Post: #1
Title: سماء الدنيا يضيئها الهلال/ ومسجد المريخ يعله الهلال/ والهلال هلا وهلا ومبروووك للاهلة
Author: essam&amal
Date: 03-04-2007, 09:13 PM
Parent: #0
هلال السودان لك ايها المعنى الجميل
كل الضياء وكل السلام وكل احتمالات الفرح
لك الشموخ والاكتمال والاكتحال والتفرد
لك التميز والتقدم والعلو ,,,,,,,,,,
انت البياض الممزوج بزرقة البحر والسماء
الليلة اشاوس الهلال
فى ليلة الهلال
وسماء الدتيا يضيئها الهلال
ومسجد المريخ يعلوه الهلال
ومريخ العرضة يعلوه الهلال
الهلال
الهلال
يتبعه هلال وهلال وهلال
اليوم غطت الفرحة سماء ام درمان
وغابت الانجم الا من بدر جميل انار دروبها
وان شاء الله سنرى سقوط المريخ تحت اقدام الهلال
وكيف يتلألأ الهلال ليطفى النجوم ,,
وترقبوا ,,,,,,,,,
الانتصارات القادمة
ام وضاح
الهلالابية على السكين
|
Post: #3
Title: Re: سماء الدنيا يضيئها الهلال/ ومسجد المريخ يعله الهلال/ والهلال هلا وهلا ومبروووك للاهلة
Author: عبود احمد النصيح
Date: 03-05-2007, 00:01 AM
تسلم ومبروك للهلال والسودان والي الامام يا تمبس
|
Post: #4
Title: Re: سماء الدنيا يضيئها الهلال/ ومسجد المريخ يعله الهلال/ والهلال هلا وهلا ومبروووك للاهلة
Author: hatim ibrahim
Date: 03-05-2007, 00:28 AM
.
ألف مبروك لهلال الملايين
ولملايين الأهلة
وعقبال الفوز في مباراة الرد
وانتصارات متتالية .. وصولا لكأس البطولة الذي نستحقه منذ سنوات
Quote: هلال السودان لك ايها المعنى الجميل
كل الضياء وكل السلام وكل احتمالات الفرح
لك الشموخ والاكتمال والاكتحال والتفرد
لك التميز والتقدم والعلو ,,,,,,,,,,
انت البياض الممزوج بزرقة البحر والسماء
الليلة اشاوس الهلال
فى ليلة الهلال
وسماء الدتيا يضيئها الهلال
ومسجد المريخ يعلوه الهلال
ومريخ العرضة يعلوه الهلال
الهلال
الهلال
يتبعه هلال وهلال وهلال
اليوم غطت الفرحة سماء ام درمان
وغابت الانجم الا من بدر جميل انار دروبها |
الأخت ام وضاح
شكرا للكلام الجميل
وهنئيا لك بعشق الزعيم
ومبروووووووووووك الانتصار المستحق
شكرا أختي أم وضاح..
.
|
Post: #5
Title: Re: سماء الدنيا يضيئها الهلال/ ومسجد المريخ يعله الهلال/ والهلال هلا وهلا ومبروووك للاهلة
Author: تاج السر حسن
Date: 03-05-2007, 00:42 AM
Parent: #4
الف مبروك يا ام وضاح والفرحة من هسه وحتى الصباح.
عشان حاتم
غيرى النجم اذا هوى
الى:-
واذا النجوم انكدرت
هسه فى زول جاب سيرة آيه ؟؟
|
Post: #6
Title: أهلا بيه الهلال الهلا ومبروووك للاهلة
Author: ابوعسل السيد احمد
Date: 03-05-2007, 01:05 AM
Parent: #5
ست الدار: أم وضاح
وبقية الزرق من
حاتم إبراهيم
ياسر عبد القادر
تاج السر
القرضابي
تامبا
الطاهر2
إلى بقية
محبي الزعيم صاحب
المقام الرفيع و
مجندل العتاولة و
صارع العظماء
ألف مبارك و حتى
النصر الكبير.
ــــــــــــــــــــــــــــ
زي ما قال حاتم خلونا نشوف
لا فوق ...
|
Post: #7
Title: ومـــريـــخنـا فووووووق..
Author: Raja
Date: 03-05-2007, 01:29 AM
آمال يا حبيبة..
مبروك ليكم إنتي وكل الهلالاب..
تخريمة: هسع المريخ ده جايبة سيرتو مالو
رجاء المريخابية والزمالكاوية على السكين ..
|
Post: #8
Title: Re: ومـــريـــخنـا فووووووق..
Author: ALGARADABI
Date: 03-05-2007, 07:07 AM
Parent: #7
الزمالك نجا من هزيمة تاريخية
والهلال باعث الفرح أسعدنا ونام السودان غرير العين
دخل المبارة 294 مليون غير الرعاية وحقوق البث
عشان تانى لمن نقول 90% من السودانيين هلالاب ما تقولو الاحصائية دي من وين
الاحصائية دي من ال294 مليون دي
بالله كلمو مزمل عشان مايقدنا بالارقام القياسية المنجوره ديك
التهاني لك اختى أم وضاح
ولك الهلالاب (يعني كل السودان الا شوية)
ودايما هلالنا في العالي
|
Post: #9
Title: Re: سماء الدنيا يضيئها الهلال/ ومسجد المريخ يعله الهلال/ والهلال هلا وهلا ومبروووك للاهلة
Author: essam&amal
Date: 03-05-2007, 08:05 PM
الهلالاب
الفرحانييييييييين
المنتصرين دايما ان شاء الله
تمبس والله انت زول ما عادى ومشكور على الذوق الراقى
والسرعة .
عبود احمد ان شاء يا اخوى العقبال لباقى الانتصارات .
المحترم حاتم ابراهيم حاااااااضر وانا آسفة شديد ما
انتبهت ليها من الفرحة وانت تأمر ومبروك الله يتم الفرح
واستغفر الله العظيم .
الهلالابى الكبيييير التاج عقبال باقى الانتصارات وعشان خاطر
حاتم وخاطرك وبكرر اسفى .
أبو عسل بتك العسل زى الهلال دى سلم لى عليها ومبروك عليك وعلينا .
القرضابى ادعوا لينا لباقى المباريات والجايات اكتر باذن الله .
اما انت يا رجاء خليتك فى الأخر عشان اتفرغ ليك , اول مرة اشوف
زول راقى كدة ومريخابى { والله ما بعرف اكتب مريخ من كجنتى ليه }
لكن انت وطنية شديد زى مباراة الهلال دى يعنى حتقيفى مع الزمالك ؟؟
[ اما انا لو المريخ لاعب مع اسرائيل والله اشجع اسرائيل ]
احكى ليك النكتة دى حكت لى صديقتى انه بتها رفضت العريس لانه مريخابى
وشايل اريبا معناها صفر لأنه اى راجل راقى هلالابى وشايل موبيتل .
اها شن قولك ؟؟؟
انشاء الله جماعتى الفوق ديل يكونوا شايليين موبيتل .
ام وضاح
|
Post: #10
Title: مــــريــخـــنــا فوووووووق
Author: Raja
Date: 03-05-2007, 08:25 PM
Parent: #9
الحبيبة الهلالابية أم وضاح..
سلام ومحبة كتيييرة..
تعرفي في بداية الألفية دي جا فريق الهلال ليلعب مع الزمالك هنا في القاهرة.. وكنت وقتها بكتب مع الراحل وديع ومحمد كامل في صفحة الرياضة في جريدة "الخرطوم".. وكنت بمشي معاهم للفريق ونحضر التمارين والمباراة.. كل اللاعبين كانوا مصرًين إني هلالابية لأنو لبسي كان أزرق.. بالمناسبة 99% من هدومي لونها أزرق..
إتعرفت على مجموعة راقية ومهذبة كان منهم الراحل "والي الدين" الله يرحمه.. وتعرفت على الكابتن الخطير فوزي المرضي. وبقت علاقة أسرية. لمن مشيت الخرطوم عزمني عندهم في البيت.
بالمناسبة المريخاب شايلين موبتيل.. والأريبا ده (Just in case )..
ودي..
|
|