Post: #1
Title: أغاني السواقة والسواقين
Author: Moawia Mohammed
Date: 03-09-2007, 07:16 AM
الفنان الراحل محمد حسنين - سائق البوباي
|
Post: #2
Title: Re: أغاني السواقة والسواقين
Author: Moawia Mohammed
Date: 03-09-2007, 07:21 AM
Parent: #1
أولاد شمبات - ياسائق الفيات
|
Post: #3
Title: Re: أغاني السواقة والسواقين
Author: Alsa7afa_30
Date: 03-09-2007, 07:24 AM
Parent: #1
ممكن أطلب أغنية "سـايقا صـلاح" ؟؟
|
Post: #5
Title: Re: أغاني السواقة والسواقين
Author: Moawia Mohammed
Date: 03-09-2007, 07:45 AM
Parent: #3
Quote: ممكن أطلب أغنية "سـايقا صـلاح" ؟؟
|
الصحافه 30
سلامات ياخي
دي والله ما عندي
لكن ممكن تطلبها من راكوبة ولا تخلي مزمل أبوالقاسم يغنيها ليك
مودتي
|
Post: #4
Title: Re: أغاني السواقة والسواقين
Author: Moawia Mohammed
Date: 03-09-2007, 07:41 AM
Parent: #1
محاوله لجمع كل الأغاني السودانية التي تتعلق بالسواقه ( القيادة ) وسائقي مركبات النقل وعلاقتها بوصول الحبيب من بعيد أو بذهابه ورحوله أو تكون أنت علي ظهر هذه المركبة وتناشد السائق أن يطوي بك الأرض ويضعك سريعا في أرض الحبيب أو تستعجله لكي تدرك قطارا أو طائرة أو حتي باخرة.
أعزائي أطمع كثيرا في مشاركتكم وزكرياتكم .
دمتم
|
Post: #6
Title: Re: أغاني السواقة والسواقين
Author: ahmed agooz
Date: 03-09-2007, 11:08 AM
Parent: #1
البنية ما بنية يا ست العربية
عربيتك الصالون خضراء ومليحة لون
بتسابق البالون والبجري في العتمور
غناها الفنان حسن عطية
ولي عودة يا تومي معاوية
في موضوع السواقة والسواقين
عميد الفن السوداني الحاج محمد احمد سرور كان سواق
يعني البوست حيلمو فيه ناس احمد الامين ويسوقوه ليك
من سايق الفيات مرورا بالوبوباي وانتهاء بالكامري
|
Post: #7
Title: Re: أغاني السواقة والسواقين
Author: SAMIR IBRAHIM
Date: 03-09-2007, 11:24 AM
Parent: #6
تسلم يا معاويه ....
وطلب خاص ... لو امكن ..
اغنية ..
يا ربي بتين اشوف الخرطوم ..
وفي الخرطوم قالوا في جنينة البلديه
وفي الخرطوم عالوا الفسحه بالعربيه ..
|
Post: #8
Title: Re: أغاني السواقة والسواقين
Author: الفاتح ميرغني
Date: 03-09-2007, 05:52 PM
Parent: #7
حبيبنا معاوية
أنا شايفك اليومين دي في غاية الطرب وبقيت من جماعة التنزيل:هاك دي كان ما نفعت رجعها لي:
دور بينا البلد ده وأحرق الجازولين يا البابور جاز.
|
Post: #9
Title: Re: أغاني السواقة والسواقين
Author: Saifeldin Gibreel
Date: 03-09-2007, 07:03 PM
Parent: #8
سلام معاوية.... انا قايتو بحب سواقة البوابير... من الاسكى لو حلى مثالآ.
|
Post: #17
Title: Re: أغاني السواقة والسواقين
Author: Moawia Mohammed
Date: 03-10-2007, 07:32 AM
Parent: #9
| Quote: انا قايتو بحب سواقة البوابير |
كلنا يا سيف يا أبوالزمل بنحب سواقة البوابير من 8 بستم وانت طالع
وقريبا حنديك من الأسكله وحلا يا فرده
|
Post: #16
Title: Re: أغاني السواقة والسواقين
Author: Moawia Mohammed
Date: 03-10-2007, 07:28 AM
Parent: #8
Quote: أنا شايفك اليومين دي في غاية الطرب وبقيت من جماعة التنزيل:هاك دي كان ما نفعت رجعها لي:
|
الحمد لله طوالي منطربين وربنا يديم علينا وعليكم الانبساطة
والله يا الفاتح
أنا عهدي راح ما أظنو أتي
وما فضل يا ناس غير أغنياتي
وفيها أكتب زكرياتي
| Quote: دور بينا البلد ده وأحرق الجازولين يا البابور جاز. |
دور بي حريقه دور بي
نافعه ونص
|
Post: #15
Title: Re: أغاني السواقة والسواقين
Author: Moawia Mohammed
Date: 03-10-2007, 07:07 AM
Parent: #7
Quote: يا ربي بتين اشوف الخرطوم ..
|
لا حولا يا سامر ياخي دي من زمن جوز الحمام كان تلاته
ليك علي أول ما الم فيها بجيبها ليك هواء
تسلم يا حبيب
|
Post: #14
Title: Re: أغاني السواقة والسواقين
Author: Moawia Mohammed
Date: 03-10-2007, 07:02 AM
Parent: #6
Quote: البنية ما بنية يا ست العربية
عربيتك الصالون خضراء ومليحة لون
|
والله يا أحمد عوض السماك عجوز أصلو ما كضب
بالجد عجوز معرفه وفهم
ياخي انت موسوعه الله يخليك لينا
هاك ست العربية بس بصوت القمم أبوداؤود والكابلي
|
Post: #10
Title: Re: أغاني السواقة والسواقين
Author: ALGARADABI
Date: 03-09-2007, 08:52 PM
Parent: #1
معاوية سلامات
ما عندك سايق الترتر وبي منديلو أشر
والترتر هو التراكتور
وسواقتة كانت لحين من الدهر من البرجزة في زمن كان الحمار سيد الموقف
|
Post: #18
Title: Re: أغاني السواقة والسواقين
Author: Moawia Mohammed
Date: 03-10-2007, 07:36 AM
Parent: #10
| Quote: ما عندك سايق الترتر وبي منديلو أشر |
والله أول مره أسمع بيها يا القردابي
اللهم زدنا علما
لكن بكوسها ليك
وتسلم
|
Post: #11
Title: Re: أغاني السواقة والسواقين
Author: Haytham Abdulaziz
Date: 03-10-2007, 05:04 AM
Parent: #1
حبيبو معاوية المرة دي طعمتُ البوست بمزاج... و فكرة حلوة يا حبة...
هاك غٌنية العربية دي بصـوت الفنـان أحمـد بورتسـودان... و كـل الطٌرق تتمشـي بسـواقـة العربية... بس أضغط على زر التشغيل اليدوي...
ودي.......
ود القـوز.....
|
Post: #13
Title: Re: أغاني السواقة والسواقين
Author: احمد الامين احمد
Date: 03-10-2007, 05:36 AM
Parent: #11
حسن عطيه فى كسرته بعيده شندى يحث سائق الاتومبيل على الاسراع" طير يا تومبيل وصلنى المطار" من اغنيات البنات خلال الحرب العالميه الثانيه وسفر الاحباب لجبهات القتال ضد هتلر..كذلك كما قال احمد عجوز اغنيه" ست العربيه" التى لها لحنان اولهمالشاعر الاغنيه نفسه الزراعى العليل بشير عبد الرحمن مؤلف اغنيه جبال التاكاوبنت النيل ويؤديه حسن عطيه اما لحنها الاخر فلعبدالمعين ويؤديه ثنائيا مع الفلاتيه فى اكثر من مناسبه..عبيد الطيب الذى اعاد استنساخ صوت سرور صدح ب " ياسايق يارايق النظره ماشى وراك وقف وقف وسوقنى معاك" كذلك يغنيها الاتبراوى وابو داؤد...ثنائى النغم زينب وخديجه تغنيان " سايق العظمه سافر خلانى" واحيانا يؤديها زيدان فى قعداته التى يصفو فيها ويتجلى كثيرا وينفح الاذن باغنيات لاخرين كحسن عطيه الشفيع وابراهيم عوض....زكى عبدالكريم غنى " سايق القطار قم بينا لبت الشمال ودينا "...ود المقرن غنى " سافر قطارو حبيبى ودع قام"...ود القرشى على حنجره الكنار الشفيع صدح كثيرا للقطار وحركته ...بلبل كردفان ناشد الكباشى السائق الشهير ان يوصله ود بنده فى اغنيته الليمونى وعبد القادر سالم " اللورى حل بى دلانى فى الودى" وموسى ابا غنى" بركب الكركابه بدلى فى امروابه " ..
كثير من الفنانين والشعراءعملوا سائقين مثل سرور الذى كان هو نفسه سائق الفيات مع العبادى وزين الشباب وامين الناس على الاطلاق وسيد عبدالعزيز عمل سائقا بالنقل الميكانيكى واغنيته الرائعه "مسوا نوركم وشوفوا من جبينا صباح..الصباح ان لاح شن فائده فى المصباح" من وحى سفريه تعطلت بها شاحنته فاعاقته من حضور تكمله زواج خدنه عبيد الرحمن ف"اشتكى للقمرى ولم يعيره جناح" والقصيده الاغنيه ملهمتها زوجه عبيد صديقه ..
ود ماحى عبدالله كان يعمل سائقا فى الثلاثينات بوزاره الصحه بين مكوار ومدنى السنى..
|
Post: #20
Title: Re: أغاني السواقة والسواقين
Author: Moawia Mohammed
Date: 03-10-2007, 07:53 AM
Parent: #13
أستاذ أحمد
ودائما كعادتك تضع النقاط علي الحروف وتوهط كل حاجه في محلها
| Quote: عبيد الطيب الذى اعاد استنساخ صوت سرور صدح ب " ياسايق يارايق النظره ماشى وراك وقف وقف وسوقنى معاك" |
منذ زمن بعيد وأنا معجب بهذه الأغنية لكن ليه ما عارف كنت بسمعها يا ساير بدلا عن يا سايق
| Quote: ثنائى النغم زينب وخديجه تغنيان " سايق العظمه سافر خلانى" واحيانا يؤديها زيدان فى قعداته |
وكذلك سجلتها للتلفزيون الفنانة حليمه الصومالية
| Quote: بركب الكركابه بدلى فى امروابه |
ما دوامه الله هوي الدنيا ما دوامه
شكرا يا أبوحميد وواصل ابداعك وثقف مسامعنا
|
Post: #19
Title: Re: أغاني السواقة والسواقين
Author: Moawia Mohammed
Date: 03-10-2007, 07:39 AM
Parent: #11
يا سلام عليك يا هيثم ود القوز
عليك الله كتر لينا من غناء العربات اللذيذ دا
ولو قدرت جيب لينا الموقف كلو هنا
تسلم يا ذوق
|
Post: #12
Title: Re: أغاني السواقة والسواقين
Author: ناذر محمد الخليفة
Date: 03-10-2007, 05:22 AM
Parent: #1
صدقني يا معاوية بي طريقتك دي يوم بتكتل ليك زول !!
صدقني إنت والله موثقاتي درجة اولي ..
يديك العافية ياخ ..
|
Post: #21
Title: Re: أغاني السواقة والسواقين
Author: Moawia Mohammed
Date: 03-10-2007, 08:00 AM
Parent: #12
تسلم يا فنان انت
شنكل ناذري:
أسمع ما تقول لي اعتزلت الغناء وبطيخ حا تغني لي في عرسي يعني حا تغني لي
ما تخاف ما بملحك بشرتت ليك من الأخدر ( خداري المن العين بداري )
|
Post: #22
Title: Re: أغاني السواقة والسواقين
Author: عبدالكريم الامين احمد
Date: 03-10-2007, 08:01 AM
Parent: #12
| Quote: صدقني يا معاوية بي طريقتك دي يوم بتكتل ليك زول !! |
فعلا يا ناذر والله يسترنا ساكت من شغل معاوية وعجوز ديل
ياخ الناس ديل وقعوا فينا(تاح تراح) غناء نضيف وحس عالي ومرهف
وعزالين غناء نضيف ورسموا معا علي ارض هذا المنبر اجمل اللوحات..
ورجعونا للزمن الجميل....
معاوية ياخ الله يديكم العافية ولعجوز كل الحب والتقدير...
(الكلام النضيف نضيف..والغناء الما خمج بعجب بدون شك)...وواصل يا زول ومعاك
|
Post: #23
Title: Re: أغاني السواقة والسواقين
Author: Moawia Mohammed
Date: 03-10-2007, 08:05 AM
Parent: #22
| Quote: (الكلام النضيف نضيف..والغناء الما خمج بعجب بدون شك)... |
يا عبد الكريم أخوي الناس الجواهم نضيف زيكم ديل
ما بيستاهلوا الا النضيف
تسلم أخوي
|
Post: #24
Title: Re: أغاني السواقة والسواقين
Author: الفاتح ميرغني
Date: 03-10-2007, 06:16 PM
Parent: #23
حبيبنا معاوية
سواقنا زينة وحالف ما يدلينا
يوهي يوهي ويا بلالي يوهي
شكي شكي فقر المال ببكي
دي اغنية كان البنات بغنوها في السيرة
|
Post: #34
Title: Re: أغاني السواقة والسواقين
Author: Moawia Mohammed
Date: 03-12-2007, 10:50 PM
Parent: #24
الفاتح ميرغني
وكنا برضو بنغنيها في بصات السيرة
لزوم ما دايرن ننزل وكدا
لكن دي هسه يلقوها وين
والله الا كان نغنيها برانا ونجيبها هنا
تسلم يا حبيب
|
Post: #25
Title: Re: أغاني السواقة والسواقين
Author: عبد الدائم سيد أحمد
Date: 03-10-2007, 10:07 PM
Parent: #1
القطر الشال معاوية يتكسر زاوية زاوية
يتكسر زاوية زاوية ويسلم لي معاوية
ووووب ياحبيبى كان مت ذنبى عليك
راجع ليك بكرة لحدى باص السيرة ما يتملى
ســخن الجلد وارجانى .
|
Post: #26
Title: Re: أغاني السواقة والسواقين
Author: هاشم أحمد خلف الله
Date: 03-10-2007, 10:46 PM
Parent: #25
معاوية يا رائع , طيب تعال في دار الصحافة وخلينا نفلفلك كويس
|
Post: #36
Title: Re: أغاني السواقة والسواقين
Author: Moawia Mohammed
Date: 03-12-2007, 10:55 PM
Parent: #26
هاشم شاعر الصحافهQuote:
تعال في دار الصحافة وخلينا نفلفلك كويس |
ياخي أنا كل يوم بهناك
انت بس تعال
|
Post: #35
Title: Re: أغاني السواقة والسواقين
Author: Moawia Mohammed
Date: 03-12-2007, 10:52 PM
Parent: #25
عبد الدائم
والقطر الشالك انت
يتكسر حته حته
الجلد محمس وراجيك
تسلم
|
Post: #27
Title: Re: أغاني السواقة والسواقين
Author: Gaafar Ismail
Date: 03-11-2007, 02:00 AM
Parent: #1
العزيز معاوية
ســلام
وكمان هاك دي :
وا ناري الما بقيت ســوّاق
أسيب الزلط وأمشي بالدقداق.
تحياتي وفائق احترامي.
|
Post: #28
Title: Re: أغاني السواقة والسواقين
Author: khaleel
Date: 03-11-2007, 03:06 AM
Parent: #27
كثيرة اغنيات السفر والرحيل
اهمها قطار الشوق ومن الاسكلا وحلا واغنية لصلاح كوستي تتحدث عن رحلة لكوستي
وهناك فنان في حلة برنكو يغني اغنية ( باص الامين قلبو شرطا اجيب خبرو)
والكاشف غني رحلة في طيارة ومحمود تاور غني ( الليلة قطار حلا وشال الرايقة ما خلا وبالسلامة
اتدلي وفارق كردفان الغراء)
واغنية يا قطار قاسي وبالعلي ما حاسي لجلال مسعود واغنيات البنات مشحونة بالسفر
|
Post: #38
Title: Re: أغاني السواقة والسواقين
Author: Moawia Mohammed
Date: 03-12-2007, 11:05 PM
Parent: #28
أبو الخل
| Quote: واغنية لصلاح كوستي تتحدث عن رحلة لكوستي |
يا ظبية البص السريع في هواك وخائف أضيع
مش ياها
| Quote: باص الامين قلبو شرطا اجيب خبرو |
باص الأمين قلبو وأنا مالي بي ان شاء الله ... شنو كدا ما عارف
يا خوي الجداد ديل ما بعرفهم كان عندك بالله جيبهم لينا هنا
تسلم يا خلو
|
Post: #37
Title: Re: أغاني السواقة والسواقين
Author: Moawia Mohammed
Date: 03-12-2007, 10:59 PM
Parent: #27
جعفر اسماعيل
Quote: وا ناري الما بقيت ســوّاق
أسيب الزلط وأمشي بالدقداق.
|
عشان الركاب الحلوين يتجرسوا
ويقتنعوا بقدراتك ولا شنو
تسلم يا حبيب
|
Post: #29
Title: Re: أغاني السواقة والسواقين
Author: ahmed agooz
Date: 03-11-2007, 03:26 AM
Parent: #1
الفنان صاحب الصوت الحنون الخير عثمان
صاحب الاغنية الجميلة خالص (حنتوب الجميلة)
كان سائق تاكسي بودمدني .
الشاعر حميدة ابو عشر(وداعا روضتي الغناء )
كان سائق لوري.
والسواقة فن وذوق
البوست ضم ناس يحلو معاهم السمر
وتحلو بصحبتهم السواقة
والواحد بسوق بمزاج لمن يكون الراكب جنبو
انسان جميل كان خلقة او اخلاق.
وآ ناري الما بقيت سواق اطلع العالي وانزل الدقداق.
|
Post: #39
Title: Re: أغاني السواقة والسواقين
Author: Moawia Mohammed
Date: 03-12-2007, 11:12 PM
Parent: #29
أحمد عوض
| Quote: وآ ناري الما بقيت سواق اطلع العالي وانزل الدقداق. |
انت زاتك كنت سواق
تتذكر لمن كنت سايق بص الحقيبة الكان شغال في خط الصحافه
ونحن كل يوم مشمعين فيهو ومابين نتدلي
كنت أحرف سواق في الخط داك وفعلا كنت بتطلع العالي وتنزل
أأخ أيام ربنا يعودها
|
Post: #30
Title: Re: أغاني السواقة والسواقين
Author: عبد الدائم سيد أحمد
Date: 03-11-2007, 06:56 PM
Parent: #1
الفنان ابو عبيدة حسن غنى
من اهلنا سافرنا ودرب الغربة بهدلنا
ويا سواقو ليهو شلتو من البيت لمدرستو
وهاك دى لزوم الربة
ويا سايق تعال ودينا للرايق وين
خدك برتكان هندى وقصبك ديدبان جندى وين
يا سايق
وبرضو
سايق دلالو عليا بنظرة بس ابا ليا
ولا انا غلطان يا معاوية
|
Post: #40
Title: Re: أغاني السواقة والسواقين
Author: Moawia Mohammed
Date: 03-12-2007, 11:19 PM
Parent: #30
عبد الدائم
Quote: الفنان ابو عبيدة حسن غنى
من اهلنا سافرنا ودرب الغربة بهدلنا
ويا سواقو ليهو شلتو من البيت لمدرستو |
ربنا يشفيهو ويأخد بيدو
Quote: وهاك دى لزوم الربة
ويا سايق تعال ودينا للرايق وين
خدك برتكان هندى وقصبك ديدبان جندى وين
يا سايق
|
تتذكر يا عبدالدائم الفنان جلال ود حلتكم لمن كان بغني
النظره ماشه وراك وقف وقف وسوقني معاك
Quote: وبرضو
سايق دلالو عليا بنظرة بس ابا ليا
ولا انا غلطان يا معاوية |
الغلط خاطيك يا زول
بس الدلال دا جاز ولا بنزين
|
Post: #31
Title: Re: أغاني السواقة والسواقين
Author: Alshafea Ibrahim
Date: 03-11-2007, 07:39 PM
Parent: #1
الأخ معاوية
السواقين الغناء والشعر ، نضيف ليهم المرحوم أحمد الطيب كان سائق بص بين طابت الحصاحيصا - (حليلو العيشتو في طابت )
تسلم أخوي
الشفيع
|
Post: #32
Title: Re: أغاني السواقة والسواقين
Author: Nasruddin Al Basheer
Date: 03-11-2007, 09:21 PM
Parent: #31
العزيز معاوية
والله مواضيعك دائماً متفردة ودمها خفيف ومكتوبة بكرتين..
وهاك المشاركة دي مني:
القطر الشال معاوية يتكسر زاوية زاوية
القطر الشالك إنت يتكسر حتة حتة
هي بداية لأغنية طويلة كتبتها عاتكة بنت الحارث التغلبية
في معاوية بن أبي سفيان عندما علمت بأنه مسافر إلى نجد..
وعاتكة هذه قيل بأنها امرأة دميمة وحاسدة وقريبة مهوى القرط
لذلك استخدمت لغة (عليّ وعلى أعدائي)..
ويدخل الطيارون ضمن نقابة السواقين والشاهد في ذلك
إنو في واحد شاكل أخوهو وكان شغال طيار وقال ليهو
(إنت متقرضم كده قايل نفسك شنو؟ ما سواق طيارة بس)..
طيري يا طيارة طيري..
امشي لابوي في بلد الغربة..
ومن الأغاني المشهورة أغنية قطار الشوق متين ترحل
وهي من الأغاني الجميلة والمحببة للناس..
وكان لقيت فرصة بجيك صادي إن شاء الله..
|
Post: #33
Title: Re: أغاني السواقة والسواقين
Author: عصام دهب
Date: 03-11-2007, 09:48 PM
Parent: #32
الأخ / معاوية
تحياتي و أشكرك على هذا الجهد القيِم ..
في بداية التسعينات و في أحد مكاتب القومسنجية بمدينة الأبيض ( الأبيض / النهود ) كنت أجلس مع صديقي و بعض السواقين و عرفني بواحد منهم هو الأشهر في الغرب و هو العم كباشي المذكور في الأغنية الشهيرة ( كباشي كان برضى وصلني و د بندة .. خلي نأخد سندة .. الفرع البي فوقي .. قمريتا بتقوقي .. جراري خاجوقي .. نساني أشيل توبي .. زراعنا في البورة .. واطاتا ممطورة .. زولن سمح صورة .. بالفاتحة بندورا .. الوالد سيبيني .. الجراري راجيني .. برادك الصيتي .. قريافة راميني .. ) و ليتك أتحفتنا بتسجيل لهذه الأغنية مشكوراً ..
|
Post: #43
Title: Re: أغاني السواقة والسواقين
Author: Moawia Mohammed
Date: 03-12-2007, 11:41 PM
Parent: #33
عصام دهب
ناس الزقازيق أجدع ناس
وهو كذلك يا حبيب أريتو عمنا كباشي يرضي
|
Post: #42
Title: Re: أغاني السواقة والسواقين
Author: Moawia Mohammed
Date: 03-12-2007, 11:33 PM
Parent: #32
نصرالدين البشير
Quote: والله مواضيعك دائماً متفردة ودمها خفيف ومكتوبة بكرتين..
|
فعلا مكتوبه بكرتين وملفوفه بكيبوردين
Quote: هي بداية لأغنية طويلة كتبتها عاتكة بنت الحارث التغلبية
في معاوية بن أبي سفيان عندما علمت بأنه مسافر إلى نجد..
وعاتكة هذه قيل بأنها امرأة دميمة وحاسدة وقريبة مهوى القرط
لذلك استخدمت لغة (عليّ وعلى أعدائي).. |
هسه دي يانصر بكم كـ....
لكن لقيتك خيالك وااااسع
| Quote: وكان لقيت فرصة بجيك صادي إن شاء الله.. |
عليك الله بسراعك نعمنو كلامك لذيذذذ
تسلم يا جميل
|
Post: #41
Title: Re: أغاني السواقة والسواقين
Author: Moawia Mohammed
Date: 03-12-2007, 11:24 PM
Parent: #31
الشفيع
| Quote: السواقين الغناء والشعر ، نضيف ليهم المرحوم أحمد الطيب كان سائق بص بين طابت الحصاحيصا - (حنيني العيشتو في طابت ) |
ربنا يرحمو ويغفر ليهو كان راجل فنان بحق
الزعيم الأزهري لمن مشي طابت قال ليهم :
يا أهل طابت طبتم وطابت بكم طابت
تسلم أخوي
|
Post: #44
Title: Re: أغاني السواقة والسواقين
Author: nazar hussien
Date: 03-13-2007, 00:03 AM
Parent: #41
يا اللوري تشيل منو ...غير شباب نوري تشيل منو
يا حلة تنوري...
سوق يا سواق بي شارع السوق
وممكن نضيف ليكم مدحة علي طريقة نطق بنيتي الصغيرة:
سوقك سوا الدمير... بطراك منايا اطير
وسايق العظمة سافر:
--------------------------------------------
محجوب كبوشية: هسي سواق
اما الفنانين الجداد فاغلبهم سواقين رقشات: محي الدين اركويت: سائق منهم
عمي محمود حسين الله يرحمو: شاعر لاغنيات كثيرة لصلاح مصطفي: وعائشة الفلاتية ومني الخير
وتيمان عطبرة...ونادر خضر حديثا...ومصطفي سيد احمد قديما...برضو كان سائق تاكسي حريف
بالمناسبة موصلي كمان لحن ليه اغنية يا خدارنا:
|
Post: #45
Title: Re: أغاني السواقة والسواقين
Author: khaleel
Date: 03-13-2007, 03:25 AM
Parent: #44
معاوية طيب هاك من العظماء
زنقار من بف نفسك يا القطار
محمد احمد عوض جوبا مالك علي قطار شلتي عيني
يوم اللوري شالو شال قلبي قبالو
|
|