Post: #3 Title: Re: شينـة وبطفـش الجكـس!! Author: Dina Faisal Date: 03-04-2007, 09:39 AM Parent: #2
الكلام الاخلاق
Post: #12 Title: Re: شينـة وبطفـش الجكـس!! Author: أبو عبيدة البصاص Date: 03-04-2007, 09:56 AM Parent: #3
Quote: الكلام الاخلاق
والله ذكرتني النكته بتاعت الدفاع الشعبي
الفيها قالوا يعرسوا اولاد الدفاع الشعبي لي بناته
وكل واحد توزيعو
يقع على واحده سمحه يهتف الله اكبر وقام واحد حظو رماهو في واحده شينه
قام يكورك جهاد نصر شهادة
قبل نمش :
سؤال عليييكم الله واحده شيييينه لكن عندها اخلاق عاليه تصحى تقابله الصباح كيف
Post: #18 Title: Re: شينـة وبطفـش الجكـس!! Author: صباح احمد Date: 03-04-2007, 10:13 AM Parent: #12
Quote: سؤال عليييكم الله واحده شيييينه لكن عندها اخلاق عاليه تصحى تقابله الصباح كيف
دة السؤال السألوا ابو عبيدة البصاص وانا معاهو ولو انو جرحني فلو ما استحملتوا شناتي انتو البستحملا منو؟ الهم يا ابو عبيدة مرة في واحد قال لي وشك دة انا بقوم بيهو من النوم.. وحتي اسأل منعم ذات نفسو لانو قدر ما يشوفني بقول لي قدام الناس وشك كدة ولا خربوا الشتا؟ وشك كعب ولا خربوا التعب؟
Post: #4 Title: Re: شينـة وبطفـش الجكـس!! Author: صباح احمد Date: 03-04-2007, 09:40 AM Parent: #1
طوالي كنت بحاول انو انمي ثقتي بنفسي واخليها كبيرة ودايما كنت بقول لروحي مافي مشكلة لو فلان دة شايفني شينة وما بتهضم اكيد في غيرو يمكن يشوفني سمحةويقتنع بانو الجمال جمال الروح لانو الزول القال مراية الحب عمية اكيد ما اعمي ولو ماواثق من كلامو ما كان قالوا وخلاهو مثل متداول بين الناس والشينين منهم علي وجه الخصوص
Post: #7 Title: Re: شينـة وبطفـش الجكـس!! Author: صباح احمد Date: 03-04-2007, 09:44 AM
مرات كدة بحاول استحمل شناتي دي واعاين في المراية لكن صدقوني بتخلع من شكلي وبقول الخير فيما اختاره الله.. وكل حاجة نصيب واكيد البتقع من السما بتتحملا ا
.. وعــااادي جدا لانو في بنات شينات زي كدة ومكسرات الجكسي
والله يابت الناس البت الشينه ما بتتقابل يعنى بس يكون شكلها مقبول مع حلاوة روح وخفة دم بتكون تمام ...
Quote: الكلام الاخلاق
القال ليك منو ؟
Post: #8 Title: Re: شينـة وبطفـش الجكـس!! Author: صباح احمد Date: 03-04-2007, 09:50 AM Parent: #6
امبارح قلت لناس اصحابي دايرة اكلم اسحق الحلنقي يألف فوقي اغنية علي شرط يلحنها علي احمد ويغنيها فرفور ضحكوا لمن اتعقدتة من روحي ولمن اسحق الحلنقي جاء كلموهو لي لكن اغرب حاجة انو ما ضحك وقال لي نفس كلام دينا فيصل دة وكلام منعم انو
Quote: الكلام الاخلاق
وانتي ما شاء الله عليك جميلة روح.. جميلة روح؟؟ عشان بصدقك .. اها طوالي مسكت ليك في العبارة دي وقلت ليهو كان كدي الا تألف فوقي اغنية اسمها جمال الروح.. وحاولت اسهل ليهو الموضوع عشان كدة بديت ليهو القصيدة: جمال الروح كفاية يا منايا..
Post: #10 Title: Re: شينـة وبطفـش الجكـس!! Author: صباح احمد Date: 03-04-2007, 09:55 AM Parent: #8
Post: #9 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 09:51 AM Parent: #1
Quote: مرات كدة بحاول استحمل شناتي دي واعاين في المراية لكن صدقوني بتخلع من شكلي وبقول الخير فيما اختاره الله..
الجاتك في وشك سامحتك يا صباح
Post: #11 Title: Re: شينـة وبطفـش الجكـس!! Author: عمر الفاروق Date: 03-04-2007, 09:56 AM Parent: #1
شينة وعاجباني.. تررام تررام ..
Post: #13 Title: Re: شينـة وبطفـش الجكـس!! Author: صباح احمد Date: 03-04-2007, 10:02 AM Parent: #11
مرة كدة وكنت وقتا في (الحرية) حسيت انو شناتي بقت ما دايرة ليها غلاط.. ولحدي الليلة متذكرة الكلام القالوا لي زميلنا في القسم السياسي قريب الله _رد الله غربته_ انو بعد دة جملي روحك لان الفيك اتعرفت..
Post: #14 Title: Re: شينـة وبطفـش الجكـس!! Author: Dina Faisal Date: 03-04-2007, 10:03 AM Parent: #11
شنو يا اخوانا شايفة موضوع الكلام الاخلاق دة جاب ليو دخل وكدة..
شوفو يا شباب في القرن الواحد وعشرين دة ما في حاجة اسمها بت شينة..
كلو قابل للتجميل... ما سمعتو بالاغنية بتاعة بهية؟؟
دي الحالة كانت علي قد حالها وحدها الديانا والكعب العالي
وما شافت "swan" ولا "opera"
يبقى فعلا الكلام الاخلاق, واحسن ليكم تقرضوا علي كدة.
Post: #15 Title: Re: شينـة وبطفـش الجكـس!! Author: فيصل نوبي Date: 03-04-2007, 10:07 AM Parent: #14
Quote:
Post: #16 Title: Re: شينـة وبطفـش الجكـس!! Author: صباح احمد Date: 03-04-2007, 10:08 AM Parent: #14
اها شايفة منعم دعا لي انو الله يهديني والقي لي واحد يقتنع بشناتي دي وحتي المسألة دي حاسة انها صعبه وما اظنها تنجح لانو رسولنا الكريم قال قال قبل كدة انو المرة بنكحوها لتلاتة اللي هم مالها وجمالا وحسبا ونسباوانا ماشاء الله علي قادة في المواد التلاتة دي يعني شينة ومفلسة واسرتي علي قدر حالا اذا فطرنا واتغدينا بنحمد الله ونبوس ايدينا وش وضهر..
Post: #19 Title: Re: شينـة وبطفـش الجكـس!! Author: فيصل نوبي Date: 03-04-2007, 10:14 AM Parent: #16
مــا الأخلاق بس .. كمان لازم الروح تكون رياضية .. .. للحقيقة والتاريخ والكلام ده ســر: عندي زول صاحبي متابع البورد ده .. كلما صباح دي تكتب ليها إن شاء الله نقطة يتصل على كان نائم يصحيني من النوم يقول لي: ياخي صباح كتبت نقطة اليوم.. وانت نائم ؟؟ المهم في الموضوع .. حسع زي حالة الزول ده يسموهــا شنــو يا صباح ؟؟ والحاجة العجيبة جدا جدا ومحيراني .. أنو صاحبي ده لا بيعجبو العجب ولا الصيام في رجب. غايتو صاحبي ده ثبت لي نظرية ( شينة وعاجباني ) بتاعت عمر الفاروق دي .. .. يا صباح .. تعرفي: طالما انت قدرتي ( تتصالحي مع نفسك ) في مسالة الشنا دي .. فدي أول خطوة في تجاه ( الحلاوة )..لانو في زولة صاحبتي كدا زماان كنت بخلطة تحت شجرة اللبخ في الجامعة .. قمت قلت ليها بالغلط ياخ أول مرة الليلة اكتشف انك شينة .. وحات خوتك .. ( حرشت لي الأمنجية واتغابت فيني العرفة ). .. كان جبت ليك راي الزول ده .. وقال انت اصلو ما شينة بتقتنعي والا عندك راي شوف تاني ؟؟
Post: #27 Title: Re: شينـة وبطفـش الجكـس!! Author: صباح احمد Date: 03-04-2007, 10:27 AM Parent: #23
Quote: كان جبت ليك راي الزول ده .. وقال انت اصلو ما شينة بتقتنعي والا عندك راي شوف تاني
والله يا تمبس يا اخوي انا خايفة ما تلقاهو عشان يرد عليك.. انا حكيت ليك بحكاية الزول الشافني وقال داير يقرأ؟؟
Post: #25 Title: Re: شينـة وبطفـش الجكـس!! Author: فيصل نوبي Date: 03-04-2007, 10:22 AM Parent: #14
Post: #26 Title: Re: شينـة وبطفـش الجكـس!! Author: صباح احمد Date: 03-04-2007, 10:22 AM Parent: #11
Quote: شينة وعاجباني.. تررام تررام ..
والله ياعمر الفاروق جنس مكانتك دي هي الودتني في داهية.. مرة في واحد بتكلم معاي في التلفون _كان لسة ماشافني_ عن المنطق والافتراضية والنظرية والبوتقة و..و..هلمجرا وبحاول يقنع فيني انو مافي بت شينة,أو ما حلوة بالمطلق..ووهمني ليك بالفرضيات دي.. بس لمن شافني ليك اتخلع ونسي فرضياتو دي كلها وليوم الليلة(هذا المشترك لا يمكن الوصول اليه حاليا)مع انو مر علي الحكاية دي سنوات. اهاود الفاروق لسة انا شينة وعاجباك؟؟
Post: #17 Title: Re: شينـة وبطفـش الجكـس!! Author: د.محمد حسن Date: 03-04-2007, 10:12 AM Parent: #1
حينما كان الزمن رخاءا وكان حظر التجول في رحم الغيب
اجتمعنا ثلاثة من الاصدقاء في حفلة ( كاربة) احدنا كانت به ملاحة اهلته دون واسكطات ان يصبح مضيفا جويا بالاضافة الى هدوءه وحياءه الجم وكانت هي ترقص في الدايرة وعينها على صاحبنا تنحنح وشمر لكي ينازلها حلبة الرقص نصحنا له ان يبتعد عن هذه (الجكسوية) فنظر الينا نظرة الواثق يا حاسدين ولم يستمع لنصحنا وماجا معها في الحلقة وفجاة وقعت منها علبة ( سعوط ) ذهل صاحبنا وحاول ان يرفعها داست عليها برجله ونهرته ( سيب الدين دي) ورجع الينا مذهولا ولم يبارح كرسيه حتى نهاية الحفلة
الابنه صباح مسكاقمي انت مش كنتي بتقدمي في حفلة الابنه عواطف في المركز الالماني اظن ذلك والخلاكي شينة شنو سبحان الله طيب دوول لو شافو مراتي كانوا سوي شنو يمكن كان كسروها كسير غايتو نحمد الله على كل حال ونقول الحمد لله الذي رزقنا هذا ونحن لها مقرنين مش كدا يا عبدالمنعم ولدي
Post: #30 Title: Re: شينـة وبطفـش الجكـس!! Author: صباح احمد Date: 03-04-2007, 10:30 AM Parent: #22
Quote: انت مش كنتي بتقدمي في حفلة الابنه عواطف في المركز الالماني
Quote:
اياني ذاتــا ياعم حمزاوي
والخلاكي شينة شنو
من العلي
Post: #24 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 10:20 AM Parent: #1
Quote: مرة كدة وكنت وقتا في (الحرية) حسيت انو شناتي بقت ما دايرة ليها غلاط
اشكر الاخت الزميلة صباح احمد لشجاعتها والاعتراف (بشناتها) متمنيا ان تفتح لنساء المنبر اخوات
نسيبة الباب للاعتراف وحقيقة انا رايت هذا الوجة من قبل كثيرا وقد تحملتة بالصبر والشجاعة والاقدام
والي اللواتي يختبئن وراء الكلام في الاخلاق الاعتراف فان المقام مقام صدق !!
حكمة : عزيزي السائق ان المرآه لا تعبر عن المسافات الحقيقة
احترس
Post: #28 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 10:28 AM Parent: #1
Quote: وفجاة وقعت منها علبة ( سعوط ) ذهل صاحبنا وحاول ان يرفعها داست عليها برجله ونهرته ( سيب الدين دي) ورجع الينا مذهولا ولم يبارح كرسيه حتى نهاية الحفلة
يا دكتور صباح دي بضمنا ليك ما حيقع منها الا كل خير
صباح..مالك علينا ؟؟ إحنا زمان إتصالحنا مع روحنا.. ياخي الجمال الخارجي ده إلى زوال الروح ياصبوحة ..كان بقت حلوة خلاس.. بس قرضنا على كده
Post: #36 Title: Re: شينـة وبطفـش الجكـس!! Author: صباح احمد Date: 03-04-2007, 10:41 AM Parent: #31
Quote: صباح..مالك علينا ؟؟ إحنا زمان إتصالحنا مع روحنا..
تماضر يااختي يعني شبهينا واتلاقينا؟ ما اظن لانو انا شناتي من نوع فريد ____________ اوعي يجيني منعم ناطي يقول لي فريد منو؟؟
Post: #32 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 10:34 AM Parent: #1
Quote: عندي زول صاحبي متابع البورد ده .. كلما صباح دي تكتب ليها إن شاء الله نقطة يتصل على كان نائم يصحيني من النوم يقول لي: ياخي صباح كتبت نقطة اليوم.. وانت نائم ؟؟
وأنت الصادق يا عبد المنعــم .. تتخيل بعدما كتبت الرد ده ورسلتو وقبلما اشوف الحاصل شنو قمت اتصلت عليه .. قلت ليهو صباح الليلة ...... وقبلما اتم كلامي معــاهو.. قال لي صباح في عينك ... وطراااخ قفل الخط في وشي .. يا صباح .. ياخي انا كنت عايز ارفع ليك روحــك المعنوية دي شوية لكن شناتك دي يعملو معاها شنو بس
Post: #34 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 10:37 AM Parent: #1
Quote: إحنا زمان إتصالحنا مع روحنا.. ياخي الجمال الخارجي ده إلى زوال الروح ياصبوحة ..كان بقت حلوة خلاس.. بس قرضنا على كده
قال ليك واحد شين شنه شديده شناته تقطع الخميره من البيت(ماعارف بيقولوا المثل ده ليه؟) , ومكسر في بت جيرانهم وماقادر ا
يقول ليها المهم اصحابو اقنعوه انه يتكلم معاها ويبوح ليها بي مشاعره قام لاقاها جنب بيتهم
وقال ليها بعد التحيه ياخي انا عندي مشكله وماقادر احلها
قالت ليه ان شاء الله خير
قال ليها هي مشكلة صاحبي في الحقيقه داير اتقدم وخايف من الرفض,
قالت ليه دي ما مشكله,
قال ليها هو عنده مشكله بسيطه انه شين
,اجابته (بكل براءة)دي مامشكله بالحب ممكن يعيشو مع بعض !
قال ليها هو لكن شين شديد
!قالت ليه برضو مامشكله بالتعود بقدروا يتأقلموا مع بعض
قام قال يها هو شين زى كده مثلا
قالت ليه انت كمان ماتبالغ !!!!
Post: #47 Title: Re: شينـة وبطفـش الجكـس!! Author: على محمد على بشير Date: 03-04-2007, 10:58 AM Parent: #39
صباح
جهجهتينى الله يجهجه باكاتك لانو انا متزكر الى وقت قريب انو كنتى خاته صورتك الشخصيه فى بروفايلك قبل مل تختى بنت عجرم دى اها قولى بعد ما قريت كلامك دا بقيت اودى واجيب البت دى صادقه فى موضوعا دا ولا بتهظر والصوره الكانت خاتاها دى ماحقتا ومكنه زى بتاعة سودانيه الطلعت تركيه وبنشر الصوره الحقيقيه مره اخرى تأكدت انو موضوعك دا مخستك
قال شينه قال اموت فى الشنا لو بقت كدا
Post: #40 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 10:45 AM Parent: #1
يا سيليكون ونوبي بالله هسع ده وش وللا رحــــــم
Post: #42 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 10:50 AM Parent: #1
Quote: منعم..ماقلنا قرضوا على الروح ..
بالله انتي برضو من جماعة الكلام في الادب يا تماضر
يا تماضر لما اعرس واقعد في (الكوشه) بقعد جنبي الروح وللا الادب وللا الفلم ذاتووو
يا جماعة خلونا من حكاية الروح دي انتو في الدفاع الشعبي وللا شنو !!
السماح عند الاعلاميين سماح القلم والكلمة ... وسماح الأخلاق كمان .. مثل جديد :- المرأة الواثقة من جمالها تدعي دائما النقيض لتتأكد
Post: #67 Title: Re: شينـة وبطفـش الجكـس!! Author: صباح احمد Date: 03-04-2007, 11:45 AM Parent: #46
Quote: المرأة الواثقة من جمالها تدعي دائما النقيض لتتأكد
مش كدة بالله ياعابدين
Post: #48 Title: Re: شينـة وبطفـش الجكـس!! Author: صباح احمد Date: 03-04-2007, 10:59 AM Parent: #43
صدقوني خايفة يحصل علي الحصل علي مرة شينة زي السألت راجلا انو ممكن تطلع لمنو وما تظهر لمنو وقال ليها ... أنت في حل .. اظهري لكل الناس .. الا أنا !!
Post: #45 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 10:55 AM Parent: #1
ناس تتباس وناس اولاد ناس
وناس وشها زي اللباس ( لباس مجنون يا سيليكون)
Post: #49 Title: Re: شينـة وبطفـش الجكـس!! Author: صباح احمد Date: 03-04-2007, 11:08 AM Parent: #45
من انا صغيرة كبرت معاي عبارة امي _اطال الله عمرها_انت تخافي ولا يخافو منك.. لحدي الليلة بتذكر العبارة دي وبتذكر معاها صراعي لخوفي.. وبقيت كلو كلو ما بقول انا خائفة لانو بخاف الناس كلا تقول لي تخافي ولا يخافو منك؟؟1
Post: #54 Title: Re: شينـة وبطفـش الجكـس!! Author: عمر الفاروق Date: 03-04-2007, 11:23 AM Parent: #1
Quote: اها طوالي مسكت ليك في العبارة دي وقلت ليهو كان كدي الا تألف فوقي اغنية اسمها جمال الروح.. وحاولت اسهل ليهو الموضوع عشان كدة بديت ليهو القصيدة: جمال الروح كفاية يا منايا..
جمال الروح كفاية يا منايا.. وانتي روحك جد حكاية .. ما يهمك لما تصحي تلقي شكلك في المرايا.. ما بيشبه للبنية الجالطة وشها زي دواية .. ما تشيلي هم أصلها الأخلاق كفاية .. ولو نويتي تكوني سمحة هاكي أبدي من البداية .. أمسحي (الديانا) أول و(الكيلي) خلّي النهاية .. الكحل خليهو أسسسسود في العيون الزي عمايا .. أحمر الشلوفة سوّي وبودرة وزّعي في الزوايا .. أنكشي الشعر المرتب أديهو (ميج)رشّي بعناية .. ركّبي العدسة البتلصق وأبقي زي بت نصري مايا.. يلا ارجعي تاني أمشي وشوفي نفسك في المرايا.. حا تلقي روحك واحدة تانية ومن جديد عايزة السماية .. وتبدي تسألي عن (صباح) ليلو طال ما ليو نهاية .. تشتاقي لي زول كان جميل وجمالو داسّيو في الحنايا.. ما زي جمال مصنوع صناعة وكنتِ لابساو زي عباية .. وبراك ترددي في الدواخل بالله شوفوا جنس غبايا.. كان مالي بس مال المرايا .. كان مالي بس مال المرايا .. كان مالي بس مال المرايا .. وتبدي تاااااااااااااااني من البداية ..
التوقيع : عمر الفاروق مركب مكنة الحلنقي
تخريمة : بي مناسبة (الحرية ) دي يا صباح بتعرفي واحد إسمو يحى حامد ؟ بالله باركي لي ليهو المولودة اللجديدة لو عرفتيهو ..
Post: #60 Title: Re: شينـة وبطفـش الجكـس!! Author: صباح احمد Date: 03-04-2007, 11:31 AM Parent: #54
ود الفاروق تحياتي سألتني
Quote: بتعرفي واحد إسمو يحى حامد
ودة كلام بعرفوا ونص وخمسة وتحياك سوف تصل __________ تخريمة: دي ابيات شعر ولا بيت نحل؟
Post: #55 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 11:24 AM Parent: #1
Quote: احود يمين ... احود شمال ... انزل تحت .. اعمل اي حاجة ياخ
عاوزين نترشح في بوستاتك عن البذاءه والتسرع والاخطاء يا مراقبين المنبر وللا شنو يا سوباجو
اكيد صباح بما اننا نناقش موضوع شناتها المابتتقابل ذى ماهى قالت .... !!!!
سؤال لكل المتداخلين بالمنبر وبدون مجاملات :
ماهو مايلفت نظرك فى البداية اذا كنت رجلا أو امرأة فى الطرف الاخر ؟
وايا كانت اجابتك نرجو مدنا بالاسباب ؟؟؟؟
وخلونا واقعيييييييييييييييييييييييييين !!!
Post: #62 Title: Re: شينـة وبطفـش الجكـس!! Author: عمر الفاروق Date: 03-04-2007, 11:36 AM Parent: #1
واحد مرتو شينة شنا شديدة خلاص .. ياخ دي أشنا من صباح زاتا أها قامت يوم جات لي راجلا وقالت ليهو : عايزاك تقول لي حاجة تدخل قلبي ده جووووووووووووووووووووووووووووووة .. قال ليها : رصاصة ..
الفلاسفة قالوا لا توجد امرأة قبيحة كسرة : تعرسي راجل مرة
Post: #65 Title: Re: شينـة وبطفـش الجكـس!! Author: صباح احمد Date: 03-04-2007, 11:42 AM Parent: #64
Quote: الفلاسفة قالوا لا توجد امرأة قبيحة
قول الفلاسفة خلينا منو يا سمؤال انت شايف شنو؟!
Post: #66 Title: Re: شينـة وبطفـش الجكـس!! Author: عمر الفاروق Date: 03-04-2007, 11:44 AM Parent: #1
يا زولة طالما بتعرفي يحى فقطع شك انا بعرفك .. يازولة انتي ما حصل جيتي الثورة الحارة 14 لي ناس أصحاب ناس يحى ديل؟ بالمناسبة انا اشتغلت في (الحرية) فترة قصيرة شديد وكنت ماسك الصفحة الرياضية للاخبار العالمية لمدة اسبوع وبعدها جيت الغربة .. يا ربي تكون شناتك دي الخلتني اسيبكم ؟
Post: #69 Title: Re: شينـة وبطفـش الجكـس!! Author: صباح احمد Date: 03-04-2007, 11:56 AM Parent: #66
Quote: يازولة انتي ما حصل جيتي الثورة الحارة 14 لي ناس أصحاب ناس يحى ديل؟
ابدا ياعمر.. يحي اعرفه منذ (الحرية) مرورا بـ(الصحافة)حتي الان.. الشئ العارفاهو انو اهله كلهم في ربك
يا ربي تكون شناتك دي الخلتني اسيبكم ؟ لا وانت الصادق بتكون شنات ناسن تانييين
كان الزوج يمشي مع زوجته الشينة جداً ، وكعادة السودانيين 3 أمتار أمامها . بدأ أحد المارة يغازل في الزوجة ، ما كضبت خبر ، نادت لزوجها ، تعال يا محمد شوف الما متربي دا بيشاغل فيني . رجع محمد ووقع في المشاغل ضرب غرائب الإبل ، غايتو قبال روحو ما تطلع أهل الخير فكوهم من بعض . تكيفت الزوجة عل الآخر وقالت لزوجها : " والله تب ما قصرت ، أصلي ما كنت قايلاك بتحبني وبتغير على قدر دا " رد الزوج " إنت يا ولية إتهبلتي ، حب شنو وغيرة شنو ، أنا دقيتو عشان ذوقو الوحش دا "
صباح بطلي تواضع
عمر الفاروق كدي أرجع شوف أبو جودة منتظرك كيف في بوست حتى لا يحزن الأعضاء الحساسون
Post: #70 Title: Re: شينـة وبطفـش الجكـس!! Author: محمد عثمان محمد طه Date: 03-04-2007, 12:03 PM Parent: #1
رأيك شنو في العريس اللقطة ده جاهز من مجاميعو حتي الدراسة كملها ..... تحياتي .....
Post: #81 Title: Re: شينـة وبطفـش الجكـس!! Author: صباح احمد Date: 03-04-2007, 01:00 PM Parent: #70
Quote: رأيك شنو في العريس اللقطة ده جاهز من مجاميعو حتي الدراسة كملها
والله يامحمد اخوي انا خائفة زولك دة بعد ما كمل الدراسة يقول ليك داير اقرأ
الكلام الكاش يا صباح لو عندك القرش الحبة ما بتجيك أسأليني أنا .. عندي بت عمتي جناح المقرشين وارثة ودارسة بس شينة ووشها زي طربيزة اللحام وأكبر منك يجي عشرة سنوات والله عرّست زي العجب .. وبالمناسبة بعد الكريمات وأدوات الفسخ ما بقت في بت شينة كلكن سمحات الله يحفظكن ..
Post: #77 Title: Re: شينـة وبطفـش الجكـس!! Author: صباح احمد Date: 03-04-2007, 12:32 PM Parent: #76
Quote: الكلام الكاش يا صباح لو عندك القرش الحبة ما بتجيك
كاش شنو يا بكري يا اخوي اقول ليك شينة تقول لي كاش هو لو عندي كاش كانت دي حالتي
خلاص بعد تجي الامارات بنشوف يا صباح اركزي علي كلامك ده
Post: #80 Title: Re: شينـة وبطفـش الجكـس!! Author: صباح احمد Date: 03-04-2007, 12:55 PM Parent: #79
ذات يوم رغب رجل وسيم كان يعشق الفتيات الجميلات ولا يتمالك نفسه من السير ورائهن في شوراع الخرطوم المذدحمة بالانس والجن رغب في الزواج مني وحينما سألته عن السبب وراء طلبه الزواج من فتاة قبيحة لاتثير الاعجاب بقدر ما تثير الفزع والخوف كان.. يرغب بالزواج بفتاة قبيحة جدا .. جاءت اجابته التي لم تدهشني حتي إذا ما ضبطت متلبسا بخيانتك وجد لي الناس عذرا) ..
Post: #82 Title: Re: شينـة وبطفـش الجكـس!! Author: صباح احمد Date: 03-04-2007, 01:18 PM Parent: #79
Quote: خلاص بعد تجي الامارات بنشوف يا صباح اركزي علي كلامك ده
اركز اكتر من كدة ياعباس.. اضرب لي فيصل نوبي وهو يوريك الحاصل شنو
صباح يا اختي بسم الله الرحمن الرحيم انت شينة؟ طيب نحن نقول شنو والناس الشينين بالجد يقولوا شنو . وبخصوص العرس ماعنده علاقةنهائي بالموضوع ده..وانا بعرف بنات ياصباح شينات عديل باجماع الناس وعرسن ..هو العرس ده مشكلة؟ لكن يا صباح الليله الناس الشينين حيزعلوا منك..لانك اكيد ماقاصده روحك. اميره
Post: #106 Title: Re: شينـة وبطفـش الجكـس!! Author: صباح احمد Date: 03-04-2007, 02:39 PM Parent: #103
Quote: انت شينة؟
اجي يااميرة يا اختي
Quote: هو العرس ده مشكلة؟
لا طبعن
Quote: لكن يا صباح الليله الناس الشينين حيزعلوا منك..لانك اكيد ماقاصده روحك. اميره
سلامات وعوافي ياصباح .. دا حنك بنات سمحات .. وكل الجكس الموجود هنا في البوست دا شكلو من "تعليقاتو" شديد وزي اللمبة .. لكن دا كلام غريب؟ الواحدة تكون زي القمرا في يوم 14 وتجي تقول شينة السر في كدا شنو؟ .. يابنيات قولن الحمد لله .. اكان شينة والا سمحة .."الكلام في قول دينا فيصل دا" وقرضن علي كدا ماتجو بعد شوية تقولو لي الاخلاق ماكفاية وبقية النواميس القديمة دي .. انتي كويسة يعني سمحة ومتصالحة مع الاخر علي نحو حميد لكن كعب السمحات ومسيخات ديل هسي لو الواحدة بقت زي نقاوة السما بعاين ليها ..يازولة الروح السمحة زي نسمة الصيف .. ياما شفنا بنات شينات ولكن لهن ارواح الملائكة ولم يبرحن الذاكرة هذا ان لم يخلدن في عرصاتها الي الابد .. ولم ولن نتعامل معهن علي طريقة سمحة وشينة .. ففي كل الحالتين لا يد لهن في ذلك .. الانسانية ياسيدتي هي نقطة الالتقاء .. فقومي لفي بي شناتك دي .. شنية وبطفش الجكس .. صباح بالغتي انا اكان ما شفتك كنت بكيت بي بوستيك دا لاني كنت بتخيلك تمشي في الشارع والشباب يعمل فيها ماشايفك وتجي تتكلمي والناس تعاين للبلاوز بتاعك وتتحاشي تعاين لي وشك وتجي تضربي تلفون الواحد يكون بتكلم معاك وماسك ليهو ليمونة وبقية السلوكيات المعروفة في مثل حالة البت الشينة .. يا اخوانا دا ظلم عظيم الله يرحمن واياكم..
Post: #98 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 02:21 PM Parent: #1
Quote: لو في زول بعرفها يقولليها محمد فرح قال داير يعرسك
ما تعرسيهو يا صباح محمد ده مناصر الظلمه اهل النقاذ
ودي حاجة مركز الخصوبة ما يقدر يحلها
Post: #100 Title: Re: شينـة وبطفـش الجكـس!! Author: صباح احمد Date: 03-04-2007, 02:27 PM Parent: #98
Quote: محمد ده مناصر الظلمه اهل النقاذ
ومالا الانقاذ..عيبا لي ..
____ تخريمة: هوووي يامنعم انا ماناقصة مشاكل..اسمع يا اخوي ما تخرج علي النص انا بتكلم عن موضوع شناتي المعقدني دة تقوم تعقدني اكتر ثم انو الشاب دة طلع من علبو وقال داير يعرسني بي شناتي دي
Post: #99 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 02:24 PM Parent: #1
Quote: اجي يا اخواني.. قلت ليك نتغدي تنبذني؟
يا عويره دي حركة عشان العرسان يعرفوا صبرك واخلاقك السمحة
Post: #101 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 02:30 PM Parent: #1
Quote: ومالا الانقاذ..عيبا لي ..
وشها زي وشششك الشين ده
____
الهزار في وشك وووش الانقاذ اصلو قبيح وما دايرلو هزار
Post: #102 Title: Re: شينـة وبطفـش الجكـس!! Author: صباح احمد Date: 03-04-2007, 02:35 PM Parent: #101
Quote: ما تعرسيهو يا صباح محمد ده مناصر الظلمه اهل النقاذ
ودي حاجة مركز الخصوبة ما يقدر يحلها
عبدالمنعم كان دايرها لي روحك قول بالواضح
وخلي التنافس شريف ياأخوي
Post: #115 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 10:05 PM Parent: #1
Quote: كان دايرها لي روحك قول بالواضح
وخلي التنافس شريف ياأخوي
لا والله خليتا ليك انتا بث يكون المأذون عمك هجو الاقرع
بالله ما تنسي لبسوها برقع وخمار وركبوها هودج واعملوا شهر العسل في افغانستان
Post: #116 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 10:21 PM Parent: #1
صباح احمد الشهيرة بنانسي .. صباح تقوي الانسان وتكافح التسوس
صباح بالفلورايد
لا تدع صباح تفوتكم
Post: #117 Title: Re: شينـة وبطفـش الجكـس!! Author: عبد المنعم سليمان Date: 03-04-2007, 10:36 PM Parent: #1
عذبتي الاوكسجين يا صباح
____
وشك كده وللا قلبوا الشتاء
Post: #119 Title: Re: شينـة وبطفـش الجكـس!! Author: عفاف أبو حريرة Date: 03-05-2007, 02:29 AM Parent: #117
والله انتو كلكم زي العسل صبوحه الحاله دى بتقولي شينه كان سمحه كان عملناشنو اريتاشنات بناتي عفاف ابوحريره
Post: #120 Title: Re: شينـة وبطفـش الجكـس!! Author: عفاف أبو حريرة Date: 03-05-2007, 02:32 AM Parent: #119
اناقاصده الصوره الاولى مالصوره اللعب فيها عبدالمنعم
Post: #155 Title: Re: شينـة وبطفـش الجكـس!! Author: صباح احمد Date: 03-06-2007, 03:48 PM Parent: #119
Quote: صبوحه الحاله دى بتقولي شينه كان سمحه كان عملناشنو اريتاشنات بناتي عفاف ابوحريره
والله يا عفاف حالة اخير منها الاغتراب مع الاعتذار للجماعة _____ وجه ضاحك
Post: #154 Title: Re: شينـة وبطفـش الجكـس!! Author: صباح احمد Date: 03-06-2007, 03:45 PM Parent: #117
Quote: عذبتي الاوكسجين يا صباح
اسمع البت الحلوة الجبت صورتا دي منو؟؟
Post: #121 Title: Re: شينـة وبطفـش الجكـس!! Author: عبد المنعم سليمان Date: 03-05-2007, 09:58 AM Parent: #1
ده صباح شنو يا صباح
Post: #122 Title: Re: شينـة وبطفـش الجكـس!! Author: Dina Faisal Date: 03-05-2007, 10:10 AM Parent: #121
غايتو يا منعم
الله لا بلا بيك حبيب
ندمت صباح علي اليوم الفتحت فيهو خشمها
Post: #124 Title: Re: شينـة وبطفـش الجكـس!! Author: bayan Date: 03-05-2007, 10:20 AM Parent: #122
يااااااااااه يا ثبوحة
سنة 1984 انا واقفة في بلكونة في قصر الشباب كان ناس شهادة لندن بيمتحنو فيه حااااااااجة تجيب العقد بنات هالف كاست وبنات ماكلات تفاح وشاربين لبن مولودات في الرهبات
حيث تعطلت الدراسة ذلك اليوم من هذا الامر الجلل حتى السر السيد مولانا رفض الدخول للفصل وفضل اخذ حمام جمالي وغسل وشحن ذاكرته الجمالية.. ونائب العميد ذات نفسو مرق من مكتبو ولقيت ليك الاولاد زارينو انت الذي ديل ما بجن المعهد ليه؟ وانت عامل فيها جمالي وعير الضباع ما بتجيب حاجة اها هو ذاتو قاليهم ما انتو براكم والله ساحرات ماكبث ديل مكرهني الحياة.. كان لقيت يغطسن وما يمرقن ماني مابي
اها اها انا واقفة كدا اعاين بس جا استاذنا وقف معاي يتفرج بعد شوية قالي : يا بيان اقوليك قولة امسكن قوي في الكلام على الاخلاق..
Post: #156 Title: Re: شينـة وبطفـش الجكـس!! Author: صباح احمد Date: 03-06-2007, 03:52 PM Parent: #124
Quote: يااااااااااه يا ثبوحة
يااااااااااه يا خالة بيان؟؟
شفتي الزمن سوي فوقي شنو؟ _______ تخريمة والله مشتادة ليتي سديد حلاس احبارك سنو؟؟
Post: #125 Title: Re: شينـة وبطفـش الجكـس!! Author: عبد المنعم سليمان Date: 03-05-2007, 10:26 AM Parent: #122
Quote: ندمت صباح علي اليوم الفتحت فيهو خشمها
خشما وللا نخرتا يا دينا
Post: #157 Title: Re: شينـة وبطفـش الجكـس!! Author: صباح احمد Date: 03-06-2007, 03:56 PM Parent: #122
لووووووووووول يا منعم بس الا الكتابه دي يعني يبقن علينا اتنيين؟؟؟!! لكين يا صباح ولا يهمك يا بتي سمح السعد تصدقي انا شينه جدا لكين اي زول سمح بتكسر فيني
Post: #158 Title: Re: شينـة وبطفـش الجكـس!! Author: صباح احمد Date: 03-06-2007, 03:59 PM Parent: #138
Quote: سمح السعد تصدقي انا شينه جدا لكين اي زول سمح بتكسر فيني
مصدقاك يا دوما بس البقنع الجماعة البعاينو للمظاهر ديل شنو
واحد متزوج واحده شينه شنا مره سكن فى بيتو قبل اتمو والبيت الملاصق معاهو طوالى بيت ايجار . . سكنوا ليك فيهوعزابه جداد . . المراه قالت لى راجل يا راجل لازم تتم الحيطه البينا وبين العزابه ديل بالبناء عشان ما اشوفونى واقوموا اعاكسونى ولا حاجه راجلا عاين ليها وقال ليها فى واحد من العزابه ديل شافك قالت ليهو لا لسه مافى واحد شافنى قال ليها خلاص اصبرى لمان اشوفوك براهم بتمو الحيطه دى . . . . يا عبدالمنعم شنو ياجماعه شوفوا موضوع غطى كدحك دى انتو كلكم بورداب الخرطوم والجاتكم فى مالكم سامحتكم
أسوي شنو عاد؟؟داير أطمنك بانك إن شاء الله ماحتبوري.. وعشان أطمنك أكتر أنا عندي ولدين أخليهم ليك إحتياطي كان سوقك نام تجي تعزلي العاجبك فيهم بس طبعا المهر على الطريقه الهنديه...اها ..قصرت معاكي؟؟؟؟؟
يا بت ما تروقي ومال ، شوفي الشين بشناتو يضوقك شناتو وانا يا منعم اول زول ضقتا الشنا دي ، وكنت معاها في اسمرا واحد اخونا قال لي زول يخش المطعم بريغيفتو ويا صباح انت غير منعم دا ما عندك سكة والسبب انا ومنعم عارفنو
بقعد جنبي الروح وللا الادب وللا الفلم ذاتووو
حتي إذا ما ضبطت متلبسا بخيانتك وجد لي الناس عذرا) ..
