Post: #1
Title: [B] الـمـنـابـر بـقـت بــنابـر ....... صـاح ؟؟؟؟؟؟؟
Author: ASIM AL BANNA
Date: 03-04-2007, 11:27 PM
نىاحبتى ...... السلام عليكم
هل توافقونى على انا المنابر العامة الغنائية اصبحت محصورة فى تلفزيون السودان ووبيوت الافراح ..... أين مهرجانات الثقافة والابداع اين منابر تقديم الجديد المفيد كيف نعبر عن انفسنا وجيلنا وغيرنا كان ينحت الصخر حتى يصلنا تاريخه ....
اتمنى ان نستطيع رفع صوت واحد ينادى بعودة مهرجان الثقافة والابداع .... واتمنى ان لا يطول الانتظار طويلا حتى الخرطوم عاصمة للثقانة 3006.
حبابكم مليون
|
Post: #2
Title: Re: [B] الـمـنـابـر بـقـت بــنابـر ....... صـاح ؟؟؟؟؟؟؟
Author: محمود ريحان
Date: 03-04-2007, 11:49 PM
Parent: #1
يا حليلك انته لسه عندك امل
تحياتي الي الفرجوني افتقدناه بشده
|
Post: #10
Title: Re: [B] الـمـنـابـر بـقـت بــنابـر ....... صـاح ؟؟؟؟؟؟؟
Author: ALGARADABI
Date: 03-17-2007, 00:45 AM
Parent: #2
والله كانت أبام لكن
مهرجان الثقافة الأول
والتانى
وليلة كرومة
النور الجيلانى
وخوجلي عثمان
و الفرجوني
كلهم كانو من اشراقات مهرجانات الثقافة
ولازلت أذكر البديع الهواك سباني و الفرجوني يؤديها وهو يتلفح التوب... يا الله علي تلك الأيام
وبمناسبة الفرجوني...
هو الوحيد الدخل من أسرة البنا باسمه مجردا
وفرض نفسه كالفرجوني فقط قبل أن يعرف الناس أنه من بيت البنا
بعيدا عن سحر أسم البنا الذي يضيف لكم بعدا ثالثا من الروعة
يعنى انتا %
|
Post: #3
Title: Re: [B] الـمـنـابـر بـقـت بــنابـر ....... صـاح ؟؟؟؟؟؟؟
Author: mamkouna
Date: 03-05-2007, 00:00 AM
Parent: #1
تعال هنا دا يا خوي!!
لا وريتنا كنتَ وين..
لا إعتذرتَ عن غيابك..
لا سألتَ من ناسك..
لا إحم..و لا ..دستور..
داخل فينا توووووووووووش..
و كمان ب مهرجاناتك و...إبداعاتك...!!!؟؟؟
عاد جِنِس قوة عينك..ما لاقتني!!!
|
Post: #4
Title: Re: [B] الـمـنـابـر بـقـت بــنابـر ....... صـاح ؟؟؟؟؟؟؟
Author: بكرى ابوبكر
Date: 03-05-2007, 00:15 AM
Parent: #3
الاستاذ عاصم البنا
مرحب بيك و امتعتونا بالسهرة قبل كم يوم .... وبلغ تحياتى للخال الفرجونى و قول ليه كل ناس اريزونا فخورين بيك وسهرتكمـ كانت حديث المدينة
|
Post: #5
Title: Re: [B] الـمـنـابـر بـقـت بــنابـر ....... صـاح ؟؟؟؟؟؟؟
Author: محمد المختار الزيادى
Date: 03-05-2007, 00:57 AM
Parent: #1
الجميل عاصم بينما انت تفكر في المهرجان تفكر الدوله في اخذ الضرائب منكم.ح ارجع ليك
|
Post: #6
Title: Re: [B] الـمـنـابـر بـقـت بــنابـر ....... صـاح ؟؟؟؟؟؟؟
Author: altahir_2
Date: 03-05-2007, 05:36 AM
Parent: #1
انا معاك يا فنان
تعرف نحن كان عندنا تجربة مع منتدى الحلفاية من اسسناه
الموضوع ما بعيد بالمناسبة عن المطالبة بعودة المهرجانات
الثقافية والغنائية .لسبب بسيط لان التنافس التى تخلقه،
يرفد الساحة الفنية باجمل واجود الاعمال وهذا ما كان يحدث
بالمنتدى الله يطراه بالخير .
انا داير اقول ما تعتمدوا على الحكومة فمثلا ممكن اتحاد الفنانين
يقوم بتنظيم مهرجان سنوى او نصف سنوى يسميه مهرجان الاغنية مثلا
لكل الفئات الرواد الله يديهم العافية واعضاء الاتحاد
وايضا مهرجان الاغنية للفنانين المحترفين الشباب
ومهرجان الاغنية للمواهب ومراكز الشباب مثلا
ومن المؤكد بان هذه المسالة ستكون مثمرة
انا قلت لا تعتمدوا على الحكومة لانها ستفرض شروطها
على المهرجانات اذا قامت بها فى اطار ما تحمله من توجهات
ولكن اذا قام به الاتحاد فسيكون خاضع للمواصفات الفنية فقط
يعنى للفن من اجل الفن.
تحياتى المبدع عاصم البنا. فقد امتعتمونا بسهرة جميلة
ونحن فى الغربة البعيدة
وطوالى عايز ادعوك للبوست دا
السقيد في شريطه الجديد خاضع لامر الهوى بشغف المحب
وبلغ سلامى للخال العزيز احمد المك والوالدة اسماء حمزة
وللمبدعة نادية البنا
ضياء الدين ميرغنى /هولندا
|
Post: #7
Title: Re: [B] الـمـنـابـر بـقـت بــنابـر ....... صـاح ؟؟؟؟؟؟؟
Author: altahir_2
Date: 03-16-2007, 04:51 PM
Parent: #6
فوق
|
Post: #8
Title: Re: [B] الـمـنـابـر بـقـت بــنابـر ....... صـاح ؟؟؟؟؟؟؟
Author: Omayma Alfargony
Date: 03-16-2007, 11:54 PM
Parent: #7
ود عمي ازيك يا حبيب
حباب رجعتك
ما تتوصي سلام للاهل فردا فردا
والشوفة قريبة باذن الله.
خالص مودتي وأعنزازي
أميمة
|
Post: #9
Title: Re: [B] الـمـنـابـر بـقـت بــنابـر ....... صـاح ؟؟؟؟؟؟؟
Author: soghayroon
Date: 03-17-2007, 00:33 AM
Parent: #1
عاصم ود اخوى
مشتاقين كتير كيف اخبارك عساك طيب و ان شاء الله كل الاهل بخير
* اميمه بنت الفرجونى ود عمى سلامات من عم ليك ما حظي بشوفتك.
|
Post: #11
Title: Re: [B] الـمـنـابـر بـقـت بــنابـر ....... صـاح ؟؟؟؟؟؟؟
Author: Omayma Alfargony
Date: 03-17-2007, 01:54 AM
Parent: #9
| Quote: * اميمه بنت الفرجونى ود عمى سلامات من عم ليك ما حظي بشوفتك. |
العم العزيز صغيرون
مرحبا اهلا بيك وحبابك الف.
ان شاءالله تسلم.
باذن الله نتلاقي في ربوع السودان ونسعد بشوفتك.
سلامي لجميع الاهل
و
لك مني خالص ود واحترام.
|
|