا من وسط وشمال السودان كتجار اُطلق عليهم "جلابة" وايضاً "بحارة" نسبة الى مجيئهم من قبل البحر لأن أهلنا لايميزون بين النيل والبحر عندهم الأمر سيان،وبما أن المنطقة تسود فيها الأعراف والأنتماء القبلي والتجار آتوا من قبائل متعددة ويجمعهم نشاط اقتصادي واحد اطلق عليهم لقب "جلابة" وهو بمثابة القبيلة وتأكيداً على ذلك هناك احياء في بعض المدن تحمل نفس الأسم "حي الجلابة - مدينة مليط" قياساً على الأحياء التي تحمل اسماء بعض القبائل "حي الزيادية - مدينة الفاشر"، وايضاًاذا تطابق في الشلة اسمين نميز بينهما بفلان الجلابي كانتماء قبلي ،على العموم كلمة جلابة في منشأها لا تحمل أي معني قبيح او عنصري او تحقيري الأ داخل هذا الفضاء الأسفيري تم تحويرها واقحامهاحتى تتناسب مع الطرح الفكري لبعض الكيانات السياسية(التعريف دا حسب واقعي المعاش).

Quote: جلابة دي حقت ناس الغرب بطلقوها علينا نحن ناس شمال الوطن ومعناها عنصري ونتن وأكتر زول بقولها عنا واحد اسمو محمد سليمان. يعني كلمة تدعو للعنصرية

العزيز ابو فتيحة
الكلام دا جبتوا من وين؟ ،ياخي حديثك دا عاري من الصحة تماماً اذا هناك جماعة ذات ايدلوجيا محددة تستخدم هذه المفردة بذات المعني ،هذا لا يعطيك الحق أن تضع ناس الغرب جميعهم في ذات السلة واستخدامها في ارض الواقع ليس له علاقة بالعنصرية بتاتاً والمخاطب بها يتقبلها بكل اريحية واسأل مجرب ولاتسأل طبيب.

الأخ أدروب دربكة

Quote: الغني الذي كون ثروة من مال البسطاء والظالم الذي إضطهد الأبرياء وإستغلهم ينتابه دائما إحساس مزدوج الإحتقار والخوف لأنه ينسي ويحسب أنه هذا قدره الفطري وحق أصيل

كلامك الفوق دا وعلى حسب ما اعتقد انا غير صحيح كتعريف للعنصرية التي نتحدث وحتى أسأل أستاذك المستوهم والمستعلي بشاشا والعدواني محمد سليمان ورئيسة الجمعية إياها تراجي.

العنصرية وكما نعرفها قامت على أساس اللون أولاً ولأن اللون الأبيض امتلك الأرض ومافيها بإمكانياته هذا أدى إلى تحكمه فينا وأي لون آخر ما سوى اللون الأبيض (الأوروبي) يعتبر لون دون.
العنصرية واستعباد البشر كما تعلم يا دربكة أنه ظهر منذ زمن بعيد وأنا وأنت لا يد لنا فيه ولكنه ترك آثاره لنا لنتحملها.
المال والثروة كما قلت لهما دور ويعتبر رئيسي في انتشار العنصرية ولكنه ليس الأساسي ولكن أساس العنصرية هو اللون ولا شيء غيره كما ترى وتسمع في كل المناسبات وحكاية اللاعبين الأفارقة في أوروبا تملآ الدنيا والعنصرية التي يواجهونها.

أبوفتحية

ادروب اللذيذ

انا معاك، انه شعور استعلائي قبل كل شيء ، لكن البرجدس ما مبني علي استعلاء فقط، يعني انا ممكن اكون مستعليه عليك لانه انا عندي درجه علميه او اغني منك مثلا، لكن ده ما معناهو انو عندي برجدس عليك من ناحيه جنسك و عنصرك

ياخ الكلام ده بالعربي مشكله، لكن بحاول اوصل الحاجه القاصداها و لو في زول بعرف المعني المرادف طوالي بالعربي لكلمه برجدس دي ينفعنا عليكم الله

باختصار ياادروب، عشان القصه تبقي عنصريه، لازم يكون في حكم سابق مني علي جنسك او قبيلتك و ما بالضروره يكون حكم سيء، و لكنه حكم مبني علي غير اساس غير الستريو تايبس، في نظري انا لو جاني زول و قال لي الشوايقه ديل اذكياء خلاص، برضه في نظري عنصريه، لانه حكمت علي جنس باكلمه من خلال الستريو تايبس

الحاجه التانيه، انا ما قلت انه ثوره المضطهد عنصريه، كلامي كان واضح، اذا المضهد ثار بانه كان عنصري، يبقي هو برضه عنصري و مافي حاجه بتخلي حاجه زي العنصريه مقبوله
ما قلت انه المضطهدين هم السبب، و لكن بحاول اصل معاك او مع الناس البناقشو انه اساليب المقاومه لازم تكون انضف عشان الناس ما يكون عندها سبب انها تنضم لسبب نبيل، لكن لمن تقوم ليك حركه برضه مبنيه علي عنصريه و و كرد فعل بس، زي حركه تراجي و الصداقه مع اسرائيل دي عشان العرب ما معترفين بينا، يبقي انت ما قومت الغلط، و لكن ساعدت في استمراره بانك مددت اسلوب المقاومه ليشمل حاجه انت اصلك متضرر منها

ولا انا غطانه يا ادروب؟

بنتنا رحاب

سؤال ممتاز جدا

والكثيرين ذهبوا إلى معنى الكلمة عند العرب

لكن المقصود معناها عند غير العرب

لأن من أطلقها هم من جنسية تركية ( أو المستخدمين تحت التركية السابقة)

وللأسف تحمل المعنى الذي ذكره كبسيبة وبصورة ما أدروب

لأن البضاعة الأساسية في الزمن الهقال كانت هي العبيد

وهي تعني العمل الذي يقوم به النخاس بعرض العبيد في سوق الرقيق

بغض النظر عن أن يكون هو مالكهم أو من أتى بهم للسوق.. ولكن هو الذي يقوم بعرضهم على المشترين إن كان يملك مكان للتجارة فيهم أو لا يملك..غالباً الجلابي لا يملك البضاعة .. إنما هو سمساري مقابل عمولة يقوم بالعرض ويملك الجرأة للمفاصلة والمخاتلة والغرر والتغرير.. فهي إن أطلقت وصفاً على من لا يملك كانت موضع تحقير ..

لذلك فهي لغير التاجر ولغير المالك .. لأن المالك يظل هو السيد..

مازالت الكلمة تستخدم للشخص الذي يقوم بإدارة لواري البضاعة ويركب مع السائق لمتابعة عمل اللوري والمفاصلة مع أصحاب الشحن .. وإن قيل (( هو جلابي )) يقصد بها إنه ليس صاحب ملك وإنما يقوم بعمل فقط

في ليبيا هناك شخص في السوق يقوم ببيع الذهب المعروض للبيع ويتوسط بين أصحاب البضاعة وأصحاب محلات الذهب .. ويقولون له الجلاب.. كذلك يطلقون نفس الكلمة للشخص الذي يقوم أهل المخطوبة بإرساله لأهل العريس للمفاوضة عن التكاليف التي يقوم بدفعها العريس والإجراءات .. فهي تتم في مفاوضات عصيبة بغض النظر عن القربى أو كلهم من أسرة واحدة وأحيانا يطلقون عليه الجلاب وتنطق بصورة سريعة لا يلحظها إلا من يركز فيها وتظنهم يقولون الجوب..


فهي عندما أطلقت كانت حقيرة كذلك

أما معناها في العربية لا خلاف عليه وهناك أسماء بأسم جلابي

""وافلتنا وافلتنا الليلة ضونا مافي
وينو التام النفايل للنقائص نافي
وينو راكب التاتاي وجالب العنافي
أب سيفاً بقسم الزول محل ما يوافي""

جالب العنافي هنا من يحضر الإبل الأصيلة إلى دياره

الاخ الكريم، المسافر

افادك الله و مشكووووور علي ردك الواضح

الجلابية رحاب.

أنتي بتستهبلي ولا شنوا؟

دينق.

ايوه يا دينق

Quote: أنتي بتستهبلي ولا شنوا؟

شفتي الزكاء ده يا رحاب مش زي مخك الجلابي ده

نسوي شنو يا كبسيبه، المخ ده ما قسم و انا كنت غايبه يوم ادوهو للناس

Quote: لكن البرجدس ما مبني علي استعلاء فقط

الإستعلاء هو الشعور المركب من power + prejudice القوة مع الكراهية المنمطة أو الناتجة من أحكام مسبقة كتبرير لها في ثوب ثقافة المستعلي
أما أفعال المضطهد لا تخرج عن كونها ردود أفعال لأنه لا يملك شيئا لكي يستعلي به وصحيح قد ينتابه بسبب شدة القهر إحساس بالكراهية تجاه مستعبديه ولكن هذا أمر طبيعي ولا يعد بأي حال عنصرية مضادة لأنو لا يمكن أن نطلب من مضهد مقهور أن يحب مضطهده وكذلك ليس من حق الظالم أن يحدد للمظلوم الوسيلة أوالكيفية التي يجب أن يناضل بها لإستعادة حقوقه
وإنه من الظلم محاسبة رد الفعل قبل الفعل أو لوم الضحية والتغاضي عن عنف الظالم!

الحقوق في الأصل لا تمنح بل تنتزع وقد يتحول عنفا إذا إنسدت الطرق وصلت درجة Ultima ratio

adarob jayak gareeb in shaa allah

Thanks again for following

Its been fun so far

Quote: نسوي شنو يا كبسيبه، المخ ده ما قسم و انا كنت غايبه يوم ادوهو للناس

رحاب.

طبعا البتعملي فيهوا ده يعتبر قمة أستهبال الجلابة على واقع السودان. الواقع المرير الذي لا تعتقدين به أي شئ خطاء.
وكونك كجلابية تريدين أن تظهري لنا هنا بمظهر الشخص الذي لا يدري شئ, أو تريدين نفي الاستهبال الذي يتم بواسطة الجلابة في السودان.
لكن هيهات وهيهات, نحن لكم بالمرصاد وسوف نكشفكم ونكشف أرنبياتكم. لقد أنتهي زمن خداع الناس يا رحاب ألعبي غيرها.

دينق.

اي انت صاح يا دينق

نقشتني ياخ، خلاس، انت ما تتعب روحك معاي

بس عشان اكون راضيه عن نفسي في ردي، اوضح ليك، والله سؤالي كان نابع من حتتين

اولا، انا فعلا ما كنت عارفه معني كلمه جلابه، و البركه في الاخوه الشرحوا لي، زاد اهتمامي بالكلمه الكنت سامعاها كتير بعد ان نعتني بها احد اعضاء المنبر

تانيا، بعد ما وضح معناها العام لي، كنت حابه افهم ليه الناس بتستعملها بالاسلوب ده، و الكلام جاب ليهو نقاش و مشكور الاخ الدكتور ادروب بتناقش معاي بكل صبر ووضوح و كذلك باقي الاخوه، قد نختلف، و لكن يفضل الاحترام لاشخاصهم الكريمه البتفرض الاحترام بكيفيه نقاشها

اهااااااااااا، النجيك انتا عشان نفشك حبه، انت مادام جايي بالفهم ده، و رديت مره و الجلابيه رحاب دي عبرتك و ردت ليك، لسه بالي الابري بتاعك معاها ليه؟ ولا يا ربي ناس المنبر ديل محتاجين ليهم وصي يفهمهم زي حضرتك كده، عشان هم ما بنقشوا زيك الجلابيه الزكيه رحاب دي

اح، استغفرتك يا مالك روحي


المهم، ما علينا

الدكتورة المحترمة رهاب

Quote: يعني انا ممكن اكون مستعليه عليك لانه انا عندي درجه علميه او اغني منك مثلا، لكن ده ما معناهو انو عندي برجدس عليك من ناحيه جنسك و عنصرك

طبعا ليس كل إستعلاء هو racism قد يكون حالة فردية كالتكبر arrogance مثلا وأيضا ليست كل كراهية منبعها prejudice قد تكون مجرد إنطباع سلبي hate خاص بشخص معين
والعنصرية يا الدكتورة هي إزدراء منمط للآخر بسبب أي منقصة disadvantage حقيقية أو متوهمة أو ملفقة ما شرط تكون بسبب الجنس أو العنصر

Quote: باختصار ياادروب، عشان القصه تبقي عنصريه، لازم يكون في حكم سابق مني علي جنسك او قبيلتك و ما بالضروره يكون حكم سيء، و لكنه حكم مبني علي غير اساس غير الستريو تايبس

الحكم المسبق أو prejudice بالضرورة يكون سلبي (negative sterio types) أما التنميط الإيجابي (positive sterio types) لو كان للغير فهو فضيلة وإن كان للذات مدح لا بأس به إن لم يصل درجة التطاول علي الآخرين وكل شعوب العالم تقريبا ترفع من شأنها كذبا أو حقيقة

Quote: كلامي كان واضح، اذا المضهد ثار بانه كان عنصري، يبقي هو برضه عنصري

بصراحة الجملة ده ما فهمت يا ريتك لو توضحيها!

Quote: و لكن بحاول اصل معاك او مع الناس البناقشو انه اساليب المقاومه لازم تكون انضف عشان الناس ما يكون عندها سبب انها تنضم لسبب نبيل، لكن لمن تقوم ليك حركه برضه مبنيه علي عنصريه و و كرد فعل بس، زي حركه تراجي و الصداقه مع اسرائيل دي عشان العرب ما معترفين بينا، يبقي انت ما قومت الغلط

نعم أتفق معك مبدئا مفروض تكون في أخلاقيات في النضال يجب مراعاتها وربنا وضع شرطين لجهاد المظلوم: (1)"فمن إعتدي عليكم فإعتدوا عليه بمثل ما إعتدي عليكم" (2)"وإتقوا الله" حتي لا ينجرف إلي الهوي ويتحول المظلوم إلي ظالم هو الآخر
ولكـــن الشئ الظاهر قلما من يعمل بهذه الأخلاقيات ولهذا قالو "في الحب والحرب كل شئ مباح!" وعندما يكون الطاغية سادرا في غيه وعندما تنسد كل الطرق أمام المقهور فلا تستطيعي أن تمنعيه من البحث عن وسيلة أي كانت لإنقاذ حياته "والييدو في النار ما زي الييدو في الموية" وبدل أن تلوميهو كان الأولي أن تلومي الكان سبب في لجوءه لتلك الوسيلة
إنت ما سمعت المرحوم الملك فهد قال شنو في إستعانته بالأمريكان ضد العراق قال "مستعد يتحالف مع الشيطان عشان ينقذ بلده"!!!

وعملية التحالفات ما بالضرورة تكون مبدئية ممكن تكون لتقاطع المصالح أو تكتيكية فقط فالرسول (ص) تحالف مع يهود المدينة لتحييدهم في حربه ضد كفار قريش


معليش التعديل لكلمة arrogance وكان كتبتها خطأ باألمانية

ادروب جاياك

اتفق معاك في كميه من الحاجات القلتها، لكن بختلف معاك في كم جزئيه

انت الدكتوراه حقتك في شنو بالمناسبه؟ بس فضول، ما ضروري تجاوب علي

مره تانيه، شكرا علي طوله البال

الجلابي أبو فتيحة

Quote: العنصرية وكما نعرفها قامت على أساس اللون أولاً ولأن اللون الأبيض امتلك الأرض ومافيها بإمكانياته هذا أدى إلى تحكمه فينا وأي لون آخر ما سوى اللون الأبيض (الأوروبي) يعتبر لون دون.

العنصرية ما مقتصرة علي اللون والأوروبيين سادوا بالسيطرة علي القوة المادية وإستغلال جهل الشعوب الأخري (power) وصنعوا لنفسهم ثقافة الإستعلاء بسبب اللون حتي يتميزوا وتحس الشعوب الأخري بالدونية تجاههم (mentality) فعامل اللون هنا ليس سببا بل أثر!

Quote: اح، استغفرتك يا مالك روحي

الجلابية رحاب.

بطلي أستهبال ودجل معاك.
ألعبي غيرها دي.

دينق.

دينق، خلاس لاحظتك و شفتك

الله يسهل علينا و عليك، البعده

أزيك يا رحاب عجبتيني

يعني ناس جوبا البلبسو جلاليب جلابة

والله عليك حلاة دين مخ يا حاج الضو

سمعتي الغنية بتاعت يا قسيم الريد تعال لي والمنام فارق عيني

رحاب ( ريهاب كما يكتبها أدروب البليد)

Quote: سلامات يا رحاب يا جلابية ان شاء الله كدي عرفتي يعني شنو جلابي و جلابية

من النا ويهو ليك العنصرى محمد سليمان انشاالله تقطيعها بى عرق العافية!
وحتقطعى مليون زيها!
فأبشرى بطول سلامة يا جلابية!
جنى

الجلابى ..
يارحاب الدين..
اعتقد ..
انها كلمة مشتقة من الجلب..
والجلب فى حد ذاتو..
وبعد حنك بيش مطول مع عزيزة ست الشاى ..
لم ترضى عن كشف ماهيته..
لاعتباراتها ان فى ذلك خرق لقانون مهنتها ..
وهنالك احتمال اخر..

شمس الدين الشمووووسي

والله فرحت بي طلتك

وينك

و مشتاغووون

سلم لي علي عزيزه ست الشاي عليك الله

ايييييييييه، كانت ايام

ما فهمت السؤال يا كبسيبه

الاخ المحترم ادروب

معاك في انه ما كل حالي تعالي عنصريه
و معاك انه العنصريه ازدراء منمط للاخر، و لكن باختلف معاك انه ما بسبب اي منقصه، و في نظري و حسب حدود معرفتي المتواضعه جدا انه مرتبط بالعرق او الجنس او العنصر، و عشان كده اسمه عنصريه، اما اذا الازدراء ده نتيجه للجنس او الطبقه، عنده مسميات اخري، ده فهمي للعنصريه و التفرقه العنصريه

لا لا، ما بتفق معاك في انه التنميط لو كان ايجابي معناهو محمود، لانه ايجابيه الحاجه او سلبيتها بتعتمد علي نظره المتعاطي، يعني حاجه نسبيه زي الجمال، كل انواع التنميط المرتبطه بعنصر او جنس معين غير مقبوله و يستحسن انه الناس تبتعد عنها

اجيك للجمله المافهمتها،انت قلت فيما معناهوانه اذا المضهد ثار باي نوع من انواع الثوره، و تشمل انه الثائر يكون عنصري ايضا، ده مقبول و انا بختلف معاك و معاك للاخر في الايه الانت جبتها و لكن الايه عندها مدلولاتها، يعني ما اظن بتاخد بمعناها كده و ياريت لو في زول عالم تفسير يجي يشرح لينا، لكن بس بالعقل كده، ما اظن معناها انه لو في زول سرق مني امشي اسرق منه

يخيل لي يا استاذ ادروب انه اختلافنا في جزئيه صغيره، و برغم الاختلاف ده اكن لك كل الاحترام في طريقه حوارك

بامانه استمتعت جدا بالنقاش و ما دايره احصرك في بوستيني، اتفهم جدا لو حبيت تخلي النقاش يتواصل بصوره تانيه او عامه في البورد و اكيد حانتقابل

الدكتورة رحاب

Quote: و ما دايره احصرك في بوستيني، اتفهم جدا لو حبيت تخلي النقاش يتواصل بصوره تانيه

والله إنت شكلك حساسة وطيبة جدا..
أخوك ما عندو أي قشة مرة ممكن يخش أي بوست من طرف وما فارقة معاي يكون موضوع النقاش شنو...

Quote: بس بالعقل كده، ما اظن معناها انه لو في زول سرق مني امشي اسرق منه

لا طبعا يا رحاب عشان كدة وضعت ليك شرطين لإقتصاص المظلوم من الظالم
أولهما الدفاع الشرعي الذي لا يتجاوز مقدار العدوان "بمثل ما إعتدي عليكم"
وثانهما الإلتزام بالتقوي حتي ننجر للهوي وتجرفنا روح الإنتقام
"ومن قتل مظلوما فقد جعلنا لوليه سلطانا فلا يسرف في القتل"

أما إذا وضعت الحرب أوزارها فالوسيلة المناطة بها إسترداد الحقوق والقصاص
هي اللجوء للمحاكمة العادلة لا محكمة ثورية حتي لا يكون الخصم هو الحكم
أو حتي لا يتحول كما قلت المسروق منه إلي سارق!

إفتكر بعد كدة عرفت كلمة جلابة..
تعرفي طيب كلمة خواجة يعني شنو?

ادرووووووووووب، والله ما حساسيه، لكن بس ما حابه الزمك ادبيا بالرد

ابدا والله، ما عارفه كلمه خواجه دي يعني شنو، قولوا لي افادكم الله

Quote: يعني ناس جوبا البلبسو جلاليب جلابة

كبسيبه

حسب مفهومك للكلمه

اذا اخدت المعني الغرافي ليها، يبقي ما جلابيه

و اذا اخدت المعني التاني التابع للمثقفاتيه، يبقي بعتمد اذا ناس جوبا ديل بعملوا في نفس الحاجات الخلت الناس تتطلق الكلمه علي اخوانا في الشمال

مراجعه كويس، مش؟

الدكتورة رحاب خليفة
بالله نطلع بيك شويه من الموضوع الجميل ده

ونسألك عن واحد طبيب اسمه ابوبكر مندور المهدى يعمل فى لندن ومشتاق ليهو كتير وماعارف اخبارو مع مشاغل الحياة وضاع من مفكرتى تلفونه وعنوانه ممكن تعرفى لى عنه اى تلفون او عنوان وهاهو إى ميلى ولك الشكر مقدماً

[email protected]

الكريم سوركتي

والله ما سمعت بالاسم، لكن اخوي متواجد بلندن و بعرف كميه من الناس كبيره، سالته لكن قال ما بعرفه، معليش


بسال ليك السودانيين البلاقيهم هنا

Quote: لا لا، ما بتفق معاك في انه التنميط لو كان ايجابي معناهو محمود، لانه ايجابيه الحاجه او سلبيتها بتعتمد علي نظره المتعاطي، يعني حاجه نسبيه زي الجمال، كل انواع التنميط المرتبطه بعنصر او جنس معين غير مقبوله و يستحسن انه الناس تبتعد عنها

يا رحاااااااب
عليك الله تنميط يعني شنو
مرة كدا سمعتها في التلفزيون (في الدش) وكل ما اسال عنها ما بلاقي معني واضح
دحين اكبي فيني اجر واشرحيها لي

احمـــــــــــــــــــــــد

والله تنميط دي انا بقدر ادخلها في جمله، لكن مابقدر اقول معناها بالعربي، الا يجي زول تاني يقول لينا معناها بالعربي

يعني مثلا، يقولوا تنميط السودانيين في الافلام

بالانجليزي اظنها ال sterotyping

Quote: انتوا جلابه دي يعني شنو؟ عندي شعور انها كلمه ما حلوه، لانه في زول كان زعلان مني و قالها لي في البوردي ده والله ما بستهبل، لكن هي من شنو يعني؟ واصل الكلمه من جلابيه ولا شنو؟ حسنه قليله تمنع بلاوي كتيره، نورونا ذادكم الله من نوره

نحن جلابة ، من لبس الجلاليب ، لقب يطلقه اهل غرب السودان على اولاد البحر ، ثم تطور واصبح يوصف به التجار الشماليين في جنوب السودان ، وانتقل المصطلح الى غرب السودان ، والان اصبح مصطلح عام يطلق على اصحاب العربات التجارية ، فيقول الرجل للكمساري او المساعدي كلم لي الجلابي بتاعك ده ، وعند مناضلي الكي بورد اصبح يطلق على كل العرب الشماليين بدون فرز ، فهمتي حاجة ؟ ولا انا .

تسسلم يا علي محمد علي

بالمناسبه انتا اخو عبدالسلام؟

الدكتورة رحاب

Quote: ابدا والله، ما عارفه كلمه خواجه دي يعني شنو

هي مرادفة تماما لكلمة الجلابة
زي المهمشين عندنا ياخذو علي إستعباد الشماليين ويسمونهم "جلابة"
كمان الجلابة يعيروا الأوربيين لإستعمارهم ويطلقوا عليهم "خواجة"

كان عندنا في الثانوية أستاذ لغة إنجليزية اسكوتلاندي
مرة أدانا composition كتبته وجيته في المكتب إبتدرته hello khwaja
قام زعل جدا وقال لي: !don´t call me khwaja
أنا لغاية الوقت داك ما كنت عارف الكلمة عندها أي معاني تانية!

Quote: هي مرادفة تماما لكلمة الجلابة زي المهمشين عندنا ياخذو علي إستعباد الشماليين ويسمونهم "جلابة" كمان الجلابة يعيروا الأوربيين لإستعمارهم ويطلقوا عليهم "خواجة" كان عندنا في الثانوية أستاذ لغة إنجليزية اسكوتلاندي مرة أدانا composition كتبته وجيته في المكتب إبتدرته hello khwaja قام زعل جدا وقال لي: !don´t call me khwaja أنا لغاية الوقت داك ما كنت عارف الكلمة عندها أي معاني تانية!

لووول
يا رحاب اخدي بي كلام اي زول عدا ادروب دا لانه طايوق مافي
زول ما عارف اسم استاذو عشان يقول ليه قود مورننق مستر ماك قرقار

دومه، باااااااااااالغتا/ي

اسي بجو بطقعوك

ادروب الراقي

لكن والله لسه محيرني ليك معناها
غايتو كان في زول عارف اليجي يقول لينا