Post: #1
Title: أولاد ساكت !!!
Author: مهند مامون
Date: 03-01-2007, 04:07 PM
صلوا على النبي
ما تقوموا تقروا العنوان وتقولو الزول ده يكتب عن هشام هباني
او جني او وسام او هجو الاقرع
لا
اسماء بعض القرى والحلال والفرقان بل وبعض المدن تنبع من منابع مختلفة
مرة يسموها على زول
ومرة على معركة
ومرة على قصة
ومرة على حدث
ومرة على جماد
وكده
الناس لمن يسموا مرات ما بفكروا كتير في دلالات الاسم ومعانيهو
ايجابياتو وسلبياتو
هناك الكثير من الاسماء التي تخدش الحياء او تسئ للذوق العام او تسئ لأهل المنطقة
او ما شاكل ذلك
مدينة عد الفرسان بجنوب دارفور كان اسمها عد الغنم وتم تغيير الاسم بمقترح من
الرئيس البشير اثناء زيارته لهم وموافقتهم على مقترحه
والامثلة كثيرة
هسه سمعت من صديقف انو هناك قرية جنوب مدينة الجبلين اسمها (اولاد ساكت)
حيرني الاسم مع احترامي له ولاهل القرية بس قلت يا ربي
ما عندهم بنات
الاولاد كترو
عندهم مدرسة اولاد وبنات مافي
؟؟؟
من اين تنبع مثل هذه الاسماء وكيف السبيل الامثل لمعالجة الشاذ منها
؟؟؟؟؟؟؟؟؟؟؟؟؟
معزتي
|
Post: #2
Title: Re: أولاد ساكت !!!
Author: مهند مامون
Date: 03-04-2007, 10:27 AM
Parent: #1
|
Post: #3
Title: Re: أولاد ساكت !!!
Author: مهند مامون
Date: 03-05-2007, 01:02 PM
Parent: #1
هناك قرية (عريجة) بجنوب دارفور
فتم تغيير اسمها الى (عديلة) وذلك بواسطة الاستاذ محمد داؤود الخليفة
وهناك قرية (سفاهة) بمنطقة بحر العرب
قام السيد الرئيس بتغيير اسمها الى (سماحة)
وبدارفور ايضا قرية (أضان الحمار) حيث تم تغيير
اسمها الى (الفردوس)
معزتي
|
|