عـــيــنــيــــك 0000 النـعـــام آدم 0000

الكلمات للشاعر الفذ ابراهيم ابنعوف
غناء المرحوم النعام ادم

عينيك دنيتن تشقينى .. وفيهــــا ألقى السعـادة ارتاح
مرة تجود على تشفينى .. ومـــرة تزيـد قليبــــى جراح
فيها تمر تعدى سنينى .. بـــــى آهاتـا والأفـــــــراح
ويومن فيهو تنعـم عينى .. ويومن كلو أقضـــــى نواح
حالفة على دار تفنينى .. وبرضى أبسم وأقولها صــاح
ما دام العلي راضينى .. كيف فى أحكاما أدورلى سماح
يعدى شتاها صيفا يجينى .. بى حــــــراً شــــــديد لفاح
ويبقى شرابى دمعة عينى .. أطمــــــن فى القليب الناح
أقول داك السحاب غاشينى شوف يى داك بريقو اللاح
أقول يبقى الخريف طارينى .. يتفرق عصــــــار ورياح
وبى دة أنا كلو ما هامينى .. لا ..لا ولا شبـــابى الراح
أدواى جراحى كاتمو أنينى .. عارفـو عذابى ليها مباح
تبسم لى كتيــــــر تغرينى .. وأحــكى البلبــل الصـــداح
وترجع بالسهــــر تورينى .. ليلـــن ما لقيتلـــو صباح
لا لا وحاتا وحيات دينى .. لو فى موتى ليهــــــا صلاح
ماب أقبل كمان يفنينى .. بالموت غير ســــلاحا سلاح
أبقى إن مت سديت دينى .. وأبقى من العــــذاب مرتاح
وبعدين ذكرتك تكفينى .. وشعــــــــرى اليبقى لى مناح

تعرف يا ممعتصم يا خوى النعام ادم دا من الظواهر الفنية التى لن تتكرر لاى زمان او فى اى زمان فهو ماسة الغناء المصحوب بالطنبور ، استمع اليه فى اغنيته (لا شوفتن تبل الشوق ) انها وجد كامل وبريق صوته فيها لا يضاهى ، كل الذين جاءوا من بعده حاولوا ان يكونوه بطريقة او اخرى صحيحي ان لكل منهم مذاق خاص لكن النعام ما يزال لدى احلى الاصوات واجمل المطربين فى غناء الطمبور رغم اننى لا اخفى اعجابى بمحمد كرم االه ومحمد جبارة وعبدالرحيم ارقى لكن يظل النعام هو الاول لدى وكان قد نبهنى اليه استاذنا الجليل الراحل عمر الطيب الوش الذى كان استاذا بمعهد الموسيقى والمسرح وهو شاعر مجيد وفنان من الطراز الاول رحمهما الله

الأستاذة ســـلمى
ســــلام
أذكر ونحن صغار كانت الوالده الكريمه متعها الله بالصحة والعافية وعندما يغنى ملك الطنبور ولا مديح أولاد حاج الماحى تطلب منا الصمت التام وكنا نستغرب لهذا الأمر
النعام آدم أسطورة الغناء وملك الطنبور
والله يديك العافيه

لا شوفة تبل الشوق ولا ردا يطمّن

لا شوفة تبل الشوق ولا ردا يطمّن
أريتك تبقى طيب إنت ، أنا البي كلو هين
قليبا لي رهيّف عارفو ماب يحمل حنيّن
إنت ماب يغباك حالو الفيهو كل البيهو بيّن
بقيت مالي غير أشعاري أكتبه فيك وأدوّن
أقول يمكن تزيل ما بي ولاّ قليل تهوّن
ومالكن يا قماري بتشدن إيش لازمة تغنّن
نغيماتكن تهيج أشواقي للعينين يبكّن
بدّيكن وصية أمانة لي سيد روحي طيرن
ترا الحال العي شفتنو قولن ليهو أحكن
قوليلو السحب في روضو ما عادن يكبّن
وأضحى محل خراب ما فيهو غير زهرا مضبلن
قولن ليهو ليلو طويل .. طويل.. طولا يجنّن
لا قمرا ظهر في سماهو ، لا نجمات يضوّن
وكل ماليهو يتصبّر يقول أيام يعدن
يمنّي لنفسو بي لقياك ولاّ ترد لو يمكن

يسرى

يا سلام عليك
ويبقى جميل لو سمعناها
شكرا ليك كتير
ويا حليل الكربه بعربانه