|
Re: نسمة في زمن الوجع .....(فرمالة)..!! (Re: عبدالكريم الامين احمد)
|
Quote: نسمة في زمن الوجع ملت غيم شالت دعاش وهبشت وتر الزول الواقف في الرصيف شايل غربتو وحزن السنين شايل وجعتو ورنة الم شايل قلب تعب كبر نايم فوق مواني السفر |
نسمة في الزمن الوجع.. معطونة بالريح الدُّعاش مجنونة..والزمن التعب.. لسه ساكنّا إرتعاش هل كانت الغربة ..المصير .. لي زول دواخلو الإندهاش متلفّح المصلاية توبو.. وطبعو دايماً هوّ باش ليه رحل ..والبيت كبير .. سلامو بين الغاش..وماش ياوطن..كان شلتا إيدو.. لاكان حلم جواكا داش لا عاكس الوكت الدقيقة والفينا ميّت فيكا عاش ليه تجافينا..الوعود.. وإنتا صدقك فينا جاش.. فاضت مشاعرنا القديمة.. وحام حواليك الفَراش
| |
|
|
|
|
|
|
Re: نسمة في زمن الوجع .....(فرمالة)..!! (Re: عبدالكريم الامين احمد)
|
عبدالكريم كيفك
Quote: نسمة في زمن الوجع ملت غيم شالت دعاش وهبشت وتر الزول الواقف في الرصيف شايل غربتو وحزن السنين شايل وجعتو ورنة الم شايل قلب تعب كبر |
بالغت لكن ياعبدالكريم الغيمه دى كيف تهبش وتر الزول الواقف فى الرصيف انا طبعا بهظر ساكت كلامك جميل عبدالكريم
| |
|
|
|
|
|
|
Re: نسمة في زمن الوجع .....(فرمالة)..!! (Re: ماجدة عوض خوجلى)
|
[BQuote: ]بالغت لكن ياعبدالكريم الغيمه دى كيف تهبش وتر الزول الواقف فى الرصيف انا طبعا بهظر ساكت كلامك جميل عبدالكريم[/B |
] مرحب يا ماجدة ياراقية وانا ذاتي محتار في النسمة دي الوداها تهابش وتر الزول داك شنو وكمان المحيرني اكثر الزول ذاتتو الموقفو في الرصيف شنو..في داعي علي وقوف الرصيف
| |
|
|
|
|
|
|
Re: نسمة في زمن الوجع .....(فرمالة)..!! (Re: عبدالكريم الامين احمد)
|
Quote: نسمة في الزمن الوجع.. معطونة بالريح الدُّعاش مجنونة..والزمن التعب.. لسه ساكنّا إرتعاش هل كانت الغربة ..المصير .. لي زول دواخلو الإندهاش متلفّح المصلاية توبو.. وطبعو دايماً هوّ باش ليه رحل ..والبيت كبير .. سلامو بين الغاش..وماش ياوطن..كان شلتا إيدو.. لاكان حلم جواكا داش لا عاكس الوكت الدقيقة والفينا ميّت فيكا عاش ليه تجافينا..الوعود.. وإنتا صدقك فينا جاش.. فاضت مشاعرنا القديمة.. وحام حواليك الفَراش |
جااااك الموت يا تارك الصلاة
اديهو في قلبو يا تماضر
| |
|
|
|
|
|
|
Re: نسمة في زمن الوجع .....(فرمالة)..!! (Re: محمد سنى دفع الله)
|
Quote: نــــســــمــة في زمن الوجع أمانة ما وقع راجل |
انت عارف يا السني قدامي حسي صحبك جمال حسن سعيد وشايفو بتكلم عن زولة فتحت الروح ضلفتين.. .. .. الوقوع حاصل من زمان ياسني لكن قلنا نعمل نوعية جديدة من اركلوجية شعر الرمز الممزوج بالبوح البخش جوه مسام القلب,,,(لقيتني كيف علي الله كبتاع اركلوجية بوح )
| |
|
|
|
|
|
|
Re: نسمة في زمن الوجع .....(فرمالة)..!! (Re: عبدالكريم الامين احمد)
|
أتوهّط.. ركن البلد.. ماكان مفكّر في تعب أصلو التعب ..ماسحاو بسيمات البنية الشايلة بين إيديها أشواقو الهديّة هل تفتكر ..مرّة حيضيق الركن ؟؟ وبدل التعب ..إسكن الجوف الحزن ؟؟ شيل غبارك ياولد عفّر أركان البلد عارف ..إنو التراب..ريحتو لو شافت جروف.. مزفوفة لي نيلنا الهناك..ماحنعرف تاني خوف
| |
|
|
|
|
|
|
Re: نسمة في زمن الوجع .....(فرمالة)..!! (Re: تماضر الخنساء حمزه)
|
Quote: عارف ..إنو التراب..ريحتو لو شافت جروف.. مزفوفة لي نيلنا الهناك..ماحنعرف تاني خوف |
سلام ياتماضر الم اقل لك يا بنية انتي تمتلكين سعة تجوال مدهشة ما بين تفاصيل الاشياء وتخافك الحروف فتاتي طائعة لتشكل جروف مزفوفة لنيل وشحن شجاعة ابدا لاتعرف خوف... انتي الكلامك سمح يازولة هووووي
| |
|
|
|
|
|
|
Re: نسمة في زمن الوجع .....(فرمالة)..!! (Re: عبد المنعم سليمان)
|
Quote: سمح شنو يا تماضر الزول ده صحبي وانا عارفو بتاع مجانين وكنابي |
منعم ده حاقد علي المواهب الناشئة...يا تماضر وبعدين يا منعم انا ما مشيت بعيد من اصحابك المجانين بالذات في حتت الزول الهبشتو النسمة وهو واقف علي الرصيف بس الزول ما زي مجانين هشام الكعبين ديلك... ... ...
| |
|
|
|
|
|
|
النسمة جاية....يا عبدالكريم (Re: سارة حمزة)
|
النسمة جاية....يا عبدالكريم
صديقى
النسمات لا بد أن تاتى
لا ينقصنــا شىء......
إن نحنــا تحسسناها..
ربتنا عليهــا...
بوتر لا يراه احد
وتبعنــا ذلك بالامل
وفوق كل ذلك...
بالحب
صديق - الدوحة
| |
|
|
|
|
|
|
Re: النسمة جاية....يا عبدالكريم (Re: Siddig A. Omer)
|
فعلا يا صديق النسمة جاية ولمن تجي بتخش توش.. ياكافي البلاء لا تشاور وتخليك تسعين بقوقل.. بتجي النسمة يا صديق في شكل بارقة امل لحرية بارقة امل لوجدان وقف علي رصيف الانتظار طويلا ولم يمل السفر... ومتابعك بتركيز في بوست صحبك فيصل بتاع اركلوجيا البوح...(مجانين انتو يا صدبق ياخيي)
| |
|
|
|
|
|
|
Re: نسمة في زمن الوجع .....(فرمالة)..!! (Re: عبدالكريم الامين احمد)
|
كريم انت يا خوى صدقت كلام الناس ديل ولا شنو؟ عملت نفسك شاعر ونسمه هابه ومطره جايه وشخطور وتفشخط الفشخاط وكلام من النوع ده؟ والبنيات السمحات ديل يشيلن ويشكرن فيك وانت راسك يكبر وتصدق انا غايتو فى صف اخوى منعم ده... عارفين انو الاستاذ فضيلى جماع خالك لكن ما طوالى كدة تخمنا...
يازول والله مرور وتحية واعجاب كمان.. وخلى البنيات يشكرنك انت الزيك منو ياكيكى؟؟؟؟
| |
|
|
|
|
|
|
Re: نسمة في زمن الوجع .....(فرمالة)..!! (Re: ضحيه ابراهيم)
|
[B]كريم انت يا خوى صدقت كلام الناس ديل ولا شنو؟ عملت نفسك شاعر ونسمه هابه ومطره جايه وشخطور وتفشخط الفشخاط وكلام من النوع ده؟ والبنيات السمحات ديل يشيلن ويشكرن فيك وانت راسك يكبر وتصدق انا غايتو فى صف اخوى منعم ده... عارفين انو الاستاذ فضيلى جماع خالك لكن ما طوالى كدة تخمنا... ياضحية ياوريف.. ياخ والله كرهتونا البوح والشجن والاركلوجيا ذاتتتو... يعني الواحد ما يطلع من علبو شوية ويعبر عن حال الدنيا... ... ... واستاذ فضيلي مشتاقين ليهو والله ولو ما انجزنا وعدنا يا ضحية فائدة(كي) فوقنا مافي...يا ود ابوك... ... تشكرات يا صحبي وابقي طل ولو محتاج لقصيدة تعال زورنا وشيل وممكن نفصل ليييييك زي ما انت (عايز) ما (عاوز) يا جلابي يا انت..
... اوع تاني تغازل في بوستاتي ياسمح يازين
| |
|
|
|
|
|
|
|