اريت ياحلوه ماشافوك واريتها عيونى لو دسوك

لمحتك مره *

لمحتك مره فى حفله وبيك الحفله محتفله
شغلتى قليبى بعيونك وهن يادوب عيون طفله

***
لمن قمتى تتهادي كأنك ظبية فى وادى
شفقت عليك من النظرات وراك ياحلوه بتنادي
وخفت ضفايرك الشاردات يمسن خدك النادى
وانتى تكونى فى غفله

***
ملكتى الحفله بيك انتى بقت حفلتنا منبهره
بنات الحفلة يتمنن معاك لو يلقو بس نظره
سألت عليكى كل الناس لقيتها معايا منتظره
وعيونك انت منشغله

***
اتاري الناس معاي رادوك تملي يهاتو بيك حبوك
اريت ياحلوه ماشافوك واريتها عيونى لو دسوك
عشان ياالسمحه لو عرفوك سكنتى حشايا كان صدوك
وما كان تمت الحفلة

*صالح فرح صالح / العين

مع خالص الود والتقدير ،،،

فيصل محمد

Quote: اتاري الناس معاي رادوك تملي يهاتو بيك حبوك اريت ياحلوه ماشافوك واريتها عيونى لو دسوك عشان ياالسمحه لو عرفوك سكنتى حشايا كان صدوك وما كان تمت الحفلة

حسادةً طاقّاك يا صالح!!

وحمداً لله على سلامة ما عرفوها وحفلتكم تمت بي أمان...

إبداااااااااااع... حروف بسيطة متساجمة وقافية تدي ربك العجب...

كميات مودتي... وتشكرات د. فيصل...


أبو الحســــــــين...

الأخ ابو الحسين

مرحبا بيك في الحفلة المحتفلة ومشكورة على المرور الأنيق...

ولك رائعة "الكتيابي" و " مصطفي سيد أحمد"

====== لمحتك ========

لمحتك .. قلت بر آمن ..
بديت أحلم ..
ألملم قدرتي الباقيه و أشد ساعد علي المجداف
تلوح لي مدن عينيك
وترفع لي منارة بسمتك سارية
وبديت أحلم
وكلما الريح تطارد الموج
ويبقى جبال .. ضباب أزرق ..أزيد أصرار
وأحلف بيك ..
أغير سكة التيار ... واقول يا إنتي يا أغرق ..
واخاف وأخاف ..
أخاف الضفه ترجع بيك .... قبل ألحق
أخاف غيم المنى الشايلل
تسوقو الريح ويتفرق..
واخاف وأخاف
أشد ساعد علي المجداف ..
واجيك بي قدرتي الباقيه ..
حطام انسان ..موسم بى شقا الدنيا و
مقسم قلبو في الأحزان ..
أجيك فنان ..
أشد أوتارى أحكيلك ..

حكاية انسان :
وهب لى سكتك نفسو ..
رسم صورتك على حسّو و
ربط ساعد على المجداف ..
واخاف و أخاف
أخاف الضفه ترجع بيك قبل ألحق
أخاف غيم المنى الشايل ـ
تسوقو الريح ويتفرق
والاقيك يا أماني سراب
مواهبي عليه تتدفق..
===================
مع خالص ودي وتقديري ...

فيصل محمد