خمسة سنين وانا بحبك .....يا منقة انتي !!!

نحن في ضلك وفي رجا ضيك

ورجا ايامك الحلوة

ياما سهرنا ليالي

حاضنين فيك كي بوردنا

شان نوافيك في المواعيد

صبحا بدري يا عشاي دايما بجيك

صف اونلاينك زايد زايد

وبشم فيك هوا كل الشبابيك

ياما اتلاقينا

افكارنا تتصافح في سما سماحك

ياما طقينا حنكنا

وقرقرنا

وفي تراب حوشك

جرجرنا عكازنا رسمنا

وياما انتظرنا طلة الزول السمح من شبابيكك

يجر حرفين جنب نضمنا

ومرسال شوقنا شايلو مسنجرك

جرجر حكاوينا طرف النهار واخر الليل



وفيك لاقينا كنوز بلدنا نتصافح

ونبرم طواقينا ونخلف رجولنا حبا فيك

اي والله نبرم طواقينا حبا فيك

ونكتح فيك النضم الجميل موزون

ونهضم فيك افكار كل الملل

شان نسوي لينا هوية في الزمن الصعب

هوية نقابل بيها مشلضم الايام

وصرة بووز الزمن الكعب





بمناسبة مرور خمسة سنوات على تاسيس سودانيس اون لاين

خمسة سنين من العطاء



تاريخ التسجيل: 04-02-2002
مجموع المشاركات: 2803

تصدق ما عارفة عيد ميلاد الركن الاصفر جاء

اشكرك

نعم

اختي

سودانية اصيلة

مرت سريع

ماهي في عمر الزمن طويلة

لكنها عريضة

عريضة بالابداع

والتلاقي الجميل


كل سنة وانتي والجميع بخير

قرجة كيفنك
جينا نبارك ليك ونبارك لانفسنا كمان

اخوي

طارق

تخيل بوست زي حق الامتداد

كانك فرشت برش

قلت لاولاد الحلة المشتتين في كل المنافي

تعالو


وجوك من كل حدب وصوب


يا روعة اللقاء

ولنشكر الرجال

اخونا بكري

ربنا يخدر ضراعك ويمد في ايامك

ويحفك ليوسف واخوانه واخواته

garjah

كل سنة وانت والجميع بخير

وانت كمان طيب

يا

استاذ / حيدر


ومؤكد انك اضافة ثرة لهذا الحوش

أخوي قرجه
تحياتي ليك
صورتك ذكرتني ستديو أزاهر بسوق سعد قشرة أيام أن كان لسعد سوق وللقشرة سعد ، خمس سنين كبيرة بحسابات الزمن ، خمس سنين في تقديري المتواضع زادتنا فرقة وشتات وضحالة وكراهية لبعضنا البعض ، المنبر في الخمس سنوات الماضية لم يحل قضية ولن يفعل ، صحيح أن هناك الكثير من الطرح الجاد الجيد لكن كالعهد بنا نتحمس لأي فكرة أو طرح بالقدر الذي نصبح فيهو نحاس أو دلوكه عديل كده من شدة الحماس يعني نقيف لمبه وبسرعة صاروخية توس تيس ننفس زينا وزي أى ملح أندروس فوار.
المنبر عرفني بالكثير من الناس الجيدين ولي صداقات وعلاقات من خلاله أعتز بها أيما إعتزاز وتعلمت الكثير أيضاً وتأكدت لي الكثير من الأفكار والمعتقدات والآراء التي كان يساورني بشأنها شك أو تحوم حولها ظلال ، المنبر في النهاية يسمو بسمو أعضائه وينحدر بإنحدار أفكارهم ومعالجتهم للقضايا المطروحة وقبولهم بالآخر المختلف. إذا قلنا أن المنبر يختزل الوطن ففي ذلك حقيقة لا يمكن حجبها ، فالمشاكل والقضايا على مستوى الوطن تظهر بوضوح في الكثير من المقالات والموضوعات وكيفية تناولها ومعالجتها.
المنبر أكد أن الحرية والديمقراطية هي أجواء صحية ومطلوبة وربما نناضل من أجلها لكن ما أن نحصل على قسط أو جزء يسير منها إلا ونعلن إفلاسنا وكأن تنشئتنا وتربيتنا لعنة ما أنفكت تطاردنا فالعلاقة بين الولد وأبيه علاقة خوف أكثر منها علاقة إحترام والأنظمة التي حكمت طغت وأفسدت حد التعفن وكل نواحي الحياة من حولنا ملية بالقمع ، يعني ممكن صاحب الحافلة أو الركشة حتى ينزلك إذا إختلف معاك مجرد إختلاف من مبدأ دي عربيتي وأنا سيدها ، وهو ينسي أو يجهل أنها مرخصة للنقل وبالضرورة هي بطريقة غير مباشرة ليست ملكاً له ما بقيت رخصتها لنقل الركاب.
كل هذا أخي قرجه لا يلغي أنني تعلمت وما زلت أتعلم الكثير وأن الفوائد التي أجنيها هنا جديرة بأن أستمر في المنبر ، كان الأجدر بي أن أهئنك ونفسي وكل الأعضاء بكل هذه السنوات التي مضت منذ تأسيس المنبر وأن أقول لك وللجميع Happy Birthday متمنياً أن يكون القادم أحلى على مستوى المنتدي وعلى مستوى الوطن الكبير. ويا قرجه يا أخوي خمس سنين ولسه وكيل عريف زي عمنا ... ولا بلاش لأنني عرفت إنو الكثير من أعضاء المنتدي من أولاد الإشلاق وإنت تعرف ما يربطني بناس الإشلاق أو قل القشلاق واسطبلات السواري من مصالح مشتركة.

ملك التعقيب

الملا عمر


دايما مداخلتك اقيّم من اصل الخيط

ورغم بخلك الشديد في اطلاق مواضيع جديدة

الا ان مشاركاتك دايما في الصميم

ربنا يديك العافية

Quote: المنبر عرفني بالكثير من الناس الجيدين ولي صداقات وعلاقات من خلاله أعتز بها أيما إعتزاز وتعلمت الكثير أيضاً وتأكدت لي الكثير من الأفكار والمعتقدات والآراء التي كان يساورني بشأنها شك أو تحوم حولها ظلال ، المنبر في النهاية يسمو بسمو أعضائه وينحدر بإنحدار أفكارهم ومعالجتهم للقضايا المطروحة وقبولهم بالآخر المختلف. إذا قلنا أن المنبر يختزل الوطن ففي ذلك حقيقة لا يمكن حجبها ، فالمشاكل والقضايا على مستوى الوطن تظهر بوضوح في الكثير من المقالات والموضوعات وكيفية تناولها ومعالجتها. المنبر أكد أن الحرية والديمقراطية هي أجواء صحية ومطلوبة وربما نناضل من أجلها لكن ما أن نحصل على قسط أو جزء يسير منها إلا ونعلن إفلاسنا وكأن تنشئتنا وتربيتنا لعنة ما أنفكت تطاردنا فالعلاقة بين الولد وأبيه علاقة خوف أكثر منها علاقة إحترام والأنظمة التي حكمت طغت وأفسدت حد التعفن وكل نواحي الحياة من حولنا ملية بالقمع ، يعني ممكن صاحب الحافلة أو الركشة حتى ينزلك إذا إختلف معاك مجرد إختلاف من مبدأ دي عربيتي وأنا سيدها ، وهو ينسي أو يجهل أنها مرخصة للنقل وبالضرورة هي بطريقة غير مباشرة ليست ملكاً له ما بقيت رخصتها لنقل الركاب.

واظنك تكون لاحظت معاي انو الناس نفسها بقى اطول من زمان

والحنبكة ديك بقت نضم ونضم جميل

Quote: garjah كل سنة وانت والجميع بخير

عيد سعيد وعمر مديد

حباب

شهاب الفاتح ماليزيا

احكي عن طفرة تلك الدولة


مقوماتها وكيف انطلقت

ويكون ذلك في خيط منفصل


شكرا ليك يا فنان

وصرة بوز الزمن الكعب
خمسة سنين ولونك التكسي
وكل بوستاتك لي خور الزبالة بتمشي
وين الناس السمحين وين إنتو يا جكسي
عشان ناس قرجة للحنك السنين يكبو
والتهاني الحلوة تملاك وللحلاوة يدفقو
بس كيف الناس تعود لي بوستاتنا ويردو

كبسيبة

بمناسبة العرس وكده

كيف الكد مع خشمك الفاضي ده

والا بتبلع بلع


ههههه


تعال لينا يا الحبيب

وعيب نلاقيك في الفضاء الاسفيري والباب مقابل الباب