موقف وااااااضح انا افـــــــــــــــــــــريـــقي و اكره العـــــــــــرب

انا افريقي اكره العرب او عربي اكره الافارقة

هكذا يفكر الكثيرون بهذا المنبر وخارجه

شخصيا ضد فكرة حب او كره الناس في مجموعات و على اساسهم العرقي

في ســــودان الانقاذ استفحل التناصر و التجاذب القبلي والجهوي والعرقي لانها من ادوات حكم الانقاذ و اسباب استمراريته وهي كما يقولون من ثوابت الانقاذ

عندما حرمت على الناس الاحزاب في بواكير الانقاذ احتاج الناس الي ما يجمعهم لان الانسان كائن اجتماعي لا يستطيع العيش بغير انتماء فوجودا في القبلية ملاذا امنا بل تدعمها السلطة و تحث الناس عليها.

لعبت كارثة دارفور دور الوقود في التنافر العرقي المزعوم بالسودان لان السلطة الحاكمة استخدمت ادوات عرقية ثم اخرجت المشكلة في قالب عرقي بحت

بهذا المنبر تجد من ينتقد كل ما من شأنه عربي انطلاقا من موقف عرقي
و في الجانب الاخر تجد من يفعل الامر نفسه مع كل شئ غير عربي

هذه اللغة سوف تصيبنا في المقتل

يجب ان نتعرف بان بعضا من قبائل السودان من جزور عربية- فهم عرب - والاعتراف بعروبتهم لن يذيدهم قدرا او ينتقص من قدر الاخرين و- الاخرين لن يجنون شيئا من نفي عروبة عرب السودان- وكذا الامر مع الافريقيين

لكن المشكلة تنحصر في البعض من الذين يظلمون ويقتلون وينهبون ويشردون ويحكمون الناس عنوة باسم العرق الذي هو برئ منهم كل البراءة

اننا جميعا بقصد وبغير قصد ننتهج نهج الانقاذ في تدمير الوطن....... إنتبهوا


حامد

Quote: انا افريقي اكره العرب او عربي اكره الافارقة

بس تصحيح لمعلوماتك يا استاذ حامد ...العبارة دي عربي اكره الافارقة ما حصل وردت في اي صيغة ولا حصل قريت ما يشير ليها مجرد اشارة في المنبر دا
كل البنسمعوا وبجميع الصيغ والعبارات انهم افارقة يكرهون العرب
فبالله خليك دقيق شوية

عزيزي اساسي

السلام عليكم

هل تطلب منا ان ننفي كل ما لم يسمعه السيد/ اساسي؟

اظنني دقيق فيما ذهبت اليه- هذه الاشياء تحدث باسمترار( اسألك الدقة نفسها)


شكرا على المرور

بالامس ردد لي امريكي حكمة من الديانات
بان الله قد خلق الناس جميعا في صورته
اكره العنصرية والتفريق بين البشر بسبب العنصر آو الدين

Quote: اكره العنصرية والتفريق بين البشر بسبب العنصر آو الدين

عزيزي الموصلي

نحنا في حزبك فقط تقدم

أخي
حامد
المشكلة في اللذين يصورون انفسهم عرب وهما وهم بعيدين كل البعد عن الجنس العربي ثقافيا ولغويا،نحن مش ضد العروبة ولكن ضد الوهمة بالعروبة لدي البعض هنا في السودان خاصةاللذين يمجدون العروبة اكثر من العرب انفسهم!هل يعقل ان نقبل ادعاء بعض السود انهم أعرأب؟؟!!

Quote:

هل يعقل ان نقبل ادعاء بعض السود انهم أعرأب؟؟!!

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: هل نقبل ادعاء بعض السود بانهم اعراب؟؟؟؟؟

نعـــــــــــــــــــــــــــــــــــــــــــــــــــم

Quote: أخي حامد المشكلة في اللذين يصورون انفسهم عرب وهما وهم بعيدين كل البعد عن الجنس العربي ثقافيا ولغويا،نحن مش ضد العروبة ولكن ضد الوهمة بالعروبة لدي البعض هنا في السودان خاصةاللذين يمجدون العروبة اكثر من العرب انفسهم!هل يعقل ان نقبل ادعاء بعض السود انهم أعرأب؟؟

اخي جوك
شكرا على الحضور

عزيزي اليس من حق هؤلاء الناس الانتساب الي الجنس الذي يعتقدون انهم منه؟؟ ماذا يضيرنيا او ينفعنا من كون الحاج وراق عربيا بقدر ما ينفعنا فكره كانسان مناصر للحريات والقيم النبيلة

حامد برقو،

وبما انك دقيق، زي ما بتدعي، جيب الكود، او اسم الزول القال الكلام ده، او ناقشو هو، من دون تعميم كهذا، في بلد، ماتو فيها ملايين باسم الدفاع عن العرب، العروبة، والعمق العربي.

بعدين لوعندك ميول واحلام عروبة قولا عديل بدل اللف والدوران.

بعد ده كلو، لو في ناس، اهاليهم ذبحو او بالملاليين، فقط لانهم ماعرب، فطبيعي يكرهو الذنوجة البقدمو روحم للاخرين كعرب.

ماالغريب في هذا؟

بعدين ما وريتنا، اخبار محادثات مكة المكرمة ماشة كيف؟

فجاة، العرب بقو هم الضحايا في السودان، بقدرة قادر، عشان مايفردو ليهم بوست كامل!

ناس غريبة، بمعني الكلمة!

بالله مهما تلونتا، تظل كوز هامش!

Quote: بعدين ما وريتنا، اخبار محادثات مكة المكرمة ماشة كيف؟ بالله مهما تلونتا، تظل كوز هامش

الاخ بشاشا
السلام عليكم ورحمة الله

باقي الكلام ما بناقشك فيهو لكن قلت انا كوز؟؟ الله ياخد لي حقي منك

مع احترامي للاخوة الكيزان( الشعبي- الوطني- الاخوان المسلمين-حزب التحرير الاسلامي) الا انني اعتقد بان مأساة السودان هم الكيزان فكيف اكون منهم؟؟

مشكلتك مع المفاوضات ولا مع مكة حدد


اصبر شوية انت لسة ما عرفت الغرض من البوست ما تستعجل في اطلاق الاحكام

شكرا على المرور

Quote:

باقي الكلام ما بناقشك فيهو لكن قلت انا كوز؟؟ الله ياخد لي حقي منك

مع احترامي للاخوة الكيزان

********


دي تجي كيف يا حامد يا خوي ؟

عزيزي صلاح
سلامات

دي تجي كيف حامد يا اخوي؟

صلاح اخوي لا اري ثمة تضارب او تناقض في كلامي

احترم الكيزان في الاتي:
- ادميتهم
- احترم حقهم في اختيار نهج حياتهم السياسية
- اوقر منهجهم ( المكتوب) والذي مصدره القران الكريم




لكن ممارستهم للحكم وطريقة تعاملهم مع الناس والمال العام الذي رايته في السودان يجعلني ان انظر الي من يصنفني منهم بانه مرتكب لجرم يقود صاحبه الي المحكمة- وفي عدم المقدرة اطلب حقي من الله

احترمك



-

Quote: مشكلتك مع المفاوضات ولا مع مكة حدد

يادكتور،

يعني شنو الايحاء، ان لنا مشكلة مع مكة، اللي هي باللغة الكوشية، بكا، مركبة من BA او KA، وهذه رموز، ولهذا لامعني لي مفردة "مكة" الغير عربية، في اللغة العربية.

اما معناها في مرجعيتي الكوشية، فعايز مجلد بي حالو ولكن نكتفي بالتالي:

BA او AH في لغتي النوبية لهجة دنقلا تعني القلب.

KA تعني بيت او منزل.

علي كده فلو في واحد فينا عندو مشكلة مع "باكا" بي لغتي الكوشية، ففي الغالب انت، لانو مرجعيتك، هنا عربية بما فيهو النزوع للارهاب الفكري التكفيري.

اما بشاشا، فهذه بعض بضاعته اللتي لم يستردها من غزاته العرب، بعد، او علي كده قطع شك ماعندو مشكلة مع بعض ارثو الروحي.

نعم بالنسبة للمفاوضات، دعوتك لنقل المفاوضات هناك، اسوة باللبنانين بلحليل عندي فيها راي.

مرة اخري الكوزنة، عندنا ذهنيية او طريقة تفكير، ما عضوية في قصر غردون او المنشية.

مرة اخري، هل العرب او مواهيم العروبة، الان، فجاة بقو هم الضحايا في السودان، مما دفعك لفرد هذا الخيط؟

ثم هل هي مسؤولية العزيز البينو مثلا، الذبحو اهلو بالملايين، لو كره من ارتكبو الجريمة، باسم العرب؟

هل البكتلو بالملايين في السودان، باسم العروبة، بحبو الافارقة؟

ليه الكراهية لكل ماهو افريقي، ماكان من الاهمية بمكان خوفك علي العرب، مع انهم الجناة، والاول هم الضحايا؟

لانرميك بما ليس فيك، ولكنك تظل اسلاموي سياسي، لو كوز مشكلة معاك. خالص الود.

بشاشا اخوي ازيك
(اخوي دا حقيقي يعني ما كسر تلج مني)

عزيزي:
لم اقصد بسؤال مكة غير ان امزح معك - شخصيا ما احسست يوما بان فردا اقرب الي الله تعالى من فرد اخر مهما كانت درجة تدينه- لان الله وحده يعلم ما في صدور الناس. هو وحده جل شأنه خلق الناس اجمعين وخلق الاديان كلها

ان يؤيد قولي الاخ الطاهر البعثي كما تفضلت لا يعني انني على خطا او صواب


بعدين انت شكلك زول مشاكل و انا مسافر- انشاء الله لما اصل اقعد كويس و ارد ليك

جهز الخشب

الاخ حامد رؤية محترمة

Quote: هذه اللغة سوف تصيبنا في المقتل

لم تقل الا الحق
احترامى
ضياء الدين ميرغنى

Quote: عزيزي اليس من حق هؤلاء الناس الانتساب الي الجنس الذي يعتقدون انهم منه؟؟ ماذا يضيرنيا او ينفعنا من كون الحاج وراق عربيا بقدر ما ينفعنا فكره كانسان مناصر للحريات والقيم النبيلة

يادكتور،

ابدا ماغريبة بالمرة، ان لايضيرك بالمرة، فرض هوية غزاتنا علي امثال جوك، بالحديد بالنار.

هذا ماخلصنا اليه، وهاهو الدليل علي صحة استنتاجنا ياتي من قلمك.

ما لايضيرك موقف، وما يضيرنا نحن من هذه الهوية الاجنبية، ايضا موقف!

ده القلناهو، او ده الاثبتو انتا، او يكفي تايد البعثي الطاهر2 لموقفك كدليل اضافي.

في الاول، وقفو محارق التطهير للزرقة امثالك، اي غير العرب، شيلو العروبة برة كهوية لجمهورية السودان، اقيمو دولة المواطنة، بديلا عن دولة الجالية العربية بالسودان، بحيث يتساوي الجميع في الحقوق والواجبات، بما فيها حقوق الادمية، بعد داك كل انسان حر، يهضرب ما شاءت له الهضربة، انو عربي، نسبو شريف، نقي العرق، او ماشابه.

اما بخلاف كده، فكلا ثم كلا، لا ثم بليون لا، لاي عروبة، لبلاد السودان، والضاق عض الدبيب، بخاف من مجر الحبل علي قول المثل!

Quote: والضاق عض الدبيب، بخاف من مجر الحبل علي قول المثل!

انت دقة قديمه
المثل تغير الى
(( الضاق عكاز الراعى يظل طول عمرو ماهو واعى ))

برقو
الف تحيه واتفق معك فى طرحك

ومن منا اختار ابويه حتى يتباهى او يتظلم من جنسه ؟؟

الاخوين العزيزين

الطاهر و اوسلي
السلام عليكم ورحمة الله

شكرا على المرور والاضافة - لا احد منا اليد فيما هو عليه




حامد

المتداخلون جميعا

خذوا هذا الراي السيوسيولوجي:
نلاحظ ان المفهوم العنصري ذاتي و سلبي جوهريا،بما انه يؤكد تفوق العصب بلا سبب مقبول،و يؤدي الي تمييز مبني علي الاحتقار و الخرافة.
ماكس فيبر

يادكتور بالسلامة.

ما ادس عليك، انا كابس داير اطق من دعوتك لنقل المفاوضات للسعودية!

هذا خطر ماحق، اتعجب من غفلتك هذه!

درس ابوجا فات عليك كيف؟

ياخي حتي في نيجيريا، العرب تدخلو او تمكنو من تفجير الثورة في دارفور، من الداخل!

هذه الثورة هي ثورة ضد النفوذ الامبريالي العربي في السودان! انت لوما فاهم كده، هم محسبنها كده!

يوم متين شفتا امثال ليلي علوي بجو السودان، خليك من دارفور!

الي هذا التاريخ، السودان في وعي العربي، المصري، منفي، واهله كما القردة يعيشون علي اغصان الاشجار!

الكلام ده الاتقال لي شخصيا، في اسكندرية، ماقبل 200 سنة، وانما منتصف التمانينات!

للاسف احنا حتي اللحظة لانكاد نستوعب مايحدث، ونوايا غزاتنا، تجاه ما هو حادث، بي صورة صحيحة!

حسبي الله، حسبي الله!

تفجير المصريين لي ابوجا، امتد الان الي هذا الفضاء، زي ما شايف براك، كيف من اجل عيون الفلسطينين، حصين طروادة القومية العربية، فجرو قوي الثورة في المنبر من الداخل!

عزيزي بشاشا
السلام عليكم ورحمة الله

شكرا على اهتمامك بالموضوع

تقبل اعتزاري على التاخير لان الكومبيوتر الذي استخدمه لا يكتب العربي والسيرفار برضو لا يسمح بكتابة العربي من خدمة الموقع- شوفت المشاكل

اتمنا ايجاد وسيلة للكتابة

اي سطر كتبته يثير اهتمامي

تاني اقول ليك اصبر الغرض من البوست دا ليسة شوية

طبعا حاتقول لي لو ما جاهز بديتو مالك

الله يقبل حمدك يا اخي