Post: #1
Title: ناس دروس العصر المجانيه تعالوا بجاي!!
Author: Tragie Mustafa
Date: 03-05-2007, 05:29 PM
البعض يتفنن في اعطاء الدروس المجانيه
ولن اقول لو نكشنا الارشيف نجد العجب
فمن ينصحك بعدم الحده تلقاه يوم قلب الهوبه في اخوه
ومن ينصحك بعدم الافلاس في الحوار تلقاه يوم شال عكازه معاه لبوستات محدده.
ومن ينصحك بالموضوعيه تلقاه يوم وصل الحضيض بس شعان هبشه بربع ما هبشوك بيه.
ومن ينصحك بعدم الشخصنه تلقاه يوم قال لمخالفيه الست ان ...الخ.
ومن ينصحك عن شكل مداخلاتك وما ينبغي ومالال ينبغي وتستغرب عن اي نجاح له يتحدث هذا؟؟؟
فما قد يراه البعض نجاح هو اخفاق في نظر البعض.
وما يراه البعض قبول هو سقوط في نظر البعض.
ولو بس اتذكرنا قولة اهلنا:
كل فولة وليها كيال )لما اتعبنا انفسنا.
انا بقى من النوع ال لو قالوا لي 100 اضانك مافي برضو ما برد.
فاخير كل زول يخت بطيخه صيفي في بطنه ويفحط من طريقي.
لكن برضو وتقديرا لزمن القراء
قلت اخير افتح بوست لمن عنده رغبه يكتب نقده هنا...
وبوست الحب خلوه للمحبين فقط.
ومحبتي للجميع خاصه طويلين اللسان بجيكم راجعه آخر اليوم.
تراجي.
|
Post: #2
Title: Re: ناس دروس العصر المجانيه تعالوا بجاي!!
Author: ناذر محمد الخليفة
Date: 03-05-2007, 06:00 PM
Parent: #1
??????
|
Post: #3
Title: Re: ناس دروس العصر المجانيه تعالوا بجاي!!
Author: نوسة
Date: 03-05-2007, 06:31 PM
Parent: #2
///////
|
Post: #4
Title: Re: ناس دروس العصر المجانيه تعالوا بجاي!!
Author: على محمد على بشير
Date: 03-05-2007, 06:40 PM
Parent: #3
|
Post: #6
Title: Re: ناس دروس العصر المجانيه تعالوا بجاي!!
Author: نوسة
Date: 03-05-2007, 06:48 PM
Parent: #4
هي يا "الدياشة" ديل الجابهم شنو أسى
"محمد معانا ما تغشانا"
و الله بالغت يا علي يا أخوى
برضها ربة كويسة
مشكور you made my day
|
Post: #22
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-07-2007, 06:13 PM
Parent: #4
شكرا لعلي الزول الطيب البختلف او يتفق بادب.
تراجي.
|
Post: #8
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-06-2007, 04:18 PM
Parent: #3
نوسه سلام
Quote: يا تراجى
خليكى ياخى "مسالمة" زى بت عمتك كدة !! مالو يعنى ؟؟ |
هل تعتقدي باني يمكن ان اكون:
(امرأه عاديه عايزه تعيش وبس ,وتتحنن وتدخن وتملك دهب وبيت وما بطال بيتين
وتسافر اجازات وتهتم ببشرتها وتحلم بناتها يدخولا الطب و الهندسه ويادار ما دخلك شر).
لو كانت احلامي مثلها ما اسهل الحياة,انا امرأه ارى الحياة بعيون الآخرين المقهوين و المحزونين
المتخمين لا يهمونني,عندما اتصل بالسودان واسمع فلان عيان وفلان ما قدر يتعالج وفلان جعان
لا اضع الهاتف وانسى اظل احترق في دواخلي...حتى متى وبلادي يعامل البشر فيها هكذا؟؟؟
حتى متى وبلادي,ابسط الحقوق فيها تعتبر ترف وللصفوه فقط,لقد عشت تجربة
اوروبا وتعرفت على نظم تحترم آدمية الانسان مجانية العلاج و التعليم لمن لا يستطيع
فهل فكرت في ان يكون هذا حلما للجميع في بلادنا؟؟؟؟ ولما لا؟؟؟
Quote: ممكن تقولى رأيك فى أى حاجة و من غير حدة و كلامك بيصل ، بس من غير "سيطان"
و حاجات زى دى، لأنها بتدى إنطباع غلط نحن ما حابينو ليك .. |
اولا يا نوسه يبقى السؤال:
الانطباع الخطأ في عيون منو؟؟؟؟
(بعض)هذه الصفوات التي وجدت مكانا في مواقع الانترنت؟؟؟هل تعتقدينهم يسون شيئا عندي؟؟؟؟
يقول بكري ابوبكر ان عضويتها قد تكون بلغت ال 5000 مثلا ,هل تعلمي كم يسوى هذا العدد
من مجمل اي قريه من قرى السودان تعيش الفقر و العوز و البؤس؟؟؟؟ويسوى كم من فقراء
حتى العاصمه القوميه؟؟؟؟
سيطانهم(هؤلاء البعض) يا نوسه لا تعادل آلام طفله صغيره لم تتجازو ال 7 تم اغتصابها في دارفور
لاحتمل سيطانهم فانها تقويني ولا تكسرني ولا تهزمني ,وتنير لي الطريق اكثر
لاعرف اي ثمنا فادحا يدفعه الانسان لمجرد صدوحه بالحق.
| Quote: ماتقولى نوسة بدت "اول دروس العصر" |
انا سعيده بدرس عصرك بس اتمنى انت تكون متحمله لدرس عصري.
يا نوسه انت نموذج لكثر هنا من المغتربين,لا بأس ان تتواصل الناس وتعرض
خواطرها وتتناقش حولها ,فانتو حتى لو مرتاحين ماديا فالغربه لها تحدياتها
وتربية الاطفال وغيرها.
فيمكنم تبادل ما تشاءوا من مواضيع,والاستماع لما تشاءوا من اغاني وغيره.
لكن ان يتشوبر من لا يتعاطى السياسه في شؤن السياسين فطبيعي له ان يتحمل السيطان
مننا,لاننا نتعامل معها كل يوم.
لقد شاهد البعض هنا وقد تكوني غائبه الكثير من التعدي على الخصوصيات
وغيرها في حياتي,كل ذلك لاني خالفتهم في رايهم,فكيف ترغبين في ان اقذفهم بالورود؟؟؟
السيطان اقل شيئا,وهذا لا يعني ان اقتلهم بل هي نوع من التربيه معروفه سودانيا.
تراجي.
|
Post: #36
Title: Re: ناس دروس العصر المجانيه تعالوا بجاي!!
Author: doma
Date: 03-08-2007, 06:07 AM
Parent: #8
Quote: مرأه عاديه عايزه تعيش وبس ,وتتحنن وتدخن وتملك دهب وبيت وما بطال بيتين
وتسافر اجازات وتهتم ببشرتها وتحلم بناتها يدخولا الطب و الهندسه ويادار ما دخلك شر).
لو كانت احلامي مثلها ما اسهل الحياة,انا امرأه ارى الحياة بعيون الآخرين المقهوين و المحزونين
المتخمين لا يهمونني,عندما اتصل بالسودان واسمع فلان عيان وفلان ما قدر يتعالج وفلان جعان
لا اضع الهاتف وانسى اظل احترق في دواخلي. |
تراجي خليك زوله صادقه و ما تهرشي نوسه
انت كام بتعملي اولا لمصلحه سند وحازم والدليل انه نضالك دا مامن صحاري المعسكرات في دارفور بل اول شئ عملتيه انك قدمتي لجؤ ما لانك قياديه . وما في جهاز امن استدعاك لتحقيق اوتم حجزك لبضع ساعات ولا كنت نزيله بيوت الاشباح يبقي يا ستي تنتفي عنك صفه اللجؤ السياسي والاخر تسميته لجؤ اقتصادي وتبحثين عن حياه افضل لسندوحازم كمعظم من حصلواعلي اللجؤ اواعاده ا لتوطين لانه لانه هنا في كندا عندك مصلحه اكبر وهي رعايه سندوحازم في بلد الحياه والحقوق الانسانيه و كل شئ احسن عشرات المرات من حيث تقيم نوسه وملايين المرات من الوضع داخل الخرطوم وما في اي مقارنه بينه وبين العيش في باقي اصقاع السودان المختلفه وبالطبع خيام اللجؤ القسري بصحاري تشاد.
ومثلك نحترق للوضع ببلدنا فانت ليست اكثر سودانيه مننا اوهما بالوطن ونوسه وغيرها لا يحترق قلبهم فقط بل تمتد اياديهم لجيوبهم بما يستطيعون لتخفيف المعاناه عن اهلهم .
الفرق يا اختي بينك وبين الناس التانيين انك تجيدين تسويق الذات لا اكثر 
|
Post: #5
Title: Re: ناس دروس العصر المجانيه تعالوا بجاي!!
Author: الرفاعي عبدالعاطي حجر
Date: 03-05-2007, 06:47 PM
Parent: #1
تراجي بنت مصطفى ازيك وكيف احوالك
انا سعيد بالنقد الموجه لك بهذه الكثافة وصدقيني هو دافعي للقراءة دومآ في موضوعاتك ودومآ إحتفظي بمذكرة اغرسيها في عمق ضميرك أن إختلاف الرأي لا يفسد للود قضية نظل نحلم بوطن خالي من اوباء وامراض الانفراد بالسلطة وفرض القوانيين بالكرباج والاستعلاء اي كان ديني عرقي لوني ..اقترح ماشئت فقط بالمنطق والاقناع والاقتناع بل والنقد الذاتي والنقد المؤسس الهادف
لا تنهى عن خلق وتأتي مثله ************ عار عليك ان فعلت عظيم
وقالو الحكمة ضالة المؤمن
وقالو اذا كان الغراب دليل قوم ********* سيوردهم جيف الك...لا...ب
وقالو اذا كان الكلام من فضة فالصمت من ذهب
××× لكن المنطق السديد هو ان نتحاكم جميعآ الى الحجة والرأي السديدين.
أخيرآ قال الفيلسوف .... (دايل كارنيغي)
ما...من أحد يرفس كلبآ ميت
وقال عندما نكون عرضة للإنتقاد نتذكر هذه القاعدة أبذل قصارى جهدك , ثم أمسك بمظلتك القديمة لتمنع مطر الانتقاد من الإنزلاق داخل عنقك )
ودمت ودامت لك العافية
|
Post: #23
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-07-2007, 06:14 PM
Parent: #5
شكرا لك اخي الرفاعي عبد العاطي حجر
| Quote: وقال عندما نكون عرضة للإنتقاد نتذكر هذه القاعدةأبذل قصارى جهدك , ثم أمسك بمظلتك القديمة لتمنع مطر الانتقاد من الإنزلاق داخل عنقك ) |
سافعل بنصيحتك.
دمت اخ فاضل.
تراجي.
|
Post: #28
Title: Re: ناس دروس العصر المجانيه تعالوا بجاي!!
Author: Hisham Osman
Date: 03-07-2007, 09:49 PM
Parent: #23
Tragie...............
God bless you as a scarce candle in this blackout.
|
Post: #7
Title: Re: ناس دروس العصر المجانيه تعالوا بجاي!!
Author: altahir_2
Date: 03-05-2007, 11:29 PM
Parent: #1
#######
ما تنسترى
|
Post: #9
Title: Re: ناس دروس العصر المجانيه تعالوا بجاي!!
Author: نوسة
Date: 03-07-2007, 01:16 PM
Parent: #7
///////////
|
Post: #10
Title: Re: ناس دروس العصر المجانيه تعالوا بجاي!!
Author: نوسة
Date: 03-07-2007, 01:36 PM
Parent: #9
/////////
|
Post: #12
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-07-2007, 04:35 PM
Parent: #9
|
Post: #11
Title: Re: ناس دروس العصر المجانيه تعالوا بجاي!!
Author: غباشي
Date: 03-07-2007, 03:45 PM
Parent: #1
تراجي و ضيوفها إزيكم
تاوقت قلت اشوف الحاصل شنو .... لأنو صوت الربة جابني من الصحافة ... هاجر كباشي و كدة ... أها إن شاء الله بس تكون تبع درس العصر عشان تلقوني وش و في الكنبة الأولي كمان في الحصة بتاعت( على محمد على بشير)
سجلوني بالله غباشي كادر من كوادر حزب البهجة
|
Post: #13
Title: Re: ناس دروس العصر المجانيه تعالوا بجاي!!
Author: نوسة
Date: 03-07-2007, 05:37 PM
Parent: #11
 
|
Post: #14
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-07-2007, 05:46 PM
Parent: #13
Quote: البعض يتفنن في اعطاء الدروس المجانيه
ولن اقول لو نكشنا الارشيف نجد العجب
فمن ينصحك بعدم الحده تلقاه يوم قلب الهوبه في اخوه |
ما تنسي يا خالتو تراجي .. تقري في الارشيف لمن بتقولي لبعض الزملاء والزملاء وعايزه تضعيهم تحت مداسك ..
وبرضو ما تنسي اتهامك لي انا شخصيا باني انسان عنصري ... وانا المسكين من عناصر رجل الشارع السوداني ....
|
Post: #15
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-07-2007, 05:49 PM
Parent: #14
طبعا ما بنسى يا سمير
وانت اول زول اقرأ ليه,انه ناس دارفور بامريكا في المظاهرات
كان الخواجات بيقفلوا انوفهم من ريحتهم العفنه!!!
الست انت؟؟؟؟
من يكتب مثل ذلك لا مكان له عندي الا تحت مداسي.
Quote: ما تنسي يا خالتو تراجي .. تقري في الارشيف لمن بتقولي لبعض الزملاء والزملاء وعايزه تضعيهم تحت مداسك ..
وبرضو ما تنسي اتهامك لي انا شخصيا باني انسان عنصري ... وانا المسكين من عناصر رجل الشارع
السوداني .... |
تراجي.
|
Post: #17
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-07-2007, 05:58 PM
Parent: #15
Quote: طبعا ما بنسى يا سمير
وانت اول زول اقرأ ليه,انه ناس دارفور بامريكا في المظاهرات
كان الخواجات بيقفلوا انوفهم من ريحتهم العفنه!!!
الست انت؟؟؟؟
من يكتب مثل ذلك لا مكان له عندي الا تحت مداسي. |
مداسك ده مقاس كم ؟؟؟؟؟؟ ما قلنا قبل كده ... الملافظ سعد ....
تخريمه ... ناس دارفور هناك في دارفور بيكافحوا من اجل لقمة العيش وبيعانوا من ويل الحروب ..
يعني المناضلين عايشين في داخل دارفور ..... ... والناس الكانوا لابسين طواقي النايكي .. وكل واحد شايل ليهو ساندوتش ومحشي بالجنبه الامريكيه ... وكباية قهوه سعة الربع لتر ... ولابسين احذية ماركة اديداس .. ديل اسمهم مناتلين .. وده الفرق بين المناضلين والمناتلين ...
يا خالتو ... عايز اعمل لي جمعية من دولة الواغ واغ ..... واسميها ((قرعة الصداقه السودانيه ودولة الواغ واغ ))) ممكن شوية نصائح ... وحسنه قليله تمنع بلاوي كثيره ...
|
Post: #16
Title: Re: ناس دروس العصر المجانيه تعالوا بجاي!!
Author: غباشي
Date: 03-07-2007, 05:55 PM
Parent: #1
تراجي و نوسة
مع الحفلة شايف الغبار وقايلكم حاتنو مع بت كباشي ... أتاريكم حاتنو قرض مع بعض و حاجات تانية مانعاني
إستهدوا بالله و ختو الكورة واطة
|
Post: #18
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-07-2007, 06:04 PM
Parent: #16
غباشي
بالله شفته الفيلم الهندي ده كيف؟؟؟؟
عشان تعرف المنابر دي ممكن تجمع افلام عجيبه,ان شاء الله بكره تلطع
لك واحده مديها شاكوش قديم وتخلي الما يشتري تفرج فيك عشان تعرف الانا فيه.
ما بعرف اخت لي صورة زول ميت من الضحك زي زولك ده.
ننوسه دي يا اخي زولتي وصحبتي غير انها مرة اخوي بت عمتي,لكنها عارفني لما اسخن
مافي يمه ارحميني,وهي زاته ما اقل مني,لها الود.
تحياتي.
تراجي.
|
Post: #19
Title: Re: ناس دروس العصر المجانيه تعالوا بجاي!!
Author: Hussein Mallasi
Date: 03-07-2007, 06:08 PM
Parent: #18
أحسن حاجة يا تراجي انك كدا زي القطر بدون فرملة؛
لأنك لو كتبتي بشوية عقلانية و هدوء ممكن تكوني خطيرة جداً 
|
Post: #21
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-07-2007, 06:11 PM
Parent: #19
وافضل ما في هذا القطار انه بيدوس الزيك متسكعين على الطرقات
Quote: أحسن حاجة يا تراجي انك كدا زي القطر بدون فرملة؛
لأنك لو كتبتي بشوية عقلانية و هدوء ممكن تكوني خطيرة جداً |
ثاني عشان تجي جم القطر ابو فرامل بايظه ده,والله ضحكتني ضحك يا ملاسي.
تراجي.
|
Post: #20
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-07-2007, 06:09 PM
Parent: #18
Quote: تراجي كتبت ...
هل تعتقدي باني يمكن ان اكون:
(امرأه عاديه عايزه تعيش وبس ,وتتحنن وتدخن وتملك دهب وبيت وما بطال بيتين
وتسافر اجازات ). |
حلم الجيعان عيش ... حفر الدخان في كندا ما موجوده .... لكن ممكن تشوفي ليك بستله ....
|
Post: #24
Title: Re: ناس دروس العصر المجانيه تعالوا بجاي!!
Author: غباشي
Date: 03-07-2007, 06:16 PM
Parent: #1
و الله يا تراجي أفلام أوسكار عدييييييييييل
وكمية مهاترات فوق للوصف انا هسع بقيت خايف على زولي البيدردق من الضحك دا يقوم يقطع النفس مرة واحدة و تبقى ميتة و خراب ديار
تحياتي
|
Post: #25
Title: Re: ناس دروس العصر المجانيه تعالوا بجاي!!
Author: نوسة
Date: 03-07-2007, 06:58 PM
Parent: #24
يا غباشى
we've got carried away
أنا غايتو خلاص غيرت رأي و مسحت كلامى و المهم الفكرة وصلت
|
Post: #26
Title: Re: ناس دروس العصر المجانيه تعالوا بجاي!!
Author: غباشي
Date: 03-07-2007, 07:12 PM
Parent: #1
نوسة
شعللتيها و مشيتي؟ لسة الحفلة مدورة و إحتمال يكون في Over night
|
Post: #27
Title: Re: ناس دروس العصر المجانيه تعالوا بجاي!!
Author: نوسة
Date: 03-07-2007, 09:35 PM
Parent: #26
غباشى هووووووووى
ما دايرة معاك "حريش و فتن" و لا نظام " مديدة حرقتنى" ؟؟؟؟؟؟
هى يا أخوى أصلاً "مشعللة" خلقة ، و أنا مفروض أطفيها ""موش دى غنية برضو"
لعنت إبليس و صليت لى ركعتين و جيت، و بس لقيت ليك تراجى مافى ...
أها وين إنتى يا زهرة؟؟؟؟؟؟؟؟؟؟؟
|
Post: #29
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-07-2007, 09:59 PM
Parent: #27
ننوسه
مشيت لي محل درشت الكندين زي درشتي دي لكم ورجعته.
كان عندي مشاركه عن تجربتي كامراه سوداء هنا وتحديات العنصريه,
قدمت محاضره كاحسن ما يكون,وانا اتذكر في ملاسي و الفرامل البايظه
وسمير وحفرة الدخان ,ونوسه ودرس العصر الطويل المجاني
Quote: حلم الجيعان عيش ... حفر الدخان في كندا ما موجوده .... لكن ممكن تشوفي ليك بستله ....
|
شوفي جنس المحن دي؟؟؟
حسه حلم الجعان عيشه منو يا سمير؟؟؟؟
يبدو انه كل زول بيقول في احلامه الخاصه
البستله شوفها لخواجيه مرتك انا ما عايزاها.
تراجي.
|
Post: #30
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-08-2007, 01:59 AM
Parent: #29
| Quote: البستله شوفها لخواجيه مرتك انا ما عايزاها. |
الفهم قسم ... يا خالتو ... تراجي .... والملافظ سعد زي ما قلنا ليك ..
علي الطلاق حتي البستله ما حا تولع .... !!!!!
انتي يا خالتو عمرك ما جربتي البوخه ... ولا مرت عليك الدوخه ... عشان كده دايما عامله ليك مشاكل ... تفكي ده وتقبضي في ده ... وكان ما لقيتي ليك شكله اسفيريه .. انتي من النوع البيشاكل ضلو ...
تخريمه ... ما قلتي ليك ... عايز اعمل لي جمعيه اسمها ((( قرعة الصداقه بين السودان ودولة الواغ واغ ))) اها يا خالتو ... القرعه دي بيمدوها كيفن ؟؟؟؟؟؟؟؟؟
|
Post: #31
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-08-2007, 02:08 AM
Parent: #30
انت زول تحفه خلاص يا سمير
| Quote: علي الطلاق حتي البستله ما حا تولع .... !!!!! |
بالله ده ما شعب يتحبه فعلا؟؟؟
وملاسي يقول لك قطر من غير فرامل,حسه كان فرملته وين يا ملاسي؟؟؟؟
تراجي.
|
Post: #32
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-08-2007, 02:22 AM
Parent: #31
| Quote: بالله ده ما شعب يتحبه فعلا؟؟؟ |
الحمد لله والشكر لله ... يا خالتو تراجي .... وقت نحن شعب ما بيتحب ... منصبه نفسك وتتكلمي باسمو ليه ؟؟؟؟ والاداك الحق ده منو ؟؟؟؟ والحمد لله قلتيها بعضمة لسانك نحن شعب ما بتحب !!! ليه بتعملي ليك جميعه وتشيلي ليك قرعه تمديها باسمنا ؟؟؟؟؟؟؟
ما قلنا ليك الفهم قسم ... والملافظ سعد ....... يا خالتو ..
تخريمه ... اعترفتي نحن شعب ما بتحب ... شوفي ليك شعب تاني مدي القرعه بي اسمو !!!
تخريمه .... وما تنسي تديني شوية خبره عشان اعمل لي جميعة صداقه اسميها (جميعة الصداقه السودانية ودولة الواغ واغ ))))
ولله يا محسنين لله ... حسنه قليله تمنع بلاوي كثيره ....
|
Post: #35
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-08-2007, 06:00 AM
Parent: #32
سمير
خلاص بطل هباله وعواره
سكتنا لك اتفسحته:
| Quote: ولله يا محسنين لله ... حسنه قليله تمنع بلاوي كثيره .... |
ده همك وهم المرسلنك تكتب هنا؟؟؟؟
قول لمتاعيسك ديل ما نحن شوفوا انتو شحذته باسم منو؟؟وكله مسجل ومعروف.
انا مأجزه يويمن وبرجع يا سميروبالله البوست ده امانه في رقبتك دي يا ابو بستله
قال بستله قال؟؟؟
تراجي.
|
Post: #45
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-09-2007, 11:33 AM
Parent: #35
Quote: ده همك وهم المرسلنك تكتب هنا؟؟؟؟
قول لمتاعيسك ديل ما نحن شوفوا انتو شحذته باسم منو؟؟وكله مسجل ومعروف. |
Quote: سمير
خلاص بطل هباله وعواره
سكتنا لك اتفسحته: |
ما قلنا ليك الملافظ سعد ... والفهم قسم ...... ده اسلوب واحده بتتكلم بي اسم السودان ... وفوضت نفسهاتتكلم بي اسم السودان .... وشايله ليها قرعه باسمنا نحن المواطن علي حسن سلوكه ...
تخريمه ... متاعيسي ديل منو .... ؟؟؟؟ ما يكون في زول ما خد مقلب في ((( المقلب )))
وتخريمه ... انا في الانتظار ..... علميني امد القرعه كيفن واقول لله يا محسنين لله ... واترجمها للعبري كيفن ؟؟؟؟؟؟
|
Post: #33
Title: Re: ناس دروس العصر المجانيه تعالوا بجاي!!
Author: غباشي
Date: 03-08-2007, 02:45 AM
Parent: #1
| Quote: أها وين إنتى يا زهرة؟؟؟؟؟؟؟؟؟؟؟ |
نوسة
الليلة بستان كامل ما بيحلك ... قال زهرة قال ..
تراجي
قريبتك ما تكتل ليك قلبك هي بالجد شعللتها و لمت فيك ناس أبوسمرة و ملاسي ... والعجب ناذر ما جا لسع ... و بعد ده كلو جاية تغني ليك الزهور والورد شتلوها جوة قلبي ,.
نوسة
انتي المفروض تطلعي كفارة عديل مع الركعتين الصليتيهم ديل ......
فتكم بعافية
|
Post: #34
Title: Re: ناس دروس العصر المجانيه تعالوا بجاي!!
Author: نوسة
Date: 03-08-2007, 05:22 AM
Parent: #33
صباح الخير يا "غباشى"
| Quote: : أها وين إنتى يا زهرة؟؟؟؟؟؟؟؟؟؟؟ |
أولاً أنا ما قلت زهرة "وردة" أنا بقول زهرة (فتحة على الزاء و الهاء و الراءءءءءءء) فهمت ؟؟؟
و الباقى ح أخليهو بدون تعليق
|
Post: #37
Title: Re: ناس دروس العصر المجانيه تعالوا بجاي!!
Author: doma
Date: 03-08-2007, 06:30 AM
Parent: #34
Quote: مشيت لي محل درشت الكندين زي درشتي دي لكم ورجعته.
كان عندي مشاركه عن تجربتي كامراه سوداء هنا وتحديات العنصريه,
قدمت محاضره كاحسن ما يكون |
اها دا تسويق الذات النحن قاصدنو كدي جيبي ليناالمحاضره نشوفها قلتي كلام تمام ولا خرمجه
كاحسن ما يكون دي
في ادبياتنا بنقول شكارتها دلاكتها شوفتي كيف حتي امثالنا مرتبطه بي د لكتنا وحنتنا بعدين كوندي رايس ذاتها بتتهندس وكل حسب ثقافته يا تراجي انت ذاتك ما شاء الله ما مقصره في الجيهه والاناقه والمراه المامجيهه اسمها مبهدله و ما بنعملها عشان الرجال لي بت ام روحنا دي واحتفالا بجسد الانثي .
|
Post: #46
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-09-2007, 11:42 AM
Parent: #37
| Quote: في ادبياتنا بنقول شكارتها دلاكتها |
يدلكو شنو يا استاذه دوما ؟؟؟؟؟ ويشكروا شنوا ؟؟؟؟؟
|
Post: #49
Title: Re: ناس دروس العصر المجانيه تعالوا بجاي!!
Author: Yassir Tayfour
Date: 03-09-2007, 12:18 PM
Parent: #37
| Quote: اها دا تسويق الذات النحن قاصدنو كدي جيبي ليناالمحاضره نشوفها قلتي كلام تمام ولا خرمجه |
الخالة دومة
الخرمجة ممكن تكون تمام
والتمام ممكن يكون خرمجة
________
تممي الخرمجة، وخرمجي التمام
|
Post: #59
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-16-2007, 07:49 PM
Parent: #37
دوما
والمانعك من تسويق الذات شنو انت؟؟؟؟
Quote: اها دا تسويق الذات النحن قاصدنو كدي جيبي ليناالمحاضره نشوفها قلتي كلام تمام ولا خرمجه
كاحسن ما يكون دي |
اعلمي انها برامج منتظم,يعني لو في احسن مني ما كان جاوبني
وما يفوتك البلد ملانه جلابيات ومتعلمات...شوفي بقى الغبشه تراجي دي كسحتهم كيفوليه؟؟؟
تكون شاطره فعلا في تسويق الذات ,وهنا تكمن الشطاره فعلا.
ياريتك خليتي المكاواة وفرحتي بي كسودانيه بس,لاني هناك ما قاعده امثل الهامش بس
بيعتبروني سودانيه,وبس.
Quote: انت ذاتك ما شاء الله ما مقصره في الجيهه والاناقه والمراه المامجيهه اسمها مبهدله
و ما بنعملها عشان الرجال لي بت ام روحنا دي واحتفالا بجسد الانثي . |
مافي زول دعى للبهدله,ويفهم الكلام في سياقه وكان لقيتي اتمسح كان افضل فعلا ما تعلقي لانك ما
عارفه الحاصل,لكنها الرغبه في النيل من تراجي فقط ولا غير,وليه ما تكون نوسه بت عمتي
هرشتني,مثلا؟؟
شفتي قذارة افعالكم هنا,حتى الاهل كان بيهظروا عايزين تصاطادوا في الماء العكر,الله يعينكم.
يازوله فتك بعافيه وانسي.
تراجي.
|
Post: #38
Title: Re: ناس دروس العصر المجانيه تعالوا بجاي!!
Author: abuguta
Date: 03-08-2007, 06:35 AM
Parent: #34
كدا
ياتراجى
بوست الحب + بوست درس العصر = صفر
على حسب كلام ناس التصحيح ال 5000 -3
عشان كدا شوفى ليك بوست تانى عن دار فور
وبعدين سمير ابراهيم دا عمرو فى النت بس 13 سنة
0وشاف النت فى امريكا..شنو شابك املرة خالتو خالتو
تراجى دى عمرها 39 سنة غير الجمع الاجازات
مش ياترجى..
تسلمى...
|
Post: #39
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-08-2007, 06:44 AM
Parent: #38
يا ابو قوته شفته جنس المحن دي؟؟
Quote: وبعدين سمير ابراهيم دا عمرو فى النت بس 13 سنة
0وشاف النت فى امريكا..شنو شابك املرة خالتو خالتو
تراجى دى عمرها 39 سنة غير الجمع الاجازات
مش ياترجى..
تسلمى... |
غايتو يا ابوقوته غير الجمع و الاجازات دي حلوه عندك بشكل؟؟؟
تسلم انت.
تراجي.
|
Post: #40
Title: Re: ناس دروس العصر المجانيه تعالوا بجاي!!
Author: doma
Date: 03-08-2007, 08:08 AM
Parent: #39
تراجي خليك زوله صادقه و ما تهرشي نوسه
ومثلك نحترق للوضع ببلدنا فانت ليست اكثر سودانيه مننا اوهما بالوطن ونوسه وغيرها لا يحترق قلبهم فقط بل تمتد اياديهم لجيوبهم بما يستطيعون لتخفيف المعاناه عن اهلهم .
الفرق يا اختي بينك وبين الناس التانيين انك تجيدين تسويق الذات لا اكثر
|
Post: #41
Title: Re: ناس دروس العصر المجانيه تعالوا بجاي!!
Author: نوسة
Date: 03-08-2007, 09:40 AM
Parent: #40
سلامات يا حبيبتى دومة ...
| Quote: تراجي خليك زوله صادقه و ما تهرشي نوسه |
شكراً على الدفاع و لكنى ما بتهرش .. خطوط الرجعة باخدها لمن أحس إنى "تقلت العيار" حبتين و فى كلام لن يفيد كلتينا.. .
و تراجى ح تظل للأبد أختى و حبيبتى و حماتي " مافى ليها فكة"
بس ما كنت أتمنى إنو "هترشاتنا" دى تستغل لأغراض أخرى من المتداخلين
و أنا أسى بعتذر إنى "نكشتها" و المسامح برضو "كريم"
يلا يا أم حازم أمشى و تعالى بالسلامة و حبى لهما
|
Post: #48
Title: Re: ناس دروس العصر المجانيه تعالوا بجاي!!
Author: doma
Date: 03-09-2007, 12:17 PM
Parent: #41
| Quote: أنا أسى بعتذر إنى "نكشتها" و المسامح برضو "كريم" |
لول لول يا نوسه انا ما قريت النكش لكين لقيت ردودك ممسحوه افتكرته انها هرشتك لانها متعوده اختنا تراجي علي هرش الناس
وكلامي ليها دا هو بس الحقيقه المجرده .
|
Post: #51
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-09-2007, 12:29 PM
Parent: #40
ومثلك نحترق للوضع ببلدنا فانت ليست اكثر سودانيه مننا اوهما بالوطن ونوسه وغيرها لا يحترق قلبهم فقط بل تمتد اياديهم لجيوبهم بما يستطيعون لتخفيف المعاناه عن اهلهم .
الفرق يا اختي بينك وبين الناس التانيين انك تجيدين تسويق الذات لا اكثر
يا خالتو تعالي روضة استاذه دوما .... وده ما درس عصر ... ده درس عصري ... وكدي ختي الرحمن في قلبك ... وقولي بسم الله والاعمال بالنيات واعزمي وتوكلي وغمضي عيونك .. ودخلي يدك في (((مفحضتك )))) ده اسمو النضال ... وكدي ناضلي بحق وحقيقي ... وخليك من الجمعيات الالكترونيه .... الناس هنااااك في سودانا الجوا وجدانا ما بيعرفوا الباندوث ... ولا بيعرفوا القيقا بايت ... لكن في انتظارك حتي لو ترسلي ليهم رغيف بايت ....
تخريمه ... برضو شوفي ليك بستله وبنرسل ليك ((( الشاف والطلح )) بالدي اتش ال .. عل وعسي ...
|
Post: #42
Title: Re: ناس دروس العصر المجانيه تعالوا بجاي!!
Author: ناذر محمد الخليفة
Date: 03-08-2007, 10:06 AM
Parent: #1
|
Post: #43
Title: Re: ناس دروس العصر المجانيه تعالوا بجاي!!
Author: نوسة
Date: 03-08-2007, 10:09 AM
Parent: #42
Quote:
|
تحياتى
ههههه "نكشتك عينة "
|
Post: #58
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-16-2007, 07:48 PM
Parent: #42
الفنان المبدع ناذر ...
رايك شنو في كلام حالتو تراجي ...؟؟؟؟
Quote: هل تعتقدي باني يمكن ان اكون:
(امرأه عاديه عايزه تعيش وبس ,وتتحنن وتدخن ). |
|
Post: #44
Title: Re: ناس دروس العصر المجانيه تعالوا بجاي!!
Author: غباشي
Date: 03-08-2007, 11:30 AM
Parent: #1
نوسة
عجبتك ؟
|
Post: #47
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-09-2007, 11:59 AM
Parent: #44
تخريمه يا خالتو تراجي ....
يشهد الله .. الواحد بقي يتقريف ليك زي القهوه ... وبيقرا ليك وبنموت من الضحك ..
وبيشهد الله انا في عمري ما كرهت لي زول وما قصدت لي زول ...
وبما فيهم انتي ... لكن في النهايه .... انتي اخت سودانيه في الاول والاخر ... وصدقيني يا خالتو ..... لو اي زول الليله سمع اي خبر لا قدر الله حصلت لتراجي ... انا شخصيا ما حا افرح بل حا اتألم ... وحا اسعي اقيف جنب خالتو تراجي ... لكن يا خالتو ... الاستهداف والكلام الما سمح والما موزون بنقص العمر ... وبينقص البركه ...
ولو اي زول غلط في الثاني مفروض الناس تعتذر ...والاعتذار ما عيب ولا جريمه ... ولا بينقص من قدر الانسان ... بل بيرفع من مكانتو ...
قدر ما وصلنا معاك في الكلام ... ما ختيناك تحت السفنجه .....
لكن زي ما قلنا ليك الملافظ سعد ... والفهم قسم ........
|
Post: #50
Title: Re: ناس دروس العصر المجانيه تعالوا بجاي!!
Author: doma
Date: 03-09-2007, 12:26 PM
Parent: #47
| Quote: وحا اسعي اقيف جنب خالتو تراجي ... لكن يا خالتو ... |
تعال هنا السبب البخليها تبقي خالتك شنو؟؟؟؟
والله يا ولدي بالغت عديل كدا
يعلم الله وتشهد خلقه انك اكبر منها لا بي حول لا حولين
|
Post: #52
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-09-2007, 12:37 PM
Parent: #50
Quote: تعال هنا السبب البخليها تبقي خالتك شنو؟؟؟؟
والله يا ولدي بالغت عديل كدا
يعلم الله وتشهد خلقه انك اكبر منها لا بي حول لا حولين |
استاذتنا دوما .... والله لي عظيم الشرف انك تناديني بيا ولدي ... لكن نخليها اختنا دوما .. وبدعوا الله نكون قدرها ...
خالتو تراجي حبيبنا ابو قوته ... قال انها تسعه وثلاثين بالاضافه الي الجمع والاجازات ونسي العطل الرسميه ... يعني (((( داينصوره )))) اوووبس قصدي اقول ... نفرتيتي ...
|
Post: #60
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-16-2007, 07:56 PM
Parent: #50
يا ابو قوته يا اخوي
تشكر على المرور و الشهاده بحق العم التحفه سمير ابراهيم
Quote: وبعدين سمير ابراهيم دا عمرو فى النت بس 13 سنة
0وشاف النت فى امريكا..شنو شابك املرة خالتو خالتو
تراجى دى عمرها 39 سنة غير الجمع الاجازات
مش ياترجى..
تسلمى... |
ويا دومه
شكرا لسؤالك ليه,لكني عارفاه فاكر روحه بيكاوني....تخيلي انه الكبر ممكن يكون مسبه؟؟
Quote: تعال هنا السبب البخليها تبقي خالتك شنو؟؟؟؟
والله يا ولدي بالغت عديل كدا
يعلم الله وتشهد خلقه انك اكبر منها لا بي حول لا حولين
|
شوف يا سمير يا ابني ,الله يديك الصحه و العافيه وتحقق في حياتك ربع الحققته انا
وانصحك يا ابني ان تحرص على كتابة ما يفيد.
وان شاء الله اكون صلحته لك معنوياتك بكلمة يا ابني دي,اشبع صغره,انا فرحانه اني اشبع نضج وكبر.
تراجي.
|
Post: #53
Title: Re: ناس دروس العصر المجانيه تعالوا بجاي!!
Author: Aisha Hommaida
Date: 03-10-2007, 02:25 AM
Parent: #1
هلQuote: تعتقدي باني يمكن ان اكون:
(امرأه عاديه عايزه تعيش وبس ,وتتحنن وتدخن وتملك دهب وبيت وما بطال بيتين
وتسافر اجازات وتهتم ببشرتها وتحلم بناتها يدخولا الطب و الهندسه ويادار ما دخلك شر).
لو كانت احلامي مثلها ما اسهل الحياة,انا امرأه ارى الحياة بعيون الآخرين المقهوين و المحزونين
المتخمين لا يهمونني,عندما اتصل بالسودان واسمع فلان عيان وفلان ما قدر يتعالج وفلان جعان
لا اضع الهاتف وانسى اظل احترق في دواخلي...حتى متى وبلادي يعامل البشر فيها هكذا؟؟؟
حتى متى وبلادي,ابسط الحقوق فيها تعتبر ترف وللصفوه فقط,لقد عشت تجربة
اوروبا وتعرفت على نظم تحترم آدمية الانسان مجانية العلاج و التعليم لمن لا يستطيع
فهل فكرت في ان يكون هذا حلما للجميع في بلادنا؟؟؟؟ ولما لا؟؟؟ |
This Great Tragi>>>>>>
A women with mission
You have my respect for what you said above
Please don't add any more
This makes you an outstanding women
I wish all the best ...but be aware of mines in your road..
Aisha
|
Post: #54
Title: Re: ناس دروس العصر المجانيه تعالوا بجاي!!
Author: نوسة
Date: 03-10-2007, 10:48 PM
Parent: #53
سلامات لجميع "المتدخلين" هههههههههههههههه
حبيبتى الغالية دومة
Quote: لول لول يا نوسه انا ما قريت النكش لكين لقيت ردودك ممسحوه افتكرته انها هرشتك لانها متعوده اختنا تراجي علي هرش الناس
وكلامي ليها دا هو بس الحقيقه المجرده . |
((قام تاااااااااااااانى جاب سيرة البحر))
تسلمى يا الغالية ، البيتهرش دة هو الماسكين ليهو "زلة" و أنا الحمد لله ما عندى "زلة" عند زول
لوووووووووووووووووووووووووووووووووووووول
|
Post: #55
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-11-2007, 01:15 AM
Parent: #53
Quote: Author: Aisha Hommaida
هل
Quote: تعتقدي باني يمكن ان اكون:
(امرأه عاديه عايزه تعيش وبس ,وتتحنن وتدخن وتملك دهب وبيت وما بطال بيتين
وتسافر اجازات وتهتم ببشرتها وتحلم بناتها يدخولا الطب و الهندسه ويادار ما دخلك شر).
لو كانت احلامي مثلها ما اسهل الحياة,انا امرأه ارى الحياة بعيون الآخرين المقهوين و المحزونين
المتخمين لا يهمونني,عندما اتصل بالسودان واسمع فلان عيان وفلان ما قدر يتعالج وفلان جعان
لا اضع الهاتف وانسى اظل احترق في دواخلي...حتى متى وبلادي يعامل البشر فيها هكذا؟؟؟
حتى متى وبلادي,ابسط الحقوق فيها تعتبر ترف وللصفوه فقط,لقد عشت تجربة
اوروبا وتعرفت على نظم تحترم آدمية الانسان مجانية العلاج و التعليم لمن لا يستطيع
فهل فكرت في ان يكون هذا حلما للجميع في بلادنا؟؟؟؟ ولما لا؟؟؟
This Great Tragi>>>>>>
A women with mission
You have my respect for what you said above
Please don't add any more
This makes you an outstanding women
I wish all the best ...but be aware of mines in your road..
Aisha |
اختنا عيشه ...
الكلام ده ما صحيح ..واسمحي لي اصحح المعلومه خاصة عن العلاج المجاني والتعليم المجاني الخ الخ ....... ومافي مجانية علاج ولا علاج مجاني في اوروبا او امريكا ... المواطن هنا سواءا صاحب بلد او متجنس او مهاجر او ماري مرور الكرام علاج او سياحه ..... بيدفع ليهو في اليوم اكثر من عشرين ضريبه .... حتي لو اشتري ليهو علبة بيبسي بيدفع ضريبه ثمانيه في المائه ... غير ضرائب الاملاك .. والضرائب التجاريه ... وضرائب الانتاج ... وضرائب الدخل ...
وما تنسي كمان ((( المراهنات ))) اللوتري ... وربع الدولار البيندفع لمن تركني العربيه في الشارع امام العماره ... في نيويورك كل نص ساعه توقفي فيهم العربيه بي ربع دولار ... ورسوم عبور الطرق والكباري من منطقه لي منطقه داخل المدينه الواحده ...
دي كلها ضرائب بيدفعها المواطن عشان يرصفوا ليهو الطرق ... ويعملوا ليهو مراكز ابحاث ... ويعلمو ليهو اولادو ... وبرضو بيدفع تأمين للعلاج ...
يعني يا اختي خالتنا تراجي دي بتغني ليها اغنيه ممكن يصدقوها الناس الما عايشين في الغرب ولا في امريكا ولا في كندا .....
خالتنا تراجي كان ممكن تقول انو في ناس بتتعالج علي حساب المواطن البيدفع الضرائب ومن المبلغ المخصص لاعانة العطاله والفقراء والناس المستوي دخلها تحت الخط الاحمر ..... والفتره برضو محدوده ....
تخريمه ... يا خالتو تراجي ... الجهاد انو الانسان يعمل وينتج ويوفر ويرسل للغبش الهنااااااااك المنتظرين المساعده ...
وتخريمه تانيه ... لقيتي ليك بستله ولا لسع بتفتشي ... غايتو نحن جهزنا ليك شوية طلح وشاف وفتيل محلبيه وكيس حنه من ماركة حنة التاج الممتازه ... وبنرسلو ليك الدي اتش ال ...
|
Post: #62
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-16-2007, 08:03 PM
Parent: #53
الحبيبه عيشه
شكرا لمروك وكلماتك
Quote: This Great Tragi>>>>>>
A women with mission
You have my respect for what you said above
Please don't add any more
This makes you an outstanding women
I wish all the best ...but be aware of mines in your road..
Aisha |
ومنتظرنك بهناك,لكنك ما ظهرتي ,شوف موضوع (الكوكيز) احيانا تعيق الدخول لموقع جديد
محبتي وتقديري.
تراجي.
|
Post: #56
Title: Re: ناس دروس العصر المجانيه تعالوا بجاي!!
Author: Aisha Hommaida
Date: 03-16-2007, 06:27 PM
Parent: #1
الأخ : سمير تحياتى
كتبت
Quote: اختنا عيشه
الكلام ده ما صحيح ..واسمحي لي اصحح المعلومه خاصة عن العلاج المجاني والتعليم المجاني الخ الخ ....... ومافي مجانية علاج ولا علاج مجاني في اوروبا او امريكا ... المواطن هنا سواءا صاحب بلد او متجنس او مهاجر او ماري مرور الكرام علاج او سياحه ..... بيدفع ليهو في اليوم اكثر من عشرين ضريبه .... حتي لو اشتري ليهو علبة بيبسي بيدفع ضريبه ثمانيه في المائه ... غير ضرائب الاملاك .. والضرائب التجاريه ... وضرائب الانتاج ... وضرائب الدخل ... |
الأخ سمير
باين عليك فهمت اشادتى بموقف تراجى الإنسانى والذى يويده ماظلت تلاقيه من عسف...وهجوم منظم هنا
لرفضها للواقع المعوج على انه مدح للعلاج المجانى والتعليم المجانى فى الغرب وده اخراج لكلامى عن سياقه...كدى ارجع واراء التعليق وألقتباس المصاحب وستتبين لك ماقصدته مغاير تماما لمضون ردك اعلاه
اما مسالة كل شى مقطوع من الضرايب دى ياخوى اتفق معاك ان بالغرب رغم الرفاهية المتوفرة (للبعض طبعاً) هناك الكثير من الفوارق كما أن هناك المحرومين الذين اقعد بهم مال الضمان الإجتماعى الشحيح
والمفارقات فى مستويات الدخل
لكنهم على الأقل ياخذون من الغنى ويعطون الضعيف مايكفيه شر السوال والذل يعنى مستوى - basic needs
متوفر للعجزة...الأطفال ...المعوقين...
Quote: وما تنسي كمان ((( المراهنات ))) اللوتري ... وربع الدولار البيندفع لمن تركني العربيه في الشارع امام العماره ... في نيويورك كل نص ساعه توقفي فيهم العربيه بي ربع دولار ... ورسوم عبور الطرق والكباري من منطقه لي منطقه داخل المدينه الواحده ...
دي كلها ضرائب بيدفعها المواطن عشان يرصفوا ليهو الطرق ... ويعملوا ليهو مراكز ابحاث ... ويعلمو ليهو اولادو ... وبرضو بيدفع تأمين للعلاج ... |
ياريت لو الضرائب والعوائد والدمغ ورسوم العبور.........الخ والتى توخذ من جيب محمد احمد الغلبان تعود عليه رصفا للطرق ومراكز للابحاث وتامين للصحة برضو مافى حد يقول بغم تانى برضو هنامسالة اخد ممن يملك والصرف فى الشان العام ودى من اعظم مهام المجالس البلدية....Councils/Districts>>
| Quote: يعني يا اختي خالتنا تراجي دي بتغني ليها اغنيه ممكن يصدقوها الناس الما عايشين في الغرب ولا في امريكا ولا في كندا ..... |
الناس بتصدق المعاش والمعاناة ومافيش حد وصى على حد وبالمناسبة خالتك تراجى دى ممكن تكون اضغر منك ياسمير والصورة احيانا بتخدع
Quote: خالتنا تراجي كان ممكن تقول انو في ناس بتتعالج علي حساب المواطن البيدفع الضرائب ومن المبلغ المخصص لاعانة العطاله والفقراء والناس المستوي دخلها تحت الخط الاحمر ..... والفتره برضو محدوده ....
تخريمه ... يا خالتو تراجي ... الجهاد انو الانسان يعمل وينتج ويوفر ويرسل للغبش الهنااااااااك المنتظرين المساعده ... |
وده مايفعله 99.9% من ابناء الشعب السودانى يحرمون نفسهم من اجل مساندة الأهل ويوفرزن ملايين الدولارت للدولة لانهم يقيومون بواجب مؤسسة الضمان الإجتماعى الغائبة
| Quote: وتخريمه تانيه ... لقيتي ليك بستله ولا لسع بتفتشي ... غايتو نحن جهزنا ليك شوية طلح وشاف وفتيل محلبيه وكيس حنه من ماركة حنة التاج الممتازه ... وبنرسلو ليك الدي اتش ال ... |
فى دى لادارى مااقول....لانو اسلوب "بستلة" و"شاف" ده تم استنكاره من قبل وتواضع الناس هنا فى المنبر على نبذه فنصيحة أخوية نرجو من الإرتقاء شوية لمخاطبة سيدة فى مقام اختك الضغرى
لكم الود والأمل فى اختلاف يلتزم باحترام كل منا لادمية الأخر
لكم الإحترام
وفتكم بعافية
|
Post: #57
Title: Re: ناس دروس العصر المجانيه تعالوا بجاي!!
Author: SAMIR IBRAHIM
Date: 03-16-2007, 07:46 PM
Parent: #56
الاخت الفاضله ...
Aisha Hommaida
سلام مبارك ... خالتو تراجي طايحه في الناس اساءات ومشاكل .. وتمسك في دا وتفك دا ... وكل يوم عايز تخت ليها اخت او اخ تحت الجزمه ...
دي اكيد موش عايزه ليها بتسله ... بعد البتسله عايزه ليها مصحف شريف .. وتقرا فيهو كم سوره عل وعسي ...
Quote: Quote:
تراجي كتبت ...........
طبعا ما بنسى يا سمير
وانت اول زول اقرأ ليه,انه ناس دارفور بامريكا في المظاهرات
كان الخواجات بيقفلوا انوفهم من ريحتهم العفنه!!!
الست انت؟؟؟؟
من يكتب مثل ذلك لا مكان له عندي الا تحت مداسي. |
| Quote: لمخاطبة سيدة فى مقام اختك الضغرى |
خالتو تراجي دي يعني مفروض تحترم الكبير برضو ... موش كده يا خالتو تراجي ..؟؟؟؟
اما بالنسبه لموضوع الضمان الاجتماعي في الغرب والولايات المتحده ... يا ريت تفتحي لينا بوست علي الاقل نحاول ننقل تجربة الغرب الي دولنا .... وننقل للجميع تجربه جديده في سودانا الحبيب ..
|
Post: #61
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-16-2007, 08:01 PM
Parent: #57
انت يا سمير يا ابني
غالبك تفتح بوستاتك براك؟؟؟؟
Quote: اما بالنسبه لموضوع الضمان الاجتماعي في الغرب والولايات المتحده ... يا ريت تفتحي
لينا بوست علي الاقل نحاول ننقل تجربة الغرب الي دولنا .... وننقل للجميع تجربه جديده في
سودانا الحبيب .. |
ما تنتقد تجربة امريكا دي القاعد متجدع في ربوعها,وكان قالو لك غيب منها شهر تدق السكلي....
بعدين ما تعمل فيها مقدد ابو الفهم للنظم السائده في الغرب
شكلك من اجهل الناس بما حولك.
واعلم انه نظامنا في كندا يختلف عنكم,وحتى انتم من ولايه لآخرى يختلف,لكن نقول شنو زي بعض
الجهلاء يتبرعوا بالفتوه وهم لا يعرفون عن ماحولهم,ابعد من انفهم!!!
بعدين طلحك وشافك ده ما تديه لصحبتك (هنايه) النبذواها (بالعفانه) في المنابر!!
ولا الحبيه القاولا مسمنها (قردة الطلح)...قول لها صناح الحلب زي ريحة النحاس..كان ما عارفها.
تراجي.
|
Post: #63
Title: Re: ناس دروس العصر المجانيه تعالوا بجاي!!
Author: Tragie Mustafa
Date: 03-16-2007, 08:08 PM
Parent: #56
الحبيبه عائشه حميده
تحياتي مرة آخرى
يا حبيبه مثل (ابننا) سمير هذا...ده النوع البجي يتونس هنا....
عشان كده انا ما بأخذ امثاله...صدقنين لا يهتم بتجربة الغرب او غيرها
بس خالف تذكر...,بعدين تخيلي اذا كان مثله يعتقد ان (الكبر) او (النضج) اساءه للمرأه
تفتكري يستحق النقاش؟؟؟؟
فيناس كثر هنا يا عيشه جاين باجندتهم الخاصه,عشان كده اشكالهم بديهم على راسهم طوالي.
محبتي.
تراجي.
|
|