عدد البوستات: 5 تاريخ التسجيل: 01-03-2007 محل الاقامة: : عنوان مكتبتى بسودانيزاونلاين دوت كم : اكلات مفضلة: الاسم الحقيقى: أزهري عبدالقادر نورالهدى التلفون: الجامعة/المعهد: الحالة الاجتماعية: Single العنوان الدائم: my address is 11 Coriander Way, Oxford, OX4 7XY U.K. الفنان المفضل: اللون السياسى: النوع: Male الهوايات المفضلة: الوظيفة: تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: مكان العمل: مكان الميلاد فى السودان: صورتى:
اهلا وسهلا بحبيبنا الدويمابي ود دفعتي في بخت الرضا وبن عمي ود العمدة الموسيقار ازهري عبد القادرالمشهور( ود د ريشة) بتاع معهد الموسيقي يا ناس الموسيقى وصدفة اجدك الان الان( لنج من الورقة) بيننا ونورت عليناالمنبر يا ود نور الهدى.... واحب الدويم شات والركوب عجلات واحب كمان بطل روتو و حسن متنك والتاج سعيد وفاروق العضلاتي والهلبة غرب وحاجة حليمة والطيب عوض ريد ونفيسة طربوش وابو رزقة وود القسيس وابكر وبار المحبة والقيسي اليماني وسعيد اللــو ...وعمنا نجارو والنور الجربق واولاد لبيب واحبك انت ظاااااطو!!
يا خي انت ما زول اصيل وحساس ونبيل وود عمي ابو الزهور الساكن جنبك ما بعيد من لندن ده موسيقار..عبد الوهاب بتاع شنو ده ضو قبيلة السودان كلها..عشان كده بحتاج ليهو اهداء من حاجاتك الرائعة بتاعة الموسيقي البتناسب ذوق موسيقار في قامة ابو الزهور.
حبيبنا المبدع ولدنا ودفعتنا والخطاط العالمي مامون زينة شباب السودان والدويم
سلام
شفت الدنيا ضيقة كيفن وانا خايف بكرة الاقي في النت ده اضان قريد ولا الدشوني ولا شقورة ولاالبقاري ولا ازهري حسن ابشر,,,ولا كمان القي كريشنقة ولا نحلة ولا الدشين ولا محمد كوشة ولا مهدي الصول او بهاء الدين او عبد الرحمن الحلبي ولاالرفاعي ولا توفيق ولابرعي الحلواني ولا الماظ ولا محمد الياس الحلاق ولا بدر الدين الرياضي ولامجاهد الانصاري ولا مايسترو ولا بركليس ولا كوستا ولا جبري اليماني ولا علي رستم ولا حسان بتاع الراديوهات ولا الجلال الساعاتي ولا ابراهيم السواري ولا ود الببسي ولا بحر التكاسي ولا عبد العال بتاع الفول ولاود الاسد ولا محجوب علي الشايقي ولاالسباعي الخطاط ولابص رمبيك ولا بص السلام ولا بص التوحيد ولا مصنع الجنجبيرة اوود باصرو ولا كبشور ولا ود الكيفي ولا الطيب علي ولا ابو اليكن وودنفاش ظااااااطو!
الحبيب هشام هباني لقد سبقتني ونتة دايما سباق للخير ازهري عبد القادر من خيرت أبناء المعهدالعالي للموسيقي والمسرح وهوة ود دفعتي ومن أعز اصدقائي اللزين افتخر بصداقتهم تجدني ارحب بة معك في هذة المنبر ونتمني لة إقامة طيبة بيننا ولك الشكر
Post: #7 Title: Re: افو افو يا ناس البورد الموسيقار ود عمي ازهري ود د ريشة ظاااطو بينكم ؟!!. Author: ادريس خليفة علم الهدي Date: 03-02-2007, 11:20 PM Parent: #6
الحبيب نادر أنا عندي معاك كلام يا حبيب لا بيبتدي و لا بينتهي وشوق مطره.....قضارف كهي ....و الله بس خليني...أدق باب السنط ...و أدخل عليك في حلتكم و بالمناسبة جاينك أنا و مودي ألفرد
الجميل مامون أحمد محي الدين كل ما مريت بالخاطر تمر معك صورة الإنسان الرقيق الحصيف الآسر... كيفك و أحوالك... و طمني بالله عليك علي الحبيب الوفي مجدي الوسيلة موبايله ما بيرد .....
الدكتور مصطفى محمود شكرا يا أخي علي الترحيب و الإهداء الرائع ده و الذي مكنني من الإستماع وشوفة بعض الأحباب و خاصة البيازي الخطير الصديق فيصل سيد إمام لك و له التحايا و العملاق صلاح دهب محمد سليمان سعيد العاقب صلاح زوربا والأستاذ بشير صالح والرائع عبدالله تنقوريا وصلاح رفلي و الثعلب سراج و حاتم بيمول و الملك هاشم هريدي وعذرا للبقية ما العتب علي النظر
حمد اسماعيل دحين ياخوي الكمنجة الفي بروفايلك دي ماكمنجتي ولا النظر بقي ضعيف ؟؟؟؟؟؟؟؟ بطل حركات بتاعين الباص دي ورسل لي تلفونك علي الماسنجر عشان نبل الشوق
اسماعيل محمد الحسن بركة في الشوفة لقد حاولت الاتصال بكم كزا مرة لم اوفق إنتة بيهناك ولابيهنا كلمني ضروري
أول من زرع فيّ حب عزف الأكورديون بالرغم من أنه كان زميل شقيقي الأكبر (السموأل ـ ايضا عازف أكورديون) في نادي الصبيان ولكنني أحببت عزفه أكثر .
كانوا دفعة واحدة :
كنت أحبهم (أزهري دريشة ـ السموأل خلف الله ـ مهدي آدم ـ عبده حسن)
يجيد عزف أكثر من آله موسيقية .
كنت حين أراه ضمن فرقة الأستاذ ابوعركي وأسمع موسيقاه أظنه ساحرا ـ موسيقي ابو عركي لا يعزفها إلا ساحر)
يسكن جارنا في الدويم ( شندي فوق ـ مربع 3 ـ جنب الترعة)
في زواج نيسبنا وعمنا نور الهدى محمد نور الهدى (ود التور) في نادي الضباط في الخرطوم ، كان قد طال بنا الفراق وقد كنت صغيرا في آخر لقاء لي بالأستاذ أزهري ـ هو لم يعرفني وأنا لم أنسه أبدا أتيته لأعرفه بي فقلت له : أنا معتز خلف الله أخو السموأل خلف الله فأعطاني درسا وقال لي جملة مانسيتها ابدا: قال لي قل أنا معتز خلف الله القريش وبس ـ عرف نفسك بنفسك ولا تقل أنا أخو فلان أو علان كوّن لنفسك شخصيتها وعرفها بها .
لازلت اذكر تلك الكلمات ونحن بين الفاصل وفي ملعب السلة (ان لم تخني الذاكرة)
أهلا أستاذنا أزهري دريشة أهلا بك أخا وأستاذا وعملاقا نفخر به .
لن أقول لك أنا اخو السموأل ولكنني أقول لك أنا (معتز خلف الله القريش) عازف الأكورديون السابق في فرقة الراحل الستاذ مصطفى سيد أحمد
الناظر ود هباني والله آآ الناظر أنا أول ما الجماعة ديل مشكورين أدوني الإذن قلت آ زول آنغشى و أمشي لود آعمي ده اطايبه و أسلم عليه و أخت صفحتي دي كدي معاه للصباح و بعد فكةالريق كدي أستسمحه و أقوم أختر علي الحلة القدامية أمشي كدي يعني علي ناسي ناس نادر و الموصلي ديل عشان إنت عارفني أنا براهم ما ببقى...... و الله بالأمارة كمان غشيت و لقيت معاك ود عمك ابسوط ود علي أزرق و برطن معاك بالإنجليزي (باقي الجنى فنان و فاهم خلاس) يعني المعنى كدي....
كيفنك آ الناظر .... طبته....و طاب معناك والبلى .....ما جاك و سلمته من كل بلى وشكرا كتير علي الترحيب الكبير ده و يا ها المحريه فيك.........
الله الله....... معتز ود علوية بت عمي علي ود محمد أحمد
التحايا و الشوق و الإعزاز و الإعتزاز وينك يا راجل .. و وين أراضيك خبرك شنو يا زول و كيف أخبار الأهل و خاصة أستاذنا الفنان العظيم خلف الله القريش وطبعا أشكرك كتير علي الصورة الجميلة دي و إنت بتبدع مع أعظم الرجال و نلت شرف العزف مع واحد من أعظم ا لموسيقيين السودانيين مصطفي سيد أحمد و أخونا الفنان جدا دفع الله بشير تحياتي و شوقي و تشكراتي و لي عوده خاصة معك ياحبيب
ان اعظم فن هو فن الممكن وان اصعب فن لغة الترحيب واذا جمعنا الاثنين اصبحنا قادرين تجنب المغالاة نورت السودانيز ووجه زميلي معتز القريش الذي كان يحدثني عنك بكل محبة وفرح
الدفعة العظيم و الصديق الكريم ود لعوته و الله لينا زمن نفتش ليك كيف الأحوال و الصحة و كيف أسرتك الكريمة و الله في سيرتك أنا و جبره الصغير و وصلني رسالتك أول أمس تسلم يا أمين و شكرا
البروف العظيم حمد إسماعيل فضل الله يا محترم أشكرك ياصديقي علي هذا الترحيب الكبير أستاذي ترحيبكم هذا إن دل علي شئ إنما يدل علي تنازلكم و تواضعكم و أصلكم النبيل سيدي الفنان.. شكرا صديقي
أبو سريع الحبيب ألف حمدلله علي السلامة خبرك شنو يا خي الغتاته عليك شنو في داعي للفضايح دي مادام إنت خاتي صورتك بتاعة بطاقة المعهد المصورة في إستديو (فارتي) و الموصلي خاتي صورة غلاف شريط شوق الهوى الليها تلتين سنة ما تدونا فرصة معاكم كمان انحنا نجنصص شوية كمان
مرحب بأزهري دريشة، الرجل الذي شكل وجداننا ونحن شباب بمناسبة شباب دي يا هشام هباني.. غايتو اللي بيسمعك أنت ومأمون وذكرياتكم عن الدويم، يخلينا نمد رجلينا ونقول والله لسه العمر بدري عليه.. يديكم ألف عافية.. تخريمة: أرجو من الأخ أزهري والشباب الحلوين أن يوثقوا لنا مسيرة الفن بالدويم من قبل ود شين ومروراً بخالد محمود، ود القمر بوبا، مجدي عبد الجبار، ود البكري، محمد نور بشير، الجيلي الشيخ، ميرغني شنقر، عبد الله عبد المولى وغيرهم..
مرحب بأزهري دريشة، الرجل الذي شكل وجداننا ونحن شباب بمناسبة شباب دي يا هشام هباني.. غايتو اللي بيسمعك أنت ومأمون وذكرياتكم عن الدويم، يخلينا نمد رجلينا ونقول والله لسه العمر بدري عليه.. يديكم ألف عافية.. تخريمة: أرجو من الأخ أزهري والشباب الحلوين أن يوثقوا لنا مسيرة الفن بالدويم من قبل ود شين ومروراً بخالد محمود، ود القمر بوبا، مجدي عبد الجبار، ود البكري، محمد نور بشير، الجيلي الشيخ، ميرغني شنقر، عبد الله عبد المولى وغيرهم..
العزيز إسماعيل وراق شكرا ياخي علي الترحيب لكن و الله أنا في الحالة دي أصغر من هشام و طبعا أنا دفعتي أستاذنا العظيم كمال الرفاعي بابكر و الأستاذ إسماعيل عمر محمد عمر ود النجيكامة و تشرفنا بمرافقة الأستاذ عبد العزيز محسي و الأستاذ عمر النيجر وتأثرت وتعلمت كثيرا وهو أبي الروحي من الأستاذ الفنان إسماعيل عباس حمودي و تقدر تقول بيت ناس عباس حمودي كله من عم عباس حمودي و خالتي حسينة و مبارك عباس من أيام رحلات ناس المعهد الفني للدويم ... و السماني الوسيلة و رحلات جمعية الموسيقى بالمؤتمر الثانوية الصافي علي عبدالله ود البستوني الفيلسوف الفنان مدثر الرفاعي العبقري علي عبد السيد الإقتصادي الشهير و هذا أنا تعلمت منه أصول العزف الحقيقي و لا زلت أدين له بالكثير لأنه كان فنانا حقيقة...و كم تمنيت أن ألتقيه مرة أخري وأبناء دفعتي الحقيقية بهاء الدين عبدالرحمن السيد عليه الف رحمه مهدي عبدالعزيز ود الصول عليه الرحمه الدكتور مصطفى محجوب الفكي ود الجوخ عثمان أحمد عبد الرحيم حشمت الفاتح جلال الدين طارق النذير حمد عماد يوسف عمار ديل ناس الدويم الريفية وتاني حسن كرار عليه الرحمة أحمد كباشي محمد عامر الأستاذ عبده حسن إبراهيم الأستاذ مهدي آدم إبراهيم و طبعا كنا قد إستعمنا و تشرفنا بالعزف مع الأساتذة محمد علي الغفير خاطر حسين محمد كالتكس توفيق خلف الله و من المدرسين الفنانين حاتم التوم جبارة إبراهيم حسن العبيد و هذا كان مسكونا بالغناء الجميل و هذا بعض من كثير و نواصل
الاحباب اطمئنكم علي صحة الخال قوز (مجدي الوسيلة) فقد خرج من عملية بمستشفي التخصصي بالرياض والحمد لله كويس وتمني ان تدعو له بالعافية والشفاْ والرجل صامد مؤمن وكثيرا ما حدثته عنكم فيلهج لسانه بذكراكم وشكركم
وللاتصال فيمكن الاتصال على هذا الرقم الذي يخص اخوه اللواْ حاتم الوسيلة والمرافق له بالمستشفى: 568586227-00966
العزيزة منى شوفي من حفلة جنوب فرنسا... أنا طبعا ما حأقول متين عشان أكف العين و إنتي... إنتي... الأصيلة بت القبيلة... ولحدي هسي... و لوبكرة... ست الموقف... و ست المبدأ... و الزيك كم وأسمحي لي أن أهنيك مقدما وفي هذا الشهر... وأنتي حوتاوية... زميلة... كل سنة و إنتي طيبة وشكرا علي الترحيب... و الورد والإطلالة الأجمل تسلمي... مع ودي و إحتراماتي
**** يا ابوالزهور .. يا خى حرام عليك اه انت شفتنى قبل كم يوم كدة.. باللة عليك مش لسة محافظ ..اقصد حاكم ولاية.. ياخى شكرا على حسن الاستقبال وكرم الضيافة.. وجزيل تشكراتى لخيسوس الة الطعام.. وان شاء اللة عودة .. وحلة من يد ودالخضر .. وصورتك الخايف عليها.. حااوضبها ليك توقع مفاجاءة هذا المساء..
أبو سريع ياحبيب و لا يهمك و الله إنت لازلت زين الشباب و طبعا أنا ما داير أتكلم علي الشيالات والركب ومساعدات اليايات و أنا وريتك الدكان الأنا بشتري منه وده كان علي حسب سؤالك ياحبيب تحياتي لميكي و عثمان و باص و متوكل, معاذ و ساطور وكل الناس كل الناس حبي و إعزازي
Post: #36 Title: Re: افو افو يا ناس البورد الموسيقار ود عمي ازهري ود د ريشة ظاااطو بينكم ؟!!. Author: Hassan M Saeed Date: 03-06-2007, 03:26 AM Parent: #1
فوق
Post: #37 Title: Re: افو افو يا ناس البورد الموسيقار ود عمي ازهري ود د ريشة ظاااطو بينكم ؟!!. Author: إسماعيل وراق Date: 03-06-2007, 08:17 AM Parent: #36
العزيز أزهري دريشة لك الود بمساحات الفرح التي شكلت وجداننا
Quote: لكن و الله أنا في الحالة دي أصغر من هشام
هشام ود عمي صغير وجاهل ومغرور.. أماأنت يا أزهري فأنا أتذكرك تماماً.،
Quote: و طبعا أنا دفعتي أستاذنا العظيم كمال الرفاعي بابكر
بمناسبة كمال الرفاعي.. دعني أترحم على روح أستاذتي تماضر الرفاعي وكان لها فضل كبير في تعليمي..
Quote: العبقري علي عبد السيد الإقتصادي الشهير
أين هذا الرجل الآن.. وأعتقد أن عبد السيد إسم لجده وليس لوالده.. أرجو تصحيحي..
Quote: وأبناء دفعتي الحقيقية
Quote: بهاء الدين عبدالرحمن السيد عليه الف رحمه
إبن المربي الفاضل عبد الرحمن السيد..اللهم أرحم بهاء.. إن لم تحرجني الذاكرة أن وفاته كانت باليمن.
Quote: الفاتح جلال الدين
إن كنت تقصد الفاتح جلال الدين الشيخ سالم.. فهو قريبي..
Quote: توفيق خلف الله
لفائدة قراء المنبر.. الأٍستاذ توفيق والد الفنانة الصاعدة إيمان توفيق.، . . في إنتظارك والعزيز أبي عز الدين البشرى وبقية الكوكية من أجل توثيق الحركة الفنية بالدويم.،
هشام ود عمي صغير وجاهل ومغرور.. أماأنت يا أزهري فأنا أتذكرك تماماً.،
آها و الله دفعتي باليوم و الساعة بس أناشايلاني الشلاقه ساكت و أسأل ود عمي من الكلام ده...و بس كدي شوف جنس الناس البيعرفهم ديل من كل ألوان الطيف... لكن بيني و بينك هو راجل وفي و أمين وعنده ذاكرة خرافية و ما بينسى الناس... و ساعده أكتر موقع عيادة والده الدكتور أحمد هباني عليه الرحمه و اللهي كانت منزلهم في نفس الوقت غرب سينما عمنا عبد الحارث عليه الرحمة
إن كنت تقصد الفاتح جلال الدين الشيخ سالم.. فهو قريبي..
الفاتح جلال الدين ده شاب فنان جدا وكان زميلنا في الدويم الريفية الوسطى المدرسة العظيمة و والده كان مسئول الإعلام في الدويم
يا ود نور الهدى ات يا زوول تلفونك غيرتو ولا شنو...الحاصل ايه..وكيفن الوليدات وامهم وكل العقب ببلاد التنجليز ان شاء الله كويسين ..والله مشتاقين..دحين رسل لي التلفون علي ماسنجري تاني!
